מאנטאג תצוה
פרעזידענט ביידען זאגט היינט אז ער וואלט געראטן אמעריקאנע בירגער אין אוקריינא זאלן ווי פריער פארלאזן דאס לאנד אז זיי זאלן נישט פארכאפט ווערן אין פאל פון א רוסישע אינוואזיע.
* * * *
עריק לאנדער -שעף ביי די ווייסע הויז 'אפיס אוו סייענס ענד טעקנאלאזשי פאליסי'- האט געמאלדן זיין רעזיגנאציע נאך וואס א יאנערליכע אויספארשונג האט אויפגעדעקט באווייז אז ער איז זיך ווילד באגאנגען מיט זיינע קאלעגען.
* * * *
פרעזידענט ביידען וועט שטעלן זשאן מעקעין דער פערטער צו סערווירן אויף די 'באורד אוו וויזיטארס' ביי די יו.עס. נעיווי אקאדעמיע.
זשאן מעקעין IV איז א זון פון דער געוועזענע רעפובליקאנע אריזאנע סענאטאר זשאן מעקעין דער דריטער.
* * * *
וויצע פרעזידענט פרוי העריס וועט אנטיילנעמען ביי די 'מינכן זיכערהייט קאנפרענץ' אין צוויי וואכן ארום.
* * * *
סענאטאר מיט ראמני (ר) זאגט אז נאכפאלגענדיג די פארדאמונג פון די נאציאנאלע רעפובליקאנע קאמיטע קעגן קאנגרעסלייט קינזינזשער און טשעיני, האט ער געהאט א שריפטליכע אויסטויש מיט זיין ניס פרוי מעקדעניעל -פארזיצערין פון די נאציאנאלע פארטיי קאמיטע- וואו ער האט קלארגעשטעלט זיין מיינונג איבער די באהאנדלונג.
* * * *
קאנגרעס עטיקס קאמיטע געמאלדן אז זי וועט נישט נעמען סיי וועלכע שריט קעגן קאנגרעסמאן זשאמאל באומאן נאך וואס ער איז פריער אין יאר געווארן ארעסטירט ביי א פראטעסט נעבן די קעפיטאל.
די קאמיטע ערקלערט אז צוליב וואס עס זענען נישט ערווארטערט קיינע ווייטערדיגע לעגאלע שריט אין פארבינדונג מיט די קעיס פעלט נישט אויס צו אונטערנעמען קאנגרעסיאנאלע שריט.
* * * *
קאליפארניע גאווערנאר געווין ניוסאם (ד) געמאלדן אז וואקסינירטע פערזאנען אין די סטעיט וועלן מער נישט דארפן טראגן א מאסקע ביי אינערליכע ערטער, אנגעהויבן פון פעברואר 15.
אומוואקסינירטע וועלן ווייטער דארפן גיין דערמיט.
* * * *
דעלעוועיר גאווערנאר זשאן קארני (ד) געמאלדן אז די מאסק מאנדאט פאר אינערליכע ערטער אין די סטעיט וועט אפלויפן אום פעברואר 11.
די מאסק מאנדאט פאר פריוואטע שולעס אין די סטעיט וועט קומען צו אן ענדע אום מארש 31.
* * * *
געוועזענע ניו יארק גאווערנאר ענדרו קאומו זאגט היינט אין א פרישע אינטערוויו אז ער פילט זיך ריינגעוואשן אין ליכט פון די באשלוס דורך עטליכע לאקאלע דיסטריקט אטוירניס לענגאויס די סטעיט איהם נישט אנצוקלאגן.
* * * *
אנדערע באריכטן גיבן אן אז דער גאווערנאר סטראטעגירט איבער וויאזוי צו ערהוילן זיין פובליק שטאנד, און וויאויז ארויסצוקומען מיט א ערשטע עפענטליכע אויפטריט זינטן אפטרעטן פון אמט.
* * * *
וואשינגטאן 'ביורא אוו לייסענסינג' האט געמאלדן איבער אומרעגולערע סייבער אקטיוויטעטן געפונען אינערהאלב איר סיסטעם, וואס קען מעגליך האבן אויפגעדעקט פערזענליכע אינפארמאציע איבער אזויפיל ווי 250,000 פראפעסיאנאלע ארבעטער אין די סטעיט וואס דארפן צוקומען צו א רעגירונגס לייסענס צו קענען פראקטיצירן.
* * * *
איינער איז אומגעקומען -און א צווייטע פארוואונדעט געווארן- נאך א שיסעריי ביי א סופערמארקעט אין ריטשלאנד, וואשינגטאן.
אוטאריטעטן זוכן נאך דער פארברעכער.
* * * *
קאלעב פראנק איז פון צווישן די וואס ווערן אנגעקלאגט אין פארבינדונג מיט (אנגעבליכע) פלאן צו פארכאפן מישיגען גאווערנאר פרוי וויטמער. היינט האט ער געמאלדן אין פרישע געריכט דאקומענטן אז ער וועט זיך ערקלערן שולדיג אויף 'קאנספירעסי טו קידנעפ' אויף וואס ער וועט אויסשטיין די מעגליכקייט פון ביז לעבענסלענגליכע טורמע.
ער איז דערמיט געווארן די צווייטע פון זעקס אנגעקלאגטע זיך צו דערקלערן שולדיג.
* * * *
צוריק אין נאוועמבער האט עלאן מאסק, דער גרינדער פון טעסלא, ארויסגעשטעלט אן אנקעטע אויף די פראגע צו ער זאל פארקויפן 10% פון זיינע סטאקס אין די פירמע – א אנקעטע וואס האט געפירט דערצו אז די מארקעט פרייז פון די פירמע זאל טראסקענען מיט ארום 15% אין די נאכפאלגענדע טעג.
היינט ווערט אויפגעדעקט אז די SEC האט עטליכע טעג דערויף ארויסגעשיקט א סובפינע פאר טעסלא פארלאנגענדיג אינפארמאציע איבער וויאזוי די אנקעטע איז אין איינקלאנג מיט א אפמאך אויסגעהאמערט מיט עטליכע יאר צוריק.
* * * *
אלעקסיי דער דריטער האט געשריבן:ריכטער אין טעקסאס זאגט אז די פעדעראלע רעגירונג איז 60% פאראנטווארטליך פאר א מאסן שיסעריי מיט עטליכע יאר צוריק.
אין 2017 האט דעווין פעטריק קעלי -א געוועזענע עירפארס מיטגליד- אריינגעשטורעמט אין א טעקסאס קירכע, און אויסגעמארדעוועט 26 מענטשן.
דער ריכטער זאגט היינט, אז די רעגירונג איז שולדיג פאר'ן נישט אריינשטעלן דעטאלן פון א ווילדע איבערפאל קלאגע אינערהאלב די דעיטא-באזע וואס ווערט גענוצט צו דורכפירן בעקגראונד טשעקס אויף מענטשן וואס ווילן זיך איינהאנדלען וואפן.
ריכטער אורטיילט היינט אז פעדעראלע רעגירונג מוז צאלן 230 מיליאן דאלער פאר איבערלעבער און פאמיליעס פון די אומגעקומענע ביי די שיסעריי.
* * * *
סופרים קאורט האט געאורטיילט אויף צו לאזן אין קראפט די קאנטראווערסיאלע אלאבאמע קאנגרעסיאנאלע מאפע, אנולירענדיג דערמיט א אורטייל פון די אונטערשטע געריכט.