@אידישליך: נייעס און באריכטן

[אידישליך]

זשורנאליסטן האבן ארויסגעשטעלט די 3'טע און 4'טע טיילן פון די טוויטער פיילס.

אין די 3'טע טייל ווערט אויפגעדעקט וואס עס האט זיך אפגעשפילט אין די מאנאטן בעפאר און ארום יאנואר 6, וויאזוי יואל ראטה האט זיך וועכנטליך געטראפן מיט די FBI, היימלאנד זיכערהייט דעפארטמענט און אפיס פון די דירעקטאר אוו נעשאנעל אינטעלעדזשענס, און דער זשורנאליסט צייגט טוויטס וואס די FBI האט געהייסן דורכקוקן.

ער זאגט אז זיי האבן דורכגעקוקט די גאנצע סלעק טשעט וואס האט זיך גערעדט איבער די 2020 וואלן, און נישט געטראפן אז מען זאל רעדן איבער א פארלאנג פון די טראמפ קאמפיין אדער די רעפובליקאנער פארטיי, און זאגט אז טראץ דעם וואס עס איז מעגליך פארהאן, האבן זיי עס נישט געפונען.

IMG_20221210_193801_444.jpg (87.81 KiB) געזען 12499 מאל

IMG_20221210_193757_024.jpg (144.57 KiB) געזען 12499 מאל

[אידישליך]

די ריכטער האט אפגעווארפן די פארלאנג פון די יוסטיץ דעפארטמענט צו האלטן טראמפ'ס אפיס אין קאנטעמפט אוו קאורט, און געזאגט אז די 2 זייטן זאלן זיך אויסקומען צווישן זיך.

[אידישליך]

אין די לעצטע 4 וואכן איז די דורכשניטליכע מארגעדזש ראטע אין די פאראייניגטע שטאטן געפאלן פןן 7.08% צו 6.33%, די גרעסטע רעדוקציע זינט 2008.

[אידישליך]

אין אן אימעיל צו טוויטער איינגעשטעלטע האט אילאן מאסק געהייסן ארבעטער אונטערשרייבן אז זיי פארשטייען אז טוויטער וועט נעמען לעגאלע שריט קעגן די וואס ברעכן זייער נאן-דיסקלאוזשור אפמאך און ליעקן ארויס טוויטער אינפארמאציע צו די מידיע.

[אידישליך]

אבו אגילא מעסוד, א מאן פון ליביע וועלכע איז באשולדיגט אין פראדוצירן די באמבע וועלכע האט אויפגעריסן די פען-עם פלייט 103 איז ארעסטירט געווארן און איז איבערגעגעבן געווארן פאר אמעריקאנער אויטאריטעטן.

די פליגער וועלכע האט אויפגעריסן אין 1988 העכער סקאטלאנד זייענדיג אויף די וועג פון לאנדאן קיין ניו יארק, האט אומגעברענגט אלע 259 מענטשן דערויף, און נאך 11 מענטשן אויף דער ערד וועלכע זענען אומגעקומען פון שטיקער וועלכע זענען אראפגעפאלן דערפון.

די יוסטיץ דעפארטמענט האט אין 2020 אנגעקלאגט מעסוד אויף אהערשטעלן די באמבע. דעמאלטסדיגער אטורני דזשענעראל ביל באר האט געזאגט אז דער טעראריסט האט געמאכט די באמבע אויפן באפעל פון די ליביע שפיאנאזש אגענטור אונטער די פירערשאפט פון דער געוועזענער ליביע פירער און דיקטאטור מואמאר קאדאפי.

[אידישליך]

אמעריקאנער סענטראל קאמענד (CENTCOM) זאגט אז אמעריקאנער קרעפטן האבן אין א העליקאפטער איבערפאל אין סיריע אומגעברענגט 2 אייסיס מיטגלידער.

[אידישליך]

אילאן מאסק זאגט אז טוויטער וועט ארויסלייגן די טוויטער פיילס איבער וואס עס האט זיך אפגעשפילט מיט קאוויד מיסאינפארמאציע.

IMG_20221211_114253_816.jpg (60.8 KiB) געזען 10961 מאל

[אידישליך]

א מאן אין רוים, איטאליע, האט געעפענט פייער ביי א קאַנדאָו באורד זיצונג אין די דרויסענדיגע טייל פון א קאפי שאפ, אומברענגנדיג 3 באורד מיטגלידער, שרייענדיג "איך וועל אייך אלע אומברענגען".

[אידישליך]

נאכ'ן פארוויילן 26 טעג אין ספעיס, רייזנדיג איבער 1.4 מיליאן מייל רינגס ארום די לבנה, האט די אריאן קעפסול זיך צוריקגעקערט צו ערד, אריינפאלנדיג אינעם פאציפישן אקעאן, און מיט דעם געברענגט א סוקסעספולע ענדע צו די ארטעמיס 1 מיסיע.

נאסא זאגט אז די לעצטע טייל אין וועלכע די קעפסול פאלט צוריק אריין אין די די אטמאספערע איז געווען די וויכטיגסטע, און אז זיי לאזן דעם קעפסול שווימען אויפ'ן אקעאן צו קענען שטודירן די היץ וואס ווערט פאבריצירט דורכאויס די גאנצע צייט, כדי צו זעהן אויב דאס איז גרייט צו מיטנעמען אסטראנאטן ווי די פלאן לויטעט אויף איר קומענדיגע רייזע.

[אידישליך]

ווילדע פראטעסטן קומען פאר איבער פערו, אין וועלכע פראטעסטירער פארלאנגען אז די פרישע פרעזידענט זאל רעזיגנירן און דער ארעסטירטער געוועזענער פירער זאל ארויסגעלאזט ווערן און צוריק באקומען די מאכט.

דורכאויס ארטיגע אומרוען, האבן אויטאריטעטן געדארפט אפשליסן איינע פון די לופטפעלדער אין לאנד, נאך וואס ראיאטירער האבן זיך איינגעבראכן און שווערע געשלעגן האבן אויסגעבראכן מיט פאליציי.

אין רעזולטאט זענען 2 פראטעסטירער אומגעקומען און נאך 18 זענען פארוואונדעט געווארן אריינגערעכנט 2 פאליציאנטן.

[אידישליך]

באוואפענטע מענער האבן געעפענט פייער אין א האטעל אין קאבול, אפגאניסטאן, וואו כינעזע געסט האלטן זיך אויף. ארטיגע זיכערהייט קרעפטן האבן אין א פייער אויסטויש אומגעברענגט 3 פון די אטאקירער, און ארום 18 זענען פארוואונדעט געווארן אין די אטאקע.

[אידישליך]

צוזאמשטויסן האבן אויסגעבראכן צווישן אינדיאנע און כינעזע טרופן ביי איינע פון די ארטיגע גרעניץ פונקטן. ביידע זייטן האבן באריכטעט עטליכע לייכט פארוואונדעטע.

[אידישליך]

די סטאפ-אנטיסעמיטיזם גרופע האט געקרוינט קאניעי וועסט, דער רעפפער וועלכער האט לעצטנס מערערע מאל ווילד אטאקירט אידן און אויסגעדריקט זיין ליבשאפט צו היטלער ימ"ש, אלס "דער אנטיסעמיט פון די יאר".

[אידישליך]

2 מענטשן זענען אומגעקומען אין גבעת זאב, ארץ ישראל, ווען די סקעפאלדינג פון א געביידע אונטער קאנסטרוקציע איז צוזאמגעפאלן. רעטונגס פערסאנעל האבן באוויזן ארויס צו ראטעווען מערערע פארכאפטע ארבעטער.

[אידישליך]

ווי פאראויס געמאלדן, האט טוויטער יעצט אנגעהויבן ארויסשטעלן גאלדענע טשעק מארקס פאר פירמעס.

IMG_20221212_135742_555.jpg (136.93 KiB) געזען 4692 מאל

[אידישליך]

אין די 5'טע טייל פון די טוויטער פיילס, וועלכע דעקט די אפשליסונג פון טראמפ'ס אקאונט, ווערט אויפגעדעקט אז טוויטער צענזור איינגעשטעלטע זעלבסט האבן נישט געהאלטן אז די טוויטס זענען א פארלעצונג פון טוויטער רולס, נאר האבן אפגעשפארט די אקקאונט נאך שטארקע דרוק פון לינקע אקטיוויסטן צווישן די ארבעטער.

IMG_20221212_144343_139.jpg (264.02 KiB) געזען 4317 מאל

[אידישליך]

אילאן מאסק איז פארשריגן געווארן פאר לאנגע מינוטן נעכטן נאכט ווען קאמידיאן דעיוו שאפעל האט איהם ארויפגעברענגט אויפן סטעידזש ביי זיינס א שאו אין סאן פראנציסקא.

[אידישליך]

די ניו יארק טיימס לאזט נישט נאך:

עטליכע אפגעפארענע פון די געמיינדע האבן זיך צוזאמגעשטעלט מיטן ניו יארק טיימס שרייבערין עליזא שפירא צו שרייבן א פרישע געמיינע ארטיקל קעגן די היימישע אידנטום, מוסדות און בתי דינים, דאס מאל איבער ווי שווער ס'איז פאר זיי ארויסצושלעפן די קינדער פון זייערע מענער וועלכע ווילן האלטן די קינדער אין היימישע מוסדות התורה.

[אידישליך]

די אמעריקאנער עיר פארס האט דורכגעפירט א סוקסעספולע הייפערסאניק מיסיל טעסט, ווען א B-52H באמבאדיר פליגער האט ארויסגעשאסן די AGM-183A ARRW לופט צו ערד מיסיל.

דאס איז די ערשטע טעסט אויף א פולקאם פונקציאנירנדע מיסיל פון די סארט, און די עיר פארס זאגט אז עס האט דערגרייכט א שנעלקייט פון מער פון מאק 5, געפלויגן אויף די פלאנירטע וועג און אויפגעריסן אין ציל.

[אידישליך]

סעם בענקמען-פריעד, דער געוועזענער פירער פון FTX, איז ארעסטירט געווארן אין די באהאמעס וואו ער האלט זיך אויף, נאך וואס אמעריקאנער אויטאריטעטן האבן אריינגעגעבן קרימינאלע אנקלאגעס קעגן אים, און וועלן ווארשיינליך פארלאנגען ער זאל ארויסגעליפערט ווערן.

[אידישליך]

די ניו יארק טיימס באריכטעט אז די אנקלאגעס קעגן סעם בענקמען-פריעד, וועלכע די יוסטיץ דעפארטמענט וועט מארגן פובליצירן, נעמען אריין קלאגעס אויף שווינדל, סעקיוריטיס שווינדל (סטאק און אינוועסטירונגען) און מאני לאונדערינג צווישן אנדערע מערערע אנקלאגעס.

[אידישליך]

טוויטער אין א בריוו צו אירע איינגעשטעלטע האט געמאלדן אז זיי לעזן אויף די "טראסט ענד סעיפטי קאונסיל", אנגעבנדיג אז די ארבעט מיט וואס די אפטיילונג האט זיך באנומען וועט ווייטער געטוהן ווערן נאר נישט אין די ראמען פון די ספעציעלע אפטיילונג.

[אידישליך]

די ווייסע הויז האט געמאלדן אז פרעזידענט ביידען האט אוועקגעשטעלט א פרישע פארבינדונגס-גרופע צווישן אלע רעגירונגס אגענטורן, וועלכע וועט זיין ספעציעל געשטעלט צו באקעמפן אנטיסעמיטיזם אין אמעריקע, און וועלן אויפקומען מיט א נאציאנאלע סטראטעגיע וויאזוי דאס צו באקעמפן.

[אידישליך]

אין א פארלוסט פאר די טאבאקא פירמעס האט די סופרים קאורט היינט אפגעווארפן זייער פארלאנג צו בלאקירן א פרישע פארבאט אויף פלעיווארד טאבאקא פראדוקטן אין קאליפארניע.

ביי די נאוועמבער וואלן האבן א מערהייט קאליפארניע וויילער געשטימט ארויפצושטעלן דעם פארבאט.

[אידישליך]

ווייסע הויז פרעסע סעקרעטאר זאגט אז אילאן מאסק'ס אטאקעס קעגן דר. פאוטשי זענען "סכנות'דיג", "עקלדיג" און "אפגעשיידט פון רעאליטעט".