א קורצע איבערזיכט אויף משפחת חיאל איידער מען גייט ווייטער בעז"ה:
משפחת חיאל איז א גוטע דוגמא פון א גאר חשובע משפחה אין גאליציע וואס איז כמעט פארגעסן געווארן
זיי האבן זוכה געוועהן צו תורה וגדולה, געוועהן רבנים אין ראשי קהילה, תלמידי חכמים ואנשי מעשה, אזויווי עס וועט מתברר ווערן בעז"ה לעני כל
משפחת חיאל איז אויך א גוטע דוגמא וויאזוי מען קען בעז"ה חוקר זיין יחוס אפילו אין אזעלכע געגענטער אין גאליציע וואס עס איז כמעט נישט געבליבן קיין דאקומענטן (מאטריקאל), אלעס דורך אלטערנעטיווע וועגן, און בפרט "פרענומעראנטן"
ווען איך האב אנגעהויבן טוהן וועגן דעי משפחה, האבן מענטשען געמיינט אז איך רעד פון עפעס א ספארדישע משפחה, איך האף אז בקרוב - מיט די ארויסקום פון ספר 'משפחת חיאל מק"ק רימנאב - ושאר ערי גאליציע', וועט די נאמען 'חיאל' זיין מפורסם לשם ולתפארת, כערכם הרם
אגב די נאמען 'חיאל' איז ככל הנראה וויבאלד די ראש המשפחה האט געהייסן 'יחיאל', אין די רעקארדס איז יחיאל שטענדיג געשריבן געווארן 'חיאל' CHILL אדער CHIEL ממילא ווען איינער האט בוחר געוועהן די שם משפחה, איז עס געוועהן 'חיאל'. אגב עיין גם בספרים לענין שמות גיטין דיחיאל נקרא לפעמים חיאל.
די ערשטע פון משפחת חיאל ברימנאב וואס מיר ווייסן איז
הגאון רבי אליעזר חיאל זצ"ל דומ"ץ ברימנאב, דאס ווייסן מיר פון ספר אהלי שם שי"ל תרע"ב וואס ער שרייבט דארט אז די דיין לעת עתה אין רימנאב איז הרב יצחק נפתלי חיאל, וואס האט ממלא מקום געוועהן זיין טאטע הגאון רבי מרדכי, וואס האט ממלא מקום געוועהן זיין טאטע הגאון רבי אליעזר זצ"ל, אלע דריי דומצי"ם ברימנאב
ווען איינער וועט מיך מסביר זיין וויאזוי מען נעמט א בילד פון א פי די עף וכדו' און מען לייגט עס דא ארויף, וועל איך עס אי"ה ארויפלייגן
רבי יצחק נפתלי, ווי אויך עטליכט אנדערע אייניקלעך פון רבי אליעזר וואס מיר האבן געטראפן זייערע פרטים, זענען אלע געבוירן געווארן סביבות תק"ץ, ממילא איז רבי אליעזר געבוירן לכה"פ 40 יאר פאר זיינע אייניקלעך, תק"נ. און תרט"ו האב איך שוין געטראפן א אייניקעל וואס הייסט נאך איהם. קומט אויס אז ער איז ככל הנראה געוועהן דומ"ץ בימי הרה"ק ר"ר הערש וואס איז נסתלק געווארן תר"ז.
אין תר"כ איז ד א רעקארד פון די רעגירונג (גשר גאליציע) אז רבי מרדכי איז די רב (דאס הייסט דומ"ץ) אין רימנאב
עס איז דא א ספר תולעת יעקב, שנדפס 1799, תקמ"ט, (וואס מען האט שוין אראפגעברענגט אין די אשכול 'בית החיים ברימנאב'), וואס האט די חתימה פון '
הק' אליעזר דיין מרימנאב', אין אונטער דעם א זיגעל פון זיין אייניקעל '
יצחק נפתלי חיעל מו"ץ ברימאנאב'
איך האב ב"ה געקויפט די ספר, ביים סוף ספר שרייבט איינער אזוי: '
שייך להחריף ובקי הרב המופלג ר' אליעזר דיין נ"י'
אין דעי מענטש חתמ'עט זיין נאמען
הק' מנשה אליעזר וואלף מאושפיצין בהרב ... נתן אהרן אבד"ק אושפיצין נ"י'
אזעלכע טיטלען 'החריף ובקי הרב המופלג' זענען גאר שטארקע טיטלען בימים ההם, כידוע לחוקרים, אין בפרט ראה מאן גברא רבא מעיד, ה"ה רבי מנשה אליעזר, ראה לפנינו
אין תקצ"ג איז רבי נתן אהרן וואלף (מתלמידי החוזה) נאך געוועהן דיין אין ווישניצא,
https://www.hebrewbooks.org/pdfpager.as ... 23&hilite=, ממילא איז דאס געשריבן נאך תקצ"ג ווען ער איז שוין געוועהן רב אין אושפיצין, רבי מנשה אליעזר נפטר תרמ"ט כמפורש על המציבה שלו ברימנאב, און עס שטייט דארט אויף איהם 'הישיש'
דעי מנשה אליעזר וואלף איז לדעתי געוועהן ראש הקהל אין שטאט רימנאב, אינאיינעם מיט רבי אריה ליבוש חיאל (ב"ר שמואל, בן הגאון רבי אליעזר הדיין), אין די אשכול 'בית החיים ברימנאב' האט שוין איינער אראפגעברענגט א הודעה פון א צייטונג ווי די צוויי ראשי הקהילה פון רימנאב שרייבן זיך אונטער: מנשה וואלף, ארי' לייבוש חיאל. די מציבה פון רבי מנשה אליעזר שטייט אין רימנאב, און מען זעהט פון די נוסח אז ער איז סיי געוועהן א ת"ח שלומד תורה יומם ולילה, סיי א חסיד מופלג, און סיי א עסקן העוסק למען הקהילה ('הוד עדתו'), אבער נישט א רב, ממילא איז ער כנראה דעי מנשה וואלף הראש הקהל, (אויף רבי אריה לייבוש חיאל שרייבט אויך זיין איידעם הגאון המופלא רבי אהרן גוטמאן מוואראנאב ,
זצ"ל,), אין פרענומעראנטן פון רימנאב זעהט מען אמאל מנשה וואלף, און אמאל מנשה אליעזר וואלף, און כמעט אלעמאל שטייט זיין נאמען צוזאמען מיט ר' ליבלי חיאל
רבי אליעזר חיאל האט מען כנראה גערופען 'רבי אליעזר דיין' אזוי ווי די מנהג און אסאך שטעט ווען מען איז נאכנישט געוועהן געווינט צט משפחה נעמן בתחילת שנות 1800
צוליב דעם רופט איהם רבי מנשה אליעזא בשם רבי אליעזר דיין, און אזוי אויך ער אליין רופט זיך אין זיין חתימה 'הק' אליעזר דיין מרימנאב' 'דיין' איז א חלק פון זיין נאמען אין ער איז פון רימנאב, דאס איז נאר א השערה
חוץ ספר אהלי שם, (ומשם נעתק בחכמי גליציה, ובספר אוצר הרבנים), און די חתימה אויף ספר תולעת יעקב, האב איך דערווייל נישט געטראפן נאך א פלאץ וואס דערמאנט הגאון רבי אליעזר חיאל זצ"ל, דאס לאז איך פאר די חברים פון דעי אשכול
איך האב געטראפן איין אייניקעל ווס ווייסט זיין יחוס ביז רבי אליעזר, בקבלה.
איך ווייס אויך נישט די נאמען פון זוגתו