Inattentive adhd האט געשריבן:טענקס פאר יור פראמפט ריספאנס,
איך וועל אי"ה ליינען די לינק ווען איך האב עקסעס,
וואס מיר שטערט ווען איר זאגט געטליכקייט / נפשיותדיגע איז פשוט ווייל איך האב נישט וויאזוי עס אונצוכפן, סאיז העכער מיין הבנה סאיז זייער טיפע זאכן פאר מיר. איך האב א שטיקל קלאץ קאפ.
בעסיקלי איך דארף א דיקשענערי אויף:
נפש=
ב"ה
יעדע זאך וואס דו זעהסט, אדער דו פיהלסט, אז ס'איז, ס'איז דא, ס'לעבט, און ס'גייט אן, און דו ווייסט אז עפעס א כח "אינעווייניג" מאכט עס אזוי, און דו שטעלסט דיך פאר דעם כח. צום ביישפיהל: דו זעהסט אז איינער איז פרייליך, און דו ווייסט אז עפעס א כח אין אים מאכט אז ער זאל זיין פרייליך.
דער כח אין אים איז נפש. די נפש זיינע האט א כח צו מאכן אז דער מענטש זאל זיין פרייליך.
צום ביישפיהל דו זעהסט א גראזל. דו זעהסט דעם גראזל וואקסן, און ס'איז גרין, און ס'האט א געוויסע פארום, און דו ווייסט און דו ביסט מדמה דעם כח וואס מאכט עס וואקסן, און די אלע זאכן. דו ווייסט אז דער נפש הצומח איז א כח צו מאכן דעם גראזל וואקסן. דאס איז נפש.
סאו, ס'איז דא פאר מיר אזאך, און איך פארשטיי אז עפעס אינעווייניג האט כוחות אויף דער זאך, כוחות צו טוישן דער זאך. דאס איז נפש. נפש איז ווען איך רעד פון די כוחות וואס איך פארשטיי אז ס'האט מיט די נפש פון די זאך.
ווען דו זעהסט ADHD, ווייסטו און דו ביסט מדמה דער עפעס וואס מאכט אז ס'זאל זיך פאר דיר ווייזן די און די שטריכן וואס געבן דיר דעם בילד אז דא איז דא ADHD. דער נפש וואס שאפט ADHD.
ווען מ'רעדט פון 'נפש', רעדט מען וויאזוי די נפש דרוקט זיך אויס אירע כוחות. אויסדרוקן כוחות מיינט: באווייזן פון זיך כוחות אז די אויג זאל דאס זעהן, אדער דער געפיל זאל דאס פיהלן.
ווייל דו קענסט קאנטראלירן דורך פארשידענע וועגן וויאזוי א געוויסע נפש זאל זיך אויסדרוקן. א נפש פון א מענטש דרוקט זיך אויס דורך פארשטיין די וועלט, אדער אפילו ווען די קערפער וואו ער דרוקט זיך אויס טרונקט וויין וכו'.
אזוי ווי איך זאל זאגן תורת הנפש פון א גראז, מיינט עס: וויאזוי איך קען מאכן אז די גראז זאל וואקסן שיין און שארף און נישט צעבויגן וכו'. ווייל ווען איך באוואסער די גראז, איך געב עס פונקטליך וואס ס'דארף, איז דער סארט נפש, וועט אזוי און אזוי ווירקן אויפן גראז. דאס מיינט אז מיט מיין דרויסנדיגע פעולה ארום דעם גראז ווירק איך אז דער נפש זאל זיך אזוי און אזוי אויסדרוקן און אזוי און אזוי האבן א השפעה אויפן גראז. אבער קיינער נוצט נישט 'תורת הנפש' אויף א גראז. ווייל ביי א גראז איז עס נישט נוגע אויף למעשה. ביי א מענטש וויל מען יא פארשטיין די כוחות הנפש, און ווי ס'ארבעט, און וויאזוי ס'ארבעט. ווייל מיר האבן דירעקט צוטריט צום נפש. מיר קענען אנקומען צום נפש דורכ'ן רעדן צום מענטש, רעדן צו זיך אליין 'מוסר והדרכה'. מאכן א בעסערע בחירה.
א אויג האט אויך א נפש. און איך וואלט געקענט זאגן די תורת הנפש פון א אויג. און עס וואלט געמיינט וואס דארף איך טון אז די אויג זאל זעהן שטערקער און בעסער. א אויג זעהט נישט פון זיך אליין, א אויג האט א כוח הראי וואס דאס איז די נפש וואס באווייזט דאס.
יעדע זאך אויף די וועלט האט א נפש וואס מאכט עס ארבעטן. אפילו א שטיין האט א נפש.
ווען איך זאג די ווארט: נפשיות'דיג. מיינט עס אז די נפש וועט ווירקן אנדערש אויף וואס זי איז ממונה. צום ביישפיהל: ס'דא אמונה, און ס'דא נפשיות'דיגע אמונה. און נפשיות'דיגע אמונה מיינט אז די נפש וואס ווירקט אויף די געפילן פון א מענטש, אויף זיין מוד, אויף זיין גיסטע, אויף זיין
לב, ווירקט עס אויף אזא אופן אז זי פארשטייט אז זי גלייבט. סאו, נפשיות'דיג מיינט די געפילן, די וועג וויאזוי דער מענטש פיהלט זיין זיך.
אויב א מענטש פיהלט "איך טו, איך מאך" אפילו אויב ער גלייבט אז דער אייבערשטער טוט אלעס, מיינט עס אז זיין נפש דארף נאך גלייבן. ער האט נאכנישט גערעדט צום נפש,
די נפש שפראך, אז זי זאל אויך אזוי ווירקן.
ונפשי כעפר לכל תהי' מיינט: אז מיין נפש זאל ווירקן אויף מיינע געפילן אזעלכע פון אירע כוחות אז איך זאל מיך פיהלן כעפר לכל. ישמח לבינו ותגל נפשינו, נפשינו מיינט: אז די נפש אונזערע זאל אונז געבן גילה'דיגע געפילן. די נפש קען געבן געפילן פאר א מענטש.
חולי נפש מיינט אז די סארט נפש דרוקט זיך נישט אויס מיט איר פולער פאטענציאל אדער דרוקט זיך אויס אומריכטיג, צום ביישפיהל: פוילקייט. חולי נפש מיינט אז די נפש וואלט געקענט ארבעטן ריכטיג
מצד דעם גוף, נאר דער מענטש מיינט אז ס'איז דא פון וואס צו זיין אנגעצויגן, דערפאר איז דער מענטש אנגעצויגן. דער מענטש איז אין כעס, נישט ווייל די גוף איז קראנק, נאר ווייל דער מענטש האט עס געלאזט געשעהן מער און מער. דער מענטש האט ערלויבט די כוח הכעס זיינע צו האבן די שליטה. דער מענטש האט נישט ריכטיג קאנטראלירט די השפעה וואס ער האט אויפן נפש.
די נפש דארף זיך אויסלערנען, מיינט: אז די נפש זאל ווירקן אויפן מענטש אירע ריכטיגע כוחות. פונקט אזוי ווי די נפש הצומח קען נישט ווירקן אינגאנצן אויפן צומח, אויב דו לייגסט אריין - לדוגמא - א אתרוג אין א קליין כלי, קען עס נישט וואקסן לויט די אמת'ע כוחות הנפש, אזוי אויך א מענטש, אויב ער פארשטייט נישט ריכטיג די וועלט, זיך אליין, ווער ער איז, קען מאכן אז זיינע כוחות הנפש זאל נישט ווירקן אויף זיין קערפער און אויף זיינע געפילן אזוי ווי זיי וואלטן געקענט. אבער מ'קען אויסלערנען א נפש וויאזוי זי זאל ארבעטן ריכטיג.
נפש האט א השפעה אויף די מידות, אויף די לב. אלעס ווערט געטריבן דורך נפש. ס'דא וואס מ'רופט: רוח. און דאס איז אויך 'נפש', נאר ס'האט אין זיך די כוח 'הרוח'.
די נפש פון א גוי איז אנדערש ווי די נפש פון א יוד מיינט: אז די כוחות וואס דער נפש האט איז אנדערש ווי די כוחות וואס דער נפש האט.
נשמה=
די השפעה דערפון מאכט אז זאכן זאלן לויפן העכער און נענטער צו געטליכקייט. א חלק אלוק ממעל.
טבע=
יעדע זאך וואס לויפט מיט א פון פאראויס איינגעשטעלטע סיסטעם וואס "איינער" האט איינגעשטעלט.
נאטור=
די זעלבע זאך ווי טבע. די נאטור פון א מענטש מיינט אז די זאכן וואס דו זעהסט און פארשטייסט אז ס'לעבט און ס'גייט אן וואס האט מיט די מענטש'ס קערפער.
מידות=
געפילן אין א מענטש וואס האט השפעה אויף זיין געדאנקען גאנג, און אויף וויאזוי ער פארשטייט די וועלט, און וויאזוי ער באגייט זיך מיט די וועלט. צום ביישפיהל: א מענטש פיהלט צו שטארק אינעווייניג וואס ער וויל, און עס גייט נישט אוועק אפילו ווען אנדערע מענטשן ארום אים ווילן עפעס אנדערש, ווערט א עקשן. די עקשנות איז א רעזולטאט פון די שטארקע געפיל וואס האלט זיך אן אין אים. דער אייבערשטער האט געמאכט אז עס זאל נישט אוועקגיין, כדי ער זאל זיין א עקשן. און דער מענטש איז נישט א עקשן ווייל ער האלט אז מ'דארף זיין א עקשן, נאר ווייל ער פיהלט זיין מיינונג צו שטארק, צו לאנג, און עס לאזט נישט נאך, און דאס איז די סיבה פארוואס דער מענטש איז א עקשן.
א ווייעכער מענטש קומט ווען עס קומט אריין אין א מענטש א ווייעכע געפיל. ווייעכע מענטשן האלטן אז מ'דארף זיין רחמנות'דיג. און נישט ווייל אזוי איז דער אמת, נאר ווייל זיי פיהלן אזוי. אבער א צדיק האלט אז מ'דארף זיין רחמנות'דיג, ווייל השי"ת וויל דאס, און נישט ווייל ער פיהלט אזוי.
געטליכקייט=
די געפיל פון באזיצן כוחות אדער זיין מחובר צו אזעלכע כוחות וואס קענען נישט ווערן באזיגט פון טויט. ס'דא צעהן סארטן געטליכע פילינגס. א געפיל פון ליבשאפט וואס פיהלט זיך אז ס'איז אייביג געווען. וכו' אלע עשר מידות, חסד גבורה תפארת וכו'.
לב=
די פלאץ וואו עס פיהלט זיך די געפילן.
ADHD איז נישט א מידות זאך. ווייל עס קומט נישט פון געפילן. עס קומט פון די נאטור! פון טבע! די וועג וויאזוי דער מענטש פארשטייט די וועלט.
און דער אייבערשטער זאל אוודאי העלפן אז מיר זאלן וועלן זיין נאנט צו אים.