פרשת ויחי
איך האב אמאל געהערט א הערליכע חשבון פון הגה''ק
ר' יענקעלע מ'פשעווארסק בשם ר' שמשון אוסטראפאלער,ס'איז
מיר זייער געפאלן. און כ'האף דער עולם זאל הנאה האבן.
ר' יענקעלע מ'פשעווארסק בשם ר' שמשון אוסטראפאלער,ס'איז
מיר זייער געפאלן. און כ'האף דער עולם זאל הנאה האבן.
האספו ואגידה לכם את אשר יקרא אתכם באחרית הימים.
בקש יעקב לגלות את הקץ, ונסתלקה ממנו שכינה. (רש''י)
מיר ווייסן דאך אז איינע פון די סיבות פארוואס די שבטים זענען געגאנגען אין גלות איז ווייל מהאט פארקויפט יוסף.
בשעת די מכירה, האבן די שבטים געמאכט א חרם אז קיינער טאר נישט זאגן פאר יעקב. ראובן איז נישט דארט געווען, און בנימין איז נישט דארט געווען. זענען זיי נאר געווען ניין, האבן זיי מצרף געווען די שכינה.
זיי האבן גענוצט דעם שם א-ה-י'.
יעקב האט געוויסט וועלכע שם זיי האבן געניצט, אבער ער האט נישט געוויסט אז זיי האבן מצרף געווען די שכינה. האט ער געזאגט פאר די שבטים אז זיי גייען זיין אין גלות -אקעגן יעדער וואס איז געווען אין די חרם- איין און צוואנציג יאר, כמנין א-ה-י'. קומט אויס 9x21 =189!
דאס זאגט רש''י 'בקש יעקב לגלות את הק''ץ'. ער האט געוואלט מגלה זיין אז אין די 190'סטע יאר כמנין ק''ץ וועט מען ארויסגיין, אבער 'ונסתלקה ממנו שכינה'. ער האט נישט אריינגערעכנט די שכינה.
אויף דעם זאגט דער מדרש, אז די שבטים האבן אים געזאגט ''שמע ישראל... ה' אחד''. מיר האבן מצרף געווען די שכינה מיט אונז, ממילא איז נישט 190 די ריכטיגע צייט.
משה רבינו האט געוויסט אז די שבטים האבן מיטגערעכנט די שכינה, אבער ער האט געמיינט אז מ'האט פארקויפט יוסף מיטן שם הוי''ה. קומט אויס פאר יעדן איינעם כמנין הוי''ה, איז עס צווי הונדערט און זעכציג (10X26=260)
און ווען דער אייבירשטער האט אים געזאגט נאך 210 יאר אז מדארף אויסלייזן די יודן, האט משה רבינו זיך געווינדערט, וויל לפי' חשבונו האט מען נאכנישט געדארפט ווערן אויסגעלייזט.
זאגט די תורה, ''וירא ה' כי ס''ר לראות'' דער אייבירשטער האט געזען אז משה רעכנט ס''ר (בגימ' 260). ויאמר, א-ה-י' אשר א-ה-י'. מ'האט גענוצט דעם שם, און צעהן מאל איין און צוואנציג איז 210, ממילא איז שוין געקומען די צייט זיי אויסצולייזן.
זאל הקב''ה זיך שוין מרחם זיין אויף אונז, און אונז אויסלייזן מתוך רחמים וחסדים!
א גוט שבת
א גוט שבת
