א ליזענסקע חסיד האט געשריבן:שר העשר האט געשריבן:
היינט קומט פאר אן עצרת הספד והתעוררות צו די פטירה פון כ"ק מרן אדמו"ר מליזענסק זצוק"ל, וועלכער איז נפטר געווארן מיט עטליכע וואכן צוריק אין ארץ הקודש, די מעמד קומט פאר אין היכל ישיבת נועם אלימלך ליזענסק אין מאנסי, וואו גדולי הרבנים ומגידים וועלן אויפטרעטן מיט דברי זכרון. 7:00 אזייגער וועט זיין בעז"ה תפילת מנחה, בעל תפילה וועט זיין נכדו כבנו של כ"ק מרן אדמו"ר זצוק"ל הרה"צ רבי שרגא יודא שטערן שליט"א ר"מ דישיבתו, אין דערנאך וועט זיך אנהייבן דער מעמד, מען קען מיט האלטן כסדרדיגע אפדטיטס אויף מערכת 'קול ליזענסק' אויף 1716-623-4707.
אויסצאג פונעם צייטונג 'דער איד':
מיט עטליכע יאר צוריק האט דער רבי זצ"ל אנגעהויבן ליידן אויף פארשידענע געזונטהייט קאמפליקאציעס ל"ע, און מען דארף דא דערמאנען די געטרייע משמשים בקודש וואס יומם ולילה לא ישבותו זיך אוועקצוגעבן פאר'ן רבי'ן במסי"נ ממש, בעיקר דער גבאי נאמן ויד ימינו וואס ממש לא זזה ידו מתוך ידו די גאנצע צייט, אין זיך אוועק גערוסן פארן רבין זצוק"ל יעדע מינוט און טאג איז געווען דער רבי, דער רבי.
פארלאפענעם יו"ט פסח האט דער רבי זצ"ל געפראוועט אין זיין דירה און ביהמ"ד אין לעיקוואד, נאך פסח איז ער געפארן קיין ארץ ישראל וואו ער האט געדארפט דורכגיין א מעדיצינישע באהאנדלונג, דורכאויס די עטליכע וואכן האט ער געדאווענט בבית מדרשו פון ידידו וריעו יבלחט"א כ"ק אדמו"ר מקאזמיר שליט"א אין בני ברק.
זונטאג פ' במדבר (נשא אין ארה"ק) איז דער רבי זצ"ל אריין אין תל השומר שפיטאל אין תל-אביב זיך צו לאזן אונטערזוכן נאכ'ן ליידן אן אינפעקציע ל"ע, דינסטאג ר"ח סיון האט ער נאך געדאווענט אלע תפלות ווי געהעריג, אבער פלוצלינג איז אנטשטאנען א פארערגערונג אינעם מצב און ער האט אויסגעהויכט זיין אויסגעלייטערטע נשמה ליוצרה ובוראה.
די ביטערע בשורה איז בליץ-שנעל פארשפרייט געווארן אומעטום, און א וואלקן פון טרויער האט זיך אראפגעלאזט ביים יהדות החרדית ובפרט ביי די צענדליגער טויזענטער תלמידים וועלכע האבן פארלוירן דעם רבי'ן און האבן געשפירט ווי מען האט נישט געהאט די געלעגנהייט געהעריג מתפלל צו זיין פאר אים.
די לוי' איז פארגעקומען אין איילעניש שפעט נאכמיטאג ביים ביה"ח אין צפת, וואו דער רבי זצ"ל האט געהאט זיך געקויפט א חלקה סמוך ונראה צום ציון פונעם אר"י הק' זי"ע, צווישן די מלוים האט זיך אנגזעהן כ"ק אדמו"ר מתולדות אהרן שליט"א.
עס האבן מספיד געווען: כ"ק אדמו"ר מקאזמיר שליט"א, און דעם רבי'נס מחותן הגה"צ גאב"ד מירון שליט"א, דערנאך האט מען געהערט הספדים דורכ'ן טעלעפאן פון: כ"ק אדמו"ר מטאהש שליט"א, חתנו הרה"צ ר' שמעון שטערן שליט"א, און דער אייניקל נכדו כבנו הרה"צ רבי שרגא יודא שטערן שליט"א ר"מ בישיבתינו הק'. דער רבי זצ"ל לאזט איבער זיין חשוב'ע אלמנה הרבנית הצדיקת תליט"א וועלכע האט אים אויסטערליש געטריי באדינט אסאך יארן, זיין איינציגע טאכטער הרבנית שטערן תליט"א פון קרית טאהש אשת הרה"ג ר' שמעון שליט"א בן הגה"צ גאב"ד מירון שליט"א.
ער לאזט אויך איבער די פילע טויזענטער תלמידים ומעריצים וואס וועלן שטענדיג אים געדענקן, און ער וועט אוודאי זיין פאר זיי אלע א מליץ יושר מגנזי מרומים.
תנצב"ה