אלץ א קביעות'דיגער רייזענדער האב איך זייער הנאה געהאט אז זיי נעמען די ווערטשאפט אין די האנט אריין. און ווער עס פילט זיך געטראפן, קען אננעמען אז טאקע אים האט מען געמיינט...
Mezofzef האט געשריבן:אלץ א קביעות'דיגער רייזענדער האב איך זייער הנאה געהאט אז זיי נעמען די ווערטשאפט אין די האנט אריין. און ווער עס פילט זיך געטראפן, קען אננעמען אז טאקע אים האט מען געמיינט...
עס שרייט ארויס פון די שפראך דארט אסאך ווייטאג און פראסטרעישאן, ממילא בין איך דן לכף זכות אז זיי האבן יעצט ארויסגעשטעלט דאס גאנצע פעקל פאר'ן ציבור ווי עס שטייט און גייט.
כמעט אלע נקודות זענען אמת ויציב, נאר די שפראך כנ"ל.
צוויי זאכן זענען לדעתי נישט גערעכט. איינס, צו הייסן טאטעס האבן גרייט געלט פאר די יונגלעך, און מאמעס האבן גרייט געלט פאר די מיידלעך. סארי, אביסל נארמאלקייט. אז איינער פון צען טויזנט פארגעסט צו באצאלן קענסטו נאך נישט זיין אזוי שטייף מיט יעדן איינעם, און דוקא אין די מינוטן וואס מען שפאנט ארויף אויפ'ן באס (היצן, שניי, רעגן, פעקלעך, בעיביס). מעגסט טראסטן א ווייבל אז איר מאן האט באצאלט אדער וועט באצאלן!
צווייטנס, פארוואס נעמען זיי נישט קיין קארטלעך??? טראסט נישט די פרויען אז די מענער באצאלן? נעם זייער קארטל! דארפסט פונקטליכע טשעינדזש אויפ'ן האר און ווילסט נישט געבן קיין טשעינדזש? ווילסט נישט פירן חשבונות? נעם דאס קארטל! עס קאסט דיר דריי פראצענט? קודם כל דאס איז היינט ביזנעס, רעכן עס ווי מעינטענענס און אינשורענס, און צווייטנס קענסט הייבן די פרייזן מיט נאך דריי פראצענט פונקט ווי יעצט האסטו געהויבן מיט בערך צען פראצענט! אבער לאז דעם עולם במנוחה אז מ'קען סווייפן א קארטל.
און ווייסט וואס, די גרעסטע געווינערס וועלן נאך זיין די דרייווערס, ווייל דריי פערטל מענטשן וועלן סווייפן די קארטל און דער דרייווער קען דערווייל טון זיינע זאכן מיט'ן גאנצן רואיגקייט. איז נישט זיין רואיגקייט און סעיפטי ענקער הויפט נקודה? לאזן סווייפן די קארטל איז די גרינגסטע און שנעלסטע עצה דערצו. אנהויבן צו נעמען דאס קארטל איז איינס פון די בעסטע פאזיטיווע שריט וואס די קאמפאני קען מאכן.
עטליכע נקודות זענען ריכטיג אבער די וועג איז נישט עס צו שרייבן אין אזא חוצפה'דיגע שפראך,
און עטליכע נקודות זענען ממש נישט ריכטיג, נאר ענדערש גאר שלעכטע קאסטומער סערוויס וואס איז פארשעמענד פאר א פראפעסיאנאלע היימישע קאמפאני, און נאכדערצו עס צו שרייבן אזוי פרעך לגבי זייערע קאסטומער'ס, וואס דאס זענען היימישע טאטע'ס מאמע'ס זיידע'ס און באבע'ס,
אלזא, אויב ווילסטו מצליח זיין און ביזנעס דאן לייג אוועק דעם ארטיקל אלס א ביישפיל וויאזוי 'נישט' צו אדרעסירן קאסטומער'ס,
איך פערזענליך קומט מיך אויס פון צייט צו צייט צו ניצן זייערע באס'עס, איך פיל אז איך וועל נישט אזוי שנעל נאכאמאל אויפגיין אויף א עקסעלענט באס, (איך האב אנדערע וועגן צו פארן)
איך זע עפעס אנדערש. זיי האבן אראפגעשטעלט א יסוד: פון היינט און ווייטער זענען מיר מער נישט קיין בית המדרש, נאר א געהעריגע ביזנעס.
ווי זע איך עס? ווייל אסאך פון די אלע נקודות האט גארנישט מיט זיי, נאר מיט די אטמאספערע אויפ׳ן באס. למשל וואס באדערט פאר עקסעלענט באסעס אז מען רעד אויפ׳ן סעלפאון? אז מען קראכט אריין אין מענטשן?
זייער אסאך אומקבאקוועמלכקייטן פאר די ״פאסאזשירן״ קומען פון די בחור׳ישקייט פון מענטשן. ווער עס איז שוין אפאר מאל געפארן מיט די באסעס אין פארשידענע צייטן ווייסט וואס מען מיינט.
אויב וועט דאס אויפטון אז מענטשן זאל פילן מער באקוועם בשעת׳ן פארן, און זיי וועלן צושטעלן בעסערע סערוויס, און עס וועט זיין צו וועם צו רעדן, זאלן זיי דאס טון בכל חומר הדין.
נאך עפעס: די קביעות׳דיגע קאסטומער פון א באס קאמפאני מיט וועם זיי דארפן זיך עכט רעכענען, זענען די קביעותדיגע מיטפארער, די וואס פארן יעדן טאג צום ביזנעס. זיי ברענגען די מערסטע רווחים, און זיי דארפן די אלע פאליסיס זיך צו שפירן נארמאל און רואיג ביי זייער טעגליכע רייזע.
לאמיר זעהן דע אנדערע זייט מטבע א גרויסע פארצענט פון דע מענער וואס שטופען זיך ארויף זענען פון דע וואס דער באשעפער האט זיי באשערט אז "איעדן טאג" פון דע וואך נאך א שווערע טאג ארבייט דארפען זיי פארען צווישען 1 1/2 -ביז 3 שעה'דיגע וועג אנצוקומען אהיים דע אידן האפן אין לעכצען צו כאפן א שטיקעל דרימעל דע ביסל צייט ( זיי שלאפן נישט געווענדליך קיין 8 שעה א נאכט) ווי באקאנט פארן אויפן באס אויך כל צרוע וכל זב/ קליינע קינדער/ דראפ אוטס אין צומאל אינם בני ברית ועוד אין סאיז אסאך מאל זייער אומבאטעמעט אין סלייגט צו אסאך צו זייער בזיעת אפיך
איך מיין אז זיי האבן אויך א שטיקעל רעכט איך גיי שוין נישט אריין אין דעם אז דע זענען דע וואס זענען דע גורם אז דער באס זאל קענען אנהאלטען דע כסדרדיגע רוטס וואס איז א טובה פאר יעדעם