סטאוו יא פיטא האט געשריבן:Who knows האט געשריבן:וועלכע יאר איז דאס געווען? קען גאר זיין אז דער פיטסבורג'ע רבי איז געווען דער גנב
לא, אנהייב יו"ד יארן ס'איז שוין געווען א וועלטס ניגון אין די סוף יו"ד יארן, אושפיזין עילאין איז מסתמא פון די שפעטערע כ"ף יארן
אז די רעדסט שוין פון ישמחו השמים, דער ניגון האט א מעשה אינטער זיך.
דער פיטסבורגער רבי איז געווען אמאל ערגעטס אויסלאנד, די טאג וואס ער האט געדארפט אביים פארן האט ער אויפגענימען מענטשן.
אינמיטן געזעגענען מענטשן איז אריינגעקומען א יוד אין זיך אויסגעוויינט אז זיין זון גרייט זיך ר״ל חתונה צו האבן מיט א גויטע.
דער רבי האט עם געהייסן אהערברענגען דעם בחור און האט זיך אראפגעזעצט שמעוסן מיט עם.
דער שמעוס האט זיך פארצויגן און מען האט געלאזט וויסן דעם רבי׳ן אז זיין פליגער הייבט זיך שוין כמעט, אבער דער רבי האט נישט געוואלט זיך אויפהייבן ביז ווילאנג ער פויעלט ביי דעם בחור אפצולאזן דעם שידוך.
ענדליך נאך עטליכע שעה האט דער רבי געפויעלט ביי דעם בחור אז ער גייט נישט חתונה האבן מיט איר.
דער פוטסבורגער רבי האט זיך גלייך ארויסגעלאזט צום עריפארט אבער ער האט שוין נישט געמאכט זיין פלייט נאר געמיזט צוווארטן אויפן קומענדיגן פליגער ווי ער האט זיך ארויסגעלאזט אהיים צו גיין.
אזוי זיצענדיג אויפ׳ן פליגער בשעת׳ן זיך הייבן זענדיג דעם הימל האט ער איבערגעטראכט וואס ער האט אויפגעטון און דער ניגון איז עם בייגעפאלן.
יעצט זינג דעם ניגון מיט דעם מעשה אין קאפ, עס זינגט זיך אינגאנצן אנדערש.
״אוי ישמחו השמים״ יאפ די הימל און ערד פרייען זיך ״אוי ישמחו השמים, אוי ישמחו השמים, ותגל הארץ״
א שטיק רגש.
ירעם הים, ירעם הים, ירעם הים ומלאו. ירעם הים, ירעם הים, ירעם הים ומלאו.
די הויכע פאל
אוי ירעם הים….
כ׳ווייס נישט, מיר האט עס באנימען