נייעס און נאטיצן פון קאנגרעס און סענאט

[הכל הבל]

האולי איבער די טראמפארדאן קאמענטארן:

אויב ער וויל לויפן אין עס מאכן טייל פון זיין קאמפיין פלאטפארמע איז עס זיין באשלוס
מיין אייגענע מיינונג איז אז אזלעכע וועלכע זענען באגאנגען פארברעכנס, עכטע פארברעכנס, דארפן זיי ווערן באשטראפט, אפגעזעהן צו עס איז דא, אין פארטלענד אדער אין סעינט לואיס

[הכל הבל]

דורבין אין געשפרעכן מיט עטליכע רעפובליקאנער איבער א סופרים קאורט נאמינאציע און זאגט אז טייל זענען אפן עס צו שטיצן

ער זאגט אז מען וועט נישט פרובירן צו ברעכן די רעקארד שנעלע בערעט באשטעטיגונג און די ציהל איז צו פרובירן עס צו טוהן אין אן אומפארטייאישע אטמאספערע און זאגט אז עס איז וויכטיג צו נעמען אן אמטירנדע יוריסט

[הכל הבל]

די רוסאנקציע פעקל וועלכע ווערט אויסגעהאמערט אין סענאט מאכט פארשריט און לויט מענענדעז האלט מען אין די לעצטע פאזעס אבער מען האט זיך נאכניטש אויסגעגליכן אויף אלעס

איינע פון די דעבאטעס איז וועלכע סארט סאקציע זאל אריינגיין אין קראפט נאך בעפאר אן אינוואזיע און איז איינע פון דיהויפט רעפובליקאנע פארלאנגען

[enjoy]

איבער די טראמפ פארדאן קאמענטארן

קרעמער: אויב ער לויפט און ווערט ערוויילט און שפורט צו אז געוויסע זענען געווארן אומ'יושר'דיג באהאנדלט האט ער יעדע רעכט עס צו טוהן

ער האט אויך פארגעהאלטן די מידיא פארן זיך קאנצעטרירן אויף אזעלכע נידריג פריאריטעט נייעס

[הכל הבל]

די הויז רולס קאמיטע טרעפט זיך היינט צו באהאנדלען די אנטי כינע ביל

[הכל הבל]

אין די צייט וואס די פאדלאגע אונטער די טענדען נאמינאציע האט אנגעהויבן צייגן ערשט שפאלטנס האבן מיר אנגעהויבן ווארפן נעמען וועלכע קענען מעגליך ווערן נאמינירט אנשטאט איר צום אפיס אוו בודזשעט און מענעדזשמענט

די ערשטע נאמען איז געווען דזשען ספערלינג אבער נאך א קורצע צייט האט די ווייסע הויז אנגעהויבן באקומען דרוק פון קעפיטאל היל אז מען זאל ליבערשט גיין מיט א געוועזענע קאנגרעס שטאב מיטגליד שאלאנדא יאנג וועלכע איז אן אפריקאנע אמעריקאנע פרוי

ספערלינג וועלכע האט לאנגיעריגע ערפארונג אלץ עקאנאמיסט פאר פריערדיגע דעמאקראטישע אדמיניסטראציעס זוכט שטארק צו באקומען א הויכראנגיקע פאזיציע און האט זיך זיינע פארבינדונגען אינערהאלב קאנגרעס אבער געזעצגעבער האבן געהאלטן אז עס איז צייט צו גיין מיט א מינאריטעט אויסוואהל

ספערלינג איז לאנג באצייכנט אלץ מער צענטריסט וועלכע האט פלעגט נעמען בודזשעט דעפעציט אלץ זארג און פלעגט האבן געפעכטן מיט די לינקערע עלעמענט ווען עס איז געקומען צו ספענדינג האט אין די לעצטע צייט ארומגעדרייט זיינע פלוס פעדערן מיטצושווימען מיטן שטראם פארשטייענדיג וואס עס פארלאנגט זיך פון אים צו באקומען שטיצע פאר א פאזיציע אין וואשינגטאן

ספערלינג האט אנגעהויבן אדוואקאטירן פאר גרויסצוגיקע ספענדינג צו אדרעסירן די ווירוס אויסברוך און קורץ נאך וואס לערי סאמערס איז ארויסגעקומען ווארפן קאלט וואסער אויף די מאסיווע ספענדינג פלענער האט ספערלינג רעאגירט שריבנדיג אז ער איז נישט באזארגט און האלט אז עס איז די ריכטיגע וועג פאראויס

עווענטועל האט די אדמיניסטראציע אנערקענט אז צו ערזעצן טענדען וועט מען ווארשיינליך מוזן נעמען יאנג און מען ווארט נאך אצינד אז זי זאל ערשט ווערן באשטעטיגט אלץ דעפיוטי איידער מען נאמנירט איר צו ווערן דירעקטאר אבער מען האט גליך אנגעהויבן זוכן א פאזיציע פאר ספערלינג

פארגאנגענע וואך האבן מיר באריכטעט אז די אדמיניסטראציע גרייט זיך צו מעלדן אז זיי וועלן שטעלן עימיצן אנצופירן מיט די אימפלעמענטירונג פון די סטימיולוס ביל צו פארזיכערן אז זי ווערט ריכטיג אויסגעפירט און פארטיילט

קומט איצט אריין די נייעס אז פרעזידענט ביידען האט געשטעלט ספערלינג פאר די יענע פאזיציע אוועקמענעמדיג נאך א שטיינדל פון יאנג'ס וועג צו ערזעצן טענדען


ביי די נעכטיגע זיצונג אין ווייסן הויז מיט די קאנגרעסיאנאלע אפריקאנע אמעריקאנע קאקוס האבן זיי צווישן אנדערן שטארק געשטופט פאר יאנג צו ווערן דירעקטאר

פרעזידענט ביידען האט זיך געהאלטן שטיל און נישט געווארן פארמישט אין די דיסקוסיע איבער דעם
טענדען איז שפעטער געווארן באשטעטיגט אלץ דעפיוטי דירעקטאר און איצט הערט מען אז די אדמיניסטראציע גרייט זיך צו מעלדן אז זי גייט ווערן נאמינירט פאר די דירעקטאר פאזיציע

די סענאט קאמיטע וועט איר היינט פארהערן

[הכל הבל]

אין די זייט פון די אומפארטייאישע געשפרעכן צו רעפארמירן די עלעקטארעל קאלעדזש אקט האט זיך פארמירט א בלויז דעמאקראטישע גרופעמיט זייער אייגענע ווערסיע און זיי האבן היינט פארעפנטליכט א פארשלאג וועלכע וועט העכערן די צאהל געזעצגעבער וועלכע פעלט זיך אויס צו קענען בלאקירן דאס באשטעטיגן די רעזולטאטן פון א סטעיט

עס וועט זיך פארלאנגען א דריטל פון קאנגרעס און א דריטל פונעם סענאט אויפצוברענגן אן אבדזשעקשאן און דריי פיפטלעך פאקטיש צו בלאקירן די סטעיט רעזולטאטן

די געזעץ וועט אויך דערקלערן אז די ראלע פונעם וויצע פרעזידענט צו באשטעטיגן די רעזולטאטן איז בלויז צערעמאניאל און וועט נישט אנפירן מיט די סעסיע צו באשטעטיגן די רעזולטאטן (נאר דער סענאט פרעזידענט וועט)

[הכל הבל]

פאראויסגערוקט מיט 30-61


מעקאנעל איז געווען צווישן די 13 רעפובלקאנער צו שטימען יא


אום 11:30 וועט מען איר ענדגילטיג באשטעטיגן

[הכל הבל]

אילינאי קאנגעספרוי ניימאן (ד) אין הייס וואסער נאך באריכטן אז זי האט אנגעבאטן א גוט באצאהלטע פאזיציע אינערהאלב איר אפיס פאר א מעגליכע פריימערי קעגנער

די קאנגרעסיאנאלע עטיקס אפיס האט נעכטן אויפגעדעקט אז צוריק אין אקטאבער למספרם האבן זיי געפונען 0-6 גענוג ערנסטע באווייזן אונטערצושטיצן זייערע פארדאכטן און עס צוגעשיקט צו די קאנגרעסיאנאלע עטיקס קאמיטע

ניימאן האט זיך אומסוקסעספול פארמאסטן אין 2018 למספרם אקעגן קאנגרעסמאן ליפינסקי און זיך געגרייט צולויפן נאכאמאל אקעגן אים אין 2020 למספרם

לויט די באשולדיגונגען האט זיך דאן פארגעשלאגן פאר א פאלעסטינער אמעריקאנער פראפעסאר צו סערווירן אלץ איר אויסערן פאליסי ראטגעבער און איר דיסטריקט אדער לעגיסלאטיווע דירעקטאר

ניימאן האט זיך פארטייידיגט אז זי האט געזוכט זיין סערוויס צוליב וואס א מאנגל אין אויסערן פאליסי ערפארונג איז געווען טיילווייז צו פארדאנקן איר פארלוסט אין 2018 למספרם און זי האט זיך געוואלט פארזיכערן מיט די ריכטיגע ראט און עס האט גארניטש געהאט מיט זייינע מעגליכע פלענער צו לויפן פארן זעלבן זיץ אבער צווישן דאקומענטן וועלכע זי זעלבסט האט צוגעשטעלט פאר די קערפערשאפט ציילט זיך די קאנטראקט דרעפט צווישן די צוויי וועלכע שרייבט ארויס אז ער פארפליכט זיך נישט צו לויפן אין איוסטויש פאר די אויסערן פאליסי ראטגעבער ראלע

די צוויי האבן עווענטועל אונטערגעשריבן א קאנטראקט אין וועלכע די אויבנדערמאנטע קוויד פרא קווא פאראגאף ווערט נישט דערמאנט אבער נאך וואס זי האט באזיגט ליפינקסי און דער ראטגעבער האט געזעהן אז די פאזיציע ארבעט נישט פאר אים האט ער איר געקלאגט פארן נישט איינהאלטן טיילן פונעם אפמאך און די צוויי האבן עווענטועל אויסגעהאמערט א סעטלמענט און ביידע האבן אונטערגעשריבן נישט צו רעדן איבער די אפמאך

[הכל הבל]

צוריק אין 2010 למספרם ביי איר דיסטריקט ריכטער נאמינאציע פארהער האט סענאטאר גרעהעם געזאגט איבער מישעל טשיילדס: זי וועט טוה א געוואלדיגע ארבעט פאר דרום קאראליינע אלץ א דיסטריקט ריכטערין און מיר זענען גאר שטאלץ מיט איר

גרעהעם ווידערהאלט איצט אז זי איז א געוואלדיגע פערזאן און אז ער קען נישט טראכטן פון א בעסערע אויסוואל וואס ביידען קען מאכן
ער באצייכנט איר אלץ יושר'דיג און העכסט קוואליפיצירט

טים סקאט זאגט אז ער האט א פאזיטיווע איינדרוק איבער איר

[הכל הבל]

מען רוקט זיך נענטער צום דאטום ווען די רעגירונג לויפט ווידעראמאל אויס פון געלט און די פירער פון ביידע פארטייען און קאנגרעס און סענאאט וועלן זיך היינט טרעפן צו זעהן אויב מען קען זיך פאראייניגן אויף א וועג פאראויס

[הכל הבל]

מענשין זאגט אז אלע נעמען אויף די סופרים קאורט קורצע ליסטע זענען געוואלדיג

[הכל הבל]

מעקאנעל וועט היינט רעדן מיט רעפובליקאנער אויפן יורידישן קאמיטע איבער סופרים קאורט נאמינאציע סטראטעגיע

[הכל הבל]

קאלינס רעדט איצט מיט דורבין אויפן סענאט פלאר

[הכל הבל]

קרוז זאגט אז ביידען נאמינירט ריכטער וועלכע זענען מער עסטרעם און ראדיקאל ווי אבאמא און קלינטאן נאמינאציעס

ע פארלאנגט אויך אז סענאטארן זאלן זיך טרעפן מיטן נאמיני פערזענליך און נישט ערלויבן יענעם צו בלייבן פארשלייערט און זיך באגנוגען מיט ווירטואלע זיצונגען

[הכל הבל]

דורבין זאגט אז ווייסע הויז שטאב הויפט ראן קלעין האט אים אנגערופן פאריגע וואך מיטוואך אינדערפרי און אנפארטרויעט מיט די ברייער רעטייערמענט נייס און אנגעזאגט עס צו האלטן בסוד

דורבין זאגט אז קלעין האט גערופן בלויז א געקליבענע צאל מענטשן און ווי עס שיינט איז דאס ווי אזוי עס גייט מיט קלאסיפיצירטע זאכן אין וואשינגטאן

ער זאגט אז ער פון זיין זייט האט עס פאר קיינעם נישט פארציילט מיטן אויסנאם פון זיין פרוי און בלויז צוויי שטונדן שפעטער איז די נייעס געווען אינדרויסן

[הכל הבל]

פאראויסגערוקט מיט 30-61


מעקאנעל איז געווען צווישן די 13 רעפובלקאנער צו שטימען יא


אום 11:30 וועט מען איר ענדגילטיג באשטעטיגן

באשטעטיגט מיט 36-60

[הכל הבל]

ווען האסטו די לעצטע מאהל גערעדט מיטן פרעזידענט?

מענשין: געדענק נישט, מיר רעדן פון צייט צו צייט

[הכל הבל]

איז די SALT פראוויזיע נאך אלץ אויפן טיש אלץ טייל פון די בוי צוריק בעסער?

מענשין: נישטא קיין בוי צוריק בעסער ביל, ווייס נישט איבער וואס דו רעדסט, עס איז טויט

סיי וואס מיר קומען אויף מיט, וועט זיין א גאר אנדערע ביל

[הכל הבל]

שומער זאגט אז די דיפערענצן צווישן די הויז און סענאט אנטי כינע ביל איז עפעס וואס מען דארף קענען לייכט אויסגלייכן

[הכל הבל]

מעקאנעל איבער די טראמפארדאן קאמענטארן:

איך וואלט נישט געשטיצט צו פארקורצן די טערמינען פון אזעלכע וועלכע האבן זיך דערקלערט שולדיג

[הכל הבל]

סענאט באשטעטיגט טשארלס פלעמינג צו סערווירן אלץ דיסטריקט ריכטער פאר צפון אהייא מיט 42-56

[הכל הבל]

ניו מעקסיקא סענאטאר רעי לוהאן האט געכאפט א סטראוק ל"ע פארגאנגענע וואך און ערהוילט זיך אצינד פון אן אפעראציע

[הכל הבל]

מעקאנעל היינט גערעדט צו ביידען איבער א סופרים קאורט נאמינאציע

[אלעקסיי דער דריטער]

נארט דעקאטע סענאטאר זשאן האווען (ר) אנגעשטעקט מיטן וויירוס