וְקָבְעוּ שְׁמוֹנַת יְמֵי חַנוּכָּה אֵלוּ לְהוֹדוֹת וּלְהַלֵל לְשִׁמְךָ הַגָדוֹל - חנוכה פראיעקט

[eller]

מ'שטייט שוין טאקע ביים זיבעטן לעכטל.. מ'האט שוין געזאגט א שיינע פאר מאל די ווערטער פונעם קעפל פון די אשכול..
האט איינער אריינגעטראכט אין די דאזיגע ווערטער ???
ס'איז זייער פשוט! חנוכה איז נישט די עיקר די דאנאטס, חנוכה פארטי, און ניטאמאל די לאטקעס...
די ציל פון חנוכה איז פשוט צו דאנקן און לויבן השם יתברך פאר אלע גוטס און ניסים וואס ער טוט בימים ההם ובזמן הזה!!!!

דעריבער עפן איך די אשכול אלץ א חנוכה פראיעקט אז יעדער זאל ארייקומען מיט כאטש איין ליין צו דאנקן השם יתברך אין אידיש, אויף סיי וואס עס קומט אויס....

אידן דאס איז דאך חנוכה צו דאנקן....

לאמיר דאנקן (און נאכאמאל דאנקן און נאכאמאל דאנקן!!!..)

אידן קומטס אריין אין גרויסן און לאמיר אריינברענגען די אור פון לְהוֹדוֹת וּלְהַלֵל לְשִׁמְךָ הַגָדוֹל

[eller]

לאמיר גיין פתיחה...
איך דאנק השי"ת פאר אלעס גוטס וואס ער טוט מיט מיר שטענדיג... בפרט לעצטע וואך, ווען כ'האב געהאט געלט שטעקן ערגעץ און ס'איז געווען פראבלעמאטיש ארויסצובאקומען די געלט, און ב"ה אז די געלט איז שוין אין מיין באזיץ.

[ממה נפשך]

איך דאנק דיך הייליגע באשעפער אז אלע קינדער פון אויבן ביז אונטן שפירן נישט גוט און ס'איז אויסגעקומען דייקא אין די טעג פון חנוכה וועקעישאן אזוי זיצט מען נאר איינמאל אינדערהיים.

און איך דאנק דיר אויך אז אויסער די דריי פיר מאל א יאר וואס סדרייט זיך צווישן אונז, זענען זיי געזונט אויף אלע רמח אברים ושסה גידים. ברוך השם!

[את פתח לו]

שכח הייליגע באשעפער, פארן מיר שענקען א קליינע זיסע מיידעלע.

שכח הייליגע באשעפער, אז מיין מיידעלע קען שוין וואקן.

שכח הייליגע באשעפער, אז זי האט מיר נעכטן איבערגעדרייט די מנורה, און זי האט זיך נישט אפגעבריט,

שכח הייליגע באשעפער, אז מיין הויז האט נישט אפגעפלאקערט.

שכח הייליגע באשעפער, אז מיין מנורה האט זיך נישט צפיצעלט .

שכח הייליגע באשעפער, אז מיינע גלעזליך זענען געבליבן גאנץ.

שכח הייליגע באשעפער, אז סאיז געשען גלייך נאך די האלבע שעה, אזוי אז איך האב נישט געדארפט איבער צונדען

שכח הייליגע באשעפער, אז איך האב זיך נישט פארלוירן.

על הכל אומרים תודה!!!

Before

1204211940a.jpg (454.96 KiB) געזען 3493 מאל

The door

1205211350.jpg (287.07 KiB) געזען 3493 מאל

The Menora

1205211351.jpg (434.2 KiB) געזען 3493 מאל

[יצחק אייזיק]

דער האט אריינגעכאפט א before בילד...

[את פתח לו]

דער האט אריינגעכאפט א before בילד...

מיט געציילטע מינוטען...

[עירוב תבשילין]

א דאנק דיר הייליגע באשעפער פארן מיר שענקען אזא פיינע געלעגער ווי איך קען מיך אראפלייגן יעדע נאכט

א דאנק דיר הייליגע באשעפער אז איך קען זעהן און מיינע אויגן פינקציאנירן געהעריג אן קיין שום פראבלעמען

א דאנק דיר הייליגע באשעפער אז מיינע שיך זענען באקוועם

א דאנק דיר הייליגע באשעפער פאר מיין שלום בית

[יקוש פייוויש]

א דאנק דיר הייליגע באשעפער פארן מיר שענקען אזא פיינע געלעגער ווי איך קען מיך אראפלייגן יעדע נאכט

א דאנק דיר הייליגע באשעפער אז איך קען זעהן און מיינע אויגן פינקציאנירן געהעריג אן קיין שום פראבלעמען

א דאנק דיר הייליגע באשעפער אז מיינע שיך זענען באקוועם

א דאנק דיר הייליגע באשעפער פאר מיין שלום בית

[יש הנאה]

איך דאנק דיך באשעפער אז איך קען דיך דאנקן!

מיין גאנצע לעבן האט זיך געטוישט זייט איך האב זיך אנגעפאנגען מתבונן זיין אין די גוטס וואס די טוסט צו מיך און צו די גאנצע וועלט!

ס'גייט נאך טיפער.. ווען איך פראביר יעדן טאג צו טרעפן עפעס פריש צו דאנקן, וועסטו באשעפער אפט מאל מיר אונטערשיקן גוטע חסדים, בלויז נאר ווייל דו ווייסט אז איך וויל, און איך וועל דיר דאנקן דערויף!!

(בחדא מחתא וויל איך דאנקען פאר ערעב @עלער פאר מזכה זיין אזוי פיל אידישע קינדער טעגליך! אשריך! די זכות זאל אייך ביישטיין!)

[eller]

איך דאנק דיך באשעפער אז איך קען דיך דאנקן!

מיין גאנצע לעבן האט זיך געטוישט זייט איך האב זיך אנגעפאנגען מתבונן זיין אין די גוטס וואס די טוסט צו מיך און צו די גאנצע וועלט!

ס'גייט נאך טיפער.. ווען איך פראביר יעדן טאג צו טרעפן עפעס פריש צו דאנקן, וועסטו באשעפער אפט מאל מיר אונטערשיקן גוטע חסדים, בלויז נאר ווייל דו ווייסט אז איך וויל, און איך וועל דיר דאנקן דערויף!!

(בחדא מחתא וויל איך דאנקען פאר ערעב @עלער פאר מזכה זיין אזוי פיל אידישע קינדער טעגליך! אשריך! די זכות זאל אייך ביישטיין!)

שכח..
--
חברה לאמיר שטורעמען די אשכול מיט שבח והודאה......
אויב האסטו נישט עפעס ספעציעל אויפן מינוט... נעם דיר א סקונדע צו אויפזוכן די גוטס...
לאמיר אריינברענגען א ווינט פון דאנק צו גאט!!!....
ביידן קען ווארטן..
די פארברענגען אשכולות איז נישט וויכטיג יעצט...
אלע אנדערע נייעס אדער קרעטשמע געשפרעכן וועט ווארטן פאר 5 מינוט
יעצט איז אונזער צייט צו דאנקן דעם הייליגן בורא פאר אלעס גוטס וואס ער טוט מיט אונז יעדן סקונדע!...
וְקָבְעוּ שְׁמוֹנַת יְמֵי חַנוּכָּה אֵלוּ לְהוֹדוֹת וּלְהַלֵל לְשִׁמְךָ הַגָדוֹל

[מי יודע]

האדמו"ר מהר"א מסאטמאר האט דעם כ"א כסלו נאכגעזאגט א הייליג ווארט פונעם ריזשינער ז"ל, די גמרא זאגט אין בן דוד בא אלא בדור שכולו חייב, האט ער געפרעגט א דור שכולו זכאי פארשטייט מען, וואס הייסט א דור שכולו חייב, זאגט ער, דור שכולו חייב איז טייטש, אז דער מענטש שפירט זיך כולו חייב, ער איז שטענדיג שולדיג א חוב פאר הקב"ה צו דאנקען דעם הייליגן באשעפער, דאס הייסט א דור שכולו חייב, אין אזא דור וועט משיח קומען

[ים המלח]

איך דאנק דיר אויבערשטער פאר אלעם (פשוטו כמשמעו)

[ים המלח]

שכח..
--
חברה לאמיר שטורעמען די אשכול מיט שבת והודאה......
אויב האסטו נישט עפעס ספעציעל אויפן מינוט... נעם דיר א סקונדע צו אויפזוכן די גוטס...
לאמיר אריינברענגען א ווינט פון דאנק צו גאט!!!....
ביידן קען ווארטן..
די פארברענגען אשכולות איז נישט וויכטיג יעצט...
אלע אנדערע נייעס אדער קרעטשמע געשפרעכן וועט ווארטן פאר 5 מינוט
יעצט איז אונזער צייט צו דאנקן דעם הייליגן בורא פאר אלעס גוטס וואס ער טוט מיט אונז יעדן סקונדע!...
וְקָבְעוּ שְׁמוֹנַת יְמֵי חַנוּכָּה אֵלוּ לְהוֹדוֹת וּלְהַלֵל לְשִׁמְךָ הַגָדוֹל[/quote]
וואס מיינט שבת והודאה?

[דייווער]

יישר כח הייליגער באשעפער פרר די גרויסע חסדים.

א פראיעקט וואס איך ארבעט שוין פאר זייער שווער פאר די לעצטע 4 חדשים האט זיך אויסגעארבעט און גענדיגט געווארן פאריגע פרייטאג.

[עירוב תבשילין]

איך געדענק אז א טאג בעפאר מיין חופה האב איך מיך אראפגעשריבן 40 חסדים וואס די אויבערשטער האט מיר געטון אלע יארן ביז די חתונה, אזוי אז איך זאל עס ליינען ביי די דערהויבענע מנחה ביום חופתי - אפשר וועל איך עס אויפזוכן און ארויסלייגן.

אבער אויף דערווייל וועל איך גיין ווייטער פשוט ווייל איך קען נישט אויפהערן פון טראכטן פון די גוטע חסדים וואס די אויבערשטער טוט מיט מיר יעדער מינוט, מ'דארף נישט זיין קיין גרויסע חכם צו אנערקענען די פילע חסדים און גוטס וואס דער אויבערשטער טוט מיט אונז אלע:

-א דאנק דיר הייליגע באשעפער אז מיינע עלטערן לעבן און זענען געזונט און שטארק

-א דאנק דיר הייליגע באשעפער אז ס'האט נישט פאסירט קיין אומגליק ווען איך בין געפארן אויפן הייוועי

-א דאנק דיר הייליגע באשעפער אז איך האב היינט געהאט א פיינע קאווע

-א דאנק דיר הייליגע באשעפער אז מיין טעלעפאון ארבעט

-א דאנק דיר הייליגע באשעפער פארן מיר געבן שוץ ווען ס'רעגנט און איך האב מיר געקענט ערלויבן צו קויפן א שירעם

-א דאנק דיר הייליגע באשעפער אז די חלה די וואך שבת איז פיין געלונגען, אזוי אויך די אלע אנדערע מאכלי שבת

מיר נעמען נישט אין באטראכט מיט וויפיל גוטס אונזער טאג טעגליכען לעבן איז ארומגענומען, די אויבענדערמאנטע ליסטע געט א טיילווייזע בליק פון וויפיל חסדים מיר געניסן טאג איין טאג אויס. כי טוב ה' ווייל דער אויבערשטער איז גוט - פשוטו כמשמעו

---
א דאנק אייך הרב עללער פארן אויפמערקן דער עולם!

[eller]

שכח..
--
חברה לאמיר שטורעמען די אשכול מיט שבת והודאה......
אויב האסטו נישט עפעס ספעציעל אויפן מינוט... נעם דיר א סקונדע צו אויפזוכן די גוטס...
לאמיר אריינברענגען א ווינט פון דאנק צו גאט!!!....
ביידן קען ווארטן..
די פארברענגען אשכולות איז נישט וויכטיג יעצט...
אלע אנדערע נייעס אדער קרעטשמע געשפרעכן וועט ווארטן פאר 5 מינוט
יעצט איז אונזער צייט צו דאנקן דעם הייליגן בורא פאר אלעס גוטס וואס ער טוט מיט אונז יעדן סקונדע!...
וְקָבְעוּ שְׁמוֹנַת יְמֵי חַנוּכָּה אֵלוּ לְהוֹדוֹת וּלְהַלֵל לְשִׁמְךָ הַגָדוֹל

וואס מיינט שבת והודאה?

לאמיר אויספיגערן וואס האב איך געקענט מיינען ????
אקעי כ'האב געוואלט שרייבן עפעס א ווארט פון דאנקן די באשעפער...

אבער באמת דארף איך דאנקן די אויבערשטער פאר די טעות, ווייל יעדע דורכפאל מאכט א מענטש מער סוקסעספול, אזוי ווי די באקאנטע ווארט אז די ענגליש ווארט פון 'דורכפאל' איז 'לערנונג עקספיריענס!....

[eller]

הערט א גאר אינספערירענדע דרשה פון די גרינדער פון די 'איך דאנק דיר באשעפער' גרופע, ר' ארי בערקאוויטש הי"ו
אלץ א הכנה צום לעצטן לעכטל....
https://drive.google.com/file/d/1qeiVUD ... sp=sharing

וְקָבְעוּ שְׁמוֹנַת יְמֵי חַנוּכָּה אֵלוּ לְהוֹדוֹת וּלְהַלֵל לְשִׁמְךָ הַגָדוֹל

[אפשר טאקע]

שכח באשעפער פאר אלעס גוטס וואס דו טוסט מיט מיר יעדע מינוט..
ב"ה מיין משפחה איז געזונט (נאכדעם וואס די לעצטע וואך זענען א שיינע פאר משפחה מיטגלידער האבן זיך נישט אזוי גוט געפילט (ווי גאר אסאך אין די יעצטיגע טעג..)
כ'קען נישט גענוג דאנקן !

און שכח פאר הרב @ELLER פארן אויפוועקן די ציבור איבער וואס איז טאקע די מטרה פון חנוכה..

[מאמענטאל]

און שכח פאר הרב @ELLER פארן אויפוועקן די ציבור איבער וואס איז טאקע די מטרה פון חנוכה..

[לקדש שם שמים]

אוי טאטע איך דאנק דיר פאר די מעט אור וואס די האסט אריינגעשיינט ביי אונז און חנוכה ובקשה על העתיד מזאל ווייטער זען נסים גלויים (כידוע מעג מען בעטן און חנוכה אויף נסים)

[ארבעטסגעבער]

נעכטן נאכט בין איך געווען אינטערוועגנס לעבן די קענעדישע גרעניץ, און פלוצלינג האט זיך אראפגעלאזט א שרעקליכע שניי שטורעם אזש מ׳האט כמעט נישט געקענט זעהן ווי מ׳פארט, און אזוי פארנדיג אויף 45 מ.פ.ש. האב איך געזען אז איך ווער צו שנעל נאנט צום קאר און פראנט פון מיר און איך האב זיך גענימען צו ברעקן, (פארשטייט זיך זייער שטאטלעך) די קאר האט זיך גענימען גליטשן ממש ארויס פון קאנטראל, און דער אייבישטער האט איבערגענימען דאס רעדל און האט אפגעשטעלט די קאר ממש געציילטע אינטשעס פאר די קאר פון פארנט, פארמיידנדיג א כ׳וויל נישט טראכטן וואס.
[align=center]״איך דאנק דיר באשעפער פאר דיינע אלע חסדים״[/align]

[רעים]

שכח באשעפער

פאר מיך אייביג געבען וואס איז גוט פאר מיך

פארן מיך געבען פרישע כוחות יעדע צופרי

פאר מיך געבען א פיקדון לעכטיגע קינדערלעך

פאר מיך אריין לייגען און אזא הערליכע משפחה/סביבה

פאר"ן מיך געבען שכל לדעת לב להבין וכוח לבחון

פאר"ן איבערמאכן מיין פארדייונגס סיסטעם

פאר מיך געבען די זכיה צו דאוונען בעטן און דאנקען

על הכל נודה לך לעולם....
אשרינו~איך בין א איד מה טוב חלקינו~א חסדישע איד

[eller]

שכח פאר די אלע וואס האבן שוין אריינגעטשעקט און געדאנקט די בורא אזוי ווי די הלכה איז..
און צו אלע אנדערע טייערע אידן שטייען מיר אין די סאמע לעצטע ליכטעל.. די הייליגע טאג זאת חנוכה
לאמיר אלע שטורעמען מיט וקבעו.....

[דעת בעל הבית]

א דאנק דיר הייליגע באשעפער פארן מיר שענקען אזא פיינע געלעגער ווי איך קען מיך אראפלייגן יעדע נאכט

א דאנק דיר הייליגע באשעפער אז איך קען זעהן און מיינע אויגן פינקציאנירן געהעריג אן קיין שום פראבלעמען

א דאנק דיר הייליגע באשעפער אז מיינע שיך זענען באקוועם

א דאנק דיר הייליגע באשעפער פאר מיין שלום בית

[קנאפער ידען]

מאטש נידעד טערעפי דאס! ש'כח עללער!

ש'כח טאטע פאר אלעס!

ש'כח פארן מיר געבן כח פרובירן מאכן א גאאד טיים פאר די לעכטיגע קינדערלעך, און ש'כח פאר די קינדערלעך זעלבסט!

אן עקסטערע דאנק פארן מיר צוריקגעבן מיין נשמה היינט אין צייט כאטש איך בין געגאנגען שלאפן שפעטער ווי נארמאל און געווען זייער אויסגעשעפט.