פרקי אבות מיט א שמייכל

ליקוטים וטעמים על ענינים שונים

די אחראים: אחראי,גבאי ביהמד

אוועטאר
מאניש בנבנשתי
שר חמשת אלפים
תגובות: 5382
זיך איינגעשריבן אום: זונטאג פעברואר 01, 2015 12:26 pm
לאקאציע: אין מיין גוף

פרקי אבות מיט א שמייכל

  • ציטיר
  • צו לייגן א דאנק דארפט איר זיין אריינגעלאגט

תגובה דורך מאניש בנבנשתי »

מנהג אבותי בידי, ווי יעדן שבת נאכמיטאג לערן איך מיט מיינע קינדער פרקי אבות, און איך פרוביר עס אראפצולייגן מיט טעם אין א בחינה פון עבדו את השם בשמחה, ווי די תורה זאגט תחת אשר לא עבדת את השם אלוקיך בשמחה, און צומאל מיט א שמייכל גייט עס מער אריין אין די ביינער, האב איך געקלערט מיטצוטיילן דא און ארויפלייגן זאלן אנדערע אויך הנאה האבן, ובזה החלי.

★★★★★★


די רעגירונג איז לעצטנס פיין צולאזט, מען טיילט חלוקות פון אלע זייטן, מילך גיסט זיך ווי וואסער, מען טיילט ריפאנד'ס אזוי שמיר נישט דוכן נישט. $10,000 מילד גערעדט פאר א משפחה פון 6-7 קינדער, אמעריקא האט חובות? א דעפיציט? הע, אין טיימס סקווער אויפן טאוועל, נישט אין די טרעזשורי! ביי די ביכער אין וואשינגטאן אפשר, נישט אין די מינט דעפארטמענט.

הקיצור, וויאזוי זאל ווען זיין אויב די רעגירונג זאל טיילן פראפערטי פאר'ן ציבור? יא, יעדער קריגט א עיקער אדער צוויי, זאל זיין 10 מיט א ברייטקייט, א נחלה פאר יעדע בירגער, איר קענט טוהן דערמיט וואס אייער הארץ באגערט! קוק אהער דער מאניש פאנטאזירט דא, אבער לאמיר חלומ'ן ווייטער, וואס וואלט א נארמאלע מענטש געטוהן דערמיט?

לאמיר נעמען דעם מאניש, איך וואלט אויפגעבויעט א שיינעם מענשאן א פאלאץ, וואס דובאיי זאל זיין א שפיי קעגן דעם, מיט מאסיווע וואסער פאלן. הערליכע לענדסקעיפינג אז מיין באבע וועט אויפשטיין פון קבר, די בנין אינעווענדיג זאל מען שטום ווערן ביים אריינקומען פון איר שיינקייט, א עקסטערע טור גייד פאר מיינע שונאים עס צו באטראכטן און פלאצן, א הערליכע ספעציעלע גארטן צו אויסגראדן די נערוו'ן ווען מען ברויך וויכטיג, א וועג וואס פירט אדורך אויג פארכאפענדע פאנאראמע'ס, מען זאל ארויסקומען פון דארטן מער משוגע ווי ווען מען איז אריין, הכלל די פאלאץ פון מאניש זאל זיין די געשפרעך ביי אינג און אלט.

איצטערט לאמיר נעמען דזשארדזש איינער פון די ברודער'ס אין די הוד, יע דער פון עיר הבירה בראנק'ס, די בראדערהוד! וואס וואלט ער געטוהן דערמיט? בפשטות וואלט נאך יענע נאכט ארויפגעלאנדעט א 60 יעריגע מאביל וואס ער האט באקומען בגניבה פון א חבר זיינע אויך נישט קיין גרויסע צדיק, פענסטער'ס מאן דכר שמי-ה, אביסל צובראכענע גלאז איז נאך דא ארום אלץ א צייכן אז ס'איז געגאנגען שלעק דארט, פארענט פונעם הייזקע איז דא א שפע פון רעדער ס'זאל זיין! אלעס סייזע'ס רעדער מיט א שפע נישט כאפן ס'איז דא גענוג, עס ציען זיך בענדלעך פון אלע זייטן אויסגעלייגט דערויף אלע אונטערוועש צו באשיינען דעם געגנט, העמעדער הויזענעס ליילעכער דאכענעס עס הענגט פון אלע זייטן נוי סוכה, יעדע צובראכענע געז רענטש פון זיינע חברים ליגט ביי אים אין יארד מיט א פראכט, אה פאר איך פארגעס, ביים אריינגאנג צו די פראפערטי הענגען פיל מיט שיך אזוי ארויפגעקניפט אויף א בענדל צו דערמאנען די מענשטהייט אז דא איז אונזער טעריטאריע, עס איז עפעס אזא ברוכים הבאים אויסדרוק ביי די בני חם, ביי די פאדערשטע חלק פון זיין פראפערטי איז דא א מוזיעם פון אלטע דזשאלאפי קאר'ן וואס ער מיט זיין רביצין האבן זיך אנגעזאמעלט אין די הונגער יאר'ן, די ריח דארטן איז אזוי פעסט און שטארק אז אלע לייסאל'ס פון די וועלט קען דאס נישט פארטיליגן, א בחינה פון א לייפטיים ריח וואראנטי, די געביידע איז אנגעפירקלט מיט גראפיטי פון אלע זייטן, עס דינט עפעס ווי א לחש קעגן די פאליציי, וואס זאגט איר נישט צו אזא פראפערטי? יעס מען!

כל ישראל יש להם חלק לעולם הבא זאגט די הייליגע חפץ חיים, יעדער קריגט א פראפערטי אלע אידן, די שאלה איז נאר וואס מען טוט דערמיט, איינער וואס האט נישט שכל לאזט עס פארשימעלט ווערן אזוי ווי דזשארדזש אין די בראנקס, עס הענגען ליילעכער פון אלע זייטן, עס גייט א ריח למעלה מעשרה טפחים, עס איז פארשמירט פון אלע זייטן מיט זיינע מעשים טובים.

ווידער דער וואס האט שכל, מאכט א שיינעם פאלאץ דערפון, א פאנאראמע, הערליכע מעשים טובים, עס גייט א אמת המים מיט אן אילן נאה, וואס רעדסטו עס איז א גן עדן, ממש אויגפארכאפענדע מצוות וגמילות חסדים, מעשי ידי להתפאר פירט אויס דער חפץ חיים, מיינע מעשים באצירן מיין פראפערטי, עס איז אנגעפילט מיט א גוט ווארט פאר א איד, א חסד פאר א קראנקן אין שפיטאל, און יא א שמייכל פאר א געזונטן מענטש אין ביהמ''ד, א שעה צוויי קביעות עיתים אדער מער, יעדער לויט זיין מעגליכקייט, אזא פראפערטי איז די געשפרעך פון אלע מלאכים ושרפים.
אב''ד ור''מ קרעפלעך והגלילות יצ''ו

געב צוריק דאס געלט פאר'ן רבי'ן, די רבי ער זאגט נישט קיין ליגענט..(קרעדיט: מיכאל ע''ה.)

מיינע באקן זענען נישט פארגליווערט, ווייל איך מאך דערמיט איבונגען כסדר..

קרעפלאך והגלילות

דער שיעור שטיבל
סארקאזי
שר האלף
תגובות: 1657
זיך איינגעשריבן אום: מאנטאג פעברואר 08, 2016 8:49 pm

Re: פרקי אבות מיט א שמייכל

  • ציטיר
  • צו לייגן א דאנק דארפט איר זיין אריינגעלאגט

תגובה דורך סארקאזי »

;l;p- ;l;p- ;l;p- :lol: :lol: :lol:
Very nice
א פרוי, א קינד, און א נאר, פארשטייען נישט קיין סארקאזעם, וועלכע זענט איר?
אוועטאר
אוראייניקל
רב הצעיר תשפ"ד
תגובות: 17011
זיך איינגעשריבן אום: דאנערשטאג פעברואר 21, 2019 9:05 am

Re: פרקי אבות מיט א שמייכל

  • ציטיר
  • צו לייגן א דאנק דארפט איר זיין אריינגעלאגט

תגובה דורך אוראייניקל »

;l;p- :grin:
מישאן אקאמפלישד..

ס'האט מיר געקאסט א שמייכל!
חוח בין השושנים האט געשריבן:
אוועטאר
מי יודע
שר שמונת אלפים
תגובות: 8715
זיך איינגעשריבן אום: מאנטאג אוגוסט 31, 2009 4:35 pm

Re: פרקי אבות מיט א שמייכל

  • ציטיר
  • צו לייגן א דאנק דארפט איר זיין אריינגעלאגט

תגובה דורך מי יודע »

WOW
דו ביסט מעסיוו
קיפ איט אפ
;l;p-
אידעלע זיי פרייליך, שטארק דיך שטארק דיך אצינד, ווייל דו ביסט דאך א בן מלך, דעם באשעפער'ס קינד.
אנגעקומען
שר העשר
תגובות: 33
זיך איינגעשריבן אום: דאנערשטאג יולי 08, 2021 7:04 pm

Re: פרקי אבות מיט א שמייכל

  • ציטיר
  • צו לייגן א דאנק דארפט איר זיין אריינגעלאגט

תגובה דורך אנגעקומען »

זייער שיין
איך פלאן עס איבער צו זאגן אין שטוב נאר וואס זאג איך ווי האב איך דאס געהערט
אוועטאר
אלטער
שר תשעת אלפים
תגובות: 9970
זיך איינגעשריבן אום: דינסטאג יאנואר 14, 2020 12:44 pm
לאקאציע: אין בהמ"ד ביים קאווע שטיבל

Re: פרקי אבות מיט א שמייכל

  • ציטיר
  • צו לייגן א דאנק דארפט איר זיין אריינגעלאגט

תגובה דורך אלטער »

;l;p- ;l;p- :lol: :lol:
זייער שיין!
ווייל איך בין א אידעלע, זינג איך מיר א לידעלע, ווייל איך בין א איד, זינג איך מיר א ליד
אוועטאר
אלטער
שר תשעת אלפים
תגובות: 9970
זיך איינגעשריבן אום: דינסטאג יאנואר 14, 2020 12:44 pm
לאקאציע: אין בהמ"ד ביים קאווע שטיבל

Re: פרקי אבות מיט א שמייכל

  • ציטיר
  • צו לייגן א דאנק דארפט איר זיין אריינגעלאגט

תגובה דורך אלטער »

אנגעקומען האט געשריבן:זייער שיין
איך פלאן עס איבער צו זאגן אין שטוב נאר וואס זאג איך ווי האב איך דאס געהערט

קענסט זאגן אז האסטעס געהערט פון מאלאך ביי איינע פון זיינע אלטע שיעורים...
ווייל איך בין א אידעלע, זינג איך מיר א לידעלע, ווייל איך בין א איד, זינג איך מיר א ליד
אוועטאר
בענקעל
שר שלשת אלפים
תגובות: 3714
זיך איינגעשריבן אום: דאנערשטאג יוני 25, 2015 11:30 am

Re: פרקי אבות מיט א שמייכל

  • ציטיר
  • צו לייגן א דאנק דארפט איר זיין אריינגעלאגט

תגובה דורך בענקעל »

איי מאניש'ל דו ביסט צוקער זיס!

דיינע שרייבווערק זענען אומשאצבאר און א דערלייכטערונג.
מר קאפלאווסקי
שר חמש מאות
תגובות: 632
זיך איינגעשריבן אום: דינסטאג אפריל 27, 2021 9:58 am
לאקאציע: אינעם מצוה מענטשי'ס שאכטעל

Re: פרקי אבות מיט א שמייכל

  • ציטיר
  • צו לייגן א דאנק דארפט איר זיין אריינגעלאגט

תגובה דורך מר קאפלאווסקי »

הערליך שיין...

אזוינע טיפע רייד מאכט מיר טראכטען אז דיין לאקציע איז יא עכט
אנגעקומען
שר העשר
תגובות: 33
זיך איינגעשריבן אום: דאנערשטאג יולי 08, 2021 7:04 pm

Re: פרקי אבות מיט א שמייכל

  • ציטיר
  • צו לייגן א דאנק דארפט איר זיין אריינגעלאגט

תגובה דורך אנגעקומען »

גוט

אגב איך קלער איבער צו פלאנצען דעם געדאנק צווישן צוויי סארטן אידישע געביידעס
שמחהלע
שר האלף
תגובות: 1524
זיך איינגעשריבן אום: מיטוואך יאנואר 10, 2018 12:50 pm

Re: פרקי אבות מיט א שמייכל

  • ציטיר
  • צו לייגן א דאנק דארפט איר זיין אריינגעלאגט

תגובה דורך שמחהלע »

ציקער זיס! הערליכע געדאנק.

Keep it up!!!
אוועטאר
נו גוט נו שוין
שר עשרת אלפים
תגובות: 12231
זיך איינגעשריבן אום: דינסטאג אוגוסט 07, 2018 12:33 pm

Re: פרקי אבות מיט א שמייכל

  • ציטיר
  • צו לייגן א דאנק דארפט איר זיין אריינגעלאגט

תגובה דורך נו גוט נו שוין »

א מחי' צו לעיזן
און צו לאכן
אוועטאר
פרישע קוגל
שר שלשת אלפים
תגובות: 3014
זיך איינגעשריבן אום: מאנטאג יאנואר 13, 2020 1:14 pm
לאקאציע: און עוד מלבדו - דענווער קאלאראדא

Re: פרקי אבות מיט א שמייכל

  • ציטיר
  • צו לייגן א דאנק דארפט איר זיין אריינגעלאגט

תגובה דורך פרישע קוגל »

שיין. גוט געשריבן, און מיט זאפט.
הר גריזים
שר האלף
תגובות: 1531
זיך איינגעשריבן אום: מאנטאג אוגוסט 14, 2017 1:34 pm

Re: פרקי אבות מיט א שמייכל

  • ציטיר
  • צו לייגן א דאנק דארפט איר זיין אריינגעלאגט

תגובה דורך הר גריזים »

שמחהלע האט געשריבן:ציקער זיס! הערליכע געדאנק.

Keep it up!!!

גא״מ
אוועטאר
ערעב איד
שר האלף
תגובות: 1188
זיך איינגעשריבן אום: מאנטאג אוגוסט 03, 2020 11:47 pm
לאקאציע: אלל אווער דעי פלעיס

Re: פרקי אבות מיט א שמייכל

  • ציטיר
  • צו לייגן א דאנק דארפט איר זיין אריינגעלאגט

תגובה דורך ערעב איד »

זייער שיין!
אוועטאר
מאניש בנבנשתי
שר חמשת אלפים
תגובות: 5382
זיך איינגעשריבן אום: זונטאג פעברואר 01, 2015 12:26 pm
לאקאציע: אין מיין גוף

Re: פרקי אבות מיט א שמייכל

  • ציטיר
  • צו לייגן א דאנק דארפט איר זיין אריינגעלאגט

תגובה דורך מאניש בנבנשתי »

די וואך וועט נישט פארקומען די שיעור צוליב די ימי אבילות, מיר האפן עס משלים צו זיין די אנדערע וואך בכפלים.

ויה''ר שהימים האלו יתהפכו לששון ולשמחה!
אב''ד ור''מ קרעפלעך והגלילות יצ''ו

געב צוריק דאס געלט פאר'ן רבי'ן, די רבי ער זאגט נישט קיין ליגענט..(קרעדיט: מיכאל ע''ה.)

מיינע באקן זענען נישט פארגליווערט, ווייל איך מאך דערמיט איבונגען כסדר..

קרעפלאך והגלילות

דער שיעור שטיבל
אוועטאר
אוראייניקל
רב הצעיר תשפ"ד
תגובות: 17011
זיך איינגעשריבן אום: דאנערשטאג פעברואר 21, 2019 9:05 am

Re: פרקי אבות מיט א שמייכל

  • ציטיר
  • צו לייגן א דאנק דארפט איר זיין אריינגעלאגט

תגובה דורך אוראייניקל »

מאניש בנבנשתי האט געשריבן:די וואך וועט נישט פארקומען די שיעור צוליב די ימי אבילות, מיר האפן עס משלים צו זיין די אנדערע וואך בכפלים.

ויה''ר שהימים האלו יתהפכו לששון ולשמחה!

מ'האט דאך נישט געזאגט קיין פרקי אבות די וואך (רמ"א תקנ"ג ס"ב)..

אפשר איז טאקע די טעם, ווייל מאניש קען נישט מאכן שמייכלען ערב ת"ב..
חוח בין השושנים האט געשריבן:
אוועטאר
מאניש בנבנשתי
שר חמשת אלפים
תגובות: 5382
זיך איינגעשריבן אום: זונטאג פעברואר 01, 2015 12:26 pm
לאקאציע: אין מיין גוף

Re: פרקי אבות מיט א שמייכל

  • ציטיר
  • צו לייגן א דאנק דארפט איר זיין אריינגעלאגט

תגובה דורך מאניש בנבנשתי »

אוראייניקל האט געשריבן:
מאניש בנבנשתי האט געשריבן:די וואך וועט נישט פארקומען די שיעור צוליב די ימי אבילות, מיר האפן עס משלים צו זיין די אנדערע וואך בכפלים.

ויה''ר שהימים האלו יתהפכו לששון ולשמחה!

מ'האט דאך נישט געזאגט קיין פרקי אבות די וואך (רמ"א תקנ"ג ס"ב)..

אפשר איז טאקע די טעם, ווייל מאניש קען נישט מאכן שמייכלען ערב ת"ב..



די רמ''א גייט טאקע לפי שיטת מאניש בנבנשתי, און ער האלט אז מאניש איז גערעכט און צוליב ימי אבילות לערנט ער אויך נישט קיין פרק
אב''ד ור''מ קרעפלעך והגלילות יצ''ו

געב צוריק דאס געלט פאר'ן רבי'ן, די רבי ער זאגט נישט קיין ליגענט..(קרעדיט: מיכאל ע''ה.)

מיינע באקן זענען נישט פארגליווערט, ווייל איך מאך דערמיט איבונגען כסדר..

קרעפלאך והגלילות

דער שיעור שטיבל
אוועטאר
מאניש בנבנשתי
שר חמשת אלפים
תגובות: 5382
זיך איינגעשריבן אום: זונטאג פעברואר 01, 2015 12:26 pm
לאקאציע: אין מיין גוף

פרקי אבות מיט א שמייכל

  • ציטיר
  • צו לייגן א דאנק דארפט איר זיין אריינגעלאגט

תגובה דורך מאניש בנבנשתי »

שיעור ב'

שמעריל זיצט זיך אין זיין צימער אזוי פארטראכט, פון דער זייט ליגט די לילקע, און איר רויעך שלענגל'ט זיך אזוי שיין ארויף, מזמן לזמן איז שמעריל מכניס ומוציא מרשות לרשות פונעם געשמאקן דעמפונג, מיט וועם קען איך מיר משדך זיין? שמעריל האט א בחור אין די יאר'ן גאנץ א לייטיש בחור, פארשטייט אן עסק, א צוגעלאזענער, און ועל כולם זייער א קלוגער בחור, דוד'ל איז שוין 18 ב''ה און זיין טאטע שמעריל זוכט שוין א שידוך פאר אים, לאו דוקא פאר אים, פאר זיין עלטער זיידן איך מיין צו זאגן פאר זיך, ער זוכט א מחותן א נגיד פונקט וואו אים, ער דארף איינעם וואס דרייט זיך אין ס'מעדרעש מיטן גרויסן בויך, אזא רינדעכיגע בערדל, א געבויגענעם הוט, און פירט מער וויניגער דאס שטעטל.

ער שמעריל פליפ''ט הייזער יעדן צווייטן טאג, די באנק קאנטע נומער'ן הייבן זיך ווי יארבן, און ער איז נישט גרייט צו נעמען עפעס א לעקיש בערל פון דער גאס, די שידוך וואס ער טוט מוז רעדן ווערטער, עס מוז זיין די געשפרעך פון טאג, ווער קען דאס זיין? מיט וועמען קען מען א שידוך טוהן? אה אפשר סוחי דער ראש הקהל דאס קען זיין א גוטע פלאן, ער איז דאך א איד א נגיד, דער גאנצער שמייסט שאטס אין סמעדרעש, קען גארנישט זיין בעסער, ער רופט אן תנחום דער שדכן זאל זיך אריינלייגען דערינען.

תנחום דער שדכן ברויך נישט ארבייטן צו לאנג, אונזער סוחי נעמט גאנץ שנעל איבערצורעדן, מען שמועסט אפ א זייגער ווען דאס בחור מיט דאס מיידל גייען זיך צוזאמזעצן און רעדן פאר עטליכע מינוט און שליסן שידוך, דער זייגער רוקט זיך, אונזער סוחי קומט אן מיט זיינע בליצער'ס, דאס מיידל אויך גאנץ א קליין מחוכמת טאנצט ארויס פון קאר, האלטענדיג א פיטש אין די האנט און פון די מויל גייט א טייך מיט שפייאכטץ, זי מאכט איר וועג אריין אין צימער מיט איר טאטן, דער חתן דינן דוד'ל שטייט און גלייבט נישט וואס זיינע אויגן זעהן, עס ווערט אים פינסטער פאר די אויגן, ער טרעפט זיך יעצט מיט אלע פלאנעטן און באגריסט זיי פערזענליך, טראך..... דוד'ל כאפט זיך אויף ווי פון א בייזע חלום, יע דאס מיידל זיצט שוין ביים טיש גרייט צו אנהויבן מיט איר דברי פקחות.

דוד'ל זעצט זיך אראפ בלית ברירה, דאס מיידל נעמט ארויס א גאנצע פאק מיט קאמיק בוק'ס, דוד פרעגט האלב שטאמעלדיג מה זאת? ענטפערט די צדיקת אז די שדכן האט געזאגט זי מעג טשידן פון אינעווענדיג, אקעי דער דוד זוכט וויאזוי ער קען זיך ארויסזעהן פון דעם מצב דא, אבער זי הייבט אן גיסן אירע פערל רייד, עס פליסט פון איר אוצרות מיט הימל שרייענדיגע גאלדי לאקס מעשיות, גאר אלטע היסטארישע טשאדעלע באדעלע געשיכטעס, אויב איז דוד נאך געווען מסופק פאר איין מינוט אויב ער זיצט בכלל מיט א מין אנושי, ווערט אים קלארער וואו א מינוט שפעטער אז מען רעדט גאר פון א אנדערע סארט בכלל, אפשר זוכט זיין טאטע נישט קיין שידוך פאר אים, קען גאר זיין אז ער וויל אים אלץ א פאסטוך צו פירן א שטאל מיט בהמות?!

דוד מיינט אז די שמועס קומט שוין צו אן ענדע, אבער דא הייבט אן קומען נעקסט לעוועל, זי נעמט ארויס א בערעלע און צייגט עס פאר דוד, זעהסט די בערעלע, דאס איז חיינטשע! זי איז מיין שוועסטער, און איך בלייב מיט איר, זי קומט אויך צו די חתונה מערצעשעם, און אונז וועלמיר האבן א עקסטערע שטוב פאר איר! זי האט ליב ווען מען שמייכלט צו איר, קענסט שמייכל'ן דוד? שמייכל צו איר! נע, זעהט אויס אז די בערעלע איז יעצט שעמעדיג, זארג דיך נישט נאך די חתונה וועט זי ווערן מער פריינטליך!

דוד הייבט זיך אויף פון פלאץ, אלעס האט דאך א שיעור וויפיל גאלאנען פערדעריי ער קען עסן אין איין מינוט, ער הייבט פוס און אנטלויפט!!! איבערלאזענדיג זיין טאט'ן מיט די גאנצע קופה של שוורים זאלן פאשענען אינאיינעם און זיך דורכרעדן צווישן זיך זוילאנג זיי ווילן.

דוד הייבט אן ארויסוואנדער'ן פון שטאט, קלעטערנדיג פון איין דערפל צום אנדער'ן, איין טאג זייענדיג אין א דארף אויפן מארק, באמערקט ער א מיידל זיצן דארטן פארקויפענדיג גרינצייג, ער גייט דארטן צום טישל, און הייבט אן א שמועס מיט איר, ער זעהט אז זי איז זייער א קלוג מיידל, גאר א שטארקע מחוכמת, ער הייבט אן טראכטן הלואי, אפשר איז דעס זיין בא'שערטע?! ער פרעגט איר אפשר וואלט זי געוואלט מיט אים חתונה האבן?

זי ענטפערט אים אז ער זאל קומען מיט איר פרעגן איר טאטן, זיי מאכן זייערע טריט צו איר טאטן אהיים, זיי קומען אן צו א קליין הייזקע'לע, די דאך זעהט אויס ווי ער זאגט יעצט אשמנו איינגעבויגענערהייט, די שויבן האבן לכאורה נישט צו לאנג צוריק געקלאפט על חטא, און די ווענט גייען מיט אזא איינגעבויגענעם פיקל, עס איז דא געשווילעכטצער פון אלע זייטן, עס הענגט שפין געוועבעכטץ פעדימער כמנין תרי''ג מיט נאך פארשידענארטיגע גמטריאות, עס זיצט דארטן אן ארימער אידל אין דער זייט מיט געלעכערטע זאקן וואס ער האט נאך אן זינט זיין חתונה, זיין העמד זעהט ליבערשט אויס ווי א קונצליכע מעלעריי ווערק מיט אויג פארכאפענדע קאלירן, און דאס מיידל פרעגט איר טאטן אויב זי מעג חתונה האבן מיט דעם בחור?

דער טאטע פרעגט אויס דעם בחור מה טיבו, פון ווי קומט ער, ווער איז זיין טאטע? און דער ארימער איד זאגט ניין, ער איז נישט מסכים צו די שידוך, זיין טאכטער קומט פון אן ארימע שטוב, און מען וועט איר פארשעמען ביי דיין טאטע אין הויז, זי איז נישט געוואוינט צו אזא רייכע לעבן, עס איז נישט קיין שידוך!

רופט זיך אן דוד, אי משום הא איז נישט קיין פראבלעם, ער איז מסכים דא צו בלייבן וואוינען און קיינמאל מער נישט אהיימגיין, ער וועט לעבן א ארימע לעבן פונקט ווי זי האט געלעבט ביז יעצט, ער וויל מיט איר חתונה האבן ווייל זי איז א קלוגע מיידל, א פארשטענדליכע, און ער איז גרייט צו טוהן אלעס פארדעם!

זאגט די טאטע, אזוי? דעמאלטס קום מיט מיר איך וועל דיר עפעס צייגן, ער נעמט אים צו א קליינעם פארשטופטן צימער'ל, און עס אנטפלעקט זיך פאר אים אן אוצר פון גאלד, זילבער, דיימאנטן, ממש א וועלט'ס עשירות! זעהסט דאס? די גאנצע עשירות איז ענקער'ס, איך האב נישט געוואלט אז מענטשן זאלן וועלן חתונה האבן מיט מיין טאכטער צוליב מיין עשירות, האב איך עס באהאלטן פון מענטשן און געווארט צו זעהן ווער עס וויל חתונה האבן מיט איר און האלטן איר טייער נישט צוליב עשירות, יעצט אז איך זעה אז דו ווילסט איר אפילו אין עניות ודחקות, נאדיר מיין פארמעגן און האב חתונה מיט איר געזונטערהייט.


**********

דער בן איש חיל פירט אויס מיט די משל, משה קבל תורה מסיני, פארוואס האט דער אייבערשטער געגעבן די תורה ביים בארג סיני אין מדבר וואס איז פוסט, נישטא גארנישט דארטן, ער וואלט ווען געדארפט געבן די תורה אין ארץ ישראל וואו עס איז א רייך לאנד, ארץ אשר לא תחסר כל בה?

נאר דער אייבערשטער האט נישט געוואלט געבן די תורה פאר אזעלעכע מענטשן וואס ברויכן איר צוליב די רייכטום וואס מען באקומט דורך איר, ער האט געוואלט ווארטן און זעהן ווער עס וויל די תורה אפילו בדחקות.

אידן זענען געווען אין לאנד מצרים אן ערות הארץ, א שרעקליך טמא'נע לאנד, די מצריים האבן אנגעשדכנ'ט די געטשקעלעך פאר די אידן זיי זאלן חתונה האבן דערמיט, אבער די אידן די עם חכם ונבון האבן נישט געהאלטן ביים זיצן מיט די נערישע משוגעים זייער גאנץ לעבן, זאלן זיי די מצריים זיצן מיט די געשטקעלעך און שפילן קאמיקס בוקס דערמיט, די אידן האבן זיך אויפגעהויבן און אנטלאפן פון מצרים, זיי זענען געגאנגען אין מדבר, געוואנדערט פון איין פלאץ צום צווייטן, א מדבר שממה עס איז גארנישט דא, אן ארימקייט פון אלע זייטן, זיי זענען אנגעקומען צום בארג סיני, משה רבינו אפפערט פאר זיי די תורה, די אידן זאגן געגאנגען נעשה ונשמע, מיר ווילן די תורה! זאגט זיי הקב''ה אבער מיין טאכטער איז נישט געוואוינט צו ענקער טומאה פון ווי עטץ קומט'ס, נישט קיין פראבלעם ענטפער'ן די אידן, מיר וועלן מער נישט צוריקגיין קיין מצרים, מיר וועלן ווארטן דריי טעג, זיך מטהר זיין, און זיך צושטעלן צו דיין טאכטער די תורה, מיר ווילן איר אפילו בדחקות!

אזוי, זאגט דער אייבערשטער קומט מיט מיר קיין ארץ ישראל, נאדיר מיין אוצר און האב חתונה מיט מיין טאכטער.
אב''ד ור''מ קרעפלעך והגלילות יצ''ו

געב צוריק דאס געלט פאר'ן רבי'ן, די רבי ער זאגט נישט קיין ליגענט..(קרעדיט: מיכאל ע''ה.)

מיינע באקן זענען נישט פארגליווערט, ווייל איך מאך דערמיט איבונגען כסדר..

קרעפלאך והגלילות

דער שיעור שטיבל
הר גריזים
שר האלף
תגובות: 1531
זיך איינגעשריבן אום: מאנטאג אוגוסט 14, 2017 1:34 pm

Re: פרקי אבות מיט א שמייכל

  • ציטיר
  • צו לייגן א דאנק דארפט איר זיין אריינגעלאגט

תגובה דורך הר גריזים »

ביסט פיינע נייעס! א געשמאק די משל און די נמשל, זייער הנאה געהאט.
אוועטאר
מאניש בנבנשתי
שר חמשת אלפים
תגובות: 5382
זיך איינגעשריבן אום: זונטאג פעברואר 01, 2015 12:26 pm
לאקאציע: אין מיין גוף

Re: פרקי אבות מיט א שמייכל

  • ציטיר
  • צו לייגן א דאנק דארפט איר זיין אריינגעלאגט

תגובה דורך מאניש בנבנשתי »

שיעור ג'

משה קבל תורה מסיני, ומסרה ליהושע, ויהושע לזקנים קען מיר איינער מסביר זיין פארוואס האט משה רבינו געקענט געבן די תורה פאר יהושע אליינ'ס און ווייטער יהושע האט עס געמוזט געבן פאר פילע זקנים? יהושע האט געשריבן א גרעסערע ספר תורה וואס מען מוז האבן הונדערטער מענטשן וואס זאלן עס האלטן? אדער פשוט ער איז געווען א גוטע ביזנעסמאן און ווען עס איז געקומען זיין רייע צו פליפן די ספר תורה האט ער עס צוטיילט אויף עקסטערע שטיקלעך און אזוי געפליפט ווייטער? איז משה רבינו'ס ספר תורה געווען אזא קליינע ספר תורה מיט וואס די רבי'ס טאנצן ביי די הקפות, און וועגן דעם האט ער עס געקענט איבערגעבן פאר בלויז איין מענטש יהושע?

די אידן זענען אריינגעקומען קיין ארץ ישראל, טויזענטער טויזענטער משפחות האבן אריינמאשירט מיט די גאנצע האב און גוט'ס, און מען האט געטיילט ריעל עסטעיט פאר די גאנצע ציבור, און דערוילעם האט זיך באזעצט איש איש על מחנהו, דער וואוינט אין גליל דער אנדערער מער לעבן ירושלים, ס'טוט זיך געגנטער מיט שטעט פיל מיט אידן פון אלע זייטן, נע מען וואוינט נישט לעבן שווער גראדע, דענסמאל האט מען געוואוינט לעבן טאט'ן, דעם שווער האט מען געהאט אין בויבעריק, זאל ער זיך גיין ווי די שווארצע פעפער וואקסט, איך מיין צו זאגן צו זיין שבט, דריי דיך ביי דיין עידזש בלע''ז, אידן וואוינען איבעראל אין גאנץ ארץ ישראל, יעצט וואס טוט מען אויב איינער האט עפעס א שאלה צו פרעגן? ס'הייסט וואס?! מען גייט צום דיין יהושע!

וויאזוי גייט מען דאס? כ'מיין צו פרעגן אידן וואוינען דאך אומעטום אין גאנצן לאנד, נו אטא וויאזוי דערזעהט זיך דער דעקל אויפן באטל אין א רוישיגן קידוש שאבעס צופרי? איז דא אן עצה! קרייצנישט טראנספארטאציע שטעלט צו א וועג יעדן טאג קיין ירושלים פאר די אלע מענטשן וואס האבן עפעס צו פרעגן פונעם דיין יהושע.

איז לאמיר זיך ארויפכאפן אויף איינע פון די וועגענער וואס פארט איצטערט קיין ירושלים פונעם ווייטן גליל געגנט, זרח קרייצנישט איז דער בעל עגלה דאסמאל, און ער האט אריבער פערציג מענטשן וואס ווילן פרעגן א שאלה ביים דיין יהושע, דער ערשטער וואס זיצט אויפן וואגן איז מיר גראדע גאנץ קענטיג, ניסן פערדנקראפט פון מיין געגנט, ער שמ'ט אין די שטאט מיט זיין גאונות, גראדע מער בריסק געשטימט, טיפזיניגע חידות וואס לאזט איבער יעדן מענטש אין שאק, וואס איז דיין שאלה וואס דו ווילסט פרעגן פון יהושע, פרעג איך אים?

ער האט היינט געפענט אן איי, הייבט ער אן צו זאגן, און ער האט געזעהן א בליץ טראפ, מיט א פארקנייטשט שטערן און א אויסגעצויגענעם בארדע פרעגט ער אזוי, די שאלה איז אויב ער האט נאר געזעהן דעם בליץ, און דעם דינער האט ער נישט געהערט, צו ער ברויך זאגן די ברכה עושה מעשה בראשית?! און בכלל וואס דארף מען טוהן מיט די איי, מעג מען עס אוועקווארפן, אדער עס האט שוין די דין פון צער בעלי חיים? שטארקע חקירה דאס.

דערנעבן זיצט מענדל קרוינענשיסל ער האט מער א לומדישע שאלה, ס'איז אים ארויסגעוואקסן א ווארצל אויפן פנים, גראדע גאנץ א שיינע שיעור, עס זעהט אויס א חתיכה הראויה להתכבד, פארנעמט זיכער א רביעית פונעם פנים, און עס האט זיכער נישט ששים כנגדה, יעצט וויל ער וויסן צו ער דארף האלטן ערלה די ערשטע דריי יאר, היות ער ווייסט נישט וואס וועט וואקסן דארטן, אמת טאקע די ווארצל איז שוין דא דרייט מענדל מיטן פינגער, מען קען ווען אפשר דן זיין צו מען גייט בתר חניטה, אבער למעשה ווייסט ער נאכנישט וואסערע פירות וועט וואקסן אויף דעם ווארצל, קען גאר זיין ער וועט דארפן האלטן נטע רבעי?!

משה פלוימענקוועטשער האט מער א רבי'שע שאלה, ער האט לעצטנס זיך דערוויסט אז די לבנה האט א טאכטער, יע שיין דערלעבט, די לבנה שמער נישט וויניגער האט א טאכטער אין די יארן פון שידוכים, און די לבנה זוכט א שידוך פאר איר, בפשטות זוכט די לבנה מער א למדן פאר זיין טאכטער, און עס דאכט זיך אים אז דער לבנה וויל אים נעמען פאר אן איידעם, והא ראי'ה ער זעהט יעדע נאכט ווי די לבנה נעמט נישט אראפ קיין אויג פון אים, ווי ער גייט קוקט אים די לבנה נאך, ער האט שוין אנגעגרייט א שיינע תורה צו זאגן פאר די לבנה, ער פון זיין זייט זעהט אים עס אויס גאנץ אינטערסאנט, אבער ער וויל נישט שליסן שידוך פאר ער רעדט עס נישט אדורך מיט זיין רבי'ן יהושע, במילא וויל ער פרעגן דעם רבי'ן יהושע צו ער זאל טוהן דעם שידוך.

כהנה וכהנה איז דא שווערע שאלות כקטן כגדול, אויב ברויכסטו נאך משלים קענסטו זיך פארבינדן מיט סיי וועלעכע מורה הוראה בישראל, און בעהט אים א ליסטע פון אלע קאמישע שאלות וואס ער האט שוין באקומען אין זיין קאריע, צוריק צו אונזער וואגן וואס פאהרט איצטערט קיין ירושלים, די אלע אידן מאכן דורך יעצט א גאר לאנגן וועג, אלעס כדי צו קענען אנפרעגן זייער שאלה, עס איז נאר דא איין דיין וואס ענטפערט שאלות, און דאס איז יהושע וואס איז אין ירושלים, ברויך מען דאך מאכן גרינגער פאר'ן ציבור, פארוואס זאל מען דארפן פארן אזא ווייטע מקום פאר יעדע קליינע אדער גרויסע שאלה וואס מען האט?

זאגט די הייליגע מדרש שמואל, ווילאנג אידן זענען געווען אין מדבר אויף איין פלאץ אינאיינעם, האט מען נאר געדארפט איין משה רבינו, ער האט אלעס גענטפערט פאר יעדן, מען האט נישט געברויכט גיין זייער ווייט, אלעס איז געווען נאנט, אריין און ארויס, שפעטער איז געווען יהושע אין מדבר, און מען איז נאכאלץ געווען צוזאמען יעדער איינער, האט ווייטער יעדער געקענט גרינג צוקומען מיט זייערע שאלות, אבער ווען מען איז אנגעקומען קיין ארץ ישראל, און ס'איז געווארן א ופרצת, אידן האבן זיך אויסגעשפרייט אין אלע געגנטער איבעראל, דער וואוינט אין דרום דער אנדערער אין צפון, אויב איז נאר דא איין מענטש וועם מען קען פרעגן דאן ברויך מען צושטעלן טראנספארטאציע אין יעדן געגנט יעדן טאג, פאר די אומצאליגע שואלים, האט מען געמוזט נעמען זקנים מערערע דיינים מען זאל נישט ברויכן גיין אזוי ווייט פאר יעדע שאלה וואס מען האט, וועגן דעם ויהושע לזקנים.
אב''ד ור''מ קרעפלעך והגלילות יצ''ו

געב צוריק דאס געלט פאר'ן רבי'ן, די רבי ער זאגט נישט קיין ליגענט..(קרעדיט: מיכאל ע''ה.)

מיינע באקן זענען נישט פארגליווערט, ווייל איך מאך דערמיט איבונגען כסדר..

קרעפלאך והגלילות

דער שיעור שטיבל
אוועטאר
בענקעל
שר שלשת אלפים
תגובות: 3714
זיך איינגעשריבן אום: דאנערשטאג יוני 25, 2015 11:30 am

Re: פרקי אבות מיט א שמייכל

  • ציטיר
  • צו לייגן א דאנק דארפט איר זיין אריינגעלאגט

תגובה דורך בענקעל »

אויסטערליש הנאה געהאט!
אייוועלט זיידי
שר העשר
תגובות: 24
זיך איינגעשריבן אום: מיטוואך מאי 12, 2021 3:13 pm

Re: פרקי אבות מיט א שמייכל

  • ציטיר
  • צו לייגן א דאנק דארפט איר זיין אריינגעלאגט

תגובה דורך אייוועלט זיידי »

מאניש'ל
אפשר קומסטע פארלערנען ביי זיידי אין סמעדרעש?
אוועטאר
אוראייניקל
רב הצעיר תשפ"ד
תגובות: 17011
זיך איינגעשריבן אום: דאנערשטאג פעברואר 21, 2019 9:05 am

Re: פרקי אבות מיט א שמייכל

  • ציטיר
  • צו לייגן א דאנק דארפט איר זיין אריינגעלאגט

תגובה דורך אוראייניקל »

;l;p- ;l;p- ;l;p-
חוח בין השושנים האט געשריבן:
אוועטאר
די הארץ רייסט
שר מאה
תגובות: 249
זיך איינגעשריבן אום: מיטוואך יולי 21, 2021 3:49 pm

Re: פרקי אבות מיט א שמייכל

  • ציטיר
  • צו לייגן א דאנק דארפט איר זיין אריינגעלאגט

תגובה דורך די הארץ רייסט »

הר גריזים האט געשריבן:ביסט פיינע נייעס! א געשמאק די משל און די נמשל, זייער הנאה געהאט.
שרייב תגובה

צוריק צו “ליקוטים וענינים”