מרן הבני יששכר זצ"ל - ח”י טבת - וצאצאיו - שושלת דינוב

[מיללער]

איך האב אן שאלה שאציע לפני חכמי הקרעטשמע בנוגע שלשלת דינוב,
ר' יוסף מ'דינוב איז געווען אן איידעם ביי ר' ישעי' נפתלי הירץ ב"ר דוד מ'דינוב, ער איז געווען אן אייניקל פון ר' אלעזר מ'לאנצוט, די שאלה איז נאר וועמענס זוהן איז ר' יוסף געווען?

[זארעכפעפער]

ר' יוסף איז געווען א זוהן פון הרה"ק ר' צבי אלימלך שפירא, רב בבירטש (א ברודער מיט'ן שם שלמה ממונקאטש).

[מיללער]

ישר כח ר' זרח (מקור?)

[זארעכפעפער]

זכרון... כ'על זיך פרובירן צו דערמאנען.

[זארעכפעפער]

מיללער, אזוי בלעטערנדיג אויפן ברייטן געוועב, איז מיר אונטער געשפרינגען דער פאלגנדער וועב-זייטל, וועלכער וועט דיר מעגליך אביסל העלפן.
http://www.ics.uci.edu/~dan/genealogy/M ... y-yscr.htm

[מיללער]

אודה לך ר' זרח על שהנחלת לי ועל סייט חמדה טובה ורחבה שלינקקת לנו במדת טובך וענוותנותך.

למעשה האב איך היינט אינדערפרי געפונען דעם ספר "הנותן אמרי שפר" ווי איך האב וועריפייד דיין אויבנדערמאנטע אינפארמאציע בנוגע היחוס של ר' יוסף מ'דינוב.

[מיללער]

מהאלט מיר נאכנישט ביי בערטש, אבער איך מיין אז ס'שטימט

[scy4851]

בעה"מ ספר בני יששכר

[מיללער]

איך האב אמאל געהערט אז עס איז נישט פארהאן קיין בא"ב פונעם הייליגען בני יששכר, למעשה איז יא דא?

[בן בוזי]

איך קען א בן אחר בן פון בני יששכר ער הייסט דאכט זיך א יחיד בדורו זיין נאמען איז דוד שפירא ער וואוינט אין בארא פארק.

[מיללער]

בן בוזי,

דער דוד שפירא פון ב"פ פון וועלכע גזע איז ער אן אייניקל (מונקאטש, בלאזוב, לאנצוט, דינוב וכדו')? ער איז א רב/רבי?

[ביקסאד]

איך קען א בן אחר בן פון בני יששכר ער הייסט דאכט זיך א יחיד בדורו זיין נאמען איז דוד שפירא ער וואוינט אין בארא פארק.

ער הייסט דוד נחום שפירא ער איז א איידעם ביי דעם באסטאן'ער רבי פון ב"פ, ער איז גאר א גרויסער יחסן בכלל, לגבי דינוב איז אזוי זיין טאטע האט געהייסן ר' אלימלך בן ר' יעקב יוסף פון לאנדאן בן הרה"צ ר' שמואל אבד"ק רעדים בן הרה"ק ר' מנחם פינחס אבד"ק לאנצהוט בן הרה"ק היודעי בינה אבד"ק לאנצהוט בן הבני יששכר זי"ע.

[יאסל]

וואס איז דער פינקטליכער יחוס פון דעם מר' שפירא אויב איינער ווייסט
ווי אזוי איז ער זיך מתיחס צי דעם הייליגען בני יששכר?

[scy4851]

וואס איז דער פינקטליכער יחוס פון דעם מר' שפירא אויב איינער ווייסט
ווי אזוי איז ער זיך מתיחס צי דעם הייליגען בני יששכר?

יאסעל,
קוק ארויפציר אויף דעם בלאט אונעם תגובה פון הרב מביקסאד שליט"א

[בן בוזי]

א דאנק הרב מביקסאד, ב"ה אז מלאכתי נעשית ע"י אחרים

[יאסל]

איז דאס זיכער אז ער איז דער איינציגער בן אחר בן פונעם בני יששכר היינט צי טאג?
א דור צירוק איז געווען דער בלוזשיבער רבי ר' ישראל זצ"ל, אין אזוי אויך דער קוויאשדער רב זצ"ל ,ביידע גראדע אייניקלעך פונעם בני יששכר, אבער ביידע האבן נישט איבערגעלאזט קיינע זון,

[געוואלד]

די גזע הבני יששכר אויף אונזער וויקעפידיע

ר' אלעזר'ל לאנצהוט'ער

אין קיין איינע פון די ארטיקלען זעה איך נישט קיין בא"ב

[זיידעניו]

די ספרים

אגרא דכלה על התורה
אגרא דפירקא ענינים שונים
בני יששכר מועדי השנה
ברכה משולשת משניות
דברים נחמדים משניות אבות
דרך עדותיך ספר יהושע
דרך פיקודך תרי"ג מצוות
הגהות מהרצ"א רוקח
הגהות מהרצ"א זוהר הקדוש
הוספת מהרצ"א ע"ס סור מרע ועשה טוב
והיה ברכה מסכת ברכות
חידושי מהרצ"א הלכות חנוכה
טעמי המצוות עפ"י קבלה על המצוות
ליקוטי מהרצ"א על התורה
מגיד תעלומה מסכת ברכות
מעין גנים אור החיים לר' יוסף יעב"ץ ז"ל
רגל ישרה עפ"י קבלה
ריח דודאים מסכת מגילה

[קרעמער]

היינט איז די יארצייט. זכותו יגן עלינו

[מיללער]

א בילד פונעם אוהל אין דינוב, ווערט געזעהן די מצבות פון; דער בני יששכר, די רביצין הרבנית חנה מינדל, בנו וממלא מקומו ר' דוד'ל דינובער, ר' ישעי נפתלי הירץ מדינוב ב"ר דוד, זכותם יגן עלינו.

[שמן זית]

ווען ר' ברוך'ל איז אוועק ווער האט געירשנ'ט זיינע ירושע פון די בני יששכר'ס חפצים?

[מיללער]

ווען ר' ברוך'ל איז אוועק ווער האט געירשנ'ט זיינע ירושע פון די בני יששכר'ס חפצים?

איילבירטן,
די פרשה איז ביטער ווי א זית, מיר האבן אן עקסטערען אשכול איבער מונקאטש, אבער אז איר דעמאנט עס וועל איך נאר זאגן בקיצור, א גרויס חלק פון די ירושה פוננעם מנחת אלעזר וועלכע האט אנטהאלטן חפצים פונעם בני יששכר זצ"ל ליגט היינט אינעם אוצר פונעם מונקאטשער רב שליט"א.

עס פעלט נישט אויס מרחיב צו זיין הדיבור איבער די נושא

[מיללער]

מצבת ר' דוד (השני) מדינוב בסאניק, ר' דוד איז געווען דער ממלא מקום פון זיין פאטער ר' יוסף מדינוב (ב"ר צבי אלימלך מבערטש ב"ר אלעזר מלאנצהוט) חתנו וממלא מקומו של ר' ישעי' נפתלי הירץ מדינוב בנו של ר' דוד מדינוב בן מרן הבני יששכר.

[בני יששכר]

דער בני יששכר האט קודם געהייסן לאנגזאם ער האט זיך געטוישט אוף שפירא
איך וועל שפעטער פארציילן די מעשה וואס איז געווען

[מיללער]

דערזייט מיר זענען דעמאלטס געוואור געווארן פון דעם יחיד בדורנו (מיט זיינע קינדער) וועלכער איז א דירעקטער אייניקל פונעם הייליגען בני יששכר זי"ע, איז מיר שוין אסאך אויסגעקומען צו קלערן צו דאס איז טאקע אזוי און צו אפשר זענען פארהאן נאך אומבאקאנטע אייניקלעך בן אחר בן.

דאס איז זיכער אז נאך די קריג אפילו, זענען דאך נאך געווען עטליכע אזעלכע אייניקלעך פון פארשידענע גזע'ס און אנדערע זוהן פונעם בני יששכר, ווי למשל; דער בלאזובער רב, דער קיוויאשדער רב, ר' צבי אלימלך שפירא ב"ר דוד מביקאווסק (אביו היה בזוו"ש חתן הקדוי"ט כאשר נתבאר באורך באשול הקדויו"ט מסיגוט) און נאך.

ידידי ר' מיילעך האט מיר אויפמערקזאם געמאכט אז דער קיווישאדער רב ר' אלעזר שפירא ב"ר מרדכי מבערטש (ב"ר צבי אלימלך מבערטש ב"ר אלעזר מלאנצהוט בן הבנ"י) האט געהאט א ברודער דאהי נאך די קריג, אפשר ווייסט איינער מער פרטים איבער אים?