נאר מיט שמחה האט געשריבן:נשמת השכל האט געשריבן:נאר מיט שמחה האט געשריבן:און יא, ווען מ'רעדט פון ניגונים וואס דארף אונז מעורר זיין לתשובה, א ניגון וואס זאל דיר דערהייבן וכו' ווי דו האסט שוין געשריבן אינעם אנדערן אשכול, איז דאס 'אך לאלוקים' און אלע פון די סארט. נישט קיין אלטערנאטיוו ניגונים וואס ברענגען קיינמאל העכער.
איז דאס דען די וויכוח? איז דען איינער חולק אויף דעם?
דו ווילסט דאך בכלל נישט מכיר זיין אין די פאזעטיווע נקודה וואס מענטשן טרעפן אין אלטערנאטיווע נגינה לעומת די אזויגערופענע חסידישע נגינה.
אסאך תגובות זענען חולק אויף דעם. כאי' אלטערנאטיוו איז עפעס הייליג.
די וואס שרייבן אזוי רעדן לגבי די חלק פון די תוכן פון די אלטערנאטיווע ניגונים. איך גלויב נישט אז עמיצער דא האלט איז די עצם נגינה זייערע איז איז קדוש וטהור.
נאר מיט שמחה האט געשריבן:לעומת די 'אזויגערופענע' חסידישע נגינה קעמען טרעפן די פאזעטיווע נקודה
האבעך הנאה אז דו ביסט עס שוין מכיר..
נאר מיט שמחה האט געשריבן:אבער נישט לעומת די חסידישע נגינה. ודו"ק.
אוודאי נישט! מי פתי צו האלטן אנדערש?!
נאר מיט שמחה האט געשריבן:און ווי געשריבן באדערט מיר נישט די אלטערנאטיוו מוזיק אזוי שטארק ווי די גאנצע טענה'רייען אינעם אשכול דא אז וועגן ס'דא שוואכע ניגונים דארף מען לויפן הערן אלטערנאטיוו וואס ברענגט צו תשובה ויראה וכו', מענטשן עפענען די הארץ בלא בלא.
ווילסט באוואשן די היינטיגע נגינה? אדרבה, עפן אן אשכול וידוו כל הדווים וימחו כל המוחים. ווילסט רעדן פון אלטערנאטיווע מוזיק? אקעי, אויב כ'וועל האבן וואס צו צולייגן עלעך אויך שרייבן (ווי מ'קען טאקע זעהן אין שולי'ס אשכול). ווילסט מאכן עפעס א טשעינדזש אין אונזער מוזיק, א זאך וואס אויך לענ"ד דארף געשעהן? סאו מאך א קאמפיין למען פארצייטישע נגינה, זאלן היינטיגע מחברים אויך מאכן די סטייל, אמת'ע טיפע ניגונים, אויב דו ווילסט קען איך דיר שרייבן א ליסטע פון קאמפאוזערס וואס לעבן היינט און קענען מאכן די סארט ניגונים, און כמעט קיינער איז נישט אינטרעסירט..)
אבער די נעמען היינטיגע שוואכע נגינה און אראפרייסן, און ברענגען צום טיש אלטערנאטיוו וואס לכו"ע ברענגט עס נישט העכער, און ברוחני איז עס א נידעריגערע שטאפל ווי רוב היינטיגע היימישע נגינה (כ'רעד נישט אין תוכן און אין טאלאנט, כ'רעד פון היימישע תנועות), און מאכן א ויצעקו מיט נשמה תגובות אז דאס מיינט נגינה און דאס איז די אלטערנאטיוו פאר חסידישע נגינה. דאס האט מיר געבאדערט, און דאס איז מיין 'אגענדע' אינעם אשכול.
קוק אהער , איך זעה אז דו האלטסט דיך ביי דיינס, אין בעיא.
איך וועל נאר איבערזאגן, יא! נגינה איז א נפש'דיגע ענין, און אויב די היינטיגע חסידישע נגינה רירט ביי זייער אסאך מענטשן נישט אן דעם נפש זייערע וועלן זיי גיין זוכן אן אלטערנאטיוו, צו דער אלטערנאטיוו איז הייליג, איך האלט דוקא אז נישט, אבער איך פארשטיי פארוואס א מענטש וויל דאס און שפירט דארט עפעס וואס ער שפירט נישט ביי די אנדערע.
יא, דאס אז מען זוכט אלטערנאטיווע איז דייקא אויפן חשבון אז די חסידישע איז נישט גוט.
און עס איז נישט קיין חכמה צו קומען זאגן: ווילסט הערן אלטערנאטיווע? כל הכבוד, אבער קום נישט זאגן אז דאס איז צוליב וואס די חסידישע נגינה בארירט דיך נישט און די אלטערנאטיווע יא. ווייל עס איז דייקא יא הא בהא תליא.
קען זיין אז מענטשן ווייסן נישט אלעמאל מבחין צו זיין וואספארא סארט הרגש זיי שפירן אין א ניגון, זיי שפירן מרוגש פונעם ניגון ממילא וועלן זיי זיך אויסדריקן ווי נשמה'דיג און מורא'דיג די ניגון איז. אבער עס איז קלאר אז די זאך האט צוטוהן מיט דעם אז א ניגון דארף מעורר זיין הרגש ביי א מענטש, און ביי אונזערע ניגונים שפירן עס נישט אסאך מענטשן און ביי די אלטערנאטיווע יא. ממילא גייען זיי אהין.
אוודאי, וואלט ווען געווען א עולם התיקון וואלט מען ווען היינט ווייטער מחבר געווען חב"ד'סקע ניגונים מיט סקולענע ניגונים. און אפילו אויב נישט אזוי הויעך - כאטש אביסל קארליבאך נגינה. אבער וויבאלד דאס פאסירט נישט - גייען מענטש צו א סטייל נגינה ווי זיי שפירן כאטש עפעס, על אף עס איז נישט קיין אמת'ע ממלא מקום בכלל!