די דירות צושטאנד אויפן היימישען מארקעט אין לאנדאן הבירה

[בעלזא אייניקעל]

די רענט פרייזען שיסען ארויף. מען דארף שוין אונריפן בא א שידוך,אין עס איז גארנישט דא. און צו קויפן עפעס קאסט היינט ארים 1.3-1.4 מיליאן. דאס הייסט נארמאל ????
די עולם וויל נישט ארויס פון געגענט. און עסקנים איז אויך נישט דא.
ואין פוצה פה ומצפצף.....

[מי חכם]

פארוואס שפרייט מען זיך נישט אויס צו די גאסן ארום?

[בעלזא אייניקעל]

פארוואס מען שפרייט נישט ??? וועגן די עולם וויל נישט זאן צו ווייט פון גרודזינסקי..!!

די אמת איז אז אין אמעריקע איז אויך געווען אזוי ביז די עולם האט זיך פארשפרייט...

[shimon7323]

לאנדאן פון 20 יאר צירוק איז א געניץ קעגן די היימישע געגנט היינט, סאו יא מען רוקט זיך ארויס שיין, עס נעמט צייט און וועט זיך ווייטער פארשפרייטן.

פרייזן פון דירות זענען טייער איבעראל און לאנדאן איז נישט אפגעשוינט, בעיקר ווייל נישט אידן זענען אויך גרייט צי צאלן דארט און געגענט די פולע פרייז ווייל עס נאנט צי די סיטי.

[בעלזא אייניקעל]

איז פארוואס גייט עס נישט אין קנווי אין וועסטקליף.... אזוי שטייטליך ??

[moishy56]

פארוואס שפרייט מען זיך נישט אויס צו די גאסן ארום?

למשל:
מען שפרייט זיך ''נישט'' אויס צו די גאסן ''נאך Schonfeld Square'',
ווייל גויים זענען אויך גרייט צי צאלן דארט אין געגענט די פולע פרייז, ווייל עס נאנט צי די סיטי, וכדו'.

[גם אתה יכול]

די געשאפענע אישו איז צוליב וואס ס'איז דא זייער ווייניג גרויסע הייזער עוועילעבל, דעריבער קענען נישט די דרייסיג יעריגע זיך צו ארויסציען פון די קליינע לעכער קומט אויס אז די יונגע פארפעלקער קענען נישט ריסייקלען די דירות.

ווען עס קומט צו די צוואנציג יעריגע איז עס באמת א פראבלעם ווייל מ'קען נישט זאגן פאר א פארפאלק וואוין א שעה אוועק פון דיינע עלטערן אין צייט וואס זיי גייען אהין יעדע שני וחמישי ווידעראום ווען עס קומט צו דרייסיג יעריגע איז נישטא קיין עכטע סיבה פארוואס נישט זיך צו ארויסציען אין די געגענטער ארום און ארום. ס'איז טאקע נישט דא קיין איבערפלוס פון גרויס דירות ס'איז אבער פארט דא מער ווי אינמיטן די היימישע געגענט.

לגבי אנדערע געגענטער קען מען נישט בלעימען קיין מענטשן וואס זוכן נישט צו אהינגיין, ס'איז טאקע דא פארשידענע אויסוועגן ווי קענווי וועסטקליף ס'איז אבער נאכנישט קיין אוועקגעשטעלטע שטעט.

איטס א פראבלעם. אפילו ווען מ'טרעפט שוין א פיר פינף בעדרום דירה אין די ארומיגע געגענטער רעדט מען דאך פון פרייזן וואס איז בכלל נישט עפארדעבל פאר מערסטנס אידן, לאנדאן נאך אלעמען איז א שטאט ווי א מערהייט זענען נידריגע פארדינער.

ס'איז ממש א ווייטאג צו זען ווי משפחות מיט זיבן קינדער און ארויף זיצן און צוויי דריי בעדרום דירות אן קיין געהעריגע אויסוועג, צו גיין צאלן 4 טויזנט פונט א חודש פאר א נארמאלע גרויסע דירה איז ביי זיי ע"מ שתעלי לרקיע.

מאנטשעסטער וואלט ווען יא געווען א עכטע אויסוועג פאר אידן וואס זוכן צו וואוינען אין א געזעצטע שטאט פאר א דריטל די פרייז, די באן אהין נעמט א נישטיגע צוויי דריי שעה.

דאס איז די מיינונג פון איין מאן.

[וועד הפועל]

וואס איז יעצט געשעהן?
מען שרייט שוין דאס די לעצטע 10 יאר און אינצווישן האט זיך שוין געפענט קענווי און וועסטקליף, מען האט זיך שוין געצויגן ביי cost shop, עפעס נייע דירות פראיעקטן איז אויך צוגעקומען
איז וואס איז יעצט עקסטער געשעהן?
גראדע האב איך 2 קרובים וואס האבן חתונה אין די נאנטע תקופה און האבן גרינג געטראפן דירות ב"ה

[בעלזא אייניקעל]

לגבי אנדערע געגענטער קען מען נישט בלעימען קיין מענטשן וואס זוכן נישט צו אהינגיין, ס'איז טאקע דא פארשידענע אויסוועגן ווי קענווי וועסטקליף ס'איז אבער נאכנישט קיין אוועקגעשטעלטע שטעט.

די שאלה איז פארוואס וויל קיינער נישט גיין, אויב נאך 50 אדער 100 וועלן גיין וועט עס ווערן נארמאל.

[גם אתה יכול]

לגבי אנדערע געגענטער קען מען נישט בלעימען קיין מענטשן וואס זוכן נישט צו אהינגיין, ס'איז טאקע דא פארשידענע אויסוועגן ווי קענווי וועסטקליף ס'איז אבער נאכנישט קיין אוועקגעשטעלטע שטעט.

די שאלה איז פארוואס וויל קיינער נישט גיין, אויב נאך 50 אדער 100 וועלן גיין וועט עס ווערן נארמאל.

מציאות אז מערסטנס אידן וואס וואוינען יעצט דארט זאגן אז זיי האבן דייקא געוואלט לעבן די רואיגע לעבנס שטייגער און געזוכט צו אוועקגיין פון שטאטישע פארקער אבער די וואס גלייכן יא די ישיבת הכרכים האבן נאכנישט קיין שום זאך אין די ארטיגע ישובים וואס זאל זיי צוצויען.
דארף מען טאקע שאפן נאך הונדערט נחשונים.

[גם אתה יכול]

וואס איז יעצט געשעהן?
מען שרייט שוין דאס די לעצטע 10 יאר און אינצווישן האט זיך שוין געפענט קענווי און וועסטקליף, מען האט זיך שוין געצויגן ביי cost shop, עפעס נייע דירות פראיעקטן איז אויך צוגעקומען
איז וואס איז יעצט עקסטער געשעהן?
גראדע האב איך 2 קרובים וואס האבן חתונה אין די נאנטע תקופה און האבן גרינג געטראפן דירות ב"ה

וואס ס'איז יעצט געשען איז לכאורה נישט מער ווי דאס אז בעלזא אייניקל האט געעפנט אן אשכול דערוועגן און געזוכט צו באהאנדלען די נושא וואס פלאגט שוין די לאקאלע אידן פאר לאנגע יארן.

[בריטישע קעניג]

נאך א פוינט.
גויים וואס וואוינען צווישען יודן ווילן זיך נישט ארויסציהען פון געגענט טענה'ענדיג אז "צווישען יודן איז שטענדיג רוהאיגער צו וואוינען ווי אין אנדערע געגענטער, נישטא קיין קריימס בכלל און קיין געוואלדטאטן אין די גאסן זענען נישט צום טרעפן צווישען היימישע יודן" און זיי זענען גערעכט, און נאך ווי! מי כעמך ישראל!
--
אגב איז דא שיינע געגענטער נישט ווייט פון סטעמפארד הילל וואס האלטן זיך יעצט אינמיטן בויען און זענען גרויס און ברייט, ווי למשל, סטרעטפארד געגענט וואס איז ממש א וועלט פאר זיך, בילדינגס בויען זיך דארט און רעקארד צייט ווי שוועמל נאך רעגן
פארוואס גייט מען נישט צו אזעלכע געגענטער און נאך ענדליכע?

[יצחק אייזיק]

אין די גאנצע וועלט איז (געווען) איינגעפירט אז יונגע קאפלס וואוינען נעבן די עלטערן, ס'איז שווער צו טוישן אזא מנהג.

אין ירושלים האט מען עס געטוישט שוין א לאנגע צייט צוריק, דער עולם פארט קיין בית שמש און איבעראל, און ס'איז כמעט נישטא אזא מציאות אז עלטערן הייסן קינדער בלייבן אין ירושלים נאך די חתונה.

שפעטער האט זיך עס געטוישט אין ברוקלין, מאסן שנה ראשונה יונגעלייט קויפן הייזער אין לינדען, סטעטן איילענד, לעיקוואוד, מאנסי, און ס'איז היינט העכסט נארמאל אוועקצומופן א יאר נאך די חתונה. פאר 5 יאר צוריק וואלט מען נישט גע'חלומ'ט ס'וועט זיין אויף אזא פארנעם.

ס'איז געקומען די צייט אויף לאנדאן.

[קארן]

נאך א פוינט.
גויים וואס וואוינען צווישען יודן ווילן זיך נישט ארויסציהען פון געגענט טענה'ענדיג אז "צווישען יודן איז שטענדיג רוהאיגער צו וואוינען ווי אין אנדערע געגענטער, נישטא קיין קריימס בכלל און קיין געוואלדטאטן אין די גאסן זענען נישט צום טרעפן צווישען היימישע יודן" און זיי זענען גערעכט, און נאך ווי! מי כעמך ישראל!
--
אגב איז דא שיינע געגענטער נישט ווייט פון סטעמפארד הילל וואס האלטן זיך יעצט אינמיטן בויען און זענען גרויס און ברייט, ווי למשל, סטרעטפארד געגענט וואס איז ממש א וועלט פאר זיך, בילדינגס בויען זיך דארט און רעקארד צייט ווי שוועמל נאך רעגן
פארוואס גייט מען נישט צו אזעלכע געגענטער און נאך ענדליכע?

ווייל סאיז פונקט אזוי טייער דארט.

[סטיטשינער]

צוויי הייזער ארויף די וואך אויף Ashtead פאר 1.6...

[ש. שרייבער]

דער עולם איז דאך נאר וואס אהיימגעקומען פון די האלידעיס, האט מען דען נישט געזעהן צענדליגע/הונדערטע הערליכע און גאר ביליגע געגענטער? פארוואס עפעס איז מען סטאק געבליבן מיט קענווי און וועסטקליף?
נאר פשוט דארט האבן שוין אידן געהאט הייזער פון פארדעם... מען דארף נישט קיין סך זוכן קען מען טרעפן פאר שפאט ביליג און אפילו גרעסערע הייזער אין אנדערע געגענטער.

אויב איינער ווייסט, זאל ער עס ארויפברענגן, אפשר קען נאך עפעס ווערן פון דעם אשכול...

[פלפלת בחכמה]

פארשטיי איך נישט…

אלס האב איך מקנא געווען די לאנדאנער אידען וואס איך פלעג הערן אז זיי צאלען נישט קיין רענט וויל די רעגירונג צאלט עס…?

[יעך פארשטיי]

פארשטיי איך נישט…

אלס האב איך מקנא געווען די לאנדאנער אידען וואס איך פלעג הערן אז זיי צאלען נישט קיין רענט וויל די רעגירונג צאלט עס…?

יא יא געווען!

[בריטישע קעניג]

פארשטיי איך נישט…

אלס האב איך מקנא געווען די לאנדאנער אידען וואס איך פלעג הערן אז זיי צאלען נישט קיין רענט וויל די רעגירונג צאלט עס…?

יא יא געווען!

נאכאלץ
נאר ווייניגער

[בעלזא אייניקעל]

אפילו אין גלדערס גרין רעט מען פון דעם

[moishy56]

אפילו אין גלדערס גרין רעט מען פון דעם

אלטע חלומות.. גארנישט געווארען פון דעם...
-
וואס יא.. הונדערטע הונדערטע ליטווישע יודן פון גאלדערס גרין, האבן זיך געצויגען קיין מאנטשעסטער די לעצטע 10-15 יאר.

[בעלזא אייניקעל]

די גלדערס גרין פרויעקט איז ניי פון די וואך…

איך וואלט נישט געזוגט הונדערטע פון ג"ג… נאר אסאך פון סטאמפורט הילל אין פון ג"ג

[moishy56]

איך וואונדער מיך אסאך מער אויף א יוד וואס וואוינט צוקוועטשט אין ''וויליאמסבורג'' און וויל זיך נישט ארויסציען,
ווי א יוד וואס וואוינט צוקוועטשט אין ''לאנדאן'', און וויל זיך נישט ארויסציען צו קענווי / וועסטקליף.

1.
א יוד פון וויליאמסבורג, האט עטליכע אפציעס ווי זיך צו ציען, בלויז 50-90 מינוט צו פארן.
דארט אין לעיקוואד, מאנסי וכדו' האט ער אלע אלע יודישע געברויכען, מיט אפאר סארט מוסדות'ן.
משא''כ אין קענווי / וועסטקליף איז דא גאר ווייניג יודישע געברויכען.

2.
א יוד וואס בלייבט וואוינען אין לאנדאן, צאלט טאקע זייער טייערע רענט, אבער לכבוד דעם אז ער וויל וואוינען אין לאנדאן געבט אים די מדינה מער געלט,
משא''כ אין וויליאמסבורג באקומען סתם מענטשן נישט קיין געלט פאר רענט.

[דיעגא]

מציאות אז מערסטנס אידן וואס וואוינען יעצט דארט זאגן אז זיי האבן דייקא געוואלט לעבן די רואיגע לעבנס שטייגער און געזוכט צו אוועקגיין פון שטאטישע פארקער אבער די וואס גלייכן יא די ישיבת הכרכים האבן נאכנישט קיין שום זאך אין די ארטיגע ישובים וואס זאל זיי צוצויען.
דארף מען טאקע שאפן נאך הונדערט נחשונים.

וועסטקליף איז א געהעריגע שטאט (נישט מיט אידישע געברויכן)...

[בריטישע קעניג]

וועסטקליף איז א געהעריגע שטאט (נישט מיט אידישע געברויכן)...

וואספארא א. ג. אידישע געברויכען פעלט נאך אין וועסטקליף?