די יו-ען נוקלעארע וואטשדאג: די זעפארעישע פלאנט, וועלכע פלעגט נעמען וואסער פון די דאמבע אין אוקראינא, האט גענוג וואסער פון א צווייטע קוואל
ג' בהעלתך פ״ג
די דאמבע, וועלכע איז 98 פיס הויעך און 2 מייל לאנג, איז געבויט געווארן אין יאר 1956 למס', און פארמאגט א רעזערוואר מיט וואסער גלייך אומגעפער צו די 'גרעיט סאלט לעיק' אין יוטא. נאטא גענעראל סעקרעטער יענס סטאלטענבערג זאגט אז די אקציע טוט ווידעראמאל דעמאנסטרירן די ברוטאליטעט פון רוסלאנד'ס מלחמה, אין צייט וואס קרעמלין ווארטזאגער דימיטרי פעסקאוו זאגט אז מען רעדט דא פון בייזוויליגע סאבאטאזש דורך די אוקראינער זייט.
0:46
די חרסון ראיאן, וועכלע איז אינטער קאנטראל פון אוקראינא, שפירט די אפעקט פון די פארפלייצונגן געשאפן א דאנק די קאחובקע דאמבע אויפרייס
ג' בהעלתך פ״ג
אוקראינער פאליציי אפיצירן און אנדערע זעצן פאר מיט ארבייט צו עוואוקיאן מענטשען פון שטעטלעך אויס זארג פון די שטייגענדע וואסער. אויף די רוסיש-קאנטראלירטע זייט פון די דניעפער טייך האבן באאמטע געווארענט אז א צאל געגענטער וועלן מעגליך דארפן עוואקואירן. אוקראינער באאמטע זאגן אז אפילו אין צייט וואס די וואסער שטייגט האבן די רוסן ווייטער אטאקירט געגענטער פון וואו מענטשען ווערן עוואקואירט. די דאמבע איז אינטער רוסישע קאנטראל שוין זייט אנהייב פון די מלחמה, און ביידע זייטן באשולדיגן שוין לאנג איינער דעם אנדערן אז דער אנדערער פלאנירט עס צו פארניכטן.
0:49
שטעטלעך אויף די אוקראינער-קאנטראלירטע זייט אין די חרסון ראיאן זענען עוואקואירט געווארן אין רעזולטאט פון די אויפרייס ביי די מאסיווע קאחובקע דאמבע
ג' בהעלתך פ״ג
אוקראינער באאמטע און מערב וועלט אליאיריטע באשולדיגן רוסלאנד אויף אויפרייסן די דאמבע, אין צייט וואס די קרעמלין זאגט אז אוקראינא האט עס געטון כדי צו פארקירעווען אויפמערקזאמקייט פון איר דורכגעפאלענע קאנטער-אפענסיווע, אבער טייל לאקאלא רוסישע באאמטע זאגן אז האט פאסירט פון שוואכקייט אדער ענליכס און נישט פון א דירעקטע אקציע. אויפרייסן א דאמבע איז א קריגס פארברעכן אינטער די 'גענף קאנווענשאן' וואס פארבאט דאס דורכפירן אזעלכע אקציעס.
0:46
https://www.yiddish24.com/news/bulletin/85067