Ivelt Cockpit האט געשריבן: ↑דאנערשטאג יולי 22, 2021 12:17 pm
FAA אפראווד פלאן פאר AirTrain LGA
וועט עפענען פאבליק הירינג אין אוגוסט.
שוין א לאנגע צייט וואס די Port Authority און די MTA קאלאברירן מיט פלענער צו מאכן א Rail סיסטעם וואס זאל פארבינדן לא גווארדיע עירפארט צו די סיטי'ס גרויסע סאבוועי סיסטעם. כעת איז נישט דא קיין דירעקטע באן וואס פארט ביז לא גווארדיע, די איינציגסטע אפציע אנצוקומען איז מיטן טרענספערן צו א באס ליין.
JFK האט א עירטרעין וואס קאננעקט עס צו די A,E,J און Z ליניע, און אויך צו די לאנג איילענד רעיל ראוד. Newark האט אויך א רעילוועי וואס באהעפט עס צו די צענטראלע ניו דזשערסי טראנזיט סיסטעם. אבער LGA נישט.
אין 2015 האט די גאווערנער געמאלדן די גרויסע פלענער. במשך די קומענדיגע פאר יאר זענען קאנטראקטערס געהייערט געווארן, אפראוועלס פון די סטעיט ביוראען זענען געשאפן געווארן, די פונקטליכע פלענער זענען אויסגעטענה'ט געווארן און די בודזשעט איז באשטימט געווארן.
די ענטגילטיגע בלו-פרינט פלאנט אוועקצושטעלן אן עירטרעין וואס וועט קאנעקטען דעם עירפארט צו די Mets-Willes point סאבוועי סטאנציע אין קווינס ממש הינטער סיטי-פיעלד, איין און אהאלב מייל אוועק פון די עירפארט. יענע סאבוועי סטאנציע סערווירט די 7 ליניע און די לאנג איילענד רעיל-ראוד.
אזא פראיעקט וועט קאסטן פאר די קאסע כללי אוו ניו יארק א געשאצטע 1.5 ביליאן דאללער.
די MTA און די פארט אוטאריטי זענען זייער צופרידן מיט דעם פלאן, אבער די איינוואוינער וואס וואוינען ארום די געגענט פון די געפלאנטע סטרוקטור זענען נישט, און מיט זיי שטייען נאך אסאך טראנזיט עקספערטן וואס טענה'ן אז ס'וועט ממש נאר ברענגען א נוצן פאר א קליינע פראצענט פון די סיטי. פאר איינוואוינער און ביזנעסלייט פון מאנהעטן וועט עס ממש נישט זיין קיין אויפטוה, ווייל די קאנעקטינג פוינט איז פונקט אין די פארקערטע ריכטונג.
אזוי צו אזוי, האט די עירפארט אריינגעגעבן א אפליקאציע צו די FAA אז זיי זאלן אפראוון די פלאן. איך מיין אז א עירפארט מענעדזשמענט דארף בעצם נישט באקומען קיין FAA אפראוול פאר יעדע אינפארסטראקטשער פראיעקט אין עירפארטס, אבער כדי צו געניסן פון פעדעראלע פאנדינג דארף עס יא א אפראוול (ענליך צו דעם וואס איך בין נישט געצווינגן צו באריכטן מיין דזשאב\פאמיליע\וואוינארט סטאטוס פאר די גאווערמענט, אויסער אויב איך דארף פוד סטעמפס\מעדיקעיד\סעקשן 8 א.א.וו. נישטא ווער זאל לאכן).
נעכטן איז די initial אפראוול אנגעקומען און אין אוגוסט וועט די אגענטור נעמען קאמענטס פון די פאבליק אויף די פלאן.
אויב ווערט עס אפראווד, וואס מיינט עס פאר דיר?
פאר א וויליאמסבורגער איינוואוינער דויערט די וועג צום עירפארט מיט א קאר 15 מינוט אן קיין טרעפיק און ס'קען גיין ביז 50 מינוט אין אנגעלייגטע (כלומר: געווענליכע) צייטן. א קאר סערוויס רעכנט אין דורכשניט 30 דאללער פאר די רייזע.
מיט די G טרעין פון די בראדוועי סטאנציע איז עס א רייזע פון ארום 40 מינוט ביז וויליס פוינט (נאכן טרענספערן צו די 7 ליניע), און דערנאך וועט מען דארפן טרענספערן צו די עירטרעין. די סאבוועי קאסט 2.75 (אדער 1.35 מיט FairFare), און איך גלייב אז די עירטרעין וועט קאסטן אויך עפעס אזא נאמבער, ווייל די 8 מייליגע JFK טרעין קאסט 7.75.
מאך דעם חשבון און לאז מיך נישט וויסן אויב דו וואלסט ווייטער געפארן מיט די קאר אדער מיט די נייע אפציע.
די פארט אויטאריטי האט געמאלדן אז זיי לאזן זיך אפ פון די פלענער צו שאפן א נייע AirTrain אריין און ארויס פון לאגווארדיע
דאס קומט הויפזעכליך צוליב דעם וואס די געשאצטע פראיעקט פרייז-טעג האט געהאלטן אין איין שטייגן און אויך צוליב קאנפליקטן מיט איינוואוינער אין די געגנט
ווי שוין געמאלדן אויבן איז געווען א פלאן צו מאכן א עיר טרעין וואס זאל לויפן צווישן לאגווארדיע עירפארט און די Mets-Willes point סאבוועי סטאנציע אין קווינס. דאס האט געזאלט זיין נאך א רינגעלע אין די קייט פון פאררעכטונגען און קאנסטרוקציע אין די עירפארט וואס האלט מאמענטאל אינמיטן געפארטיגט ווערן.
ביים פארשטעלן דעם פלאן אין 2015 האט זיך עס גערעדט פון א באדזשעט פון 450 מיליאן דאללער, אבער די ציפער האט זיך געדארפט כסדר אדזשאסטן צו אינפלאציע, געהעכערטע מאטריאל פרייזן און אומפאראויסגעזעהענע אויסגאבן. פארגאנגענעם זומער האט מען שוין גערעדט פון א געשאצטע 1.5 ביליאן דאללער, אבער יעצט נאך פורים ווען די וויין האט זיך אויסגעוועפט און מ'קען שוין זעהן די ציפערן מיט ניכטערן בליק, שטעלט זיך ארויס אז אזא פראיעקט וועט קאסטן לכל הפחות 2.5 ביליאן דאללער!
די אומדערהערטע פרייז איז נישט עפעס וואס איז ווערד צו ווערן אריינגעלייגט אין א קאנסטראקשן פלאן וואס האט - אין קאנטראסט - אהערגעשטעלט "A Whole New LGA" פאר בלויז 8 ביליאן בסך הכל!
אויסער דעם זענען דא אסאך טראנספארטאציע עקספערטן וואס האבן גע'טענה'ט אז די סטאנציע צו וועלכע מ'וויל אטעטשן די עיר טרעין וועט נישט קיין סך העלפן פאר רוב רייזנדע, ווי שוין באריכטעט אויבן.
אין צוגאב, שטייט די פלאן אויס א לאוסוט פון די ארטיגע טונקל-הויטיגע געמיינדע פון וועמען עס איז געווען געפלאנט צו אנעקסירן פראפערטיס פאר די פראיעקט, זיי טענה'ן אין די אנקלאגע אז די שטיק לאנד געהערט צו די קאמיוניטי און שטעלט צו סערוויסעס פאר נויטבאדערפיגע און היימלאזע און קען נישט ערזעצט ווערן.