פסח אין אלט שטאט

[שאץ מאץ]

(ניגון מיין קינד טרעף מיר - מיכאל שניצלער)
ערב פסח בין השמשות,
אידן זענען שוין אין די בתי מדרשות,
אין עיר הק' ירושלים,
ביים בארנוב רב ביי אים,
מ'ווארט אויף מעריב און הלל,
--דער רב פירט זיך יאר יערליך,
נאך תפלות מנחה אזוי ערליך,
צום כותל מעריב ער גייט,
דארט ווי דער וואנט שטייט,
זאגט דעם סדר קרבן פסח און מתפלל,
=שוין לאנג נאך די שקיעה,
א ווינדער א פליאה,
דער רב איז נאך אלץ נישט צוריק,
מ'שיקט דעם גבאי'ן געבן א קוק,
=ער האט דעם רב אין אלט שטאט געפינען,
טרערן טוען פון די אויגן רינען,
רבי וואס האט פאסירט?
די רבי דערציילט איך האב דא אין די גאס שפאצירט,
*אן אראבער, א טרייבער,
מיט שעפסן און ציגן, ארום אים זענען געליגן,
די שעפסן שרייען מעה מעה,
האב איך מיר דערמאנט אז ביום הזה,
יעדער איד מיט שעפסל א קרבן פסח באקריגן,
*דא אין ירושלים, כשהמקדש הי' קיים,
יעצט ערב פסח האט יעדער געברענגט,
ווען איך האב דעם קול פונעם שעפסל געהערט,
מיינע טריט אהין זיך געקערט,
דאס הארץ צום קרבן פסח האט זיך מיר געבענקט,
=רועדים וזוחלים, פסח שהי' אבותינו אוכלים,
בזמן שבית המקדש הי' קיים
של שפסח על בתי אבותינו במצרים,
=שנאמר ואמרתם זבח פסח הוא לשם,
יאר יערליך מיר בענקען מיט קלעם,
מיר גרייט זיך צו גיין אויף דעי דרכים,
ונאכל שם מן הזבחים ומן הפסחים,

[יש משהו]

זיייעער זיייער גוט!
איך האב עס געזינגען אזוי פאר מיר צוזאמען מיט די ניגון .. און איך בין פשוט צוגאנגען ...
הערליך! גוטע גראמען!
און ס'נאך גוט געגאסן.....
זייער שיין!

[יאנאש]

האסט מיר געקאסט א קרעכץ, שכוח פאר די התעוררות

[עולם האמת]

גאר שיין!

[בעל הנס]

זייער שיין