אידישליך האט געשריבן:די ווייסע הויז האט ארויסגעלייגט א סטעיטמענט זאגנדיג אז דער פרעזידענט האט קלארגעשטעלט פאר פוטין אז אויב זאל די רוסישע מיליטער אריבערגיין די גרעניץ מיט אוקריינע וועט עס פאררעכנט ווערן ווי א פולע אינוואזיע, און די רעאקציע פון אמעריקע און אירע אליאירטע וועט זיין א שנעלע און א הארבע.
דאס קומט נאך וואס פרעזידענט ביידען האט היינט ביי זיין פרעסע קאנפערענץ געזאגט אז די אמעריקאנער רעאקציע וועט געמאסטן ווערן לויט די הארבקייט פון די רוסישע אקטן קעגן אוקריינע, און זיך אויסגעדרוקט אז מען רעדט נישט אין פאל פון א מינדערוויכטיגע אריינטריט וואס דאן איז אן אנדערע סיטואציע, ווערטער וואס קענען אפגעטייטשט ווערן אז אמעריקע וועט זיך נישט קימערן איבער א קלענערע אינוואזיע.
אין נאך א פרואוו צו אויסקלארן דעם פרעזידענט'ס ווערטער נעכטן, האט סעקרעטערי אוו סטעיט, ענטאני בלינקען, געזאגט היינט אין בערלין אז אויב זאלן רוסישע קרעפטן אריבערגיין די גרעניצן פון אוקריינע, וועט זיין א שנעלע הארבע און פאראייניגטע ענטפער פון די פאראייניגטע שטאטן און זייערע אליאירטע.
אויך האט ער געזאגט אז די קריזיס איז נישט בלויז צווישן 2 לענדער, אדער צווישן רוסלאנד און נאטא, נאר איז א גלאבאלע קריזיס, און וועט האבן קאנסעקווענצן פאר די גאנצע וועלט.
- IMG_20220120_102813_178.jpg (69.58 KiB) געזען 1610 מאל