מיין רייזע מיט סוחי - חלקים א - כ״ג

[הינגער]

[דיעגא]

מיין רייזע מיט סוחי חלק כ'

אין קורצן פון פריער: כ'הער ווי ער שרייט אריין דארטן, אונז זענען יעצט ביים הייליגן צאנזער רב וואס איז אוועק 600 יאר צוריק.. כ'געב אים אזא זאג אונטער, העי ער איז אוועק נישט מער ווי אזא 130 יאר צוריק.. דרייט ער אויס די קעמערא צו מיין זייט, דא שטייט א איד און זאגט אז ער איז אוועק 130 יאר צוריק.. שוין האמיר געהאט די זכי'ה צו רעדן אויף זיין היימישע פריוואטע קול מבשר...

דו ביסט עס געווען??? כהאב מיר געווינדערט ווער דער רויטער אינגערמאן איז.....

[א נייניקל]

העי העי העי... מאניש איז בעק, שטייצעך מיט סוחי, און מיט א שמייכל פאר מיר (איינס??? מערערע שמייכלען)

WOW אזא סורפרייז..

איין זאך אבער ס'זייער שרעקעדיג ס'פעלט די פארזעצונג אי"ה.....

אויך באמערקט, און ס'האט געגעבן א קיצל...

[גליל העליון]

קומט נאך א פארזעצונג?

[מומחה יוחס]

קומט נאך א פארזעצונג?

אוודאי מיטן השי''ת הילף....

[Potus]

טאטע זיסע


צו פארשאפן די ווערטער האט מען טאקע געדארפט ווארטן

לוקינג פארווארד

[רייכער איד]

Wow is an understatement
ש'כח מאניש

[מומחה יוחס]

נו מיר ווארטן אויפן המשך....

[מאנסי געבוירענער]

???????

[מומחה יוחס]

הגיע זמן של קריאת שמע..... מען דארף שוין אויפשטיין

[האסטו וועסטו]

ווילאנג ער שרייבט ביי דער מלחמה אשכולות...

[בערגשטיין]

דער מאניש האט א כח צו מאכן מיינע לעפצן זיך ווארפן ווי א קאצקע גאלארעטע פאר די פיינעל גליטש.
איך גיי טענדשערינס פאר דיזע שפראך זיינע

[מאניש בנבנשתי]

מיין רייזע מיט סוחי - חלק כא

אין קורצן פון פריער: סיז שוין צו לאנג, כ'קען עס שוין נישט קערצער מאכן..

מיר זענען אויפן באס, אויפן וועג גיימיר דאווענען שחרית.. דערוילעם גרייט צו די טלית ותפילין, מ'גיימער פאר א שחרית.. יע, שוין אמאל געזעהן סוחי'ן מאכן א להתעטף אין סמעדרעש? פיינע חיות דעס, ס'הערשט אזא שותפות מיט זיינע שכנים בשעת די עטיפה.. ער נעמט אריין זיינע ארומיגע אויך.. ס'עפעס זיי ארויסלאזן?! נאדיר א קה אכסוף. מיט ביידע עקן אין זיינע צוויי הענט גייט מכות אויף ביידע זייטן, און מ'זאגט אינטערן טלית ס'גוט פאר מיר איז גוט פאר דיר.. (עפעס אזא נוסח גלייב איך, וואס דען קען ער זאגן דארטן?..) און והנה, ער איז צוריק דא.. זאג האלטס מ'וועט נאך מאכן סוף זמן תפילה פרעגט ער? כאילו ער געבט א גאנצע קוואדער פאר זמן תפילה.. אינדערהיים איז ניטאמאל חצות אויף זיין זמן צעטיל.. ער מיט זמן תפילה זענען שוין בלוט שונאים פון אלץ קינד.. איי וואס איז די היסוררות יעצט? פשוט זיינע פוילישע נאכפאלגער אויף וואטצעפפ שלאפן נאך, ֶס'איז דאך גערוקט די זייגער מיט אזא 6 שעה.. נו וויאזוי פארברענט מען די צייט דעמאלטס? לאמיר רעדן אביסל וועגן זמן תפילה..האסט עפעס א תורה אויף מה טובו?

וויאזוי עס זעהט אויס צו דאווענען שחרית אויף א באס, איז ניטאמאל שייך צו מסביר'ן.. דאס דארף מען אליינס מיטלעבן.. אויב האט איר נאכנישט געדאווענט אמאל שחרית אויף א באס, דאן האט איר נאך קיין זעץ אין די ציין קיינמאל נישט געכאפט.. און זיכער נישט מיטן פויסט.. די אנטשולדיגונג איז נאך אין געוויסן זין ערגער ווי די זעץ, אה האסט געכאפט א זעץ? נע, בכלל נישט! סארא פראגע דעס.. דו זעהסט נישט ס'בלוט מיינע ציין? וואס איז די תם'עוואטע? זאג אפ דיין יהי רצון וואס דו ווילסט מיר זאגן, און גיי ווייטער.. דו פלאנסט במילא נישט מיר צו געבן מער ווי א קרעכטץ ארומגעבינדן מיט א שיינעם טענק יו קארד.. איז זאג דיין מחילה תפילה, און לאז געמאכט.. אבער ניין, ער וויל מאכן מיט מיר אן אינטערוויא יעצט.. ס'טוט דיר וויי? א מין ראגעלע דאס, זאג ווילסט באמת וויסן? נאדיר דיין פנים, און כ'וועל דיר ווייזן אויב ס'טוט וויי.. כ'האב באמת נישט געוואלט.. ווייסט, כ'האב געזעהן אין אור החיים הק' א מורא'דיגע זאך.. יעצט גייט ער מיר מחזק זיין, כאפסט? ער טוט אין קירוב יעצט.. אפשר געב איך דיר צוריק איינס אינעם שיניים אז דו זאלסט מיר געדענקן יעדן שאבעס ביים עסן די קניידלעך, און כ'וועל דיר שיקן אן אור החיים הק' פריי פון אפצאל זאלסט דיך קענען מחזק זיין דערמיט? שיגענער דער..

אקעי מיר זוכן א בעל תפילה, נו אפשר וויל איינער צוגיין? סוחי איז נישט אוועלעבל.. איינער איז דא זיך צו מנדב זיין פאר א האלבע שעה? קיינער? אקעי, כ'וועל צוליב טוהן, און נעמען ס'ברעטל.. לעבן מיר דאווענט ר' זאנוויל די ארגענעזירער פון די נסיעה, אזא יובל הששים איד.. מאכט שוין יארן נסיעות על מנת.. שטייצעך לקבל.. אן איידעלע איד גראדע, ווייסט ניטאמאל וויאזוי מ'רעגט זיך, באמת א מוסטער פאר כלל ישראל.. איז כ'האלט אינמיטן שטילע שמונה עשרה, און כ'הער סוחי געבט אזא קלאפ אין רוקן פאר ר' זאנוויל, זעהט אויס ער איז זיין עידזש.. אה סוחי איז נאר 20? נישט קשה, סוחי איז גוט מיט יעדן.. הקיצור הער איך ווי דער צדיק'ל זאגט פאר ר' זאנוויל'ן, ברודער'ל די שאבעס איז ערלעדיגט, דארפסט נישט זארגן פאר א בעל תפילה, איך קען נעמען אלע תפילות, און ס'וועט זיין א שיינע שאבעס מערצעשעם.. הערסט?! איך קען דאווענען, כ'האב א שטימע, מענטשן גייען פלוימען פאר מיין נוסח.. וועסט זעהן, ס'וועט זיך דיר אויסצאלן די גאנצע נסיעה.. (כאילו ער האט אים נאכנישט אויסגעצאלט די נסיעה ביז אהער..) ס'וועט אלס זיין בסדר, נא זעץ אריין א פינעווער..

סארא איגערקע דאס, זאג קענסט דאווענען? נאדיר ס'ברעטל! פארוואס האסטו געקעקעטס פריער ווען מ'האט געזוכט א בעל תפילה? קום לאמיר הערן דיין ברוך שאמר ביים ברעטל.. לייג איין א ויברך דוד, זאל יעדער זעהן וואס דו קענסט.. מ'וועט דיר לאזן זינגען דעם שטיקל וואס האסט געוואלט זינגען ביי שוכן עד.. דיין שאבעסדיגע נוסח גייט מיר גאנץ ווייניג אן צו הערן, קענסט לאזן די פלוימען גיין ביי די נעקסטע נסיעה, אדער פאר דיינע נאכפאלגער אינדערהיים.. דיין וואכעדיגע נוסח וויל איך הערן.. און דיין ממקומך קענסטו זינגען ביי נקדישך יעצט, און לאז מיר שלאפן שאבעס.. איך וועל זינגען שאבעס מיין אייגענע ממקומך אונטער'ן כוש און דאכענע.. (צוויי אלטע ידידים מיינע..) נו, קום אהער דו חזן, הייב אן שמונה עשרה.. לויף מיר נישט אוועק יעצט, קום אהער דו צוויקל זאפט, נעם איבער ס'ברעטל.. קענסט עס האבן א גאנצע וואך פאר אלע דריי תפילות.. שאבעס לאז איבער פאר איינער וואס קען נישט דאווענען.. א מין עזות נצח דער.. שאבעס וויל ער דאווענען, און נישט איין תפילה, נאר אלע דריי.. פשוט א לב טוב..

[דזיקוב'ער]

(ס'איז גענוג?!?!)
ענדליך הערט מען עפעס פון אים, מיט די פלוימען זאפט פון די רוסקריינע אשכול.

[טראציג]

יויש מאניש האסט א מצוה!!!!!!!

[ענדשוי]

גוט איז גוט!! קום אריין אפטער!

[מומחה יוחס]

וואס??
איך זעה עכט....

מאניש האט זיך אויפגעוועקט... ברוך מחי' מתים

פיין איך גיי פלוימען פאר דיינע ארטיקלען... פשיהא חחחחח

[רייכער איד]

האסט מיר דערקוויקט

[לפי עניות דעתי]

מאניש האט זיך אויפגעוועקט... ברוך מחי' מתים

פיין איך גיי פלוימען פאר דיינע ארטיקלען... פשיהא חחחחח

[צעטל קלעבער]

ש'כויח!

[עטיש]

אויפגעלעבט אין דעם וועטער
ביזט א גרויסע שכוח

[איטשע חסיד]

פארזעצונג?

[דרייטצעך]

דער בחור האט זיך אויפגעוועקט...

[דבר החרדים מירושלים]

האב איך שוין וואס צו ליינען פאר מיין מארגנדיגן פלייט,

מאניש?! כ'ווארן דיך אויב מ'ווארפט מיר אראפ פון פליגער צוליב לאכן-אטאקעס...

[holy yid]

Pdf please