כי טוב ה' - ווייל דער אויבערשטער איז גוט!! = לאמיר דאנקן אונזער 'גוטער באשעפער'!!!

[eller]

איך דאנק דיך באשעפער פאר משפט'ן מיט גערעכטיגקייט.

אין די וואכעדיגע סדרה לערנט מען וועגן צושטעלן ריכטער'ס וואס משפט'ן מיט גערעכטיגקייט און אמת אן פראטעקציע אדער נעמען שוחט.

אפילו אונז זענען אין גלות, האבן אונז נאך אלץ א בית דין. א אידישע געריכט הויז וואו מען פסק'נט לויט די תורה.

ווער ווייסט בעסער וואו אזוי די מענטשליכע מח ארבעט, וואו אונזער הייליגע באשעפער אליין, ער פארשטייט אז ווען א ריכטער וועט נעמען שוחט וועט עס אפעקטירן די מעגליכקייט פון משפט'ן מיט אמת.

איך דאנק דיך באשעפער פאר אונז צושטעלן הלכות פאר משפט'ן מיט גערעכטיגקייט.

[eller]

photo_2021-08-15_12-20-43.jpg (35.48 KiB) געזען 1499 מאל

[eller]

איך דאנק דיך באשעפער אז איך בין א חלק פון כלל ישראל.

צו זיין אין א גרופע פון איינצעלע מענטשן וואס זענען איינער דעם צווייטן פארבינדן אפילו מען האט זיך קיינמאל נישט פריער געקענט, איז א מתנה פאר זיך.

זאל עס זיין די קליינע זאכן, וואו בארגן פון א שכן, אדער א גרעסערע זאך, וואו בעטן א פרעמדע מענטש צו העלפן מיט סיי וואס, איז וואס מאכט אונז ספעציעל.

פון די הינדרעטע מענטשן וואס האבן קיינמאל פריער נישט געהערט פון א משפּחה שפירא, און דאך האבן זיי אויפגעגעבן פון זייער פארנומענע צייט צו העלפן זוכן זייער זון יוסף. זיי האבן זיך נישט אפגעשטעלט, נישט וועגן די היץ אדער רעגן ביז זיי האבן געטראפן יוסף.

צו זיין א חלק פון א פאלק וואס זענען אלעמאל גרייט צו העלפן איינער דעם צווייטן, איז א מתנה פונעם באשעפער.

איך דאנק דיך באשעפער פארן געבן פאר אונז, דיינע קינדער, א פארבינדונג און מעגליכקייט צו ארויסהעלפן איינער דעם צווייטן.

[eller]

איך דאנק דיך באשעפער פאר אונזער הויטַ.

הויט באדעקט און היט אפ אונזער גאנצע קערפער, עס האלט אפ באקטעריע און שעדליכע זאכן פון אריינדרינגען אין אונזער קערפער

הויט העלפט קאנטראלירן די טעמפרעאטור אין אונזער גוף. עס האלט אויך אפ פון ווערן אויסגעטרוקנט דורך אנהאלטן פליסיקייט. די הויט פראסעסט אינפארמאציע דורך טאפן, טעמפרעאטור און ווייטאג.

א טויש אין קאליר אויפן הויט קען אונז אויפמערקזאם מאכן צו זוכן מעדיקל היל, ווען מען איז זייער געל אדער בלאס.

איך דאנק דיך באשעפער פאר די מוראדיגע פאנקציעס פון אונזער הויטַ

[eller]

איך דאנק דיך באשעפער פאר די מעגליכקייטַ זיך צו לערנען פון אונזער דורכפעלער.

יעדע מענטש מאכט טעותים. די שיינקייט איז זיך צו לערנען פון עס כדי מען זאל קענען וואקסן דערפון.

השית מיט זיין גרויס רחמנות האט אונז צוגעשטעלט א גאנצע חודש יעדעס יאר, צו קאנצעטרירן וואוזוי מען קען זיך פארבעסערן ספעציעל דורך אונזער דורכפעלער.

ווען מען טראכט אריין וואס האט צוגעברענגט צו טאון די טעות, און מען קוקט מיט וואס מען קען זיך פארבעסערן, ווערן די טעותים איבערגעדרייעט צו דערהויבנקייט.עס שטייט אז אפילו א צדיק קען נישט צוקומען צו די פלאץ פון א בעל תשובה.

איך דאנק דיך באשעפער פאר יעדע דורכפאל וואס אונז צוגעברענגט צו א העכערע פארשטאנד און צו ווערן א בעסערע מענטש.

[eller]

איך דאנק דיך באשעפער פאר פייגלעך.

נישט קיין חילוק אויב מען זעהט זיי פליען אויפן גאס, מען האט עס אינדערהיים, אדער מען גייט עס קוקן אין טיער גארטן, זענען פייגעלעך הערליך.

מען קען זיך אפלערנען פון פייגלעך;
צו פליען הויעך צו דערגרייכן אונזער פאטענציאל.
צו זינגען נישט קיין חילוק וואספארא שוועריקייטן מען גייט אדורך.
השית גרייט אן עסן פאר יעדע פייגל זיי דארפן נאר זוכן פאר עס, אזוי אויך דארפן אונז טוהן אונזער השתדלות.
פייגעלעך פליען צוזאמען, עס לערנט אונז אחדות.

איך דאנק דיך באשעפער פאר די רואיגקייט און אינספיראציע אונז באקומען ווען אונז באטראכטן פייגעלעך.

[eller]

איך דאנק דיך באשעפער אז די היטס אויף אונזער זאכן.

עס איז וואונדערליך וויאזוי די תורה נעמט אריין יעדע קליינע פרט אין מענטשליכע אויפירונג, כדי אונז זאל מיר לעבן די גליקליכסטע לעבן וואס מעגליך.

יעדער פארשטייט אויב מען פארלירט עפעס דארף מען עס צוריק. און דאך אפילו מען טרעפט עפעס, איז מעגליך אדער דורך פוילקייט אדער מענטשליכע גלוסטעניש, וועט מען וועלן האלטן די געטראפענע זאך.

די באשעפער פארשטייט די מענטשליכע נויטונגען, דערפאר האט ער אונז געגעבן די ספעציעלע מצוה פון " השבת אבידה"

מען לערנט אין די וואכעדיגע סדרה הלכות השבת אבידה, אויב מען טרעפט עפעס דארף מען אויפזיכן וועמען עס באלאנגט, אפילו אויב עס קומט אן שווער.

איך דאנק דיך באשעפער פאר די מצווה פון השבת אבידה.

[eller]

איך דאנק דיך באשעפער פאר די שיינע וועטער'ס אין פארנומענע צייטן.

יעצט אין אזא פארנומענע צייט ווען די קינדער זענען אינדערהיים עס איז נאנט צו ימים טובים, וואו אויך פאר א נייע סקול יאר און א נייע סיזאן. איז אן עקסטערע באנוס שיינע וועטער'ס.

די קינדער קענען פארברענגען אין גאס. זיי דארפן נישט זיין אינטער די מאמעס פיס א גאנצן צייט. איינקויפן איז גרינגער ווען די וועטער איז שיין. מען דארף נישט ארומלויפן מיט די עקסטערע עול פון שלעפן און שטיין אונטער א שירעם.

יעדע מינוט וואס איז גרונגער פאר אונז איז א מתנה פונעם באשעפער.

איך דאנק דיך באשעפער פאר אונז פארגרינגערן אין פארנומענע צייטן. מיט שיינע וועטער'ס.

[eller]

איך דאנק דיך באשעפער פאר רעכנערס.

אויב די מיטשעסט זיך מיט פשוטע אדער קאמפליצירטע רעכענונג קומט א רעכענער גוט צוניץ.

אויב נישט וואלט מען זיך געדארפט מיטשענען מיט פאפיר אדער פינגערס.

אזוי פיל מאל וואס א רעכענער העלפט אונז מיט;
אויסרעכענען וועלכע זאך עס קומט אויס ביליגער.
וויפיל מעשר צו אראפנעמען.
וויפיל פארצענט מען נעמט אראפ אדער לייגט צו צו א זאך.
וויפיל שטיקלעך מען דארף האבן פאר למשל, אראפלייגן טיילס צו באדעקן א פלאר.

איך דאנק דיך באשעפער פאר די אויסנאמע אויסטרעף פון א רעכן מאשין.

[eller]

איך דאנק דיך באשעפער פאר הלכות פון 'פראפערטי' .

איך דאנק דיך באשעפער אז דו האסט אונז צוגעשטעלט 613 וועגווייזערס, צו פארזיכערן אז אונז וואױן מיר בשלום איינער מיטן צווייטן.

אין די וואכעדיגע סדרה שטייט; "זייער הארבע זאכן אויף א מענטש וואס בויט אריין אין די 'פראפערטי' פון זיין שכן.

השי"ת זארגט זיך באמת וויאזוי יעדער פילט. ער היט אפ די ברכות מיט וואס ער האט אונז געבענשט.

איך דאנק דיך באשעפער פאר הלכות 'פראפערטי' וואס פארזיכערט די בעלי בתים'ס גרעניצן.

[eller]

איך דאנק דיך באשעפער פאר די "חברים" ארגענעזאציע.

פון די טעגליכע געווענליכע קאלס פון מענטשן וואס זענען אויסגעשפארט פון זייער הויז אדער קאר, אדער דארפן הילף מיט א צובראכענע קאר אונטערוועגס ביז ארויספאמפן וואסער פון א פארפלייצונג הויז.

איך דאנק דיך באשעפער פאר די אויסנאמע ארגענעזאציע וואס באשטייט פון באמת געטרייע וואלענטירן. זיי זענען גרייט 24 שעה א טאג, יעדן טאג פון יאר צו העלפן אנדערע מיט סיי וואס, אבער יעצט זעהט זיך נאך מער אן זײער געטריישאפט. זיי געבן אוועק פון זייער טייערע צייט מיט געטריישאפט און איבערגעגעבנהייט אן אויפהער, צו ארויספאמפן וואסער פון פארפלייצטע הייזער.

גלייך ווען זיי באקומען די רוף, יאגן זיי זיך מיט זייער געצייג וואס פאמפט ארויס וואסער כדי צו מינימיזירן די שאדן און ראטעווען מענטש'נס הייזער און געהערן.

איך דאנק דיך באשעפער פאר יעדע איבערגעגענע חברים מעמבער. וואו אויך פאר די גוטע ארבעט וואס זיי טוהן.

[eller]

איך דאנק דיך באשעפער פאר די 'רעספירעטארי'/אטעמען סיסטעם.

די סיסטעם נעמט אריין אקסיגען פאר די קערפער, וואו אויך שיקט עס ארויס די 'קארבאן די אקסייד' פונעם קערפער.

אזוי ווי מען זאגט אין תפילות תודה יעדן טאג, "איך דאנק דיך באשעפער פאר יעדע אטעם וואס איך אטעם."

די וויירוס האט אפעקטירט די אטעמען סיסטעם מיט שווערע זייטיגע נאכווייען. דעס האט אונז מער אויפמערקזאם געמאכט וואו וויכטיג און דאנקבאר אונז דארף מיר זיין ווען מען אטעמט ב"ה אן קיין פראבלעמען.

יעדע איינציגע מאמענט וואס אונזער 'רעספירעטארי' סיסטעם ארבעט אן א פראבלעם איז עס א מתנה פאר אונז גלייך פונעם באשעפער אליין.

איך דאנק דיך באשעפער פאר די וואונדערליכע וועגן ווי אזוי אונזער 'רעספירעטארי'/אטעמען סיסטעם ארבעט.

[eller]

photo_2021-08-31_12-46-36.jpg (29.84 KiB) געזען 1327 מאל

photo_2021-08-24_16-03-30.jpg (27.29 KiB) געזען 1327 מאל

[נאר מיט שמחה]

איך דאנק דיר באשעפער פארן האבן אזא אשכול דורך א טייערער ניק וואס מאכט אונז טראכטן אביסל וויפל אונז האמיר צו דאנקען דעם באשעפער!

[eller]

איך דאנק דיך באשעפער פאר מילגרוימען.

עס איז אזוי ווי קליינע בריליאנטן פון פרוכט, אפגעהיטן מיט א הויט, עס האט אסאך געזונטהייט בענעפיטן.

מען קען הנאה האבן דערפון אויף פארשידענע וועגן; סיי ווען מען עסט דאס פרישערהייט, אזוי אויך אלץ א נארהאפטיגע געטראנק, און סתם אזוי צו צולייגן א טעם.

עס העלפט מענטשן פארשטארקן די אימיון סיסטעם, פארזיכערט די הארץ, עס אנטהאלט וויכטיגע באשטאנדטיילן קעגן וויירוס'ן און טומאר'ס.
עס איז א גוטע שורש פאר וויטאמין A,C, און E, עס פארמאגט אויך פאליק עסיד.

איך דאנק דיך באשעפער פאר אזא ספעציעלע פרוכט ווי מילגרוימען, מיט איהרע מערערע בענעפיטן.

איך דאנק דיך באשעפער אז אידן זענען צוגעגליכן צו מילגרוימען, וואס איז די איינציגע פרוכט וואס איז אריגינעל, נישט צוזאם געמישט, ווייל אידן האלטן זיך אריגינעל און מישן זיך נישט אויס מיט די פעלקער, און דערפאר איז דאס פון אונזער שטערקסטע סימבאל'ן ווען מיר זענען מעורר זכותים פאר די נייע יאר.

[eller]

איך דאנק דיך באשעפער פאר טייטלען.

טייטלען האבן אסאך בענעפיטן;
זיי זענען אנגעפילט מיט אסאך וויכטיגע ווייטעמין און מינעראלן.
עס האט פייבער וואס העלפט פארדייען עסן.
אנטי-אקסידענטס וואס העלפט פארמיידן מערערע קרענק.
געזונט פארן גוף און מח,
א נאטירלעכע זיסקייט.

איך דאנק דיך באשעפער פאר די זיסע, געשמאקע, נארהאפטיגע טייטלען, צו עסן ראש השנה צו האבן א זיס יאר.

[eller]

כ'וויל ארויסקומען דאנקן השם ברבים פאר זיינע שטענדיגע חסדים.
פריער האב איך געהאט א גאר טייערע טשעק און בטעות איז עס אריינגעפאלן אין מיסט קאסן, כ'וואלט עס פשטות קיינמאל נישט באמערקט (און כ'וואלט קיינמאל נישט געטראכט אז ס'איז דארט) און געלויבט השי"ת אז פונקט האט אינער געזוכט עפעס אין די מיסט קאסטען (אויך א נישט געווענליכע זאך..) און געלויבט גאט אז ער האט עס געטראפן...

[אלטע קוגל]

כ'וויל ארויסקומען דאנקן השם ברבים פאר זיינע שטענדיגע חסדים.
פריער האב איך געהאט א גאר טייערע טשעק און בטעות איז עס אריינגעפאלן אין מיסט קאסן, כ'וואלט עס פשטות קיינמאל נישט באמערקט (און כ'וואלט קיינמאל נישט געטראכט אז ס'איז דארט) און געלויבט השי"ת אז פונקט האט אינער געזוכט עפעס אין די מיסט קאסטען (אויך א נישט געווענליכע זאך..) און געלויבט גאט אז ער האט עס געטראפן...

ברוך השם!!

[eller]

ארויסטרעטענדיג פון שנת תשפ"א וויל איך ארויסקומען ברבים (און טאקע אויף די זעלבע פלאץ..) צו דאנקן השי"ת פארן מיר געבן די זכות און זכי' צו פארשפרייטען מאמרים און שטארקע ווערטער זיך מחזק צו זיין און דאנקן השם אויף טריט און שריט..
דער אויבערשטער זאל אונז אלע באשערן א זיס לעכטיג געבענטשט יאר אז מיר זאלן אים קענען ווייטער דאנקן און לויבן..
א כתיבה וחתימה טובה און א שנה טובה ומתוקה און א שנת גאולה וישועה...
אויף ווידערזעהן קומענדיגע יאר (אין ירושלים הבניה..)

[eller]

איך דאנק דיך באשעפער פארן אונז געבן די שליסל פון פארגעבונג.

די וואך איז שבת תשובה. די שבת אין וועלכע אונז ווער מיר נענטער מיטן באשעפער.

איך דאנק דיך באשעפער פאר אונז אויס לערנען די 13 מידות הרחמים, פון וואו אונז קען מיר נעמען א ביישפיל וואו אזוי זיך צו אומגיין מיט פארגעבן אנדערע.

פרובירן נאכטאן יעדע פון די י"ג מידות הרחמים קען זיין שווער, דאך פירט זיך השי'ת מיט זיין גרויס רחמנות אויף מיט אונז אזוי וואו מיר פירן זיך אויף מיט אנדערע.

איך דאנק דיך באשעפער אז דורך דעם וואס אונז זענען באמת מוחל איינער וואס האט אונז וויי געטאן אין סיי וועלכע וועג, ביסטו אונז אויך מוחל.

[eller]

photo_2021-09-09_13-18-26.jpg (30.73 KiB) געזען 1148 מאל

[eller]

איך דאנק דיך באשעפער פאר די כח פון פארגעבונג.

איך דאנק דיך באשעפער פאר די מעגליכקייט זיך צוריק צו קערן צו דיר. אונז קען מיר אנהויבן פון דאס ניי אונזער לעבן מיט א שטערקערע קשר צו דיר.

איך דאנק דיך באשעפער פאר אונז געבן א ספעציעלע צייט יעדעס יאר ווען מיר מאכן א חשבון הנפש און זעהן וואו מען קען זיך פארבעסערן אונזער אויפירונג. און די ביסט אונז מוחל און נעמסט אן אונזער תשובה.

עס איז וואונדערליך אז ווען מען קערט זיך צוריק צום באשעפער מיט ליבשאפט, ווערן אונזער עבירות איבערגעדרייעט צו מצוות.

איך דאנק דיך באשעפער אז דו ביסט אונז מוחל ווען מיר קערן זיך צוריק צו דיר.

[eller]

איך דאנק דיך באשעפער אז אונז האב מיר פיזיקאלישע געברויכן, און פאר די מעגליכקייט זיך צו שטארקן איבער דעם.

השי'ת האט אונז געגעבן געברויכן וואו טרונקן און עסן. אזוי אז אונז האבן די מעגליכקייט זיך אפשטעלן יעדע שטוק צייט צו מאכן ברכות. מיר דאנקען סיי פאר צושטעלן עסן און סיי פאר די וואונדערליכע וועגן וואוזוי עסן וואקסט און ווערט פראדעצירט.

איך דאנק דיך באשעפער פארן אונז געבן די כח און מעגליכקייט זיך צו קענען שטארקן פאר איין טאג צו זיין העכער אונזער מענשטליכע געברויכן. אונז ווער מיר וואו מלאכים וואס האבן נישט קיין שום גשמיות'דיגע תאווה.

איך דאנק דיך באשעפער פאר די מתנה פון פארגעבונג, פאר אונז געבן אזא הייליגע טאג ווען מען קען אלעס אויסבעטן וואס ווערט אנגערופן יום הכיפור

[eller]

אפאר סוכות מעסעדזעס וואס כ'האב נאכנישט אנגעקומען עס ארויפצולייגן פאר סוכות, אבער ס'איז נאך אלץ אקטואל..

איך דאנק דיך באשעפער פאר וואסער.

סוכות איז א ספעציעלע צייט צו דאנקן דעם באשעפער פאר יעדע טראפ רעגן. ווייל סוכות באשטומט השי"ת וויפיל רעגן עס זאל פאלן, וויפיל וואסער מיר זאלן האבן.

איך דאנק דיך באשעפער פאר די רעגן וואס העלפט עסן צו וואקסן און אז אונז זאל מיר האבן ריינע וואסער אין אונזער הייזער.

איך דאנק דיך באשעפער פאר די הערליכע וואסערן וואס איז פארהאן אין נאטיר. אריינגערעכנט, וואסערפאלן, ימים, לעקס, אין גרויסע וואסערן.

איך דאנק דיך באשעפער פאר די מערערע בענעפיטן פון וואסער. פאר די עסן וואס וואקסט, טרונקן, קאכן, וואשן, זיך רייניגן, שווימען וכו'

[eller]

איך דאנק דיך באשעפער פארן אונז איינלאדענען צו זיין דיינע געסט.

נאכן פארברענגען צייט צו ווערן נענטער צום באשעפער דורך תשובה טאון און פארבעסערן אונזער אויפירונג מיט בין אדם לחברו, לאנדנט אונז השי"ת איין צו זיין זיין גאסט אין די סוכה.

איך דאנק דיך באשעפער אז יעדעס מאל ווען מיר גייען אריין אין די סוכה ווערן מיר ארומגענומען מיט דיין גרויס ליבשאפט.

איך דאנק דיך באשעפער פארן אונז געבן א גאנצע וואך זיך צו אפרוען פון אונזער טאג טעגליכע דאגות און זיך קאנצעטרירן צו זיין בשמחה בשעת מען פארברענגט מיט משפּחה.

איך דאנק דיך באשעפער פאר די מתנה פון סוכות.