בניהו האט געשריבן:כ'האב געזעהן א לענגערע באריכט פון די ׳ביזנעס אינסיידער׳ ווי זיי שרייבן בתוך הדברים, באזירט אויף שמועסן מיט הויעכראנגיגע חברה פון קאר קאמפעניס, אז די גרויסע קאר פירמעס ווילן נוצן די קריזיס צו גענצליך רעפארמירן די קאר אינדוסטרי. דהיינו, אנשטאט צו פראדוצירן מער קארס און אויטאמאטיש האלטן די פרייזן נידריג צו קענען קאמפיטן מיט אנדערע, ווילן זיי ענדערש פראדוצירן ווייניגער און בעטן טייערער. דאס ברענגט זיי מער איינקונפט. רבוש״ע! מהרה הפר עצתם וקלקל מחשבתם!
כ'האב אויך געליינט אזא באריכט.
בקיצור נמרץ איז די זאך אז ביז היינט ווען די מארקעט איז געווען פארפלייצט מיט קארס האט מען געקענט זיך דינגען מיט'ן פרייז, קארן זענען לכאו' די איינציגסטע זאך וואס ארבעט נאך ווי אמאל אז מען קען זיך דינגען מיטן פרייז, פרוביר דאס נאר צו טון אין וואלמארט אדער אין אן אנדער געשעפט...... יעצט ווילן זיי דאס אויך מבטל זיין מיט קארס -- א פרייז איז א פרייז! צאל פולע פרייז וואס שטייט אויפן סטיקער.
איך בין נישט קיין גרויסער ביזנעס אנאליסט (קליינע אויך נישט) אבער איך זעה נישט דעם מאדעל ארבעטן, דער פאקט איז אז ווען עס איז דא גענוג און נאך קארס און יעדע קאמפעני וויל דיך שלעפן זאלסט קויפן ביי זיי, ווערט אויטאמאטיש גוטע דיעלס, און אז איינער אפפערט א דיסקאונט געט דער צווייטער שוין אויך און אויך דער דריטער א.א.וו.
עס קען זיין עס וועט ווערן אביסל העכער די פרייזן, אבער עס גייט זיכער נישט פארבלייבן די יעצטיגע פרייזן. ווי געשריבן יעצט לויפן די פרייזן פיל העכער ווי די סטיקער פרייז - אנשטאט 35,000 קענען זיי פארלאנגען 42,000 און דו קענסט גארנישט טון נאר זאגן אמן און אונטערשרייבן. די איבערגעטריבענע פרייזן גייט זיכער אראפגיין, אין ערגסטן פאל וועסטו "נאר" דארפן באצאלן די פולע 35,000 און נישט קענען אראפהאנדלען צו 30,000 ווי ביז היינט. אבער איך גלייב די דיסקאונטס וועלן צוריקקומען, אפשר נישט מיט אזא ברייטקייט ווי ביז היינט.
אמת, זיי פארדינען יעצט מער געלט "פער קאר", אבער זיכער ווייניגער ווי אמאל, זיי פארלירן שווערע ביליאנען מיט א ענדע ב'.