אייוועלט גראפיק פארמעסט חשון תשע"ב

[מר. פאטאשאפ]

איז דער עולם גרייט אויף קומענדיגע וואך זונטאג
צו מ׳ברויך מער צייט?

מיר ווארטן צו הערן פון אייך...

[שמן למאור]

שוין אריינגעשיקט צוויי שטיק

[שמערי בערי]

כ'האף אז דער עולם רופצעך אן ווארים, עס איז נאך פארבליבן ווייניגער ווי א וואך צום אריינגעבן - און ווי אונזער מיסטער זאגט וועט מען נישט מאכן קיין שום אויסנאם מיט זאכן וואס קומען אריין שפעטער פונעם טויטן ליניע.

עניוועי, כ'ארבעט אויף עפעס מ'האפט אי"ה בקרוב צו ענדיגן - אויב די צייט וועט ערלויבן...

[מר. פאטאשאפ]

און ווי אונזער מיסטער זאגט וועט מען נישט מאכן קיין שום אויסנאם מיט זאכן וואס קומען אריין שפעטער פונעם טויטן ליניע...

אמת, דאס איז אמת, דאס איז אמת!

[פאטאקי08]

פארוואס שלאפט דער עולם דא?

[באמבאסטיש]

ווייל מ'איז מיד פון די שווערע ארבעט...

[מר. פאטאשאפ]

זאל מען זיך לייגן פריער אביסל... ס׳טע געזעהן?!

[אלס פארשטייער]

!!!WAKE UP CALL

[מר. פאטאשאפ]

יא, ער איז גערעכט...! הערליך שיין
(אלס פארשטייער, ווען גייסטו מיר שוין אויסזאגן דיין נאמען?)

[פאטאקי08]

אלס פארשטייער דאס האסטו ספעציעל צוזאםגעשטעלט פאר די אשכול?
WOWOW

[אלס פארשטייער]

אלס פארשטייער דאס האסטו ספעציעל צוזאםגעשטעלט פאר די אשכול?
WOWOW

יאפס ספעציעל צו אויפוועקן די גראפיקערס דא.

[טלית קטן]

אפשר מאכן א קאנטעסט צווישן עדס בכלל נישט עפעס ספעסיפיק?

[מר. פאטאשאפ]

לאמיר הערן, למשל וואס?

[מר. פאטאשאפ]

זונטאג 5:00 נאכמיטאג
דעדליין פארן פארמעסט!

_______

משה׳לע... דו ווילסט איך זאל שרייען???
געדעך שוין א שאקל דארטן, וויפיל איז די שיעור צו פעניען???
כ׳האדער געגעהן גענוג צייט דאכצעך...

ווייסטעך וואס שלוימעהאמעלעך זאגט - עד מתי עצל תשכב, מתי תקום משנתך. שטעלצעך א קאשעההה, וואס׳דע דאפעלטע לשון??? נאר וואס׳זשע דען, פשט איז אזוי: העהעהעכעכעם (טשולדיג - כ׳בין פארקיהלט) עד מתי עצל תשכב גייט נישט ארויף אויף שלאפן, ס׳גייט ארויף אויף שכיבה, דאס ליגן אין בעט אין חלומ׳ען, דאס איז די פראבלעם, וואס׳דאס גע׳חלומ׳עכץ, ביסטעך שוין עניוועי אויף, אידעך שוין זיכער נישטא קיין טערעץ...!

(הועתק מדרשת אבי מורי שליט"א ליל ששי פ׳ מקץ תשנ"ז לפ"ק)

[פעטריטשקע]

דערווייל איז נאכנישט אויסגעקומען!, כהאף מוועט עס נאך מאכן אויף צייט.

[ארט און מוזיק]

ראבויסם! ווי יעדער ווייס גייט יעצט קומען מר. פאטעטא שאפ'ס שפיזען, פון וואו ווייס מען? ווייל די באקס פאטעטאס ליגן שוין אינעם פענסטער (אנשטאטס די ערקאנדישן) פאר די לאטקעס .

אלזא איז נישט מער ווי לינקס אז יעדער זאל ארויס קומען פון די לעכער און אריין שמייסן שטיקלעך פאטעטא אינעם שאפ, אויב נישט פאר מיר (יא איך) טוט דאס פאר אונזער געטרייע מיסטער...

[אלס פארשטייער]

ראבויסם! ווי יעדער ווייס גייט יעצט קומען מר. פאטעטא שאפ'ס שפיזען, פון וואו ווייס מען? ווייל די באקס פאטעטאס ליגן שוין אינעם פענסטער (אנשטאטס די ערקאנדישן).

אלזא איז נישט מער ווי לינקס אז יעדער זאל ארויס קומען פון די לעכער און אריין שמייסן שטיקלעך פאטעטא אינעם שאפ, אויב נישט פאר מיר (יא איך) טוט דאס פאר אונזער געטרייע מיסטער...

עס האט גארנישט מיט אים! עס איז פאר אונז.... אויסצושארפן ס'פעדער (נישט די ניקל)

[מר. פאטאשאפ]

ששש... גזל שינה

[מר. פאטאשאפ]

ערב שבת קודש לסדר כי בא השמש (ויצא) שנת ת׳עשה ש׳יינע ע׳דס ב׳אייוועלט לפ"ק

אחדשה"ט באה"ר - כ׳וועלניש מאַרעכזיין מיט קיין לאנגע דרשות, ס׳איז שוין 4 שעה צום זמן הלקה"נ און מ׳ברויכמער שאַבּעסמאַכן, ס׳פייפט שוין באלד (נו...... משה׳לע נעם דעם וועקיום קלינער... דעי רגע, מעגסט אויך עפעס טוהן אין דעי שטוב... יא???) הקיצור, צוריק צום ענין:

די אלע וואס האבן שוין געמאכט עפעס פארן פארמעסט זאלן עס אריינשיקן ׳יעצט׳ - זונטאג איז נאר בדיעבד
די אלע וואס האבן אפגעמאכט נישט צו מאכן עפעס פארן פארמעסט זאלן זיך האלטן ביי ס׳זייעריגע - מעג זיין זונטאג אויך לכתחילה שבלכתחילה
די אלע וואס האבן נאכנישט געמאכט עפעס פארן פארמעסט אבער זיי ווילן נאך מאכן, זאלן ׳יעצט׳ זיך זארגן - זונטאג איז נאר בדיעבד
די אלע וואס האבן געזאגט אז זיי וועלן זעהן אויב זיי וועלן האבן צייט, זאלן מוחל זיין און ׳יעצט זעהן׳ - זונטאג איז נאר בדיעבד
די אלע וואס האבן גע׳טענה׳ט אז זיי האבן נישט קיין צייט זאלן מוחל זיין און אויפשטיין אביסל פריער - סיי היינט און סיי זונטאג לכתחילה

זייט׳ס מאצליעך, טשאבעס
מר. פאטאשאפ

[דווקא'ניק]

די געווינער וועט באקומען עפעס?

[שנאפס]

א ריזיגע אפלאוד

[טלית קטן]

נו איך קען שוין נישט ווארטן איך האף אז דו גיסט לאזן דעם עולם אליין אויספיקן דעם געווינער

[מר. פאטאשאפ]

יום א׳ לסדר ׳ויקח מן הבא בידו מנחה׳ שנת תשע"ב לפ"ק

ס׳איז יעצט 11:30 אינדערפרי, קיין פרישע אימעילס פארן פארמעסט איז דערווייל נישט אריינגעקומען
אלזא, כדי נישט צו ווארטן ביז די לעצטע מינוטן פון טאג וועלן מיר שוין יעצט אנהייבן צו אפלאדירן די ארטווארק פון די חשוב׳ע (געציילטע) ניקס הי"ו

א הוספה וועט צוגעגעבן ווערן, ביז מארגן צופרי איז נאך דער פארמעסט אפן, דאס הייסט
ביז מארגן יום ב׳ 10:00 אינדערפרי וועט מען נאך קענען אריינשיקן

אצינד רבותי וועלן מיר האבן דעם כבוד אויפצורופן די עליות פון די 6 ניקים וואס האבן זיך אנגערופן צום פארמעסט!

שטייט גרייט!

[מר. פאטאשאפ]

בראש וראשון אונזער חשוב׳ער ראש הקהל וועלכע שטייט גרייט 24/6 ארויסצוהעלפן דעם חשוב׳ן ציבור יעדן איינעם מיט זיינע געברויכן, אן ארטיקל פון א יונגערמאן, ה"ה
הרבני הנגיד מוה"ר שמערי בערי הי"ו

[מר. פאטאשאפ]

דער צווייטער אין די רייע
א יונגערמאן וואס טראץ וואס ער איז אזוי פארנומען מיט זיין וואויל-בארימטע ביזנעס Art Official Designs האט ער אוועקגעגעבן צייט און אנטייל גענומען אינעם אייוועלט גראפיק פארמעסט #2
ה"ה הרבני המופלג והמופלא כמר יושע וואלף טייכמאן הי"ו