חיים מעדיקעל קמפיין קמונדיגע דינסטיג אין מיטוואך
די לעבנס-קריטישע אַקטיוויטעטן
פון ״חיים מעדיקל״ פאַר חולי ישראל, אָן אפשטעל
חיים מעדיקל איז אַ לעבנס-וויכטיגע אָרגאַניזאַציע וואָס שטעלט צו פאַר חולי ישראל:
אַ פּערזענליכע געטרייע באַגלייטונג מיט וועלטס-אַנערקענטע מעדיקל ריסוירטש און פּאַציענט-אַדוואָקאַטירונג צו קענען גרייכן זייער גליקליכע רפואה בעז״ה.
קיין שום חולה, השי״ת זאָל אָפּהיטן, קען נישט אַליין זיך אַן עצה-געבן מיט שפּיטעלער און דאָקטוירים ווען חלילה מ׳ווערט באַטראָפן פון אַ שווערע דיאַגנאָז צי זעלטענע דיזיעז ה״י. מ׳מוז האָבן אַ באַגלייטער צו די האַנט, מיט הילף, שתדלנות און אָנווייזונגען אויף טריט און שריט.
דאָס איז וואָס ״חיים מעדיקל״ טוט בעז״ה צושטעלן מיט׳ן גאַנצן האַרץ פאַר חולי ישראל.
מ׳האָט זיך נישט אָפּגעשטעלט, און מ׳וועט זיך ווייטער נישט אָפּשטעלן פאַר גאָרנישט אויף דער וועלט, ווען ס׳קומט צו ראַטעווען חולי ישראל!
חיים מעדיקל האָט זיך געעפענט:
מיט בלויז 6 יאָר צוריק, אויף אַ באַשיידענעם פאַרנעם, דורך מרת שבע כהנא שתחי׳, און איז — צוליב דעם אומגעהויערן נויט ליידער פון אַזויפיל חולים ה״י וואָס פּלאָגן זיך מיט אַלע סאָרט מחלות ה׳ ירחם — אויסגעשטיגן אַלס וועלט׳ס-אימפּעריע פאַר הילף און באַגלייטונג פאַר חולי ישראל.
חיים מעדיקל שטעלט צו:
פארצווייגטע, מערסטע אַפּ-טו-דעיט ״מעדיקל-ריסוירטש״ צו זוכן: דעם ״גרעסטן און בעסטן דאָקטאָר״ וואס מעגליך; די בעסטע און מערסט-ווירקזאַמע רפואה; יעדע סאָרט קלינישע טרייעל און שתדל׳ן אַז אונזערע חולים זאָלן זיין באַרעכטיגט דאָס צו באַקומען
חיים מעדיקל באַווייזט:
בעז״ה מיט שתדלנות ועקשנות צו: שאַפן די שווערסטע קריטישסטע אַפּוינטמענטס ביי די גרעסטע מעדיצינישע מומחים אין בלויז 24 שעה; ערלעדיגן שווערע מעדיקל-טרענספערס וואו אימער איבער דער גאָרער וועלט; אָנהאַלטן פאַרבינדונגען מיט קליניקס און שפּיטעלער אין יעדער פאַרשטיפּטער ווינקל לטובת די חולי ישראל.
חיים מעדיקל האַלט אויף:
2 צענטראַלע אָפיסעס אין באָראָ פּאַרק און קרית יואל מיט צענדליגער שטאַב מיטגלידער, אין צוגאב צו עטליכע קלענערע לאקאציעס, וואו עס קומען פאָר די טעגליכע מאַסיווע ווירטשאַפט פון די אָרגאַניזאַציע אין אַלע געביטן.
• חיים מעדיקל האָט אויף פּעיראָל:
64 איינגעשטעלטע צו באַגלייטן די פילע הונדערטער קעיסעס פון די חולי ישראל אויף יעדן טריט און שריט ביז צו דער גענצליכער רפואה בעז״ה.
בלויז היי-יאָר, פון שבט תשפ״א ביז שבט תשפ״ב, האָט מען געמוזט אויפנעמען ״16 פרישע קעיס-קאָאָרדינעטאָרס״ אין ליכט פון דעם מורא׳דיגן געברויך ה״י.
יעדער איינער פון זיי איז אַ ריכטיגער ״מומחה אין רפואה״ מיט אויסטערלישע באַקאַנטשאַפט אין די פאַרצווייגטסטע מעדיצינישע הינזיכטן און אַלע לעצטע אַנטוויקלונגען בעולם הרפואה.
חיים מעדיקל באַהאַנדעלט טאָג-טעגליך:
העכער 700 טעלעפאָן-קאָלס אַ טאָג, פון חולי ישראל און זייערע נאָענטע, וואָס בעטן פאַר אָנווייזונגען און באַגלייטונג אויף יעדן ריר. זיי רירן זיך נישט אָן די דירעקטע אָנווייזונגען פון די קעיס-קאָאָרדינעטאָרס און ספּעציאַליסטן. יעדע אַפּוינטמענט, יעדע טעסט, אַלעס גייט מיט זייער באַגלייטונג.
חיים מעדיקל באַגלייט אַצינד:
850 אָפענע קעיסעס פון היימישע אידן, פון קלענערע דיזיעז און פאַרשידענע פעלערן ה״י ביז צו גאָר שווערע לעבן-אָדער-ט… קעיסעס ה׳ ירחם.
חיים מעדיקל פאַרפיגט:
מיט אַ 24 שעה-7 טעג אַ וואָך עמערזשענסי נומער, מיט שטענדיגע צוטריט צו לעבנסוויכטיגע הילף אין פאַל פון קריטישע פעלער.
חיים מעדיקל איז אַנערקענט:
ביי אלע גרעסטע דאקטוירים און מעדיקל-אינסטיטוציעס איבער דער גאָרער וועלט, וועלכע רעספּעקטירן די ענדלאָזע געטרייע אַדוואָקאַטירונג פאַר חולי ישראל, און די טיפע פאַרשטאַנד צו רפואה אין אַלע הינזיכטן פון די שווערסטע מחלות וואָס קענען זיך נאָר מאַכן. אַדאַנק די אַנערקענונג באַווייזט מען ב״ה אויסצו׳פועל׳ן אומגעהויערע אויפטוען פאַר חולי ישראל.
אַדאַנק חיים מעדיקל:
האָבן שוין ״הונדערטער אידן״, טאַטעס, מאַמעס, פּיצלעך קינדער, חתנים וכלות, שוין געפּראַוועט זייער סעודת הודאה נאָכ׳ן זוכה זיין צו אַ גענצליכע היילונג בעז״ה.
זיי האָבן נישט גענוג ווערטער פון ״הכרת הטוב״ פאַר די געטריישאַפט און האַרץ וואָס מ׳האָט זיי געשאָנקען, אויף טריט און שריט, ביז׳ן זוכה זיין צו זייער גליקליכע רפואה בעז״ה.
אָבער חיים מעדיקל עקזיסטירט:
בלויז מיט די הילף און שטיצע פון כלל ישראל!
חיים מעדיקל האָט נישט קיין פּראָגראַמען, קיין קביעות׳דיגע באַזע פון הכנסה. מיר קענען נישט געניסן פון קיין אינשורענס.
נאָר בלויז ריין פון ״נדבות״ וואָס אידישע קינדער רחמנים בני רחמנים שענקען אַזוי האַרציג, צו קענען ווייטער אָנגיין מיט די הייליגע אַרבעט צו ראַטעווען, העלפן, באַגלייטן און אויפרעכטן אידישע קינדערלעך.
די שטראַל פון האָפענונג
די אימפּעריע פון הילף
די האַנט פון באַגלייטונג
פאַר חולי ישראל
וואָס ״שטעלט זיך נישט אָפּ״, קיינמאָל פאַר גאָרנישט, ווען ס׳קומט צו העלפן, באַגלייטן און ראַטעווען חולי ישראל.
ובחרת בחיי״ם!
חיים מעדיקל איז אומאָפּשטעלבאַר;
יעצט מוז כלל ישראל זיין אומאָפּשטעלבאַר!
שטעלט אייך נישט אָפּ. גיסט מיט נדבות! שענקט האַרץ! שעפערט מיט רחמנות!
ווייל נאָר אַזוי וועט אי״ה חיים מעדיקל קענען ווייטער העלפן אידישע קינדער אָן קיין אָפּשטעל!
אינאיינעם מיט כלל ישראל שרייט איר היינט אויס:
דִּי לָא יִפְסוֹק וְדִי לָא יִבְטוֹל!
די הייליגע לעבנס-וויכטיגע פּעולות פאַר חולי ישראל וועלן זיך נישט אָפּשטעלן, קיינמאָל! ווייל כלל ישראל׳ס שטיצע און רחמנות פאַר די חולי ישראל וועט זיך נישט אָפּשטעלן, קיינמאָל!