אידישליך האט געשריבן:רוסלאנד זאגט אז זיי האבן באקומען די געשריבענע ענטפער פון וואשינגטאן אויף זייערע פארלאנגען.
סעקרעטערי אוו סטעיט ענטאני בלינקען וועט געבן א סטעיטמענט פאר די פרעסע אין א קורצע וויילע.
סעקרעטערי אוו סטעיט בלינקען האט פארגעשטעלט די הויפט פונקטן פונעם אמעריקאנער ענטפער צו רוסלאנד, אויך האט ער געווארנט אמעריקאנער צו פארלאזן אוקריינע.
- - -
צווישן אנדערע נעמט די ענטפער אריין דאס פאלגענדע:
שלאגט פאר א דיפלאמאטישע פלאן פארן צוקונפט, אויב רוסלאנד וועט איינשטימען דערצו.
שלאגט פאר געוויסע טעמעס און פונקטן אויף וואס מען קען פארהאנדלען, ווי די פלאצירונג פון אמעריקאנער מיסילס איבער אוקריינע, מיליטערישע טרענירונגען אין אייראפע, מער אויפריכטיגקייט צווישן אמעריקע און רוסלאנד.
טוט ווידעראמאל קלארשטעלן די פרינציפן פון וועלכע אמעריקע וועט זיך נישט רירן, וואס דאס נעמט אויך אריין אין זיך די אייניגקייט און פולע זעלבשטענדיגקייט פון אוקריינא.
בלינקען איז ערווארטעט צו רעדן מיטן רוסישן אויסערן מיניסטער, סערגעי לאווראוו, הערשט אין עטליכע טעג ארום כדי זיי צו געבן א שאנס צו אפלערנען די אמעריקאנער ענטפער, און געזאגט אז אמעריקע וועט נישט ארויסגעבן די פולע ענטפער צום פובליק, און האפט אז רוסלאנד וועט רעספעקטירן די באשלוס און טוהן די זעלבע.
ער האט אויך געזאגט אז פרעזידענט ביידען איז געווען שטארק פארמישט אין צוזאמשטעלן דעם דאקומענט, און האט געגעבן זיין באשטעטיגונג אויף די ענדגילטיגע ווערסיע.