מחותן האט געשריבן:Programming האט געשריבן:מחותן האט געשריבן:Programming האט געשריבן:קריים איז דוקא דאון דאס יאר קעגן פאריאר. אוודאי דארף מען טון וואס מען קען קעגן די גאן עפידעמיע אין די פאראייניגטע שטאטן, אבער דער מעיאר קען נישט צופיל העלפן אויף דעם פראבלעם.
ריכטיג, קריים איז דאון, עס איז אויפן וועג אראפ,
אבער שיסערייען איז ארויף, גניבות און וואנדעליזעם איז ארויף, שטעכערייען איז ארויף, און די גאסן זענענן ווייניגער סעיף...
וואס דער מעיאר קען טיען דערצו? דיפאנדן מער פאליס קען זיין א גיטע אנהייב, צונעמען פאליס גאנס וועט זיכער מאכען אז עס זאל זאל ווייניגער גאנס אויף די גאסן, און גענצליך עלעמענירען בעיל וועט אויך צוהעלפן.
איך כאפ נישט אינגאנצן וואס דו זאגסט, עס איז דא עפעס א ספעציעלע אויפשטייג אין שיסערייען, שטעכערייען, גניבות און וואנדאליזם? דו פארשטייסט מסתמא אז ניו יארק איז א שטאט מיט 8 מיליאן מענטשן וואו אזאלכע זאכן פאסירן כסדר, און דער ציל ווי אויך דער מבחן איז עס אראפ צו האלטן צו די ווייניגסטע וואס שייך.
ריכטיג ריכטיג, עס האט טאקע אויך פאסירט אינטער מעיאר דינקיס, אינטער מעיאר דע-בל-או-זא, און עס פאסירט אויך אינטער אנדערע לינקע פירשאפט ואס שטעלן די זיכערהייט טעמע אין די בעיק.... אויך ביסטו גערעכט אז דא איז נאך נישט אזוי שלעכט ווי אין טשיקאגו, עס איז נאר עטליכע חדשים פון דארט.
ניו סיטי האט געזען א מעסיגע רעדוקציע אין מארדן (און אין פארברעכנס) אונטער ביל דעבלאזיאו פון 2014 צו 2019 און אין אנהייב 2020 ביז אריין אין אפריל ווען מארדן איבערן לאנד האבן אנגעהויבן צו שטייגן צוליב קאוויד.
ניו יארק האט אויך געזען א מעסיגע רעדוקציע אין דריי פון די פיר יאר אונטער מעיאר דינקינס –וואס האט, אגב, אויסגעברייטערט די ניו יארק פאליציי קראפט מיט 25%– פון 2,245 מארדן אין 1990 צו 1,946 אין 1994. די יאר וואס מארדן זענען ארויף איז געווען די ערשטע יאר וואס ער איז געווען א אפיס.
(גראדע טוען די מארד ראטעס אין די סיטי אלץ נאכפאלגן ברייטערע טרענדס אין פארברעכן און מארדן איבערן לאנד. אונטער דינקינס, דזשוליאני, בלומבערג און יעצט אונטער דעבלאזיאו, אריינגערעכנט די שטארקע שטייג פאראיאר.)
איבער די שטייגנדע מארדן אין די סיטי דאס יאר אין פארגלייך צו פארגאנגענע יאר, וואס איז אליין געווען א דראסטישע שפרונג פון 2019, איז וויכטיג דאס צו צעטיילן פער חודש. יאנואר און פעברואר 2020 האבן געהאט ווייניגער מארדן די זעלבע צוויי מאנאטן אין 2019. פאקטיש אראפ מיט בערך צוואנציג פראצענט פון 2019 אין ביידע חדשים. מערץ 2020 איז ארויף מיט 5%, אדער איין מארד, פון 2019.
מארדן אין די סיטי האבן הערשט אנגעהויבן שטייגן אין אפריל און האט דערגרייכט א הויכפונקט אין יולי און אויגוסט (היסטאריש זענען די חדשים פון יוני-סעפטעמבער, די הייסטע חדשים, די טויטליכסטע פונעם יאר, איבערן גאנצן לאנד).
- image_search_1624917791652.jpg (39.46 KiB) געזען 1549 מאל
דאס אז מארדן זענען ארויף אין די ערשטע פאר חדשים אין 2021 איז נישט קיין גרויסע חידוש ווייל יעצט שפילן (נאך) געוויסע פאקטארן א ראלע וואס האבן נישט עקזיסטירט אין יאנואר ביז מערץ פארגאנגענע יאר ווען די ראטעס זענען נאך געווען ביי רעקארד נידריגע שטאפלען. פארן מיטלסטן האלב יאר (די ווארעמע חדשים פון אפריל ביז סעפטעמבער) גייט די מארד ראטע ווארשיינליך אראפגיין אין פארגלייך צו פארגאנגענע יאר. אפריל איז ארויף מיט 15%, מאי איז געווען אייניג צו 2020 און יוני איז דערווייל (
ביז יוני 20) שארף אראפ פון לעצטע יאר. אין 2020 איז די טרענד געווען שארף ארויף פון מערץ-אפריל צו מאי-יוני, א טרענד וואס שפילט זיך דירעקט נישט איבער אין 2021. אויב, ווי איך ערווארט, וועלן מארדן זיין אראפ פארן גאנצן יאר וועט עס נישט זיין קיין חידוש –און אויך נישט קיין גרויסע עררייכונג– ווייל די פאקטארן וואס האבן צוגעברענגט אז לעצטע יאר אנגעהויבן אפריל זאל זיין ספעציעל שלעכט, האבן אנגעהויבן אוועקצוגיין און גייען פארזעצן אוועקצוגיין אין די צווייטע האלב יאר.
ביידע, פראגרעמינג און מחותן, זענען ראנג איבער פארברעכן אין אלגעמיין, חוץ מארדן. (און דאס איז פארוואס איך פאקוס אויף מארדן און נישט אויף פארברעכן אין אלגעמיין). פארברעכן זענען על פי רוב געפאלן, און גאנץ דראסטיש, אין 2020. פשוט צוליב דעם וואס מענטשן האבן פארברענגט ווייניגער צייט אינדרויסן פון שטוב וואס דאס האט פארמינערט די געלעגנהייט פאר איבערפאלן, רויבערייען, איינברעכערייען אד"ג (מיטן קענטליכן אויסנאם פון די ברייטפארשפרייטע פלינדערייען אין די צוויי וואכן נאך די דזשארדש פלאויד מארד, מאי 25).
- image_search_1624922808986.png (85.77 KiB) געזען 1549 מאל
ס'איז נישט מער ווי פארשטענדליך אז יאר איבער יאר איז פארברעכן שארף ארויף ווייל די בעיסליין, 2020, איז געווען ארטעפישילי נידריג ווען אלע פארברעכער און וויקטימס זענען געזעצן אויפן ריקליינער אויף פעטער שמואל'ס דאלער.
עניוועי, ווי שוין אויבן דערמאנט, די טרענדס אין די סיטי פאלגן נאך גרעסערע טרענדס נאציאנאל און די היגע באאמטע שפילן נישט מער ווי א קליינע ראלע.
- crime-chart-theintercept.jpg (72.9 KiB) געזען 1549 מאל