חידה לכבוד חנוכה

[יידישע קהילות]

כ'האב געמאכט לאטקעס ערב חנוכה, דער רב האט גפסקנט אז מ'טאר עס נישט עסן. ביינאכט ערשטע נאכט חנוכה איז עס געווארן מותר.
מה פתרונה?

נישט בשר וחלב.

[גולם פון פראג]

מעשה שבת וצריך להמתין בכדי שיעשו?

[גולם פון פראג]

סאיז דא טויזענטער ציורים ווי אזוי א מאכל איז קודם אסור און נאכדעם מותר
איר ברויכט אביסל קלארער מאכען וואס די נידון איז דא

[יידישע קהילות]

נייו, דווקא חנוכה!

[טוב ויפה]

האסט עס געמאכט 31 מינוט פאר נאכט וואס דאן מעגסטו עס נאר עסן נאכן צינדן

[זייער קלוג]

ווי אזוי וואלט לאנגזאם געזאגט עס קען טאקע נישט זיין

ווען גייסטו לייגען די תשובה?

[אסדר לסעודתא]

די אורות פון חנוכה האבן אנגעהויבן שיינען און דער רב האט זיך געזעצט לערנען ביינאכט.

[פאקטען]

היינטיגע צייטן?

[גולם פון פראג]

פילייכט האט איר גענוצט שמן חנוכה פון פאריארן?

[יידישע קהילות]

שוין, דער עולם בעט גיי איך עס מגלה זיין.
בתנאי------
אז מ'וועט עס איבערזאגן ביי חנוכה פארברענגענס (פארדי בלע"ז)

[יידישע קהילות]

דער ענין האט בעצם נישט צו טוהן מיט חנוכה, אלס דעם יום טוב חנוכה נאר מיט הלכות שמיטה גאר!

[יידישע קהילות]

דער רמב"ם שרייבט (הל' שמיטה פרק ד') מן התורה איז נישט אסור צו עסן פירות וואס וואקסן שמיטה פון זיך אליינס (ספיחין). עס איז נאר אסור זיי צו שניידן כדרך הקוצרין, ווצב"ש אפשניידן די גאנצע פעלד אויף איינמאל וכדומה..

מדברי סופרים האט מען ג'אסרט צו עסן ספיחים.
פארוואס?
ווייל חז"ל הקדושים האבן נישט געוואלט אז עוברי עבירה וועלן גיין און איינזייען תבואה אדער קטניות אדער אנדערע זאכן אין זיין פעלד באהאלטענערהייט, און ווען ס'וועט וואקסן וועט ער עס עסן און זאגן "ס'איז ספיחים". איבערדעם האבן חז"ל ג'אסר'ט אלע ספיחים וועלכע וואקסן שמיטה. (הלכה ב')
חז"ל האבן ג'אסרט די ספיחין אפילו אויב זיי זענען צוגעוואקסן נאך שמיטה. (הלכה ה')

ביז ווען האבן חז"ל ג'אסרט די ספיחין די יאר נאך שמיטה? ביז חנוכה. פון חנוכה און שפעטער מעג מען שוין עסן די ספיחים. הלכה ו')

קומט אויס, אז איינער מאכט לאטקעס פון ספיחי שביעית, און עס ווערט חנוכה ביינאכט איצט מעג ער עס שוין עסן!

[יידישע קהילות]

פארציילט מרן הגר"ח קניבסקי שליט"א אז דער חזון איש זצ"ל האט זיך איינמאל בשנה שמינית אויסגעדרייט צו זיין שוועסטער (-די מאמע פון הגרח"ק) נאכן צינדן די מנורה "פון יעצט מעגסטו שוין קויפן אין אלע ירקות געשעפטן, ווייל עס איז שוין נישטא מער דער איסור פון ספיחין".
ועלהו לא יבול!

[מונאוויטש]

איך מיין אז מ'קען מפשר זיין די חידה אויף נאך אן אופן.

אויב עמיצער האט בשוגג געקאכט די לאטקעס בערב חנוכה שחל להיות בשבת קודש, אסור בו ביום ולערב מותר מיד (נאכן צינדן).

[מונאוויטש]

אה, איצט באמערקט...

נייו, דווקא חנוכה!

[וויי-פיי]

יעצט נאך איין חידה

[זייער קלוג]

נא אפשער קומט איינער אריין יעדן טאג מיט א חידה פאר חנוכה

יש'כ פאר יודישע קהילות פאר די היינטיגע חידה

[יידישע קהילות]

היכי תמצא עס איז דער ערשטער אדער צווייטער נאכט און ער איז איין מענטש אליינס אבער דאך דארף ער צינדן 8 לעכט? (לויט טייל פוסקים)

[טוב ויפה]

היכי תמצא עס איז דער ערשטער אדער צווייטער נאכט און ער איז איין מענטש אליינס אבער דאך דארף ער צינדן 8 לעכט? (לויט טייל פוסקים)

איין חנוכה ליכטל פלאס 7 שבת

[nmi]

היכי תמצא עס איז דער ערשטער אדער צווייטער נאכט און ער איז איין מענטש אליינס אבער דאך דארף ער צינדן 8 לעכט? (לויט טייל פוסקים)

לשיטת בית שמאי ברויך ער צינדן דעם ערשטע טאג אכט. און אויב האט ער דורך געקוקט דעם רבין'ס קשיות אן די תירוצים טרעפט ער דארט א געוואלדיגע קשיא פארוואס חנוכה איז נישטא קיין ספיקא דיומא סאו צינדט ער זיך צווייטן טאג אויכעט 8

[אלטן דור]

איינער וואס די דאקטוירם האבן איהם געגעבן 1 טאג צום לעבן?

[יידישע קהילות]

איינער וואס די דאקטוירם האבן איהם געגעבן 1 טאג צום לעבן?

אזוי שטייט אין ספר שפתי צדיק (חנוכה אות מב), אז איינער וואס ווייסט אז ער וועט נישט קענען זיין א מוסיף והולך, זאל ער שוין צינדן כנגד הימים.

[איינס]

איינער וואס די דאקטוירם האבן איהם געגעבן 1 טאג צום לעבן?

אזוי שטייט אין ספר שפתי צדיק (חנוכה אות מב), אז איינער וואס ווייסט אז ער וועט נישט קענען זיין א מוסיף והולך, זאל ער שוין צינדן כנגד הימים.

שטייט דארט אויב א דאקטאר האט געזאגט?

לכאורה רעדט ער מער פון איינער וואס איז אויפן וועג וכדו'
אבער א דקטאר האט געזאגט איז לכאורה נישט קיין גענוג סיבה צו "וויסן" אז ער גייט נישט קענען, הנתנה רשות לרופא לרפאות און ער האט נשט קיין סמכות צו זאגן ווען דער יום המיתה וועט זיין.

[nmi]

די וואך שבת גייט מען ארויסנעמען 3 ספרי תורות. ס'איז א זאך וואס מאכט זיך זייער זעלטן. גראדע גייט נעקסטע יאר זיין די זעלבע זאך.

ס'איז דא נאר 2 שבתים אינעם יאר וואס ס'קען זיך מאכן אזוינס.
1) אויב שבת חנוכה געפאלט אום ר"ח טבת.
2) אויב שבת שקלים געפאלט אום ר"ח אדר (ב)

[מונאוויטש]

מענין לענין, ווען קומט אויס אז מען זאל זאגן שבת פרשת מקץ די הפטורה פון פרשת מקץ (ויקץ שלמה)?
(שוין געשמועסט אמאל דערפון דא אויפן וועלטל.)