בדיעבד האט געשריבן:כ'האב אמאל געהערט א מוראדיגע מעשה אויפן הייליגן עצי חיים זצוקללה"ה זי"ע ועכי"א, מפי זקן אחד וואס איז דארט געווען דערביי בשעת מעשה: אמאל איז דער הייליגער עצ"ח געווען צוגאסט אין שטאט קאלוב בלויז אויף איין קורצען טאג(איך געדענק נישט גענוי צו ס'איז געווען אויף ז' אדר אדער סתם אינמיטן יאר) , פארשטייט זיך אז עס איז געווארן א מורא'דיגע רעש און טומעל, צדיק זה בא לבית מלוני, דער גאנצער שטאט יונג און אלט זענען געקומען צו גיין, בלויז צו כאפן א בליק אויפן הייליגן צדיק, צו ווייזן פאר די קינדער צורת קדשו פונעם גרויסן גאון וצדיק און זוכה זיין לקבל ברכת קדשו, פארציילט מיך ווייטער דער איד: דער הייליגער עצי חיים זי"ע איז איינגעשטאנען ביי איינעם קויפמאן א באקאנטער סיגוט'ער חסיד אין שטאט, און במשך דער גאנצער טאג האט ער אויפגענומען קוויטלעך און געזעגענט דעם עולם, ס'איז געווען א מורא'דיגע געדרענג פונעם גרויסן ציבור אין שטוב פון די אכסניא, אזוי אז דער עצ"ח האט געמוזט אויפנעמען דעם ציבור אינעם גרויסן הויף אינעם אכסניא, איז דער איד ממשיך: אין יענע צייט איז געווען א מורא'דיגע שווערע צייט אין שטאט, עס איז געווען אן עצירת גשמים, ס'האט שוין נישט געהאט גערעגענט פאר גאר א לאנגע צייט, אזוי ארום אז די פרנסות זענען געווארן שוואכער און שוואכער - די בהמות וכדו' האבן אנגעהויבן אויסצופייגערען פון הונגער ווייל עס איז נישט געווען וואס צו פאשען וכו' - און עס האט געהערשט א גרויס זארג אין שטאט מה יהי סופו, ווי פארשטענדליך האט יעדער מזכיר געווען פארן הייליגן עצ"ח להעביר את רוע הגזירה, אויך להבדיל די גוים פון שטאט אין שפיץ פונעם שר-מעיאר וכדו' האבן זיך אויך פארזאמעלט ביים הויז ווי דער עצ"ח איז איינגעשטאנען און געבעטן די אידן אז מ'זאל זיי צולאזן צום הייליגן ראבינער אז ער זאל איינרייסן אז ס'זאל זיין רעגן, ס'איז געווען שוין שפעט אויפדערנאכט און דער עצ"ח האט זיך געשטעלט דאווענען תפלת מעריב אין שטוב פונעם אכסניא 'זיין הייליגע צורה האט געשטראלט און געלאכטן' - איז דער איד ממשיך - געדענק איך ווי היינט: 'ווי נאר דער הייליגער עצי חיים זי"ע האט אויסגעשריגן די ווערטער "משנה עתים ומחליף את הזמנים" האט זיך תיכף ומיד אראפגעלאזט אזא ריזיגע גאס-רעגן אז מ'האט נישט געקענט ארויסגיין אויף דער גאס!' והעיר קאלוב צהלה ושמחה! ווי פארשטענליך איז ארויס געקומען א מורא'דיגע קידוש ה' און להבדיל די אלע גוים פון שטאט האבן גלייך געזאגט אז דאס איז א אפענע מופת פונעם הייליגען ראבינער, און אויך אוודאי פאר די אידן איז געווען א גרויסן יו"ט, זיי האבן געזעהן מיט די אייגענע אויגן דעם צדיק גוזר והקב"ה מקיים און זענען געהאלפן געווארן בגודל קדושתו ובזכותו פונעם ציס"ע מרן הגה"ק דער היילגער עצי חיים, זכותו הגדול והקדוש יגן עלינו ועל כל ישראל, אמן.
איך האב פונקט פארבלאנדזשעט צו די פארום, און איך האב געזען די מעשה און אלע תגובות אויף דעם, און פונקט היינט איז מיר אויסגעקומען צו אריינקוקען אין איינע פון די 100 רויטע ספרים פון דעם באקאנטען בעל מלקט פון אלע פארצייטישע ספרים, און איינער פון די קונטרסים איז סיפורים פונם ישמח משה, ייטב לב, קדושת יו''ט, עצי חיים, וואס איז ארויסגעקומען פארן קריג, און דארט ברענגט ער די מעשה בקיצור, און פארשטייט זיך מיט א שיינע פאר יסודותדיגע שינויים, איך האב עס געסקענט, אבער עס איז צו גרויס צו דאנלאודען, על כן וועל איך מעתיק זיין די לשון
וסיפר לי הרה''ח ר' איסר מסיגעט ששמע מחסידים נאמנים בעת שהי' רבינו בעיר קאלוב יע''א והי' אז עת עצירת גשמים ולא ירד הגשם מכבר, ובאו הגוטהאלטערס בקובלנא כמעט שבכו שלא ירד הגשם מכבר, ורבינו הבטיח אותם שירד גשמים הרבה, וכן הוה כשנסע רבינו משם עוד בשבוע זו התחיל לירד גשמים הרבה, ע''כ..........