יצחק אייזיק האט געשריבן:אראפנעמען מעג מען זיכער, און לכאו' אויך הרג'נען אויב מ'קען נישט אנדערש.
ס'האט א דין נחש וואס איז נישט קיין ודאי הורג נאר א סכנה. אויב ס'לויפט דיך נאך מעג מען עס הרג'נען אבער בעסער נישט בידיים נאר כפי תומו (אנטרעטן וכדו')
עי' מחבר שט"ז סעי' ט/י ובמשנ"ב
מיין שאלה איז וואספארא מזיק איז ער?
נחש שיש בו ארס? (און די לעצטע 40 יאר זענען עלף מענטשן געשטארבן פון ליים), אדער קען איך זאגן אז ער איז נאך 'שוואכער' ווי א צרעה/יתוש, ווייל דארט און ווי אויך ביי א נחש שאין בו ארס, איז דא א צער פונעם שטאך וואס דאס איז מתיר דעם צידה, משא''כ א טיק איז נישט דא קיין צער ווען ער באזעצט זיך אויפן מענטש.
בנוגע הרג'ענען; אויב זאג איך אז ער איז נישט קיין וודאי מזיק, טאר מען דאס נישט הרג'ענען לויטן תניא וואס איז זיך מחמיר.
(אפשר קען מען מדייק זיין פונעם תניא לאיסור, וז''ל וכל זה ברמשים שדרכן להזיק ממש כגון נחשים ועקרבים אף במקומות שאינן ממיתין בנשיכתן
עכ''פ הן מזיקין הגוף בנשיכתן וכן כל כיוצא בהן, עכ''ל. הרי אז דער 'ביס' דארף זיין א היזק, וואס לכאורה ביי א טיק איז נישט קיין שום פראבלעם דעם ביס {ביז 24 שעה גייט נישט אריין קיין ליים} און מען קען רואיג ווארטן ביז נאך שבת און עס אראפנעמען.)
נאך א חשש; ביים אראפנעמען א טיק איז זייער עלול אז עס וועט קומען בלוט אדער עס וועט זיך אראפרייסן א שטיקל הויט, וואס דאס איז א דאורייתא.