א מתחיל בנגינה אומרים לו....?

[נאר מיט שמחה]

כ'ברענג דא ארויף אן ענין אשר רבים כבר דשו בה, א פארפלאנטערטע נושא, וואס האפנטליך אז ס'וועלן זיין אידן וואס קענען ארויסהעלפן פון עקספיריענס וכדו', אדער וועט מען אינאיינעם עפעס אויפקומען...

די גערעדעכטס איז איבער די אידישע קינדער וואס פארמאגן אין זיך טאלאנטן, בפרט אין קאמפאוזן ניגונים, וואס זוכן א וועג צו ארויסקומען לאור עולם, ערשיינען פארן פובליק, און מהנה זיין אידישע קינדער מיט זייער טאלאנט.

איך האב שוין געהאט עטליכע חברים וואס האבן געזוכט דעם שליסל, אזוי אויך דא אויפן וועלטל האב איך שוין מער ווי עטליכע מאל באקומען אישי/אימעיל'ס פון חשוב'ע ניקס וואס טענה'ן אז זיי פארמאגן טאלאנט, און זיי האבן שוין פארפאסט צענדליגע ניגונים, און זיי זוכן א וועג צו גרויס ווערן.
כ'דערמאן זיך יעצט אז אויך אין גראמען האב איך שוין דא געהאט אזא צוויי מאל, מיט אידן וואס האבן געשריבן שיינע זאכן דא און מיר געבעטן איך זאל עס שיקן צו די ריכטיגע פלעצער...

כ'האב זיי געטרייעט צו העלפן, אבער כאניש געהאט קאנאנונג וויזוי און וויווען.. ברענג איך ארויף דעם ענין דא, אפשר וועלן אידן וואס האבן צו זאגן דערוועגן עפעס קענען צולייגן און העלפן.

אריינגיין אינעם עוילעם הנגינה היינט איז זייער שווער, בפרט פאר חסידישע אידן וואס קענען נישט פאמפען אויפן מידיע... אזוי אויך קעמען נישט האבן קיין טענות אויף זינגערס/פראדוסערס פארן נישט ענטפערן יעדן אימעיל, ווייל כ'שטעל מיך פאר אז זיי האבן עס כסדר, און זייער אסאך פון זיי זענען איינגערעדט מיט זייער טאלאנט, און נישט אייביג קעמען זיך ארויסדרייען.

איינער האט מיר געזאגט אמאל בשם הערשי וויינבערגער, אז אין זיין ערשטע תקופה איז ער געווען א שטיקל בחינה פון ללעג ולקלס ביי זינגערס, נאכן שיקן און זיך בעטן מ'זאל עפעס נעמען פון איהם (ווער רעדט פון פארקויפן...). ביז ער איז אנגעקומען צום ריכטיגן פראדוסער. און דאס איז אויך אדאנק זיין סעלף קאנפידענס און עקשנות, וואס נישט יעדער פארמאגט.

פון איין זייט נישט יעדער האט טאקע די ריכטיגע טאלאנט, און נישט יעדער וואס פארמאגט טאלאנט קען עס ארויסשפראצן פארן פובליק, נישט יעדער וואס מאכט שיינע ניגונים איז עס געמאכט נאכצוזינגען אדער פאר די היינטיגע סטייל סידי'ס.
אבער פון די אנדערע זייט, ווי קעמען באהאלטן אידישע טאלאנטן, דער וואס האט אמאל קאמפאוזט א ניגון, אדער האט ער א נאנטער וואס קאמפאוזט, ווייסט ווי שווער איז דער געפיל, מ'שפירט אז מ'האט עפעס וואס מ'וויל מהנה זיין אידן.
(כ'ווייס נאכנישט וואס פונקט מ'האט פון ווערן גרויס, כ'ווייס נישט אויב ס'ברענגט פרנסה וכדו', אבער מ'קען זיי אויך פארשטיין...).

אלזא, קומטס אריין מיט אייערע פארשלאגן, הערות הארות עצות תושיה'ס וכו'. צו מהנה זיין אידישע קינדער.

[הלבלר בקולמסו]

צ/ק
...גמור! גיי זעץ דיך לערנען.

[מאמענטאל]

צ/ק
...גמור! גיי זעץ דיך לערנען.

שוין פארדרייט די אשכול קוים אנגעהויבן

[ממוצע]

נאטורליך, אז א מענטש האט א גוטע ניגון וואס ער האט פארפאסט, זאל ער עס זינגען ביי זיך אינדערהיים. זאל ער עס אויסלערנען פאר גוטע פריינט. פאר משפחה. ווען מ'טרעפט זיך צוזאמען חברים און משפחה, זאל מען עס זינגען.

מהיכי תיתי מוז עס ארויסגיין פאר כל הקהל הקדוש?

וואס האט א איד אינדערהיים אין קראקא געטון? דאס. אויב ס'איז געווען פאסיג האט ער עס געקענט שיקן צום חצר וואו ער האט באלאנגט, און אויב נישט, האט מען עס געזינגען ביי זיך אין קרעמל.

אז די ניגונים וועלן באמת זיין גוטע סחורה, וועט עס לכאורה פון זיך אליין זיך פארשפרייטן מער.

[אאי]

וואס איז געשעהן מיט כשרונות?

[געוואלטיג]

ביי די נושא פון נגינה און זינגערס (און ביי נאך אסאך ענינים) איז דא א בלאקעדש ביי אונז - און ביי רוב פון די בריאה איז אזוי - וואס שטערט פון נייע סטארס אריינצוקומען

דאס איז אז די מחות לויפט זייער אויף וואס יענער זאגט און וואס די א.ג. מבינים האבן מחליט געווען אז יענער טויג וכו' ממילא איז כמעט אוממעגליך צו ווערן פאפעלער אנע איינקלאפן פערזענליך מיט די קרא וכו' ועל כולם ווערט די ערשטע גערעכנט נישט דער קול און נישט די געשמאק נאר עס הייבט זיך אן מיט די גלעזער אדער העמעד/טישערט וכדומה און נאר דערנאך ווען אלעס ארום וואס האט מיט נגינה זילטש שטימט שוין דאן הייבט זיך אן ווער עס טויג

די נקודה אז עס האט מיט וואס יענער זאגט קען מען זעהן זייער קלאר ביי בדחנות צומאל וועט א בדחן זאגן א גוטן געלונגענען דשואק אבער קיינער לאכט נישט צומאל וועט ער זאגן א נערישע אבער יעדער לאכט פארוואס ווייל איינער האט זיך צולאכט אויפן קול און דער דריטער לאכט שוין נאך און ווען יעדער לאכט ווערט אין פאקט א געלעכטער.. און די תוצאה וועט זיין אז יענער בדחן וועט באקומען א ברענד נעים און א אנדערע וואס טויג בעסער וועט באקומען א שוואכערן נאמען, אבער דא איז נאר א דוגמא קטנה פון דעם אז ברענד נעים האט מיט וואס יענער זאגט נישט מיטן פאקטישן מציאות הדבר.

עס מיינט נישט אז די פאפולער טויגן נישט עס מיינט אבער אז אסאך אנדערע וואס דרייען זיך צווישן עולם קענען צומאל שענער פון זיי אדער אנדערע כאטש כמו ווי זיי אבער אנקומען וועלן זיי קיינמאל אין ערגעץ נישט ווייל זיי האבן נאכנישט איינגעקלאפט מיט די קרא

און טאקע צוליב כל הנ"ל איז נאר ווער עס האט קאנפידענס דורכצושוויצן די בושות פון אנהייב ווען די קרא מאכט נאך חוזק (ווי דער פותח האשכול ברענגט פון הערשי וויינבערגער) נאר די האבן די מעגליכקייט און אויך נאר מעגליכקייט אנצקומען צום אזוי גערופענען ברענד נעים

[וואלד]

וואס איז די פראבלעם? האסט פארפאסט א גוטע ניגון - גיי אריין אין א סטודיאו רעקארדיר עס מאך אביסל מוזיק און גיב עס ארויס. ממה נפשך - איז עס א גוטע זאך וועט עס פון זיך אליין גיין ווייטער [מיינסט עפעס אז די גרויסע חברה האבן געהאט עפעס א געהיימע מעטאד ווי אזוי זיי זענען גרויס געווארן? זיי זענען גרויס געווארן פשוט וויבאלד זיי האבן געיכול'ט, וויי פאר דעם וואס ווערט גרויס צוליב אנדערע סיבות...], און אויב טויג עס נישט - אידאך טאקע בעסער אז איר ווערט נישט גרויס..

[געוואלטיג]

זיי זענען גרויס געווארן פשוט וויבאלד זיי האבן געיכול'ט, וויי פאר דעם וואס ווערט גרויס צוליב אנדערע סיבות...][/size], און אויב טויג עס נישט - אידאך טאקע בעסער אז איר ווערט נישט גרויס..

אמת אז אויב ער טויג נישט איז בעסער נישט גרויס צי ווערן אבער קיינער הייבט נישט אן מיט שלימות און היות איינער וואס טאלאנט און ברענגט ארויס טאלאנט ווי זינגען אדער קאמפאוזען וכו' וועט מען טרעפן זיינע חסרונות ווייל ער האט נישט דעם ברענד נעים אפילו ער קען ברענגען סחורה בעסער ווי אנדערע ברענד נעימערס,
איי זאל ער ארבעטן צי ווערן א ברענד נעים אויף דעם האבעך געשריבן א תגובה צוריק די תשובה דערויף אז סאיז כמעט אוממעגליך

אין קורצן נאכמאל איינס צוליב וואס דער עולם איז נישט קיין גרויסע מבינים און מען קוקט נישט אויף טאלאנט און נישט אויף סחורה נאר אויף די ברענד נעים וואס הייבט זיך אן ביי לבוש וכו' כנ"ל
און צווייטענס צוליב וואס דער עולם קוקט וואס די קרא זאגט און די קרא זענען טייל בעלי גאוה וואס פאסט זיי נישט אריינציברענגען אנדערע אזוי גרינג און אדער אפילו אנע גאוה זוכט נישט קיינער מזאל אים איבערשטייגן ממילא דארף מען זיין גרייט זיך צו בוקן צי די קרא און זיין חוזק די ערשטע האלבע יאר ביי זיי אויך מיטן חשבון אז צום סוף וועט די בושות זיך לוינען וכנ"ל באריכות

[יענץ פויגל]

גאד לאק טרייונג

[אור מופלא]

כ'זעה דעם טאפיק ציהט נישט אזויפיל אינטערעסע, און דאס איז צוליב וואס די איבערוויגנדע מערהייט האט טאקע נישט די סארט טאלאנטן. ואני הקטן בתוכם.

אבער, ס'איז קיין ספק נישט, אז ס'איז דא אסאך גוטע טאלאנט וואס איז קיינמאל נישט ארויסגעקומען צוליב א מאנגל אין זעלבטזיכערקייט אדער ארומיגע קאנעקשענס וכדו'.

דאס איז איינמאל זיכער, אז פון א באקאנטע מלחין צו גראמער, וועלן זינגערס ענדערש נעמען עפעס שוואכליך פון זיי ווי עפעס קנאקעדיג פון אן אומבאקאנטן. און דאס איז אויך זיכער, אז אפילו די קעניג פון קאמפאזירונג אין בדחנות, צוליב דעם וואס ער שרייבט יעדן טאג, פאלן אריין אויך שוואכע סחורה וואס וועלן ווערן גענומען ענדערשער ווי א מעכטיגס פון סתם איינער. די אומבאקאנטע טאלאנטפולע דערלייגן זיכער אבער די גאנצע כלל דערלייגט אויך.

וואס יא, וויאזוי קענען די זינגערס זיך קימערן מיט אזויפיל איינגערעדטע מוכשרים אדער נישקשה'דיגע מוכשרים בלויז כדי צו דערווישן די גוטע באהאלטענע סחורה. ס'איז סאך גרינגער, און מער גאנגבאר פון א מארקעטינג שטאנדפונקט, צו קלעבן צו די אלטגעזעסענע קעניגן און שוין.

אפשר וואלט פאסיג געוועהן, אז למשל 'האוס אף מוזיק' זאל מאכן א פראגראם צו פראמאוטן אומבאקאנטע כשרונות, און מ'זאל קענען אהין שיקן סחורה. א שארפע אויער דארטן זאל שנעל אוועקווארפן די מערהייט שוואכע זאכן און איבערלאזן די גוטע. און מ'זאל מאכן א רוח ביי די גרויסע זינגערס אז איין ניגון זאל מען נעמען פון יענער קאלעקשן, וועלכע וועט באמת זיין אבנארמאלע גוטע סחורה, און צאלן וועלן זיי בלויז פאר די פארמיטלער, און שוין.

נאר וואס דען, ווער האט מיר געפרעגט?

[געוואלטיג]

כ'זעה דעם טאפיק ציהט נישט אזויפיל אינטערעסע, און דאס איז צוליב וואס די איבערוויגנדע מערהייט האט טאקע נישט די סארט טאלאנטן. ואני הקטן בתוכם.

אבער, ס'איז קיין ספק נישט, אז ס'איז דא אסאך גוטע טאלאנט וואס איז קיינמאל נישט ארויסגעקומען צוליב א מאנגל אין זעלבטזיכערקייט אדער ארומיגע קאנעקשענס וכדו'.

דאס איז איינמאל זיכער, אז פון א באקאנטע מלחין צו גראמער, וועלן זינגערס ענדערש נעמען עפעס שוואכליך פון זיי ווי עפעס קנאקעדיג פון אן אומבאקאנטן. און דאס איז אויך זיכער, אז אפילו די קעניג פון קאמפאזירונג אין בדחנות, צוליב דעם וואס ער שרייבט יעדן טאג, פאלן אריין אויך שוואכע סחורה וואס וועלן ווערן גענומען ענדערשער ווי א מעכטיגס פון סתם איינער. די אומבאקאנטע טאלאנטפולע דערלייגן זיכער אבער די גאנצע כלל דערלייגט אויך.

וואס יא, וויאזוי קענען די זינגערס זיך קימערן מיט אזויפיל איינגערעדטע מוכשרים אדער נישקשה'דיגע מוכשרים בלויז כדי צו דערווישן די גוטע באהאלטענע סחורה. ס'איז סאך גרינגער, און מער גאנגבאר פון א מארקעטינג שטאנדפונקט, צו קלעבן צו די אלטגעזעסענע קעניגן און שוין.

אפשר וואלט פאסיג געוועהן, אז למשל 'האוס אף מוזיק' זאל מאכן א פראגראם צו פראמאוטן אומבאקאנטע כשרונות, און מ'זאל קענען אהין שיקן סחורה. א שארפע אויער דארטן זאל שנעל אוועקווארפן די מערהייט שוואכע זאכן און איבערלאזן די גוטע. און מ'זאל מאכן א רוח ביי די גרויסע זינגערס אז איין ניגון זאל מען נעמען פון יענער קאלעקשן, וועלכע וועט באמת זיין אבנארמאלע גוטע סחורה, און צאלן וועלן זיי בלויז פאר די פארמיטלער, און שוין.

נאר וואס דען, ווער האט מיר געפרעגט?

גוטע געדאנק שוין געווען כשרונות אויף ק"מ אבער זיי האבן אויפגעהערט איני יודע למה

[טישטוך]

עניית דעתי בלבד.

מוזיק איז נישט געמאכט צו טון אויף צום מאכן פרנסה. מוזיק איז געמאכט צום טון ווייל מען האט עס ליב, די פאפולעריטעט האט צו טון מיט מזל. די אלע וואס שטופן זיך אריין צווישן די פאפולערע שטערנס גייען ארויס ווי שנעל זיי זענען געקומען. טאקע דער מלחין פון וועמען דו האסט געברענגט א משל, אט ער איז א ריכטיגער ביישפיל צו וואס איך האב געזאגט יעצט. זיינע ניגונים זענען דוקא נישט מורא'דיג, אבער ער האט זיך איינגערעדט אז ער מוז זיין פאפולער, האט זיך ארויסגעשטעלט אז ער פארקויפט טאקע ניגונים אין די מאסן, אבער צוביסלעך גייט די ענטיזואזם (די וואס?) אראפ, און מענטשן ווערן שוין נישט אזוי צודרייט פאר אים. ווייל עס איז געווען א בלויזער באבל.

אנדערע קאמפאזירער דאגעגן, ארבעטן פון ניין ביז פינף, און ווען די צייט דערגרייכט ווערן זיי פאפולער און אויף שטענדיג. היינט איז שוין נישט די צייטן וואס עס איז נאר דא מבד און פריד און די אויסשליסליכע קאמפאזירער זענען אבי ראטענבערג און יוסי גרין. היינט זוכט יעדער איינער צו ווערן א שטערן, יעדן טאג ווערט די היימישע מידיא פארפלייצט מיט סינגלס און ווידעא'ס וואס ווערן געזען און איגנארירט.

נאך איין זאך, א קאמפאזירער ברויך יכול'ען און פארשטיין צו מוזיק, פארשטיין צו מוזיק מיינט דירעקט נישט קלאפן אויף א קיבארד אדער קראצן א גיטאר, פארשטיין צו מוזיק מיינט א טיפע הבנה אין מוזיק. ליפא שמעלצער קען נישט קיין גיטאר פאר זיין לעבן און ער קען אויך נישט קיין פיאנא, אבער ער האט א טיפע פארשטאנד אין מוזיק, און דערפאר איז ער אזוי אויפגעכאפט. איך קען א איד א נגיד וואס מאכט שיינע תנועות, אבער צו מוזיק פארשטייט ער נישט קיין טראפקעלע, און דערפאר זינגט ער זיי אףף ביעט און אףף טאן, און ער פארשטייט נישט פארוואס מען זינגט נישט נאך זיינע חידושים...

[נאר מיט שמחה]

מוזיק איז נישט געמאכט צו טון אויף צום מאכן פרנסה. מוזיק איז געמאכט צום טון ווייל מען האט עס ליב, די פאפולעריטעט האט צו טון מיט מזל. די אלע וואס שטופן זיך אריין צווישן די פאפולערע שטערנס גייען ארויס ווי שנעל זיי זענען געקומען.

גערעכט, בפרט אז מ'מאכט נישט עכט קיין פרנסה דערפון.
אבער די געפיל פון איינער וואס וויל זיינע ניגונים זאלן ווערן פארשפרייט קען איך פארשטיין, מיר זענען אלע בשר ודם, און ווען איינער שרייבט אן ארטיקל וויל ער ווי מער מענטשן זאלן נהנה זיין אדער איהם מהנה זיין... און אז מאכט ניגונים מוז ער נאכנישט זיין אזוי אויסגעארבעט.

נאך איין זאך, א קאמפאזירער ברויך יכול'ען און פארשטיין צו מוזיק, פארשטיין צו מוזיק מיינט דירעקט נישט קלאפן אויף א קיבארד אדער קראצן א גיטאר, פארשטיין צו מוזיק מיינט א טיפע הבנה אין מוזיק. ליפא שמעלצער קען נישט קיין גיטאר פאר זיין לעבן און ער קען אויך נישט קיין פיאנא, אבער ער האט א טיפע פארשטאנד אין מוזיק, און דערפאר איז ער אזוי אויפגעכאפט.

זאגסט א פוינט, אבער ס'נישט אייביג ריכטיג, ר' משה גאלדמאן ז"ל האט [לכאו'] נישט פארשטאנען צו מוזיק, און איך דארף נישט מאריך זיין בשבחם פון זיינע ניגונים. און נאך.

[נאר מיט שמחה]

געטראכט אנהייב צו שרייבן מיין אפיניען און עניות דעתי, אבער מער ווייניגער האט מען שוין ארויסגעשריבן אלעס וואס כ'האב געטראכט... אויף אלע זייטן.

[זילבערווערק]

צ/ק
מאך נישט דעם טעות
אויב קענסטו דיך נישט איינהאלטן, זיי כאטש אביסל איינגעהאלטן

[pianist]

ועל כולם ווערט די ערשטע גערעכנט נישט דער קול און נישט די געשמאק נאר עס הייבט זיך אן מיט די גלעזער אדער העמעד/טישערט וכדומה און נאר דערנאך ווען אלעס ארום וואס האט מיט נגינה זילטש שטימט שוין דאן הייבט זיך אן ווער עס טויג

די נאנסענס מעג זיך שוין סטאפן, אראפרייסן צענדליגע אידן ווייל ס׳איז דא אפאר וואס זענען נישט אויפגעוואקסן מאכט זייער נערוועז, און מ׳קייעט עס איבער און איבער

[נאר מיט שמחה]

באקומען אין אישי פון איינער וואס האט מיר לעצטנס געבעטן הילף, מיטצוטיילן זיין עקספיריענס מיטן עוילעם..

אויב איינער וויל אז מ'זאל אים צו הערן, זאל ער שיקן צו א מוזיק פראפעשענאל א אי מייל מיט 5-6 נגינום, פון זיינע שענסטע, שיין ריקארדעט מיט גיטע מוזיק און א סטודיאו. און שרייבן פאר דער פראפעשענאל אז ער וויל הערן פון אים וואס ער האט צו זאגן אויף די נגינים, טאמער האלט ער אז ס'שיין, און ס'גיטע שטאף, זאל ער אנהויבן ארבעטען מיט אים ציזאמען. און אזוי ווערן קאנעקטעדט מיט בעסערע מעטשן וואס גייען אים ווילן העלפן.

איך, האב אנגעפאנגען מיט סתם עמך יודן וואס האבן שוין ארויס געגעבן נגינים פאר מיין קהילה. און פאר זיי האב איך געשיקט נגינים און עס איבער געגאנגען געפיקסט און ווען ס'שוין געווען גיט, האב איך געגאנגען צו נאך גרעסערע עמך יודן... און אזוי ווייטער, ביז איך בין קאמפירמט אז די נגינים זענען גיט.

און יעצט האלט איך ביי די שטאפל פון ארויס געבן ווי אייינמאל איך וועל האלטן אביסל ווייטער וועל איך קענען צירוק קימען צו דיר זאגן ווי אזוי איך האב געגאנגען ווייטער.

נאך א וויכטיגע נקידה וואס מענטשן וואס האב טאלאנט דארפן וויסן, אז פון אלע זייטן גייען מענטשן זיי אראפ האקן אבער זיי דארפן וויסן שטארק ביי זיך אז איך בין דער גרויסער מענטש דא און קיינער קען מיר נישט קליין מאכן. און אזוי גיין ווייטער און ווייטער און נישט אויפגעבן.

[מסתמא]

נאטורליך, אז א מענטש האט א גוטע ניגון וואס ער האט פארפאסט, זאל ער עס זינגען ביי זיך אינדערהיים. זאל ער עס אויסלערנען פאר גוטע פריינט. פאר משפחה. ווען מ'טרעפט זיך צוזאמען חברים און משפחה, זאל מען עס זינגען.

מהיכי תיתי מוז עס ארויסגיין פאר כל הקהל הקדוש?

וואס האט א איד אינדערהיים אין קראקא געטון? דאס. אויב ס'איז געווען פאסיג האט ער עס געקענט שיקן צום חצר וואו ער האט באלאנגט, און אויב נישט, האט מען עס געזינגען ביי זיך אין קרעמל.

אז די ניגונים וועלן באמת זיין גוטע סחורה, וועט עס לכאורה פון זיך אליין זיך פארשפרייטן מער.

זייער גוט געזאגט!!

וואס האבן דיינע הרגשים מיטן ווערן א שטערן? אויפגעכאפט? עפעס א מין מאדנע שידוך.. זינט ווען האט א מענטשנס פריוואטע נגינה אנגעלעגנהייט מיט א קאנפידענץ קאמפלעקס
וואס איז בכלל די דראנג אז סזאל ארויסגיין אין גאס?
אפשר זאל איך ארויסגעבן א ספר פון מיינע תורות/חידושים/השקפות.. כמיין, אויב סאיז גוט העט דאך כלל ישראל נהנה זיין דערפון...
אפשר מוז איך ארויסגעבן א בוכל פון מיינע שיטות/פילאזאפיעס?..

אויב די בויך דריקט איז א סימן אז משפירט נישט אמבעסטן, ניין?

די גאנצע נושא זעהט עפעס אויס ווי א קאנפידענץ זעלסט-אידענטיטעט קריזיס/וואטעווער.. א קוזין מיט אלטערנאטיווע מוזיק, משפיעים, להשיג, פראדאקטיוו, קינזיאלאגיסט..

עניוועי, מסתמא פארשטיי איך נישט אלעס

ערנסט גערעדט, וואס טוט א מחבר ספר? ער האט אפאר ברירות
ער קען רעקארדירן זיינע זאכן און עס שיקן שרייבן, ער קען עס אליינס אפשרייבן, ער קען עס איבערזאגן פאר א צווייטן וואס יענער זאל געדענקען..
נאכדעם קען ער גיין צו א פאבלישינג קאמפעני פרעגן אויב זיי ווילן אינוועסטירן אין זיינס א ספר, ע"פ רוב וועט די ענטפער זיין ניין.. נאו אפענס
יעצט, קענסטו עס אדער אליינס באצאלן אדער זוכן א נדבן..

וואס טוט זיך אין פאל דער מחבר ספר שעמט זיך ארויסציגעבן זיין ספר? ער גיבט עס נישט ארויס.. עכ"פ פאר די רבים

איצטערט, וואס איז די קאמפליקאציע??

---------

אגב, מענין לענין, כהאב געזעהן נעבעך א "תורה וגדולה במקום אחר איד" וואס האט ארויסגעגעבן א רייע ספרים דורכן עס ארויסגעבן פאר סאב-קאנטראקטערס צי שרייבן.. עניוועי ער איז א גרויסע תלמיד חכם ווייל ער האט האט אבאנטש געלט
כהאב אים געזעהן זיך ארומדרייען אין עווערגרין איינקויפן מיטן היט און רעקל און געקוקט אזוי אראפ און זייטיג נישט וויסענדיג וויזוי צו עקטן, נעבעך נעבעך.. אויב ווילסטו מאכן יאממי בארבעקיוס.. מאך דיך נישט פאר א תלמיד חכם.. נאכדעם קען מען נישט גארנישט...

וואס וויל איך מיט דעם? איזה חכם המכיר את מקומו, וואס גייסטו טון נאכן ארויסגעבן דעם ניגון און עקספאוזן די מצפוני ליבך? ביסט רעדי פאר דעם?