לא ימושו מפיך האט געשריבן:סאטמאר [מהר״א]
ורוח הקודש אומרת כן ירבה וכן יפרוץ - מוסדות קרית יואל מחיל אל חיל - והיה זרעך כעפר הארץ אשר לא יספר מרוב!!!!!
׳מוסדות קרית יואל׳ די וועלט׳ס גרעסטע מוסדות התורה מיט 11,600 תלמידים ותלמידות בליעה״ר וכן ירבו וואס וואקסט און בליהט מיט מאסיווע און שטוינענדע ציפערן און האלט יעצט אין סאמע ברען פון עטליכע ריזן פראיעקטן פון הרחבת גבולי קדושה די נייע תלמוד תורה החדש ׳בנין קליין׳ פון דרייסיג מיליאן דאלאר, די נייע ישיבה קטנה ׳בנין קעפעטש׳ פון דריי מיליאן דאלאר, און גרייט זיך אנהייבן די פאקטישע בוי ארבעט ביים נייעם בנין בית רחל אונטער בנין מארקאוויטש אין די קומענדיגע וואכן פון פרישע צוואנציג מיליאן דאלאר - שפרינגט אריין אין א פרישע מעגא ריזן דרייסיג מיליאן דאלאר פראיעקט מיטן אהערשטעלן פלענס פון א נייע גיגאנטישע אכט שטאקעדיגע תלמוד תורה בילדונג מיט 70 קלאסן וואס וועט געבויעט ווערן ביים ברייטע שטח אויף געצל בערגער הארט נעבן ת״ת בית מרדכי, צי ערמעגליכן די מאסיווע וואוקס וואס איז ערווארטעט צי שטייגן מיט פרישע ׳טויזנט׳ קינדער בליעה״ר מידי שנה בשנה
ווי די הנהלת המוסדות געבט איבער איז ערווארטעט צי אנהייבן די פאקטישע בוי ארבעט תיכף נאכן זומער הבעל״ט מיטן האפענונג צי פארענדיגן די מעכטיגע פראיעקט ווי שנעלער צי קענען דעשטרייטן די מאסן וואוקס פון די הייליגע מוסדות אשר מיסדתו בקודש פון מרן רבינו הקדוש זי״ע מייסד העיר און ווערט ווייטער נמשך אונטער די נשיאות הרמה פונעם מרא דאתרא קדישא הדין שומר גחלת ישראל שלא תכבה כ״ק מרן אדמו״ר שליט״א ולאורו נסע ונלך עד ביאת הגואל, ואחרי יקרא לך עיר הצדק קריה נאמנה!!!
די בילדינג האט שוין א נדבן, איינער וואס זיין נאמען שטייט נאך נישט אין ערגעץ אויף קיין שום בילדינג, ווי ווייט איך ווייס.
