קען מען מעסטן א ריח?

[נא_שכל]

גייענדיג אויפן גאס אין עיה"ק ווילאמסבורג ווי די היצען זענען לעת עתה גאר הויעך און אומאנגענעם, קומט נאך צו א ערגערע זאך, דאס איז סרחון פון די גאסן, ווי מ'גייט יעדע הויז גיבט ארויס א בעסערע און אנדערע ריח, גייט מען דורך נעבן א פיש אדער פלייש געשעפט, ברוך מען גרויס רחמנות די נאז זאל נישט ווערן טויב...

עכ"פ ביניך נייגעריג אויב ס'דא אזא זאך ווי א גראד פאר ריחות, און מ'קען עס מעסטן, למשל אז מ'וועט זאגן יעצט איז 108 די גערוך אא"וו.

***

אויב קען מען מעסטן די ריח, ברויך מען אויפמאכן א "ריח טשענעל", און דארט העט מען קענען הערן פונקטליך ווי די גערוך האלט און יעדע געגענט, און מ'וועט אזוי קענען אויסמיידן יענע מקומות המטינופות.

ווי אויך וועלן זיי פונקטליך אפדעיטען ווען די גארבידזש טראק פארט אדורך אין יעדע געגענט, אדער ווען די טראק וואס נעמט צוזאם די אפפאל פון די בוטשער פארט אריבער אין שטאט, אזוי וועט מען וויסן צו פארמיידן.

אויב קענען מען מאכן געלט דערביי, מאך איך שוין א פעטענט...

[נאך פונדערהיים]

בינעך פונקט היינט געווען שפעט אין מקווה, האבעך נישט געוויסט אז עס קען אנקומען צו אזאלכע ציפערן...

[אנעים זמירות]

https://en.wikipedia.org/wiki/Odor#Measurement

[שמואל אלצווייסער]

וועלקאם בעק

[בשעה שיש]

פארדעם גייט מען דאך אין קאנטרי אין די זומער?

[מיט דיר]

ריח איז רוחנית עס איז נאך נישט דא א מעשין וואס קען שמעקן אלעס איז שוין דא נישט שמעקן

[נא_שכל]

ארויף לאור המצב, היינט איז קאלעקשען דעי אין ווילי. די גראד איז גאר הויעך...

מ'קומט צוריק אריין פון די קאנטרי, מ'טרעט ארויס פון די קאר אדער באס, און בום!!! אפשר קען מען מיטברענגען פון די קאנטרי די נאז קליפס.

ידע הציבור ויזהר!

שוין וואס טוט מען נישט צו וואוינען דא אינעם עיר ואם בישראל...

[כתוב וחתום]

חחח...
שכל,

[פּשוט און פּראָסט]

די יאר איז דא אסאך װאס האבן נאך זײער ריח אױף לאו װאליום אדער אױף נול נאך פון די קאראנע עפאכע, סאו מ׳דארף זעהן די מאשין זאל דאס אױך קענען אױסרעכענען.

אני כשלעצמי האב אן ערענסטע חשד אז מײן ריח איז קײנמאל נאך נישט צוריק צו די ארגינעלע נומערן, ואין פוצה פה, שטא װער זאל עס קאנפירמען אדער דינײען, סיז א גרױס װײטאג, סעט װען געװען א גוטע צײט פאר אזאָ מאשינדל.

אײנער װײסט װאו ס׳האלט?

[Programming]

איי בי עם ארבעט שוין יארן אויף די טעכנאלאגיע, איך מיין עס דארף שוין פערטיג ווערן. זיי קאנצעטרירן זיך אויף א וועג צו קענען רעקארדירן און דערנאך אויפשפילן דעם ריח פון א פלאץ, מסתמא איינמאל מען קען דאס טון קען מען שוין גרינג ערצייגן אזא סארט מעסטער.

[נא_שכל]

איי בי עם ארבעט שוין יארן אויף די טעכנאלאגיע, איך מיין עס דארף שוין פערטיג ווערן. זיי קאנצעטרירן זיך אויף א וועג צו קענען רעקארדירן און דערנאך אויפשפילן דעם ריח פון א פלאץ, מסתמא איינמאל מען קען דאס טון קען מען שוין גרינג ערצייגן אזא סארט מעסטער.

איך האב הנאה צו הערן דערפון, און לכאורה וועט בקרוב מיין חלום פארוויקלעכט ווערן. איך בין זיכער אז פילע וועלן דעמאלטס אריינגיין אין די ריח פארקעסטינג ביזנעס.