כאפצעם!!!!!!

[איינס]

כאפצעם!!! כאפצעם!!!כאפצעם!!!
ס׳טוט צעך א געלויף דער עולם שטורעמט די גאס, יעדער רייסט אהין, און פון אלע זייטן הערט זיך יומערליכע קולות: כ א פ צ ע ם ! ! !

וואס איז געשעהן?! וואס גייט פאר?! ווי לויפט מען און וואס כאפט מען?


משה יוחס איז געווען דער שנארער פון שטעטל, א אפגעשלאסענער רחמנות נעבעך, ער׳ט זיך ארום געדריידט אין די גאסן מיט א נאז אין די ערד און האר אין די הימל, קיין ניצוץ של תקוה האט מען קיינמאל געזעהן אין זיינע אויגן. אידן רחמנים בני רחמנים פלעגן איהם פראבירן העלפן מיט וואס זיי האבן געקענט זה בכה וזה בכה, מיט אביסל עסן אדער א טרינק המחיה נפש רעבה, א ציגארעטל אדער א שמעק טאביק, און צומאל אריינווארפן עפעס א מטבע׳לע. יעדער פון שטעטל האט שוין אמאל מהנה געווען משה יוחס, און יעדער האט שוין געצאלט א מטבעלע פאר איהם.

ויהי היום, יאנקל האט געברענגט די נייעס אין מקוה אז משה יוחס האט געווינען די לאטערי, האנטוכער זענען געפלויגן, זייפן זענען צובלאזן געווארן, דער כאפט זיין הויזן דער צווייטער שלעפט ארויף דער רעקל און מ׳לאזט זיך ארויס מיט א געלויף: כאפצעם! כאפצעם! יעדער וויל יעצט איינקעשן און באקומען א הכרת הטוב ביושר ובצדק אויף אלע יארן וואס ער האט ארויס געהאלפן משה יוחס!

די שטעטל גייט אויף רעדער, נישטא גארנישט יעצט, יעדער לויפט אויף א כאפצעם.

איימעניט, לאמיר נאר אויסקלארן, די לאטערי וואס משה יוחס האט געווינען איז א ריזן סכום פון.... גאנצע הונדערט טאלער.


----


קאכט מיר די בלוט איך טאר אבער נישט רעדן ווייל זיי זענען דאך הונדערט פראצענט גערעכט! איך האב דאך באקומען אפאר גראשן פון זיידי ביידן סטוטצעך ביי מיר א כאפצעם :(

[אסדר לסעודתא]

וואס איז די נמשל?

[איינס]

וויפל קינדער שיקסטו אין די מוסדות׳ן?

[יש לו מנה]

צוקער... ווי נאר @איינס קען, א ארגינעלע געשמאקע שפראך.

[נישטאמת]

וויפל קינדער שיקסטו אין די מוסדות׳ן?

ווען ער האט בייקומען PPP האט ער נישט געוויסט פין מיר צו זאגן, יעצט איך האב בייקומען א קארגע פאר גראשן קומט ער צולויפן איך זאל אים געבן דערפין

[איינס]

וויפל קינדער שיקסטו אין די מוסדות׳ן?

ווען ער האט בייקומען PPP האט ער נישט געוויסט פין מיר צו זאגן, יעצט איך האב בייקומען א קארגע פאר גראשן קומט ער צולויפן איך זאל אים געבן דערפין

וואס עפעס ער האט גארנישט באקומען, ער ווייסט נישט וואס דו ווילסט פון איהם.
פונקט פארקערט עס האט איהם נאר געקאסט, און בד״ו פארן גראסערי מאן קוקסטו אויך אין טאש?!

האק נישט אין קאפ אריין, סתם א אומפארגינער, ער ארבעט טאג און נאכט פאר דיר, דו האסט הנאה פון איהם, יעצט האסטו באקומען א פעטן טשעק זיי מוחל און צאל דיין חלק!

כאפצעם!!!!

[עולם האמת]

אגב קענסטו דא טשעקן פיקטליך וויפיל יעדע מוסד אדער קאמפעני האט באקומען פון PPP

https://www.federalpay.org/paycheck-protection-program

[טעם וריח]

הרב איינס, פונקט דאס האב איך געטראכט נעכטן, גוטע פוינט, יעדער שרייעט און פארפירט אז איהם 'קומט' זיך די פאר גראשן וואס איז אריין אין קאנטע, און דאס אלעס איז חוץ א מעשה וואס די גראסערי ביל איז געשפרינגען כו' כו' ציפיל בלייבט סיי-ווי נישט צו באצאלן די חובות...

ער נערווירט שוין די נאכנאדיגע אזוי-גערופענע אקציעס פון אלע סארטן צו פארכאפן מיינע פאר אויסגעפליקטע גרייצער וואס פעטער יענקל האט ברוב טיבו מיר פארגינען,

האלט'ס ענק שטארק פאלט נישט פאר די אלע חברה...

נ.ב. מעשר מוז מען אבער יא געבן,

[היסטאריש]

איינס צום פינטל

[רואה חשבונות]

איינס צום פינטל

נעכטן קאלט מיר איינער פון מיין ישיבה, פון א דור צוריק. ער העלפט דרוקן חידושים פאר איינע פון די מגיד שיעורים (א שיינע זאך. אקעי). ער וויל נאר וויסן צו איך האב באקומען די 'קינדער געלט'.

[נו גוט נו שוין]

ס'איז זייער פשוט קינדער קאסטן גארנישט, און אז מ'שיקט "קינדער געלט" זוכט מען מיט לעכט וואס מ'קען עפעס טון דערמיט א גוטע זאך

[אלטער]

גיי זיי מסביר

[דער יעניגער]

;l;p-

אגב קענסטו דא טשעקן פיקטליך וויפיל יעדע מוסד אדער קאמפעני האט באקומען פון PPP

https://www.federalpay.org/paycheck-protection-program

https://www.federalpay.org/paycheck-pro ... &zip=10950