sheetrock האט געשריבן:ווער ס'קען מיר ארלעדיגן א היתר צו לערנען חומש רש"י ביינאכט אין די ווינטער חדשים וועט עס מיר מאכן עטוואס גרינג"ער", צו גרינג ממש? ווארשיינלעך נישט.
ס'איז דא א שטארקע היתר צו לערנען מקרא אינאיינעם מיט פירש"י.
[כמבואר בדברי הגאון מהר"ח פלאג'י בכף החיים (סי' לא אות נה). וכ"כ בשו"ת ויחי יעקב (חאו"ח ר"ס ט) בשם הרה"ק רי"מ מגוסטנין. ע"ש. וכן העלה בשו"ת לבושי מרדכי (חאו"ח מה"ת סי' קפו). ע"ש. וכ"כ הרה"ג ר' ראובן מרגליות בס' נפש חיה (סי' רל"ח), בשם סידור הרה"ק ר' שבתי, שכל שקורא המקרא עם פירושו, הר"ז נחשב כתורה שבע"פ שמותר לקרות בלילה. ע"ש. וע"ע בבן איש חי (פרשת פקודי אות ז)].
עיין בשו"ת אבני צדק יו"ד סימן קב
לכאורה האט געשריבן: פארוואס שרייבט מען תגובות אן זיך פארשטענדיגן מיטן מוח?
=ר' איד, עס איז זייער א גרינע זאך צו ענדיגן יעדע וואך, דוירכן לערנען יעדן טאג די לימוד פון יענע טאג!=
-איך דריי מיר ארום מיט א מקרא מפורש חומש פון עוז והדר, און ווען איך האב צייט, צו איז עס ווען איך זיץ און טרעפיק, אדער איך ווארט די בעל תפילה זאל אנהויבן, אדער יעדע מאל וואס ס'איז מיר ליידיג, לערן איך איין פסוק, ביז איך טרעף מיר סוף טאג, אז איך האב גענדיגט די טעגליכע לימוד-
ב"ה מסיים געווען פארגאנגענע יאר יעדע וואך די סדרה, און מעביר סדרה געווען יעדע וואך נאך אין שבת אן קיין השלמות, איך הייב הערשט אן סוף וואך פרייטאג אפילו, און דורך אויס פרייטאג צונאכטס און שבת אינדערפרי בין איך עס מסיים בעז"ה, עס איז געקומען נאך וואס איך פלעג לאנגע יארן פארפעלן דא דארט א א סדרה וכדומה און אמאל משלים געווען שמחת תורה פון איך ווייס ווען, ביז איך האב מחליט געווען פאריאר פר' בראשית אז יעבור עלי מה, יעדע וואך דארף מען ענדיגן חו"ר מיט שנים מקרא און ברוך השם עס האט מצליח געווען, זאל דער אייבערשטער העלפן ווייטער,
sheetrock האט געשריבן:איינער זאגט ס'איז זייער גרינג, איינער זאגט אז מ'קען מיט די ר"ת תפילין... ווער ס'קען מיר ארלעדיגן א היתר צו לערנען חומש רש"י ביינאכט אין די ווינטער חדשים וועט עס מיר מאכן עטוואס גרינג"ער", צו גרינג ממש? ווארשיינלעך נישט.
איך בין נישט קיין פוסק, אבער געזען שטיין אז אויב מען לערנט תנ"ך מיט מפרשים (רש"י וכדומה), מעג מען דאס לערנען ביינאכט אויך
געהערט לעצטנס פון א חשוב'ע דיין, אז די היתר פון לערנען חומש ביינאכט איז נאר ווען עס איז בתורת לימוד ממש, והיינו ווען מ'טייטשט יעדע'ס ווארט.
איך ווייס פון אלע יארן (פון וואו ?!) אז אויב מ'ווארפט אריין א ווארט טייטש דא און דארט (אינמיטן פסוק), וואס דאן ווערט דאס אויס פסוק, מעג מען. (פארוואס טייטשן "יעדע'ס" ווארט - ווייס איך נישט)
הוא היה אומר: מאך נישט קיין פאַס פון יעדן קלייניקייט, ווייל אז יא וועט יעדע קלייניקייט דיר אריינכאפן אין פאַס געדענקט: די משנה פסק'נט שוין בעל החבית פטור
יעדן זונטאג קוק איך ביים סוף פון די סדרה, וויפיל פסוקים עס איז דא, און איך טייל איין דעם ציפער אין 11
פארוואס עלף? ווייל איך לערן טייל פון די פסוקים מיט תפילין דרש"י און טייל מיט די תפילין דר"ת, און פרייטאג בלויז מיט תפילין דרש"י (מיט תפילין דר"ת בין איך מעביר סדרה), אלזא פינף טעג א וואך לערן איך צוויי מאל און איין מאל א וואך איינמאל, קומט עס אויס צו עלף
פרשת לך - לדוגמא - איז דא 126 פסוקים, אז דו צעטיילסט דאס אין 11, קומט אויס אז מען דארף לערנען "עלף און א האלב" פסוקים ביי יעדע שיעור, אדער אין אנדערע ווערטער: "23 פסוקים פער טאג / און פרייטאג די לעצטע 11 פסוקים"
איך האלט א קליינע חומש-רש"י אין טלית בייטל, און לערן בלויז חומש מיט רש"י, אן קיין מפרשים (אויב איך האב איבריג צייט סיי ווען, קען איך נעמען א מקראות גדולות חומש און קוקן אביסל מפרשים), עס דויערט געווענליך אומגעפער 10 מינוט א טאג! און מען ענדיגט וועכנטליך חומש רש"י
מנהל שליט"א: אפשר שפאנסטו איין צוויי פון דיינע מלמדים, זאלן אויסשטעלן אזא לוח כפי מנהגו בקודש של מנהל אייוועלט שליט"א ס'זעט אויס גאנץ פראקטיש, און נוצבאר ייש"כ
הוא היה אומר: מאך נישט קיין פאַס פון יעדן קלייניקייט, ווייל אז יא וועט יעדע קלייניקייט דיר אריינכאפן אין פאַס געדענקט: די משנה פסק'נט שוין בעל החבית פטור
צ"ק איך וויל מיר מיטכאפן, אבער איך וויל גיין מדרגא לדרגא, דאס יאר האב איך געמאכט א פעסטע קבלה, אז איך נעם נישט מיין שבת נאכמיטאג דרימל בעפאר איך האב נישט געענדיגט מעביר סדרה זיין די גאנצע סדרה, ווייל יעדעס יאר בין איך געבליבן סטאק ביי שמות אדער וארא וואס איך האב געסטאפט צו מעביר סדרה זיין.
סאו, איך בין זיך מקבל בלי נדר צו פראבירן צו ענדיגן און עכ"פ אנהייבן חוץ פון מעביר סדרה זיין, צו לערנען חומש מיט רש"י פון די סדרה, איך האף צו אויך קענען ענדיגן.
(די ציהל איז נישט צו ענדיגן, מאכן א טשעק אויף די ליסטע, נאר צו לערנען די גאנצע פרשה.)
שיינע אשכול דאס, וועל איך מוסיף זיין פון מיינע הליכות בקודש... ווער ווייסט אפשר וועלן די חסידים עס איין טאג אויסלעקן.
איז אזוי ברם יזכר לטוב ידידי ... וועלכע, איך געדענק שוין נישט אויף וואס פאר א אופן ער האט מיר משכנע געווען, און זייט דעמאלטס ערגעץ אין כולל האב איך אנגעהויבן ענדיגן יעדע וואך ב"ה חורש"י אן קיין אויסנאם, די ערשטע שמחת תורה נאכן ענדיגן גאנץ חמשה חומשי תורה ליגט מיר נאך אין די ביינער. פאר דעם אליינ'ס האט זיך עס געלוינט.
דעמאלסט אלץ כולל יונגערמאן האב איך גענדיגט מיטן פירוש פונעם לקט בהיר.
ועכשיו אלץ פשוט'ער פארשווארצטע ארבייטער לערן איך שוין עטליכע יאר מיט א רש"י כפשוטו, האט מיין סדר זיך מיר אויסגעשטעלט די בעסטע - ווי איינער האט שוין פריער דערמאנט - מ'כאפט אן דעם חומש'ל זונטאג, און לויט די בלעטער צוטייל איך עס, אז רוב מאל ענדיג איך שוין אויף דאנערשטאג, אז פרייטאג שבת זאל איך קענען אביסל מוסיף זיין אור החיים הק', רמב''ן וכו'.
זונטאג ערלויב איך מיר צו צולייגן א בלעטל אדער מער אויפן חשבון, איינ'ס וויבאלד איך האב אביסל מער צייט, וגם אז כמעט אלע סדרות איז גרינגער אנהייב עכ"פ ביז שני שלישי, היות עס ליגט נאך אין די ביינער פון די בראשית יארן, כ'מיין פון די יוגענט.
מ'דערציילט אז א משכיל איז געקומען צו א רבי שפעטן פון זיינע חסידים אז זיי האלטן נישט מיט די נייעס וואס עס גייט פאר אויפן גאס.
האט ער אים גענטפערט: 'איך ווייס נישט וואס דו רעדסט, זיי לערנען יעדע וואך חומש רש"י, און זיי ווייסן פונקטליך די נייעס פון די וואך'.
כן יעזור ה' להלאה מ'זאל קענען מיט האלטן די נייעס מיט א פרישקייט.
איז אזוי ברם יזכר לטוב ידידי ... וועלכע, איך געדענק שוין נישט אויף וואס פאר א אופן ער האט מיר משכנע געווען, און זייט דעמאלטס ערגעץ אין כולל האב איך אנגעהויבן ענדיגן יעדע וואך ב"ה חורש"י אן קיין אויסנאם, די ערשטע שמחת תורה נאכן ענדיגן גאנץ חמשה חומשי תורה ליגט מיר נאך אין די ביינער. פאר דעם אליינ'ס האט זיך עס געלוינט.
תהלה לא-ל!!!
נאכדעם וואס שוין יארן וואס איך האב עמטליך טאקע געענדיגט גאנץ חומש רש"י יערליך, איז אבער אלץ געבליבן עפעס לעכער פון לאנגע אדער שווערע סדרות און פון שמחה שבתים, האב איך דעם שנת תשפ"ב זיך מער אנגעשטרענגט און בבחינת יעבור עלי מה זיך אונטער גענומען אז מען גייט דאס מאל באווייזן דאס גאנצע בלי שום גרעון, און ב"ה ס'איז געלונגען און מען האט געענדיגט יעדע איינציגע פסוק חומש און רש"י.
און יא, שמחת תורה האב איך מיך אמת'דיג געפילט ווי א מחותן צו די שמחה...