שרייבעריי פארמעסט: אסטראנאמישע סכום אפציעס

פארשידענע רייכע ידיעות און וויסנשאפטליכע טעאריעס

די אחראים: יאנאש,אחראי,געלעגער

וחי בהם
שר העשר
תגובות: 39
זיך איינגעשריבן אום: דינסטאג דעצעמבער 06, 2022 5:22 pm

שרייבעריי פארמעסט: אסטראנאמישע סכום אפציעס

  • ציטיר
  • צו לייגן א דאנק דארפט איר זיין אריינגעלאגט

תגובה דורך וחי בהם »

נעכטן ביים שרייבעריי פארמעסט געסינג געים האב איך געשריבן אז ס'איז דא אסטראנאמישע אפציעס צוזאם צושטעלן די שרייבער מיט די ארטיקלען, בערך 25.9 סאקסטיליאן אפציעס.* ווען מ'האט שוין אויסגעפונען 6 שרייבער פון 6 ארטיקלען, איז נאך געבליבן בערך 356 טריליאן אפציעס פאר די איבעריגע 17 ארטיקלען.

תינוק איז נישט געווען צופרידן.
תינוק האט געשריבן:
עפעס שטומט נישט מיט דיינע נאמבערס. עס איז נישט 17 אויסשטעלונגען פון נומערן, עס איז בסך הכל 17 שרייבערס וואס יעדער קען זיין פאר איינס פון 17 ארטיקלען
תינוק פרעגט גוט. וויאזוי קען זיין אז 17 שרייבער פון 17 ארטיקלען האבן 356 טריליאן אפציעס, און 23 שרייבער פון 23 ארטיקלען האבן 25.9 סאקסטיליאן אפציעס? וויאזוי קומט מען אן פון אזאלעכע קליינע נומערן צו אזאלעכע ריזיגע נומערן?

מיטן פשוטן אויג מאכט עס טאקע נישט קיין סענס. וויאזוי ווערט פון 23 אזא ריזיגע נומער וואס דער מוח קען נישטאמאל באגרייפן?

כדי דאס צו פארשטיין, לאמיר אנהייבן קליין און גיין מן הקל אל הכבד. לאמיר אנהייבן מיט לערנען איבער פערמיוטעשאן (permutation).

פערמיוטעשאן איז וויאזוי מ'רעכענט אויס וויפיל אפציעס ס'איז דא אויסצושטעלן זאכן אדער נומערן.

לאמיר נעמען א משל פון דריי ארטיקלען (ארטיקל 1, 2 און 3) מיט דריי שרייבער. העמיר נעמען דריי שרייבער לויטן סדר האלף בית פון די שרייבער ביים פארמעסט: איל משולש (א), בעל מדרגה (ב), און געשמאקע צייטן (ג). אונז וויל מיר צוטרעפן ווער ס'האט געשריבן וועלעכע ארטיקל. וויפיל אפציעס זענען דא?

דער ענטפער איז זעקס.

אויב א האט געשריבן ארטיקל 1, איז דא צוויי אפציעס פאר ארטיקל 2, ב אדער ג (א האט דאך געשריבן ארטיקל 1, קען ער נישט האבן געשריבן ארטיקל 2). ווער ס'האט געשריבן ארטיקל 2, קען דאך נישט האבן געשריבן ארטיקל 3, איז אויף ארטיקל 3 דא נאר איין אפציע. אויב האט ב געשריבן ארטיקל 1, דעמאלט האמיר פאר ארטיקל 2 א אדער ג. אויב ג האט געשריבן ארטיקל 1, האמיר פאר ארטיקל 2 א אדער ב. פאר ארטיקל 3 וועט אייביג בלייבן נאר איין אפציע, דער וואס האט נישט געשריבן ארטיקלען 1 און 2.

לאמיר אויסשטעלן אלע אפציעס:
3n.png
3n.png (2.36 KiB) געזען 1599 מאל
אין אנדערע ווערטער, ביי ארטיקל 1 איז דא דריי אפציעס (א ב ג), ביי ארטיקל 2 איז נאר דא צוויי אפציעס (די צוויי וואס האבן נישט געשריבן ארטיקל 1), און ביי ארטיקל 3 איז שוין נאר דא איין אפציע (ווער ס'האט נישט געשריבן ארטיקלען 1 און 2).

אויב ווילט איר עס אויס רעכענען, קענט איר עס שרייבן 3*2*1. 3 פארן ערשטן ארטיקל וואס האט דריי אפציעס, 2 פארן צווייטן ארטיקל וואס האט צוויי אפציעס, און 1 פארן דריטן ארטיקל וואס האט נאר איין אפציע.

3 מאל 2 איז 6. 6 מאל 1 איז 6.

קוקט צוריק פריער ווען כ'האב אויסגעלייגט אלע אפציעס און איר וועט זען אז ס'זענען טאקע דא זעקס אפציעס.

לאמיר זען אביסל א גרעסערע נומער, 5.

אז מ'האמיר פינף ארטיקלען און פינף שרייבער, העמיר אריינברענגען די שרייבער הלבלר בקולמסו (ה) און יעקב פריינד (י).

אויף וויפיל וועגן קען מען דאס מסדר זיין? 120. אזוי:

דער ערשטער ארטיקל האט דאך פינף אפציעס (א ב ג ה י). ארטיקל 2 האט נאר פיר (די פיר וואס האבן נישט געשריבן ארטיקל 1). ארטיקל 3 האט נאר דריי (די דריי וואס האבן נישט געשריבן ארטיקלען 1 און 2). ארטיקל 4 האט נאר צוויי (די צוויי וואס האבן נישט געשריבן ארטיקלען 1, 2, 3). און ארטיקל 5 האט נאר איינס (ווער ס'האט נישט געשריבן ארטיקלען 1, 2, 3, 4). דאס קומט אויס 120 אפציעס.

לאמיר אויסשטעלן אלע אפציעס:
5n.png
5n.png (10.91 KiB) געזען 1599 מאל
אויב ווילט איר עס אויס רעכענען, קענט איר עס שרייבן 5*4*3*2*1. 5 מאל 4 איז 20. 20 מאל 3 איז 60. 60 מאל צוויי איז 120. 120 מאל 1 איז 120.

חושבנא הדין כחושבנא הדין.

יעצט אז מ'פארשטיי מיר שוין וואס פערמיוטעשאן איז, לאמיר גיין צו אביסל גרעסערע נומערן:

ביי 10, איז דא 3,628,800 אפציעס.

אז מ'רעכענט גרעסערע נומערן, דארף מען טרעפן עפעס א וועג וויאזוי מ'קען גרינג אויסרעכענען גרעסערע נומערן. ס'איז זייער נישט פראקטיש צו טוהן ביי 10 וואס מ'האמיר געטאן ביי 5, און רעכענען 10*9*8*7*6*5*4*3*2*1. ס'איז צו א לאנגער חשבון און ס'ווערט נאך לענגער ביי נאך גרעסערע נומערן.

זענען די חכמי החשבון אויפגעקומען מיט א געדאנק, פעקטאריאל (factorial). פעקטאריאל איז דער סך הכל פון א נאטורליכע נומער מאל אלע נאטורליכע נומערן ווייניגער פון דעם.** צו מאכן דעם חשבון גרינגער און שנעל, נוצט מען דעם צייכן "!". טראכט פון דעם ! ווי א חשבון צייכן אזויווי א פלאס (+) אדער מיינס (-). אלעס וואס דער צייכן זאגט איז רעכן אויס דעם נומער מאל אלע נומערן אונטער דעם.

!3 איז 6, !5 איז 120, אא"וו.

!17 איז בערך 356 טריליאן
!23 איז בערך 25.9 סאקסטיליאן

דא האט איר אלע פעקטאריאלס פון 1 ביז 23:
Permutation.png
Permutation.png (10.14 KiB) געזען 1599 מאל
(דער קאלום "Scientific" זאגט וויפיל זיראס דער נומער האט, למשל ביי 16 האט עס 13 זיראס, ביי 20 האט עס 18 זיראס.)

אז איר ווילט עס אליין אויסרעכענען, נעמט דעם קאלקולעטער אויפן קאמפיוטער אדער פאון און טוישט עס צום סייענטיפיק (scientific) קאלקולעטאר און איר וועט טרעפן דעם ! קנעפל (דער קנעפל זעהט אויס אזוי: !x אדער !n). לייגט אריין וועלכע נומער איר ווילט אויסרעכענען, דריקט דעם ! און ס'וועט עס אויסרעכענען.

אויף עקסעל קען מען נוצן דעם פונקציע FACT=.

השתא דאתית להכי, פארשטיי מיר שוין וויאזוי 23 ארטיקלען פון 23 שרייבער האט דעם אסטראנאמישען סכום פון 25.8 סאקסטיליאן אפציעס!

כדי אדורך צו גיין אלע אפציעס, פארלאנגט זיך בערך 8.2 טריליאן מענטשן וואס זאלן לעבן הונדערט יאר און יעדע סעקונדע פון זייער לעבן זאלן זיי פראבירן אן אנדערע אפציע!

און מיר האבן דאס געטאן אין אפאר שעה!

ווייל מיר האבן נישט געהאט קיין רענדאמנעס (randomness). ביי אונז האבן מענטשן פראבירט צוזאם צושטעלן שרייבער לויט זייער סטייל פון שרייבן. ווי איינס האט מעורר געווען:
איינס האט געשריבן:
די טריק דא איז אז סאיז דא נאך א פאקטאר צו צוגלייכן דעם תוכן צום שרייבער
בנוסף צו דעם, ביי אונז זענען געווען די חברי הנהלת הפארמעסט וואס האבן געוויסט ווער ס'האט געשריבן וועלכע ארטיקל, און זיי האבן געלאזט דעם עולם וויסן וויפיל מ'האט צוגעטראפן וכדו'.

דאס אלעס האט אוועקגענומען דעם רענדאמנעס, און עס געמאכט רעלאטיוו גרינג צו צוטרעפן.

און פארשטייט זיך, פאטאקי'ס עקסעל פייל האט שטארק פארגרינגערט די ארבעט.

לאמיר האפן אז ביים נעקסטן פארמעסט וועל מיר האבן 52 ארטיקלען און מ'וועל מיר קענען אויסשמועסן דאס...


---

* סאקסטיליאן איז א געוואלדיג גרויסער נומער. ס'איז א נומער מיט 21 זיראס! כזה: 1,000,000,000,000,000,000,000.

און אונז רעד מיר דא פון כמעט 26 סאקסטיליאן!

מ'רעד דא פון נומערן וואס דער מענטשליכער מוח קען נישט באגרייפן, אבער כדי לסבר את האוזן, צו אביסל פארשטיין וואספארא גרויסע נומער דאס איז, טראכט דאס פאלגענדע:

איר האט א גרעסערע שאנס צו געווינען דעם פאורבאל לאטערי 88 טריליאן (טריליאן!) מאל, ווי צוזאמפּאָרן יעדן ארטיקל מיטן שרייבער!

אן אנדערע וועג צו קוקן דערויף, ס'נעמט בערך פיר און א האלב ביליאן ליכט יאר צו פאָרן 25.8 סאקסטיליאן מייל! און געדענקט, ליכט פאָרט בערך 5.88 טריליאן מייל א יאר.


** פאר די וואס זענען אביסל באהאוונט אין חשבון: לאמיר נוצן n אלץ א סימן פארן נומער וואס מ'וויל מיר רעכענען. פעקטאריאל רעכנט דעס פאלגענדע:
...*n!=n*(n-1)*(n-2)*(n-3)

לאמיר טוישן דעם n פאר א 5. קומט עס אויס 5 מאל (5 מיינס 1) 4, מאל (5 מיינס 2) 3, מאל (5 מיינס 3) 2, מאל (5 מיינס 4) 1.

אדער 5*4*3*2*1, וואס דער סך הכל איז 120.
אוועטאר
ארחיקה נדד
שר חמשת אלפים
תגובות: 5907
זיך איינגעשריבן אום: זונטאג נאוועמבער 24, 2019 9:11 pm
לאקאציע: מ'וואנדערט

Re: שרייבעריי פארמעסט: אסטראנאמישע סכום אפציעס

  • ציטיר
  • צו לייגן א דאנק דארפט איר זיין אריינגעלאגט

תגובה דורך ארחיקה נדד »

וואף!!!

וואס דער וחי בהם דעליווערט אונז דא! מיין קאפ דרייט צעך!!
כבוד המנהל, ווען קומט א המשך?
אוועטאר
טעמטי
פורים רב תשפ"ג
תגובות: 4070
זיך איינגעשריבן אום: מאנטאג אקטאבער 04, 2021 12:29 am
לאקאציע: עראונד די אנדערע קארנער
פארבינד זיך:

Re: שרייבעריי פארמעסט: אסטראנאמישע סכום אפציעס

  • ציטיר
  • צו לייגן א דאנק דארפט איר זיין אריינגעלאגט

תגובה דורך טעמטי »

אה מיי גאד... דעריז גוט.
א מענטש טראכט, און טעמטי שרייבט.

אני מתנחל, כן

טעמו וראו, כי...
אוועטאר
אומר אני
שר חמש מאות
תגובות: 771
זיך איינגעשריבן אום: זונטאג יולי 25, 2021 5:05 pm

Re: שרייבעריי פארמעסט: אסטראנאמישע סכום אפציעס

  • ציטיר
  • צו לייגן א דאנק דארפט איר זיין אריינגעלאגט

תגובה דורך אומר אני »

מאסיוו!!
און ער זאגט נאך אז ער איז נישט קיין שרייבער..

זאג דאס האט אויך דיין זוהן געשריבן..?
מיט א רואיגקייט
אוועטאר
פאטאקי08
שר עשרת אלפים
תגובות: 13865
זיך איינגעשריבן אום: דאנערשטאג אוגוסט 09, 2007 1:30 pm
פארבינד זיך:

Re: שרייבעריי פארמעסט: אסטראנאמישע סכום אפציעס

  • ציטיר
  • צו לייגן א דאנק דארפט איר זיין אריינגעלאגט

תגובה דורך פאטאקי08 »

@פארמעסט געוואונער
;l;p- ;l;p- ;l;p- ;l;p- ;l;p-
5 סטאר ארטיקל
אומר אני האט געשריבן:
מאסיוו!!
און ער זאגט נאך אז ער איז נישט קיין שרייבער..

זאג דאס האט אויך דיין זוהן געשריבן..?
:lol:
וחי בהם
שר העשר
תגובות: 39
זיך איינגעשריבן אום: דינסטאג דעצעמבער 06, 2022 5:22 pm

Re: שרייבעריי פארמעסט: אסטראנאמישע סכום אפציעס

  • ציטיר
  • צו לייגן א דאנק דארפט איר זיין אריינגעלאגט

תגובה דורך וחי בהם »

אומר אני האט געשריבן:
מאסיוו!!
און ער זאגט נאך אז ער איז נישט קיין שרייבער..

זאג דאס האט אויך דיין זוהן געשריבן..?
לול.

ער האט מיך אויסגעלערנט וויאזוי מ'לייגט א בילד ביי די שורה וואס מ'וויל. קומט אים קרעדיט פאר דעם. ס'מאכט דעם ארטיקל גרינג צו ליינען.
אוועטאר
אחשוורוש דער דריטער
שר שלשת אלפים
תגובות: 3999
זיך איינגעשריבן אום: דאנערשטאג סעפטעמבער 12, 2019 3:05 pm
לאקאציע: שבע ועשרים ומאה מדינה...

Re: שרייבעריי פארמעסט: אסטראנאמישע סכום אפציעס

  • ציטיר
  • צו לייגן א דאנק דארפט איר זיין אריינגעלאגט

תגובה דורך אחשוורוש דער דריטער »

;l;p- שיגינער דו
בעל מדרגה
שר שלשת אלפים
תגובות: 3875
זיך איינגעשריבן אום: דאנערשטאג אקטאבער 29, 2020 11:51 pm
לאקאציע: ביים גמרא

Re: שרייבעריי פארמעסט: אסטראנאמישע סכום אפציעס

  • ציטיר
  • צו לייגן א דאנק דארפט איר זיין אריינגעלאגט

תגובה דורך בעל מדרגה »

;l;p- ;l;p-

כידוע אז די שם אלוקים האט 120 צירופים, וויבאלד עס האט פינף אותיות.

די שם הוי"ה האט צוועלף, בעצם האט עס פיר און צוואנציג, נאר וויבאלד עס האט צוויי מאל די אות ה’ האט עס נאר האלב.
אויב זיכט איר א גוטע אקאונטענט, קאנטעקט מיר אין אישי, אדער שיקט א אימעיל צו [email protected].
אוועטאר
מאנדל ברויט
שר האלף
תגובות: 1874
זיך איינגעשריבן אום: דאנערשטאג נאוועמבער 10, 2022 7:36 pm

Re: שרייבעריי פארמעסט: אסטראנאמישע סכום אפציעס

  • ציטיר
  • צו לייגן א דאנק דארפט איר זיין אריינגעלאגט

תגובה דורך מאנדל ברויט »

יעס איי עגרי טו אל טירמס ענד קאנדישאנס...
באקסער בוים
שר האלף
תגובות: 1857
זיך איינגעשריבן אום: דינסטאג יאנואר 31, 2017 12:41 pm

Re: שרייבעריי פארמעסט: אסטראנאמישע סכום אפציעס

  • ציטיר
  • צו לייגן א דאנק דארפט איר זיין אריינגעלאגט

תגובה דורך באקסער בוים »

הרב וחי בהם! אייערע אלע תגובות דערווייל זענען יעדע איינס מלא מלא תוכן!
איך האב בכלל נישט קיין מיינונג איבער די נושא, ס'איז זשאסט געשריבן אין די וועלט אריין.
וחי בהם
שר העשר
תגובות: 39
זיך איינגעשריבן אום: דינסטאג דעצעמבער 06, 2022 5:22 pm

Re: שרייבעריי פארמעסט: אסטראנאמישע סכום אפציעס

  • ציטיר
  • צו לייגן א דאנק דארפט איר זיין אריינגעלאגט

תגובה דורך וחי בהם »

בעל מדרגה האט געשריבן:
;l;p- ;l;p-

כידוע אז די שם אלוקים האט 120 צירופים, וויבאלד עס האט פינף אותיות.

די שם הוי"ה האט צוועלף, בעצם האט עס פיר און צוואנציג, נאר וויבאלד עס האט צוויי מאל די אות ה’ האט עס נאר האלב.
גערעכט.

ביים שם הוי"ה איז עס צוויי מאל 3 פעקטאריאל (2*!3), צוליב וואס מ'נוצט נאר 3 אותיות, הוי, וואס גיבט 6 צירופים דאס אויסצושטעלן, אבער מען מאכט די צירופים נאכאמאל צוליב דעם אנדערן ה. קומט אויב אז מ'מאכט די 6 צירופים צוויי מאל = 12.
וחי בהם
שר העשר
תגובות: 39
זיך איינגעשריבן אום: דינסטאג דעצעמבער 06, 2022 5:22 pm

Re: שרייבעריי פארמעסט: אסטראנאמישע סכום אפציעס

  • ציטיר
  • צו לייגן א דאנק דארפט איר זיין אריינגעלאגט

תגובה דורך וחי בהם »

שכוח יעדער איינער פאר די געשמאקע ווערטער. איך קען נאך נישט דעם מנהג המקום אויב מ'דארף יעדן עקסטער באדאנקען, אויב יא, יהא נא כאילו הייתי פורטם.
אוועטאר
היסטאריש
שר שלשת אלפים
תגובות: 3985
זיך איינגעשריבן אום: דאנערשטאג מאי 27, 2021 4:20 pm
פארבינד זיך:

Re: שרייבעריי פארמעסט: אסטראנאמישע סכום אפציעס

  • ציטיר
  • צו לייגן א דאנק דארפט איר זיין אריינגעלאגט

תגובה דורך היסטאריש »

מאסיוו! פארדעם אליינס האט זיך געלוינט דער גאנצער פארמעסט און דער געסינג געים. נע, אויך פאר דיין געווינער ארטיקל.

די קלארקייט מיט וואס דו לייגסט אראפ די קאמפליצירסטע נושאים איז צום שטוינען. גאר רייך געשריבן, און פארשטייט זיך נישט פארגעסן צו אריינווארפן אפאר אינטערעסאנטע פאקטן צו בארייכערן די ידיעות.
געוויס האב איך געוואוסט פון דעם אז ווען נומערן קומען צו טאפלט זיך עס אריינגערעכנט די איבריגע נומערן, אבער נישט מיט אזא פינקטליכקייט וויאזוי עס ארבעט.

איך ווארט צו זען נאך ארטיקלען פון דיר. א דאנק!
די פאַרגאַנגענהייט איז פאַקטיש געשען, אָבער היסטאָריע איז בלויז וואָס עמיצער האָט אַראָפגעשריבן.
אוועטאר
האסטו וועסטו
שר ארבעת האלפים
תגובות: 4620
זיך איינגעשריבן אום: זונטאג יוני 27, 2021 8:43 pm
לאקאציע: דא

Re: שרייבעריי פארמעסט: אסטראנאמישע סכום אפציעס

  • ציטיר
  • צו לייגן א דאנק דארפט איר זיין אריינגעלאגט

תגובה דורך האסטו וועסטו »

וואה וואה עמעזינג זייער קלאהר מסביר געוועהן צונימען אויף קליין געלט
קענסט מיר מסביר זיין פארוואס און די וועלט זאל איינער דארפן וויסן אזעלכע שווערע און ריזיגע חשבונות?
סענס הייבן אן מאכן זאכן...
(קר' ל.וו.)

#גיי קראך גרינע פעפער

דער אייבערשטער פירט דער וועלט!!!

נא נא!!!
נא'קע מיך נישט, איך דארף עס נישט
אוועטאר
איינס
שר עשרת אלפים
תגובות: 18800
זיך איינגעשריבן אום: דינסטאג סעפטעמבער 26, 2017 9:16 am
פארבינד זיך:

Re: שרייבעריי פארמעסט: אסטראנאמישע סכום אפציעס

  • ציטיר
  • צו לייגן א דאנק דארפט איר זיין אריינגעלאגט

תגובה דורך איינס »

פיינע נייעס! קלאר און געשמאק צולייגט.

דערמאנסטו מיר גוטע צייטן מיט דעם אשכול. מהאט דארט טאקע אביסל אויסגעשמועסט פעקטאריאל.

קענסט טאקע אריינקומען דארט צוענדיגן ביים סוף אשכול האט מען געברענגט עפעס א חשבון צו רעכענען אלע וועגן 4444 אבער נישט געבליבן קלאר.

און אמרש (אז מרעדט שוין…) איך האב געבעטן אמאל פון @רואיג ז״ל… אבער מאיז נישט אנגעקומען.
איך האב אויסגעשמועסט אין דעם אשכול די עשרת מונים ביי יעקב אבינו, דארט האב איך אנגעקומען צו 10 מיט דריי אפציעס (שלשה שהם שנים, כמבואר שם).

סאו, וויאזוי רעכנט מען די מינע אפציעס?
ווען איך האב למשל צוויי זאכן וויפיל וועגן קען מען דאס צאמשטעלן, און צי סהאט א נאמען.
צוטיילט, אדער צאמגעשטעלט, אבער 12 און 21 זענען די זעלבע ווייל איך האב ביידע
ביי די דוגמא קום איך אן צו 4
1
2
12=21
1,2 (1 אדער 2)

וואס איך וויל אויספיגורן איז צו סאיז דא א געוויסע חשבון וואס לויט דעם קען מען צאמשטעלן די עקודים נקודים און ברודים פונקט אויף הונדערט וועגן

- -

לויטן חשבון ווייס איך ווער דיין זון איז…
א פיינער אינגערמאן תורה דיג שכלדיג און געשמאק.
אחד היה אברהם - שעבד את ה' רק על ידי שהיה אחד, שחשב בדעתו שהוא רק יחידי בעולם ולא הסתכל כלל על בני העולם!
אוועטאר
אלטמאדיש
שר מאה
תגובות: 181
זיך איינגעשריבן אום: מאנטאג דעצעמבער 12, 2022 8:33 am
לאקאציע: וואו אלטמאדיש איז ארויפגעקוקט

Re: שרייבעריי פארמעסט: אסטראנאמישע סכום אפציעס

  • ציטיר
  • צו לייגן א דאנק דארפט איר זיין אריינגעלאגט

תגובה דורך אלטמאדיש »

מאסיוו!

געבענטשט זאל זיין אייער זוהן נ"י און אויך תינוק פארן נישט זיין צופרידן פון אייער חשבון.
וחי בהם
שר העשר
תגובות: 39
זיך איינגעשריבן אום: דינסטאג דעצעמבער 06, 2022 5:22 pm

Re: שרייבעריי פארמעסט: אסטראנאמישע סכום אפציעס

  • ציטיר
  • צו לייגן א דאנק דארפט איר זיין אריינגעלאגט

תגובה דורך וחי בהם »

האסטו וועסטו האט געשריבן:
וואה וואה עמעזינג זייער קלאהר מסביר געוועהן צונימען אויף קליין געלט
קענסט מיר מסביר זיין פארוואס און די וועלט זאל איינער דארפן וויסן אזעלכע שווערע און ריזיגע חשבונות?
ווי אזוי גייסטו אן אויף דער וועלט אן קענען אויסרעכענען די אלע קאמבינאציעס?!

לאמיר רעדן פון היינט צופרי. די פארסט פונעם ביהמ"ד צו דיין באליבטען רעסטאראנט צו קויפן א פרישטאג. ווי אזוי רעכנסטו אויס אלע מעגלעכע וועגן פונעם ביהמ"ד צום רעסטאראנט? די האסט אן אהנונג וויפיל מעגלעכקייטן די האסט?

לאמיר זאגן אז דער רעסטאראנט איז 16 גאסן אוועק, 8 גאסן האריזאנטאל (horizontal) און 8 גאסן ווערטיקאל (vertical). די צאל וועגן אנצוקומען פונעם ביהמ"ד צום רעסטאראנט איז 3432!

וויאזוי רעכנסטו עס אויס אן קענען די קאפלעצירטע חשבונות?

און וואס אויב די ווילסט נאך מאכן א סטאפ ביי דיין מאמען צו זאגן גוט מארגן? וויפיל וועגן האסטו יעצט?

וויאזוי גיסטו דיך אן עצה?

שוין, די ביסט שוין ביים רעסטאראנט, סאם האו. יעצט האסטו מער עסן קאמבינאציע אפציעס פון די שרייבעריי אפציעס! מער פון 26 סאקסטיליאן!

כ'מיין, די קענסט אויסוועלן סענדוויטשן געמאכט פון פלעין טאנא, ציפעדיגע טאנא, וועטשבול טאנא, טאנא מיט אייער, הארטע אייער, לויזע אייער, אייער שפייז שטארק געקאכט, אייער שפייז לויז געקאכט, אייער שפייז מיט טשיז, אייער שפייז אן טשיז, מיט צוויבל, אן צוויבל, צוויבל געפרעגלט פאר די אייער, צוויבל געפרעגלט מיט די אייער, עוויקאדא, קרים טשיז, סעלמאן פיש, סארדינס, רויע פיש, געקאכטע פיש, געבראטענע פיש, געפרעגלטע פיש, כמו פיש, עכטע פיש, פאלשע פיש, וכל דגי הים וכל מיני סענדוויטשן שאי אפשר לפורטם כי רבים הם.

און יעצט דארפסטו אויסוועלן דעם ברויטל. קענסט האבן ברויט, פלעינע בייגל, הארטע בייגל, ווייכע בייגל, סעסעמי בייגל, פאפי סיד בייגל, עוורעטינג בייגל, פיטא, וורעפ, באגעט, דאס אלעס קען זיין געהעריג, האול וויט, ספעלט, טואסטעט לייט, טואסטעט דארק, נישט געטואסט, מיט פיטער, אן פיטער, פיטער צום ערשט, פיטער צום לעצט.

מיט זאלץ, מיט פעפער, מיט זאלץ און פעפער, מיט א טאמעטא, רויטע טאמעטא, גרינע טאמעטא, מיט א טשערי טאמעטא, מיט מאשרומס, אן מאשרומס, א טשויס פון כל מיני מאשרומס, אלע אנדערע זאכן וואס מ'לייגט אויף א סענדוויטש לויטן באגער. די אלע זאכן אריינגעלייגט אינעם סענדוויטש אדער נעבן דעם בחוץ. א חלק אינסייד און א חלק אינדרויסן.

זאל דער סענדוויטש זיין געשניטן אויף האלב אדער נישט?

וואספארא טרינקען? הייס, קאלט, קאווע, טשאקלעד מילך, סאדע, וואסער, אראנדזש דזשויס, עפל דזשויס, איקספרעסא, עכטע מילך, 2 פראצענט מילך, ווייטעמין וואסער, וואסער פון סינק.

מיט א נעפקין אדער אן א נעפקין? דער נעפקין גייט אינעם פאפיר בעג ווי דער סענדוויטש ליגט, אדער אינדרויסן. דער סענדוויטש זאל זיין איינגעוויקלט אין פאפיר אדער זילבער פאפיר, אפשר גאר ביידע.

און דאס איז אויב די וועלסט דיך אויס א סענדוויטש. אויב נעמסטו א פלעיט, הייבט זיך אן דאס גאנצע חשבון נאכאמאל אזוי: סענדוויטש מיט אלע אפציעס מאל נישט קיין סענדוויטש מיט אלע אפציעס מיינס (די אפציע פון שיינדן דעם סענדוויטש פלאס די אפציע פון די נעפקין אינעם בעג פלאס די אפציעס פון איינוויקלען דעם סענדוויטש).

די אלע אפציעס, און נאך אסאך, אסאך אפציעס האסטו. וויאזוי באגייסטו דיך מיט דעם אן קענען די שווערע חשבונות?
אוועטאר
ארחיקה נדד
שר חמשת אלפים
תגובות: 5907
זיך איינגעשריבן אום: זונטאג נאוועמבער 24, 2019 9:11 pm
לאקאציע: מ'וואנדערט

Re: שרייבעריי פארמעסט: אסטראנאמישע סכום אפציעס

  • ציטיר
  • צו לייגן א דאנק דארפט איר זיין אריינגעלאגט

תגובה דורך ארחיקה נדד »

איך גיי מער נישט אין רעסטוראנט!!
כבוד המנהל, ווען קומט א המשך?
אוועטאר
איינס
שר עשרת אלפים
תגובות: 18800
זיך איינגעשריבן אום: דינסטאג סעפטעמבער 26, 2017 9:16 am
פארבינד זיך:

Re: שרייבעריי פארמעסט: אסטראנאמישע סכום אפציעס

  • ציטיר
  • צו לייגן א דאנק דארפט איר זיין אריינגעלאגט

תגובה דורך איינס »

:lol:
הערנסט גערעדט איז לכאורה דער ענטפער אז מיין מח מאכט טאקע געוויסע חשבונות בעיסד אויף פאריגע אינפא, אויב בין איך געפארן די וועג און סהאט גענומען לענגער ווי נארמאל, סטארעדזשד מיין מח די אינפא און נוצט דאס ווען ער ברויך.

געוויסע אינפא דארף איך נישט וויסן די אינפא, ווי לדגומא, וואס גייט מיר אן וויפל קאמפבינאציעס מקען מאכן די סענדוויטש, איך מאך וועלכע איך האב ליב צו עסן.

--

ארחי האקט
:lol: :lol:
אחד היה אברהם - שעבד את ה' רק על ידי שהיה אחד, שחשב בדעתו שהוא רק יחידי בעולם ולא הסתכל כלל על בני העולם!
וחי בהם
שר העשר
תגובות: 39
זיך איינגעשריבן אום: דינסטאג דעצעמבער 06, 2022 5:22 pm

Re: שרייבעריי פארמעסט: אסטראנאמישע סכום אפציעס

  • ציטיר
  • צו לייגן א דאנק דארפט איר זיין אריינגעלאגט

תגובה דורך וחי בהם »

איינס האט געשריבן:
פיינע נייעס! קלאר און געשמאק צולייגט.

דערמאנסטו מיר גוטע צייטן מיט דעם אשכול. מהאט דארט טאקע אביסל אויסגעשמועסט פעקטאריאל.

קענסט טאקע אריינקומען דארט צוענדיגן ביים סוף אשכול האט מען געברענגט עפעס א חשבון צו רעכענען אלע וועגן 4444 אבער נישט געבליבן קלאר.

און אמרש (אז מרעדט שוין…) איך האב געבעטן אמאל פון @רואיג ז״ל… אבער מאיז נישט אנגעקומען.
איך האב אויסגעשמועסט אין דעם אשכול די עשרת מונים ביי יעקב אבינו, דארט האב איך אנגעקומען צו 10 מיט דריי אפציעס (שלשה שהם שנים, כמבואר שם).

סאו, וויאזוי רעכנט מען די מינע אפציעס?
ווען איך האב למשל צוויי זאכן וויפיל וועגן קען מען דאס צאמשטעלן, און צי סהאט א נאמען.
צוטיילט, אדער צאמגעשטעלט, אבער 12 און 21 זענען די זעלבע ווייל איך האב ביידע
ביי די דוגמא קום איך אן צו 4
1
2
12=21
1,2 (1 אדער 2)

וואס איך וויל אויספיגורן איז צו סאיז דא א געוויסע חשבון וואס לויט דעם קען מען צאמשטעלן די עקודים נקודים און ברודים פונקט אויף הונדערט וועגן

- -

לויטן חשבון ווייס איך ווער דיין זון איז…
א פיינער אינגערמאן תורה דיג שכלדיג און געשמאק.
א גרויסן ישר כוח פארן צו ווייזן די אשכולות. כ'על פראבירן דאס אדורכצוליינען.

לגבי די עשרת מונים, אויבן אויף פארשטיי איך נישט אלע דיינע אפציעס, איך דארף גרינטלעך ליינען דיין אשכול. אבער פאר דערווייל זעהט עס מיר אויס ווי א קאמבינאשאן אן חזרה (combinations without repetition) חשבון.

אן אריינגיין אין דיטעלס, קאמבינאשאן און פערמיוטעשאן פראבירן צו חשבונ'ען די זעלבע זאך, אבער מיט אנדערע פרטים. ביי פערמיוטעשאן איז דער סדר וויכטיג, ביי קאמבינאשאן נישט. ביי קאמבינאשאן איז אבג דאס זעלבע ווי גבא, ביי פערמיוטעשאן איז עס אן אנדערע זאך.

בנוסף צו דעם, האבן ביידע אן אפציע פון חזרה (repetition), דאס הייסט צו מ'קען איבער נוצן א זאך צוויי מאל, לדוגמה אאב.

אפשר אן אנדערס מאל וועמיר אדורכגיין די אלע חשבונות. אבער אז די האסט אן אינטרעסע דערינען, קוק אויף Pascal's pyramid, ס'קען דיר זיין בייהילפיג.

לגבי מיין זון, האסט אויסגערעכנט אלע אפציעס פון די טויזנטער חברי האייוועלט?
אוועטאר
רינדעכיג
שר האלף
תגובות: 1829
זיך איינגעשריבן אום: דינסטאג יולי 14, 2015 1:16 pm
לאקאציע: אין טעלער

Re: שרייבעריי פארמעסט: אסטראנאמישע סכום אפציעס

  • ציטיר
  • צו לייגן א דאנק דארפט איר זיין אריינגעלאגט

תגובה דורך רינדעכיג »

עי' בחיי מוהר"ן סימן מ"ג להבין אותה על בוריה.
רעוואלטאלתי יותר מדי...
אוועטאר
איינס
שר עשרת אלפים
תגובות: 18800
זיך איינגעשריבן אום: דינסטאג סעפטעמבער 26, 2017 9:16 am
פארבינד זיך:

Re: שרייבעריי פארמעסט: אסטראנאמישע סכום אפציעס

  • ציטיר
  • צו לייגן א דאנק דארפט איר זיין אריינגעלאגט

תגובה דורך איינס »

וחי בהם האט געשריבן:
לגבי מיין זון, האסט אויסגערעכנט אלע אפציעס פון די טויזנטער חברי האייוועלט?
:lol:

איך האב דאך געהאט אינפא פאר דעם וואס האט קאנצעטרירט די אפציעס...

שוין קאנפירמד.
(און טענק יו פארן ארויסהעלפן מיט די יערליכע וויזויהייסטעס...)
אחד היה אברהם - שעבד את ה' רק על ידי שהיה אחד, שחשב בדעתו שהוא רק יחידי בעולם ולא הסתכל כלל על בני העולם!
אוועטאר
האסטו וועסטו
שר ארבעת האלפים
תגובות: 4620
זיך איינגעשריבן אום: זונטאג יוני 27, 2021 8:43 pm
לאקאציע: דא

Re: שרייבעריי פארמעסט: אסטראנאמישע סכום אפציעס

  • ציטיר
  • צו לייגן א דאנק דארפט איר זיין אריינגעלאגט

תגובה דורך האסטו וועסטו »

איינס האט געשריבן:
וחי בהם האט געשריבן:
לגבי מיין זון, האסט אויסגערעכנט אלע אפציעס פון די טויזנטער חברי האייוועלט?
:lol:

איך האב דאך געהאט אינפא פאר דעם וואס האט קאנצעטרירט די אפציעס...

שוין קאנפירמד.
(און טענק יו פארן ארויסהעלפן מיט די יערליכע וויזויהייסטעס...)
חשש גלוי
לעצט פארראכטן דורך האסטו וועסטו אום דאנערשטאג יאנואר 26, 2023 2:18 pm, פארראכטן געווארן 1 מאל.
סענס הייבן אן מאכן זאכן...
(קר' ל.וו.)

#גיי קראך גרינע פעפער

דער אייבערשטער פירט דער וועלט!!!

נא נא!!!
נא'קע מיך נישט, איך דארף עס נישט
אוועטאר
האסטו וועסטו
שר ארבעת האלפים
תגובות: 4620
זיך איינגעשריבן אום: זונטאג יוני 27, 2021 8:43 pm
לאקאציע: דא

Re: שרייבעריי פארמעסט: אסטראנאמישע סכום אפציעס

  • ציטיר
  • צו לייגן א דאנק דארפט איר זיין אריינגעלאגט

תגובה דורך האסטו וועסטו »

וחי בהם האט געשריבן:
האסטו וועסטו האט געשריבן:
וואה וואה עמעזינג זייער קלאהר מסביר געוועהן צונימען אויף קליין געלט
קענסט מיר מסביר זיין פארוואס און די וועלט זאל איינער דארפן וויסן אזעלכע שווערע און ריזיגע חשבונות?
ווי אזוי גייסטו אן אויף דער וועלט אן קענען אויסרעכענען די אלע קאמבינאציעס?!

לאמיר רעדן פון היינט צופרי. די פארסט פונעם ביהמ"ד צו דיין באליבטען רעסטאראנט צו קויפן א פרישטאג. ווי אזוי רעכנסטו אויס אלע מעגלעכע וועגן פונעם ביהמ"ד צום רעסטאראנט? די האסט אן אהנונג וויפיל מעגלעכקייטן די האסט?

לאמיר זאגן אז דער רעסטאראנט איז 16 גאסן אוועק, 8 גאסן האריזאנטאל (horizontal) און 8 גאסן ווערטיקאל (vertical). די צאל וועגן אנצוקומען פונעם ביהמ"ד צום רעסטאראנט איז 3432!

וויאזוי רעכנסטו עס אויס אן קענען די קאפלעצירטע חשבונות?

און וואס אויב די ווילסט נאך מאכן א סטאפ ביי דיין מאמען צו זאגן גוט מארגן? וויפיל וועגן האסטו יעצט?

וויאזוי גיסטו דיך אן עצה?

שוין, די ביסט שוין ביים רעסטאראנט, סאם האו. יעצט האסטו מער עסן קאמבינאציע אפציעס פון די שרייבעריי אפציעס! מער פון 26 סאקסטיליאן!

כ'מיין, די קענסט אויסוועלן סענדוויטשן געמאכט פון פלעין טאנא, ציפעדיגע טאנא, וועטשבול טאנא, טאנא מיט אייער, הארטע אייער, לויזע אייער, אייער שפייז שטארק געקאכט, אייער שפייז לויז געקאכט, אייער שפייז מיט טשיז, אייער שפייז אן טשיז, מיט צוויבל, אן צוויבל, צוויבל געפרעגלט פאר די אייער, צוויבל געפרעגלט מיט די אייער, עוויקאדא, קרים טשיז, סעלמאן פיש, סארדינס, רויע פיש, געקאכטע פיש, געבראטענע פיש, געפרעגלטע פיש, כמו פיש, עכטע פיש, פאלשע פיש, וכל דגי הים וכל מיני סענדוויטשן שאי אפשר לפורטם כי רבים הם.

און יעצט דארפסטו אויסוועלן דעם ברויטל. קענסט האבן ברויט, פלעינע בייגל, הארטע בייגל, ווייכע בייגל, סעסעמי בייגל, פאפי סיד בייגל, עוורעטינג בייגל, פיטא, וורעפ, באגעט, דאס אלעס קען זיין געהעריג, האול וויט, ספעלט, טואסטעט לייט, טואסטעט דארק, נישט געטואסט, מיט פיטער, אן פיטער, פיטער צום ערשט, פיטער צום לעצט.

מיט זאלץ, מיט פעפער, מיט זאלץ און פעפער, מיט א טאמעטא, רויטע טאמעטא, גרינע טאמעטא, מיט א טשערי טאמעטא, מיט מאשרומס, אן מאשרומס, א טשויס פון כל מיני מאשרומס, אלע אנדערע זאכן וואס מ'לייגט אויף א סענדוויטש לויטן באגער. די אלע זאכן אריינגעלייגט אינעם סענדוויטש אדער נעבן דעם בחוץ. א חלק אינסייד און א חלק אינדרויסן.

זאל דער סענדוויטש זיין געשניטן אויף האלב אדער נישט?

וואספארא טרינקען? הייס, קאלט, קאווע, טשאקלעד מילך, סאדע, וואסער, אראנדזש דזשויס, עפל דזשויס, איקספרעסא, עכטע מילך, 2 פראצענט מילך, ווייטעמין וואסער, וואסער פון סינק.

מיט א נעפקין אדער אן א נעפקין? דער נעפקין גייט אינעם פאפיר בעג ווי דער סענדוויטש ליגט, אדער אינדרויסן. דער סענדוויטש זאל זיין איינגעוויקלט אין פאפיר אדער זילבער פאפיר, אפשר גאר ביידע.

און דאס איז אויב די וועלסט דיך אויס א סענדוויטש. אויב נעמסטו א פלעיט, הייבט זיך אן דאס גאנצע חשבון נאכאמאל אזוי: סענדוויטש מיט אלע אפציעס מאל נישט קיין סענדוויטש מיט אלע אפציעס מיינס (די אפציע פון שיינדן דעם סענדוויטש פלאס די אפציע פון די נעפקין אינעם בעג פלאס די אפציעס פון איינוויקלען דעם סענדוויטש).

די אלע אפציעס, און נאך אסאך, אסאך אפציעס האסטו. וויאזוי באגייסטו דיך מיט דעם אן קענען די שווערע חשבונות?
כ'בין ווערטערלאז
סענס הייבן אן מאכן זאכן...
(קר' ל.וו.)

#גיי קראך גרינע פעפער

דער אייבערשטער פירט דער וועלט!!!

נא נא!!!
נא'קע מיך נישט, איך דארף עס נישט
אוועטאר
הלבלר בקולמסו
שר תשעת אלפים
תגובות: 9997
זיך איינגעשריבן אום: מיטוואך אוגוסט 15, 2018 10:37 am

Re: שרייבעריי פארמעסט: אסטראנאמישע סכום אפציעס

  • ציטיר
  • צו לייגן א דאנק דארפט איר זיין אריינגעלאגט

תגובה דורך הלבלר בקולמסו »

תשפג
תשגפ
תפגש
תפשג
תגשפ
תגפש

שתפג
שתגפ
שפתג
שפגת
שגתפ
שגפת

פתשג
פתגש
פשתג
פשגת
פגתש
פגשת

גתשפ
גתפש
גשתפ
גשפת
גפתש
גפשת
יעדע גוטע זאך קומט אמאל צו אן ענדע,
אבער נאכדעם קומט אן א בעסערס.

שרייב תגובה

צוריק צו “ידיעות און וויסנשאפט”