הגה"צ ר' יצחק דוב קאפלמאן זצ"ל ר"י לוצערן - ט"ו סיון תשע"א

[בשמים]

דא שטייט אז ער האט געהאלפן אויסבאהאלטן יוסעלע שוכמאכער.

דא שטייט אז דער פריערדיגע ראש ישיבה פון לוצערן האט אויסבאהאלטן

ייש"כ פארן אויפמערקזאם מאכן, איך האב נישט באמערקט.

[תרנגול]

די בילד וואס בשמים האט געברענגט מיט מהר"ש מבאבוב זצ"ל איז זייער אינטרעסאנט. דאכט זיך אז איך האב קיינמאל נישט געזעהן א בילד פונעם ר"י אונטער די הונדערט. איז ער אלץ געגאנגען אזוי מיט די פיאות אראפגעלאזט?

[קהלת]

דא שטייט אז ער האט געהאלפן אויסבאהאלטן יוסעלע שוכמאכער.

דא שטייט אז דער פריערדיגע ראש ישיבה פון לוצערן האט אויסבאהאלטן

ייש"כ פארן אויפמערקזאם מאכן, איך האב נישט באמערקט.

די כוונה איז הגאון הצ' ר' משה סאלאבייציק וואס האט וועגען די מעשה זיך געדארפט אפזאגען פין זיין אמט אלץ ראש ישיבה

[דעפרעסט]

אויף קול נטרונא וועט אי"ה היינט שפעט ביינאכט זיין א שטיקל איבערזיכט איבער דעם ראש ישיבה'ס געוואלדיגע אש קודש קעגן
די קליפת הציונות והנגררים אחריהם.

[דעפרעסט]

דרך אגב איך האב נישט געוואוסט ביז היצט אז ער האט זיך געדרייט ביים חפץ חיים זי"ע

נאכן רעדן מיט א תלמוד מובהק זאגט ער אז ס'איז א טעות פון קול מבשר אז ער האט למעשה געזען דעם ח"ח, וואס יא ער איז געפארן מיט זיין רבי'ן ר' שמעון
צו די לוי' , און כל ימיו האט ער טאקע באדויערט דעם פאקט אז האט נישט זוכה געווען צו זעהן דעם חפץ חיים בחיים חיותו.
ר' ברוך בער און ר' חיים עוזר האט ער יא גוט געקענט, ויש כמה עובדות שסיפר מהם.

[מאקאווער]

ווילאנג האט רב קאפעלמאן געלערנט ביי הגר"ש שקאפ ?

18 יאר

10 יאר

[סאדע_באטל]

וואס איז די מקור אויף 10 יאר און און וואס איז די מקור אויף 18 ?

[שוועמל]

לכאורה ווענדט זיך עס צי ער איז אלט געווען 101 אדער 106.

[מאקאווער]

I heard it from a talmid who the rush yeshiva himself told him that he learned 10 yrs by reb shimon.

1)the chufetz chayim passed away less then 80 yrs ago
2)reb shimon passed away 71 yrs ago.

So that means that he could be below the 100.

This is not a different how old he was. It's don't make him bigger or smaller if he was 97 or 101 or 112. I just like to make it clear. Because ppl. Like to be m'gazim because it's more dramatic!

[מאנסיאנער]

רבבות אלפי ישראל ביי די לויה
http://cbci16.b1.gns.co.il/imagebank/or ... F7D69E.JPG

[msp]

מיין טאטע זז"ג איז געפאהרען פון ירושלים קיין לוצערן
די הנהלה פון די ישיבה האט געוואלט אז גוטע ירושלים'ער בחורים זאלען העלפען הייבען דער ניווא פון ישיבה
דאס איז געווען גלייך נאך די מעשה פון יאסאלע
ר' משה איז נאך געווען דעמאלס אין לוצערן
מיין טאטע האט דערלעבט די חילוף משמרות
ר' משה האט געמוזט אוועקפאהרען פון קאנטאן לוצערן וועגען זיין חלק אין די "קידנעפינג" פון יאסאלע
מיין טאטע זז"ג געדענקט די חילוקים אין הנהגה צווישען ר' משה און הרב קאפעלמאן זכרונם לברכה
ר' משה פלעגט ארויס גיין שפאצירען מיט די בחורים ער איז מער געווען מעורב עם הבריות
משא"כ הרב קאפעלמאן האט מעהר נוהג געווען נשיאותו ברמה...
אלו ואלו דברי א-לוקים חיים
זכותם יגן עלינו...

[קהלת]

ביי די לוויה האט הרב וואזנער געזאגט אז די רצון פין די ראש ישיבה איז געווען אז זיין זוהן ר' משה זאל ווייטער פירען די ישיבה

הרב משה קאפעלמאן איז א'ן איידעם ביי הגה"צ ר' שרגא פייוועל האלבערשטאם קשאנובער רבי פין ב"פ

[msp]

עס איז טאקע אינטערעסאנט אז הרב קאפעלמאן זצ"ל האט געמאכט א רבי'שע חסידי'שע שידוך
איידער א ליטווישע ישיב'ישע שידוך
איז דער זוהן נוטה צו חסידות?

[קהלת]

ער איז בכלל נישט נוטה צי חסידות, ער האט געלערנט אין לייקוואד

[msp]

אויב אזוי הרב קהלת שליט"א
וואס איז טאקע פשט אין דעם שידוך?

[בשמים]

אויב אזוי הרב קהלת שליט"א
וואס איז טאקע פשט אין דעם שידוך?

פשט איז אז אזוי איז געווען באשערט פון אויבן.

[msp]

הרב בשמים
אויף אזיין ארגומענט קען איך זיך נישט דינגען.....

[שאלת_חכם]

האט איינער געהערט א מעשה אז סאטמאר רבי זצ"ל האט אים געבעטן צו קומען ווערן א מגיד שיעור אין ישיבה? כך שמעתי היום

[יאסל]

האט הרב קאפעלמאן ז"ל געהאט א א פרוי און קינדער בעפאר'ן קריג?

[קהלת]

דא האט איר א גליון וואס איז ארויסגעקומען תשס"ז
ווי עס ווערט באשריבען די היסטאריע פונ'ם ראש ישיבה אין די ישיבה אין קאפעללען

[קהלת]

הרב קאפעלמאן ע"ה איז געבוירען אין חארקאוו אין אוקריינע. אויף זיין פאספארט שטייט אז ער איז געבוירען אין מאי 1905. יעדער איינער ווייסט אז אין די דאמאלט'דיקע צייטען איז דער דאטום דערמאנט אויף די פאספארטען על פי רוב נישט געווען אקוראט (ריכטיג). מען האט געוואוסט אז אויך זיין דאטום איז נישט געווען ריכטיג.
פאר בערך פופציק יאהר האט דער רעדאקטאר פון "למען תדע", וועלכער איז געווען איינער פון זיינע תלמידים אין די ישיבה "עץ חיים" אין קאפעללען (ביי אנטווערפען), געהאט א שמועס מיט'ן ראש ישיבה און האט איהם געזאגט "אז זיין מוטער תח' (היינט ע"ה) איז א געבוירענע ניינער (1909)" האט דער ראש ישיבה איהם געענטפערט "איך בין אויך א ניינער".
עס זענען דא אויך אנדערע באווייזען אז דער ראש ישיבה איז געבוירען אין 1909, אזוי אז ער איז נפטר געווארען אין עלטער פון 102 יאהר.
פאר די מלחמה איז ער געווען א תלמיד מובהק פונ'ם גרויסען גאון הרב שמעון שקאפ זצ"ל דער גראדנע ראש ישיבה און איינער פון די פילארען פון מועצת גדולי התורה פון אגודת ישראל. ער האט טאקע געראטעוועט זיינע כתבים און זיי זענען נאך די מלחמה אפגעדריקט געווארען. ער האט די כתבים געראטעוועט נישט נאר בכתב נאר אויך אין זיין קאפ.
בשעת די מלחמה איז ער אנטלאפען נאך רוסלאנד און איז פארשיקט געווארען נאך סאמארקאנד אין אוזבעקיסטאן (סיביר). דארט האט ער געלערנט מיט יינגלעך און בחורים בתוכם יבל"ח דער אנטווערפענער ר' נתן אפטערגוט נ"י.
נאך די מלחמה האט ער געקענעט צוריק ארויס פאהרען פון רוסלאנד און האט זיך באזעצט ערשט אין קראקע און דאן אין פראג (טשעכא-סלאוואקיי), ווי ער האט צוזאמען גענומען א פאר יתומים, איבערגעבליבענע פון די לאגערען און מיט זיי געלערנט. אינצווישען האט זיך אין אנטווערפען געשאפען א קאמיטעט צו באנייען די אלטע ישיבה פון היידע. זיי האבען אריבערגעברענגט דעם ראש ישיבה און זיינע תלמידים און מיט זיי געגרינדעט די ישיבה אין קאפעללען (15 קילאמעטער פון אנטווערפען).
דער ראש ישיבה האט געפיהרט די ישיבה בערך 9 יאהר לאנג, דאן איז ער געפאהרען נאך ניו-יארק ווי ער האט געעפענט די ישיבה "שערי יושר".
בערך צעהן יאר שפעטער איז ער אויפגענומען געווארען אלס ראש ישיבה אין לוצערן (שווייץ) ווי ער האט געפיהרט די ישיבה ביז זיין לעצטען טאג.
ת.נ.צ.ב.ה.

מתוך גליון למען תדע היו"ל ע"י ר' פנחס קארענפעלד מאנטווערפען

[ווינקל]

יישר כח זעהר שיין.

עס זעט עפעס אויס ווי דאס איז אויסצוגן פון א אלטן באשרייבונג.

[קליקו]

האט איינער געהערט א מעשה אז סאטמאר רבי זצ"ל האט אים געבעטן צו קומען ווערן א מגיד שיעור אין ישיבה? כך שמעתי היום

יא סבאקאנט, אויך אסאך אנדערע זענען 'פארבעטן געווארן צו ווערן אין ישיבה .

[מאנסיאנער]

האט איינער געהערט א מעשה אז סאטמאר רבי זצ"ל האט אים געבעטן צו קומען ווערן א מגיד שיעור אין ישיבה? כך שמעתי היום

אויף ק''מ איז דא א אינטערוויו מיט איינעם זאבעל וואס האט געלערנט ביי רב קאפעלמאן זצ''ל אין שערי יושר, פארציילט ער אז עס איז געווען א רעדע אז ער זאל ווערן א מגיד שיעור אין סאטמאר אבער איינער האט אונטערגעשטעלט פיסלעך אין די סאטמאר רבי זי''ע האט אים געהייסן עפענען אליין א ישיבה אין דעמאלט האט ער געגרינדעט די ישיבה שערי יושר

[farshlufen]

ישר כח רב קהלת, איין קארעקציע סאמארקאנד איז נישט סיביר, איז פארשטענדליך אז ס'איז נישט קיין קאלטער מקום פארקערט דארט איז אביסעלע ווארעמער וואו ביינונז אין ניו יארק, אין די סאוועטישע צייטן פלעגן די רוסן אהינפארן אום ווינטער אויף דאטשע אווי די אמעריקאנער קיין פלארידע.