אין בערך א חודש פון היינט גייט פארקומען די מידטורים וואלן.
נישט לאנג צוריק איז געווען אנגענומען ביי יעדעם אז די רעפאבליקאנער האבן גוטע שאנסן צו געווינען קאנגרעס מיט א ברייטע מערהייט, און אפילו אינעם סענאט ווי עס לויפן אינעם היי יעריגן סעזאן מער רעפאבליקאנער ווי דעמקראטן - וואס דאס געט א שטיקל אויבערהאנט פאר די דעמקראטן מיט וואס אנצוהייבן - איז אבער דאך געווען אנגענומען אז וויבאלד א מידטורים איז געווענליך נישט צו גוט פאר די אינקאמינג פארטיי, און נעמענדיג אין באטראכט אז פרעזידענט ביידען'ס עפראוועל רעיט איז נישט געווען צו גוט, האבן רעפאבליקאנער געזעהן א גוטע געלעגנהייט אויך פארן סענאט.
היינט שטייענדיג ארום א חודש פאר די עלעקשאן זענען די רעפאבליקאנער חלומות פאר א גאר גרויסע געווינס אביסל צובלאזן געווארן, אין די צייט וואס ביידענ'ס ציפערן פארבעסערן זיך, און די פאלק איז שוין נישט אזוי אנגעגעסן אויף די פראבלעמען וואס האבן מתחילה אראפגעברענגט זיינע פאול ציפערן.
וואס פונקטליך וועט למעשה זיין העמיר איבערלאזן פאר אנדערע, אבער איין מענטש וואס דארף לכאורה יא זיין שטארק באזארגט איז דאנאלד טראמפ.
טראמפ איז געווען גאר אקטיוו אין די פריימעריס אריינצוברענגן זיינע מענטשן און ארויסשטויסן די וואס האבן אים אימפיטשט אדער זיך ארויסגעשטעלט קעגן אים, און יא. עס איז אים גאנץ שטארק געלונגען! איבערן גאנץ לאנד זענען נאמאנירט געווארן טראמפ פריינט, פון סענאט ביז לאקאלע וואלן, און כאטש נישט אלע רעפאבליקאנער זענען געווען זייער צופרידן פון זיינע שטיק האט טראמפ מיט זיין הייסע באזע שטיצער באוויזן איבער צו שווימען די כוואליעס און אפצייכנען א גרויסע זיג!
יאנוואר 6 איז געווען די טאג וואס די ערשטע ספיקות אין הארץ האבן אנגעהויבן בוזשווען ביי פילע רעפאבליקאנער אז אפשר איז צייט פאר א טויש, אבער מיט די צייט האבן רוב פון זיי זיך צוריקגעקערט צום אמאל, כאטש מען האט געקענט זעהן אז זיין שטיצע איז היבש אפגעקילט געווארן, אבער ער האט ווייטער גענאסן פון הייסע שטיצע, די עף בי איי אבלאווע אויף די מאראלאגא רעזארט איז אויך געווען א זאך וואס האט צוריקגעברענגט מאמענטום ביי אסאך איינגעשלאפנע רעפאבליקאנער, אוון טראמפ שטייט היינט אין א גוטע פאזיציע.
דא קומט א גרויסע אבער.
אנדערש ווי אמאל ווען טראמפ איז געווען די שפיץ פונעם פארטיי אן האבן ערנסטע קעגנער, זענען היינט דא גרויסע קאמפיטישנס צו אים, ''ראן דיסענטעס'' פון פלארידע און ''גלען יאנקען'' פון ווירדזשינע האבן באקומען שטארקע מאמענטום. טראמפ קעגנער האבן ענדליך געטראפן א פלאץ אויף ווי זיך אנצולאנען ''ער איז טראמפ אן די אלע פראבלעמן'' הערט מען כסדר פון אנטי טראמפערס, ווי אויך קען מען הערן אזעלכע ווערטער פון וואקלדיגע טראמפ שטיצער, אדער אפילו הייסע חסידים וואס וועלן עס נישט זאגן בפה מלא, אבער וואלטן זיך טיף אין הארצן געפריידט אויב טראמפ באשליסט נישט צו לויפן.
קען דיסענטעס איבערשטייגן טראמפ?
שווער צו פאראויס שאצן אבער בדרך אפשר קען מען זאגן אזוי:
אויב וועלן די רעפאבליקאנער אפהאלטן גאר שטארקע געווינסען און די נעקסטע וואלן וועט די טענה אז טראמפ ברענגט אונטער די פארטיי דורך אריינוועלן עקסטרעמיסטן אראפ גיין פון טיש, מען וועט זעהן אז טראמפ איז ''העיר טו סטעי'' און אויב ער האט גענוג שטיצע אין לאנד אריינצוברענגן זיינע מענטשן, איז דאך דאס זעלביגע אויך ווען ער אליין איז אויפן בעלאט.
אבער אויב די רעפאבליקאנער וועלן נישט באווייזן איבערצונעמען סענאט, קוים קוים געווינען קאנגרעס, און זיך מוטשנען אויך דאן די בעלאט קען מעגליך זיין אז די פינגערס וועלן ווערן געריכטעט אין טראמפס ריכטונג, און אסאך וועלן האלטן אז א נייער טראמפ וואס מאכט ווייניגער שאדן און ווייניגער נויז א שטייגער ווי ראן דיסענטעס איז בעסער פארן פארטיי, און וועט ברענגן א ערנסטע פריימערי אין 24'
א דריטע מהלך קען זיין, איז אויב די רעפאבליקאנער וועלן יא געווינען, אבער שוואך, וועט מען נישט זעהן קיין ערענסטע טויש, אנטי טראמפיסטן וועלן באשילדגען טראמפ, די חסידים וועלן באשילדגען די אנטיס, און אלעס איז צוריק צום אלטן.
בלייבט איבער צו זעהן וואס וועט זיין און וואס דער עולם האלט איבער די שפעקולאציע.