צינד אן forwerds!!! (בלינקערס)

[זויער טייג]

די גרויע suv טרעקל האט זיך האסטיג אפגעשטעלט ווען זיינע ברעיקס געבן ארויס א גראך וואס צושפרייט זיך בליץ שנעל אויף די גאנצע אומגעגנט, ביים דרייווער זיץ דערקענט זיך דער אלעמען באקאנטע יענקל, דער פארשוין און די הויעכע פערציגער יארן וואס האט שוין אויספרובירט אלע מיטלען צו פארוואנדלען זיין געשטעל אלס זיידע...

אנגעהויבן ביים טיילן ממתקים פאר די יונגווארג שבת אין סמעדרעש, געגאנגן ווייטער צו אנשרייען די קינדער מיט יאמערליכע געשרייען ווען א קינד וועט ארויסכאפן א קאצקע צוקער פונעם שאכטל, גענדיגט האט זיך עס מיטן מנדב זיין וועכענטליך די שאלעשידעס בילקעס...

חוץ פון די אלע זיידערישע שטיק וועט ער דיר מסביר זיין מיט א געניטע קלארקייט די טאלאנט וואס ער פארמאגט אין די נושא פון בדחנות מיט וואס ער קען זיך אויס אין אלע הינזיכטן דערפון, און מבינים ווערן ממש ערשטוינט פון די גלייך ווערטלעך וואס שפראצן ארויס פון צווישן זיין צוקנייטשטע ליפן, די געליטענע מתפללים וואס וועלן נהנה זיין (?) אויף א טעגליכע פארנעם פון דעם, און וועלן וויסן מעיד צו זיין אז ווען ר' יענקל'ס מויל עפענט זיך אויף נאך א לאנגע נאכט שלאף וועט מען זיין פארכאפט פאר לענגערע מינוטן און צומאל שעות! אזוי אויך וועט מען זעהן די אינטערעסאנטע פאסירונג א יעדן אינדערפרי ווען ער גייט נעמען א קאווע וועט זיך די קאווע שטיבל גענצליך אויסליידיגן...

צוריק צו אונזער געשיכטע, וואס פאסירט אויף איינע פון די פארנומענע גאסן אין וויליאמסבורג בשעת די שרעקעדיגע נאכמיטאג טראפיק, פארט די באקאנטע גרויע טרעקל, ?(וואס די שכנים געבן אן אלס גראז שניידער...) ר' יענקל זיצט דערין און ער ווערט געכאפט אין שאק ווען ער דערמאנט זיך די ווערטל וואס ער האט קוים נעכטן געהערט ביי זיין נעפיוס חתונה פון די בדחן וואס האט איהם טאקע געהאלטן געשפאנט פאר לאנגע מינוטן (אבער קומט פארט נישט צו צו זיין געשליפן צינגל...) און ער האט נאך פאר קיינעם נישט איבער דערציילט די ווערטל!!!

ער קוקט רעכטס און לינקס, פארט נאך עטליכע פיס, און אה... פונדערווייטנס זעט ער ר' שלום זיין ידיד פון ישיבה נאך פון סענז סטריט, ער פליעט אהין מיט אן אימפעט און דאן געמאכט דעם אויבענדערמאנטע אפשטעל, וואס האט פאראורזאכט א פאניק פארן קאר הונטער איהם וואס האט כמעט געקושט ר' יענקלס קאר

אנטקעגן איבער אויף די אנדערע זייט גאס שפאצירט ר' שלום געמיטלעך, ווען אינעם ווילדסטן חלום ווייסט ער נישט וואס עס ווארט איהם יעצט אפ... ווען פלוצלינג הערט ער א באקאנטע קול, עס ווערט איהם שווארץ פארן אויגן זעהנדיג אז יענקל זיצט דארט מיט די גרעסטע מאס רואיגקייט וואס איז פארהאן, פארמאגט א גארביטש בעג מיט צייט, און רופט איהם ביים נאמען אז ער זאל אהערקומען עמערדשענסי, און ר' יענקל געבט א פלאץ אויס מיט א שנארכעדיג געלאך בשעת ווען ער לייגט איהם אראפ די נעכטיגע ווערטל, שטייט דארט ר' שלום אומגעדולדיג האפענדיג אויף זיין נאנטע באפרייאונג...

טייערע ר' יענקל: דא רעדט צו אייך גאנץ כלל ישראל! איהר ווילט זיך אפשטעלן אינמיטן גאס? קיין פראבלעם, צינד אן forwerds!!!

עס זיצן א שורה פון אזויפיל ווי דרייצן קארס אונטער דיר! אדער פאר אדער שטעל זיך אפ און א זייט מיט forwerds, אויב נישט טוט איהר אפהאלטן יודיש צייט, און טוט אפהאלטן צענדיגע מענטשן פון אנקומען ווי זיי דארפן ווען צומאל איז דאס אן עמערדזשענסי, מ'דארף אכטונג געבן נישט צו אוועקכאפן יענעמ'ס צייט, און ווען איהר ברויכט זיך אפשטעלן אינמיטן גאס צינד אן דעם forwerds מיט וואס איהר טוט א טובה טון פאר צענדליגע דרייווער!

יישר כח בשם כל תושבי ברוקלין

[SimchaCohen]

זייער שיין געשריבן! אבער וואס מיינט forwerds? אלע קארס האבן עס? אדער נאר SUVs?

[רינגל]

זייער שיין געשריבן! אבער וואס מיינט forwerds? אלע קארס האבן עס? אדער נאר SUVs?

[עשה טוב]

זייער גוט געשריבן, הומעריסטיש, און נאך מער פון אלעס א גוטע פוינט,

א גארביטש בעג מיט צייט

[א.ב.ג]

??forwerds
די מיינסט די ?four way flashers

[מענדל וועבער]

ער מיינט לכאורה בלינקער'ס

[איש האשכולות]

Hazard lights?

[Mr. President]

געזען אמאל א ליין פון קארס אראפ גיין א לאאאאנגע סטעיט ראוד און ס’רירט זיך נישט. מיין געדולד האט געפלאצט, און... כ’האב זיך געטראפן אויפן אפקאומינג לעין אויסקאטנדיג די גאנצע זאך, (don't try it at home) איך בין אנגעקומען אין פראנט פון די ליין וואס ציט זיך בערך א מייל (!) און געזען אז ס’איז א קאר וואס האט בטעות אריין געבאמט אין די קאר אינפראנט פון אים און געמאכט א קליינע דענט סאו מ’ווארט אויף פאליס אנצוקומען... שטייצעך אז זיי ווארטן אינמיטן די ראוד און קיין העזערד איז נישט אנגעצינדן און יעדער ווארט אין די ליין ווי שעפעלעך... לכאו’ אריין גערעכנט די פאליס, די קאר גראד אין בעק פון די קרעש האט נישט קיין וועג צו וויסן פארוואס דער suv ווארט, ער מיינט ס’איז וועגן א לאנגע רויט לייט, לחיים. ווען נישט מ’ווייזט זיי צו אויסקאטן ווארטן זיי נאך יעצט דארט

[טא די פוינט!]

זייער א שטארקע פוינט!

[latter]

אין ק'י מאכט זיך עס עפטער ווען משטעלט זיך אפ געבן היטש'עס ווען איינער סטאפט אין צינדט נישט אן זיינע פלעשער'ס וועל איך פאפן מיטן גאנצן כח

[זויער טייג]

אין ק'י מאכט זיך עס עפטער ווען משטעלט זיך אפ געבן היטש'עס ווען איינער סטאפט אין צינדט נישט אן זיינע פלעשער'ס וועל איך פאפן מיטן גאנצן כח

דאס איז אייגענטליך די איינציגסטע סעלושן, צו זיך נעמען פייפן...
נישט אז ס'טוט אויף, אבער דאס איז די איינציגסטע זאך וואס מ'קען טון צו די מציאות אז מענטשן טראכטן נישט פון א צווייטן און פארקירן מיט א רואיגקייט בשעת ווען א לאנגע שורה קארס שלענגלען זיך הונטער איהם און פייפן...

[זויער טייג]

היינט אליין האב איך זיך אויפגעכאפט צו א גערויש פון שרייעדיגע פאפערייען וואס האט ארויפגעהילכט ביז מיין שטוב אויפן פערטע שטאק,
אראפקוקנדיג מיט פארקלעבטע אויגן האב איך געזען ווי א קאר פון א אומטראכטענדע מענטש וואס לייגט אין מיסט יענעמס צייט, האט פארקירט זיין קאר ממש אינמיטן די ראוד,
ער האט טאקע געדארפט בלויז ארויסגיין פאר איין קורצע מינוט, אבער צוליב דעם וואס ער האט נישט אנגעצינדן זיינע בלינקערס און זיך גערוקט אביסל מער אין די זייט, האט ער אנגעזייעט אין איין מינוט א שווערע טרעפיק

[עס וועט זיין גוט]

היינט אליין האב איך זיך אויפגעכאפט צו א גערויש פון שרייעדיגע פאפערייען וואס האט ארויפגעהילכט ביז מיין שטוב אויפן פערטע שטאק,
אראפקוקנדיג מיט פארקלעבטע אויגן האב איך געזען ווי א קאר פון א אומטראכטענדע מענטש וואס לייגט אין מיסט יענעמס צייט, האט פארקירט זיין קאר ממש אינמיטן די ראוד,
ער האט טאקע געדארפט בלויז ארויסגיין פאר איין קורצע מינוט, אבער צוליב דעם וואס ער האט נישט אנגעצינדן זיינע בלינקערס און זיך גערוקט אביסל מער אין די זייט, האט ער אנגעזייעט אין איין מינוט א שווערע טרעפיק

#בשבילי

[הלבלר בקולמסו]

איך כאפ נישט, פארוואס קען מען נישט פעסן?

וואס אחילוק צי יענער בלינקט צי נישט?

[זויער טייג]

איך כאפ נישט, פארוואס קען מען נישט פעסן?

וואס אחילוק צי יענער בלינקט צי נישט?

רוב מאל ווייסן נישט מענטשן צו פעסן,
מילא ווען די בלייבסט שטיין אינמיטן ראוד ווערט א גאנצע טרעפיק,
און דאס איז ווען מ'קען פעסן, ביי אסאך פעלער וועט די דרייווער ניטאמאל אריינרוקן זיין קאר צו מאכן פלאץ איהם צו פעסן