ווער שטייט אינטער די ליעקס אין די נארד סטריעם פייפליינס?

[שפע רב]

ווער איז בעל הבית פון די פייפליין?
פארוואס איז עס נישט באנוצט געווארן?
ווען האט מען עס געדארפט אנהיין נוצן?
ווי לאנג דארף נעמען צו פאררעכטן?

אין דער איד פאר צוויי וואכן צוריק, אין דער ביזנעס אפטיילונג, איז געווען גאר א רייכע אין לענגערע באשרייבונג, איבער די גאנצע נושא, אין היסטאריע פון די נארד סטריעם,1,2, פייפליינס, מיט א מורא'דיגע קלארקייט.דו"ק ותשכח

[פעיק ניוז]

גרינטליכע (קאנספיראציע) אנאליז

גענוג אז TASS שפרינגט מיר קעגן די אויגן, צו פארשטיין ווי "גרינטליך" דער איז..

לאמיר לאזן א מינוט אין די זייט ווער האט עס געטון. ביי דעם זענען דא צופיל מעגליכקייט פאר קאנספיראציעס און נגיעות. לאמיר אנהייבן ביי "ווען" יענער האט עס געטון.
איינער קען מסביר זיין פארוואס אמעריקע/אוקריינע/סיי ווער זאל עס "יעצט" טון? יעצט איז די נארישסטע צייט פאר דעם, ווען אייראפע שטייט סייווי פעסט קעגן רוסלאנד. ווארט כאטש מ'זאל ענדיגן צו שטימען אריינצונעמען די נייע מיטגלידער אין נאטא פאר דו הייבסט אן מיט ווילדע זאכן. נאך בעסער, ווארט טיף אינמיטן ווינטער אויב דייטשלאנד גייט אנהייבן צו טראכטן קויפן רוסישע גאז.

ווייל דעמאלט וואלט די שולד גלייך געפאלן אויף אוקריינע/אמעריקע. משא"כ יעצט קען נאך @קרית חנה טענה'ן חי וקים אז מסתם האט עס רוסלאנד געטון.
גלייך געטראכט איינער גייט דאס שרייבן, נאר נישט געוויסט ווער.. אזוי קען מען אייביג גיין אין סירקלס, אז וואס איז נישט מסתבר מוז זיין מסתבר טאקע ווייל ס'איז נישט מסתבר.

עקזעקטלי, די סארט קשיות קען מען טאקע אלעמאל פרעגן, און אזוי לאנג ווי זיי ברענגען נישט מיט זיך קיין 'עכטע' הוכחות, זענען זיי גוט בלויז אויף צו גיין אין סוירקלס, ווי דו זאגסט, אבער נישט אויף אנצוקומען צו סיי וועלכער קאנקלוזשן.

פוינט אז אז דאס איז נישט די אמעריקאנע וועג פון ארבעטן (און יא די רוסישע וועג). אויב אמעריקע וואלט שוין יא געטון אזא זאך, וואלטן זיי עס געמאכט מער פראפעשענעל, אז ס'זאל קאליע ווערן פון אינעווייניג אן קיין טומל, און נאר ווען אייראפע וויל ווייטער קויפן גאז זאל מען זען אז די פייפ איז קאפוט.

דאס איז א נייע פוינט וואס דו מאכסט. מיין תגובה האט זיך באצויגן צו דיין פירכא פון 'פארוואס פונקט יעצט, נישט אפאר חדשים צוריק'.

בנוגע דיין יעצטיגער פוינט, איז ווייטער, אדער יא אדער נישט. עס קען זיין אז עס איז נישט געווען קיין מהלך עס קאליע צו מאכן פון אינעווייניג.

און אויב דער וואס טוט עס איז יא אזוי געוואגט און געאיילט, פארוואס נישט זעקס חדשים צוריק?

ווייל דעמאלט וואלטסטו געפרעגט פארוואס נישט זעקס חדשים בעפאר. קען זיין אז זיי האבן נישט געקענט וויסן וואו מען וועט שטיין מיט דער מלחמה. למעשה יעצט שטייט מען איידער'ן ווינטער, און די מלחמה גייט נאך אן פעסט, און עס איז דא דער פחד אז אייראפע זאל זיך ברעכן. אלזא איז יעצט די פאסיגסטע צייט דערצו.
בקיצור, זיי האבן געזען אז די צוריקגעהאלטענע מהלך פון ביז אהער ארבעט בעסער ווי די בעסטע חלומות. רוסלאנד כאפט זיסע קלעפ, אייראפע איז פאראייניגט, נאטא איז שטערקער ווי סיי ווען, איז יעצט די בעסטע צייט צו פליען אויף רעווערס און טון א ווילדע פאצערישע ארבעט, וואס אויב קומט עס ארויס גייט עס חרוב מאכן אלע דערגרייכונגען פון ביז אהער. שטימט?

איך בין שטארק מסופק אויב עס שטעלט זיך ווען ארויס אז זיי האבן עס געטון, צו עס וואלט חרוב געמאכט סיי וואס פון וואס מען האט דערגרייכט ביז אהער.

אויב רוסלאנד אדער בעסער געזאגט פוטין האט עס געטון, שטימט עס יעצט בעסער ווי סיי ווען. ווען די פראנט פאלט צוזאם, מאביליזאציע איז א געלעכטער, און די שטריק פארשטייפט זיך ארום זיין האלז.

ביזסט דאך אבער מודה אז ער האט דערמיט פארברענט דעם בריק הינטער זיך. אלזא, דארף איך אננעמען אז רוסלאנד האט באשלאסן צו באגיין מלחמה סועסייד, בכדי צו ראטעווען פוטינ'ס בענקל? כ'הער, אבער נאכנישט אזוי שנעל.
אונז לעבן אויף די זעלבע פלאנעט? כ'דארף עפעס צוקומען צו פייפס אין באלטישן ים צו אננעמען אז רוסלאנד באגייט סועסייד פאר פוטינ'ס חלומות????
יעדע איינציגע זאך וואס דו קענסט נאר פארציילן וועגן רוסלאנד אין די לעצטע פאר חדשים, און עספעשעלי די לעצטע פאר וואכן, איז גענוי דאס. סועסייד פאר פוטינ'ס משוגעתן.

קענסט זאגן אז די גאנצע מלחמה איז שוין יעצט סועסייד. אבער אין דער מלחמה זעלבסט, איז רוסלאנד נאכנישט באגאנגען סועסייד, היינו צו טון עפעס וואס אויב וואלטן זיי געטון פארקערט וואלט די מלחמה געהאט אן אנדערן אויסגאנג, און דורכדעם וואס זיי האבן געטון וואס זיי האבן געטון האבן זיי פארלוירן א שאנס צו געווינען אין דער קריג.

רוסלאנד פארלאנגט א יונייטעד נעישאנס זיכערהייטס קאונסיל זיצונג איבער די נארדסטריעם פייפליינס אטאקע.

קען איינער ביטע מאכ'ן א סה''כ ווער ס'וואלט ווען געוואלט אפטוהן די שטיקעל און אויפרייסען די פייפליין, און פארוואס?

אמעריקא? רוסלאנד? אוקריינא?

אמעריקע קען באשטיין די פייפליין זאל גיין פייפן, אבער אויב ווערט מען געוואויר שטעלן זיי איין די הערליכע נאנטשאפט מיט אייראפע און נאטא וואס רוסלאנד האט זיי דא צוגעשטעלט אויף א גאלדענע טאץ. די ריזיקע איז מיליאן מאל גרעסער ווי די ריווח, ווען אייראפע האט סייווי נישט געהאלטן ביים קויפן ווייטער פון רוסלאנד. פלאס ס'איז ממש א מלחמה דעקלעראציע קעגן רוסלאנד. לויט ווי צוריקגעהאלטן (אפילו פחדנות'דיג וואלטן אסאך געזאגט) די ביידען אדמיניסטראציע איז געגאנגען ביז יעצט, דארף מען זיין שיכור צו זאגן אז אמעריקע האט עס געטון.

נו שוין, דאן קען זיין אז אמעריקע האט עס געטון דורך אוקריינע.
אויב "אמעריקע האט עס געטון דורך אוקריינע" איז נישט מעגליך ס'זאל בלייבן א סוד פון די אנדערע לענדער. דאס וואלט געווען זייער הויך אויף די ליסטע פון די גרעסטע דיפלאמאטישע נארישקייטן וואס אמעריקע איז באגאנגען. אמעריקע האט שוין געמאכט אסאך טעותים, אבער פון דעם סארט? און נאך די פארשלאפענע ביידען אדמיניסטראציע?

אויב געטון דורך אוקריינע, דאן קען אמעריקע אלעמאל זאגן אז עס האט גארנישט מיט זיי. מען מאכט א שווייג און מען גייט ווייטער.

אוקריינע קען עס מסתם נישט באווייזן אינמיטן א מלחמה, יעדער ארום וואלט געוויסט און מיטגעהאלטן יעדע ריר. פלאס די ריזיגע סכנה אז זיי גייען פארלירן שטיצע. און פארוואס זאלן זיי עס טון? אייראפע קויפט שוין סייווי נישט אזוי שנעל פון רוסלאנד.

אויב אייראפע קויפט שוין סיי ווי נישט פון רוסלאנד, פארוואס זאל אוקריינע מורא האבן פון פארלירן שטיצע?
פארוואס טאקע איז יעדער אויפגעברויזט? ממש א מדרש פליאה..
ס'איז פראפערטי אויך פון אייראפעאישע לענדער, דא ליגט ממון ודמים און ריזיגע פראיעקטן, זייער וואסער ארום ווערט פארפעסטעט, און נאך. ס'איז געהעריג א מלחמה דעקלעראציע!

איך פרעג לשיטתך. אויב אייראפע האט ממילא מער נישט געפלאנט צו ניצן ווייל זיי שטייען שטאנדהאפטיג נישט צו קויפן מער אויל פון רוסלאנד, פארוואס זאל זיי אזוי שטערן אז מען האט סאבאטאזשירט די פייפליין? פארוואס טאקע זאלן זיי זיין אויפגעברויזט? אלא מאי, עס איז יא געווען א צד אז זיי וואלטן נישט געווען אזוי שטאנדהאפטיג ווי דו קוקסט עס אן, און דערפאר האט אמעריקע/אוקריינע געקענט באשטיין צו לייגן די מעגליכקייטן שלאפן אויף אייביג.

די פארפעסטעטע וואסערן, דאס איז די אישו דא?

א מלחמה דעקלעראציע? קעגן וועם? דורך וועם?

קען נישט זיין אז אוקריינע האט עס געטון מיט די שטיצע פון אמעריקע?
אמעריקעס שטיצע איז נישט גענוג. אייראפעאישע לענדער זענען דא די בעלי דין, און זייער שטיצע איז אסאך אסאך וויכטיגער ווי צוברעכן רוסישע פייפס

אוודאי איז עס וויכטיג, אבער וואס טוט מען אויב ווייסט מען אז זיי וואלטן נישט מסכים געווען?

האלטסט אז אייראפע וועט רעדוצירן זייער שטיצע פאר אוקריינע, אין פאל זיי פיגערן אויס אז אוקריינע האט עס געטון?

בכל אופן, איך האב זערא פראבלעם געוואויער צו ווערן אז רוסלאנד האט עס געטון. דערווייל מאכט פאר מיר מער סענס אז עס קומט פון אמעריקע/אוקריינע.

[תירוצים]

די טשערמאן פון די US דעלעגאציע אין די EU א גרויסע ביידען פריינט אויף טוויטער.

[פאלעסיידס]

די טשערמאן פון די US דעלעגאציע אין די EU א גרויסע ביידען פריינט אויף טוויטער.

ער איז דאך די טאקער פון פוילען!
ער האט געבעסט זיין גאנצע טענקיו האשעם, סארי טענקיו יו עס עי, אז ביידען האט געזאגט אז מגייט נאך איין טאג אפשטעלען די פייפליין, נו דאס אידאך א גוטע ראיה,

דעס אז פוטין רעדט שוין וואכען אז מגייט אפשטעלען די פייפליין ווייל ליעקס דעס רעדט ער נישט,

און פונקט געשעט א ליעק אפאר טעג נאכדעם וואס נאווערגיע האט געמאלדען אז זיי קענען איבער נעמען כמעט די גאנצע גאז סופליי וואס די צווייפעלהאפטיגע רוסען וועלען אוועק נעמען,

און פונקט איז די ליעק כמעט דארט ווי די נאווערגישע פייפליין לויפט דורך...

און אויב נישט גענוג, איז "פונקט" לעבען יענע פלאץ ווי וויכטיגע נאטא און ען עס עי קעיבעלס לויפען דורך, וואס אן דעם פארלירט נאטא א קריטישע שפיאנאזש אויבערהאנט,

אבער ביידען וויל יעצט אז נאטא קעיבעלס זאלען ווערען אויליג און ציבראכען, אדער אומבעסטען פאל זאל די גאנצע וועלט זיך דרייען אונטער די פיס דארטען..


איז דעס נישט קיין מעסעזש פאר נאטא אז די קענסט נישט פראטעקטען יענע עריע?


געדענקטס א כלל וואס גייט אן ביי א דיקטאטאר,

א נערישע פייפליין קען מען פאריכטען 200 טויזענט סאלדאטען קען מען ריפלעסען מיט 300 טויזענט אבער די בענקעל.. די טייערע בענקעל איינמאל מפליעט קען מען דעס נישט פארעכטען..
פון דארט באקומט מען א סטרעיט טיקעט אונטער די הרי חושך צו סולאמאני און מיט סטאלין צוזאמען

[קִרְיַת חָנָה]

ווערט שוין צו לאנג דא..

בנוגע דיין יעצטיגער פוינט, איז ווייטער, אדער יא אדער נישט. עס קען זיין אז עס איז נישט געווען קיין מהלך עס קאליע צו מאכן פון אינעווייניג.

העקן די פירמווער וואס קאנטראלירט די וועלווס. אריינשיקן א קליינע דראון פון איין עפענונג וואס זאל עס חרוב מאכן פון אינעווייניג. אפילו א קליינע מאשינקע וואס גיסט ארויס שטארקע קלעב אויף אסאך באזונדערע פלעצער. כ'קען אויסרעכענען נאך צוואנציג וועגן אויב געסטו מיר אביסל מער צייט. קאמאן, נישט דא אזא זאך "נישט געווען קיין מהלך". דו רעדסט פון א לאנד מיט טריליאן מאל מער פארגעשריטענע טעכנאלאגיע.
יעדע פון די וועגן וואלט אפשר געפאסט פאר אמעריקע, אויב מיט דיפלאמאטיע און סטראשעס גייט נישט. אזא בחור'ישע ארבעט שמעקט פון די רוסישע איוואנס.
און ניין, אזעלכע סברות זענען נישט "נאר" גוט צו גיין אין סירקלס, כאטש זיי זענען טאקע נישט הוכחות אויף הונדערט פראצענט. עפעס א טעלזע בחור האט אמאל געטענהט אז עכט מישט זיך די מילך אליין אויס אין די קאווע, און מישן די לעפל איז נאר א סימן ווען ס'מישט זיך אויס און נישט קיין סיבה. כאפסט?

איך בין שטארק מסופק אויב עס שטעלט זיך ווען ארויס אז זיי האבן עס געטון, צו עס וואלט חרוב געמאכט סיי וואס פון וואס מען האט דערגרייכט ביז אהער.

דו האלטסט פאר איין רגע, אויב ווייסט מען אז אוקריינע/אמעריקע האט דאס געטון, אז גאנץ אייראפע גייט ווייטער מיטהאלטן ווי ביז יעצט?!
דייטשלאנד און אנדערע לענדער פילן אז זיי זענען זייער אסאך מקריב, רוסלאנד פאמפט אז דאס איז אלעס אמעריקעס צינישע חשבונות און זיי האבן שוין אזוי אויך גענוג אידיאטן וואס גלייבן זיי, גייט אמעריקע און ווייזט אויף אז זיי זענען גערעכט!
די פראטעסטן און ראיאטן וואס וואלטן זיך אפגעשפילט איבער גאנץ אייראפע וואלטן באגראבן רוב סאנקציעס פון ביז אהער, און דאס וואלט נאר געווען די אנהייב.

אין דער מלחמה זעלבסט, איז רוסלאנד נאכנישט באגאנגען סועסייד, היינו צו טון עפעס וואס אויב וואלטן זיי געטון פארקערט וואלט די מלחמה געהאט אן אנדערן אויסגאנג, און דורכדעם וואס זיי האבן געטון וואס זיי האבן געטון האבן זיי פארלוירן א שאנס צו געווינען אין דער קריג.

שיקן פרישע קרעפטן צו פארלוירענע געגנטער (כערסאן) אנשטאט מאכן א אויסגערעכנטע ריקצוג צו באשיצטע ליניע, אדער כאטש באשיצן שיטערע פראנטן
"אייננעמען" די זעלבע לופטפעלד זיבעצן מאל, און יעדע מאל ווערן אפגעווישט נאכאמאל פון די מאפע. שיקן זייערע בעסטע קרעפטן צו די שחיטה אן קיין נארמאלע פלאן ווייטער אדער אפילו א פארוואס
צופלויגענע "מאביליזאציע" אן קיין ברעקל סיסטעם אדער שכל, וואס מאכט חרוב די שאנסן פאר א געהעריגע מאביליזאציע וואס וואלט זיי נאך געקענט העלפן
פאלשע רעפערענדומס, (וואס זיי פרובירן אפילו נישט ס'זאל אויסזען גלויבבאר), וואס נעמט אוועק די מעגליכקייט אויסצוארבעטן א אפמאך מיט צוריקגעבן די געגנטער, און ברענגט אראפ זייער דע פאקטא לעגיטימאציע אויף קריימיע צו די זעלבע פורים שטאפל
רודערייען אין טראנסניסטריע ווען זיי האבן סייווי נישט געהאט קיין וועג דאס זאל זיי עפעס העלפן, נאר ווייל אין זייער ביכל איז געשטאנען אז יעצט האלט מען שוין ביי טראנסניסטיריע, וואס מיט דעם האבן זיי פארלוירן די מעגליכקייט אויף שפעטער (מאלדאווע טרענירט זיך יעצט מיט רומעניע)
דארפסט נאך? ווי יענע באבא האט געזאגט, איך האב נאך סגולות אבער דו האסט נאך טשיקענס?

אויב אייראפע האט ממילא מער נישט געפלאנט צו ניצן ווייל זיי שטייען שטאנדהאפטיג נישט צו קויפן מער אויל פון רוסלאנד, פארוואס זאל זיי אזוי שטערן אז מען האט סאבאטאזשירט די פייפליין? פארוואס טאקע זאלן זיי זיין אויפגעברויזט?

די זעלבע שאלה אויף פארקערט, ווען יענער האקט אריין אין דיין קאר, אבער ס'ווערט נישט קאליע און קענסט עס נאך ווייטער נוצן פונקט אזוי, פארוואס ווערסטו אויפגעברויזט?
לענדער ווערן אויפגעברויזט ווען אנדערע לענדער טוען טעראריסטישע אקציעס אויף זייערע זאכן, ביי זיי אין בעקגראונד, אפילו אויב זיי פלאנען נישט צו נוצן די זאכן. איך ווייס נישט וואס איז בכלל דא מסביר צו זיין.

האלטסט אז אייראפע וועט רעדוצירן זייער שטיצע פאר אוקריינע, אין פאל זיי פיגערן אויס אז אוקריינע האט עס געטון?

אייראפע איז נישט איין לאנד, און ווערט נישט געפירט דורך א דיקטאטור ווי רוסלאנד. ס'איז אסאך עקסטערע לענדער וואס דארפן ארבעטן צוזאמען, און יעדע לאנד האט אסאך אינדוסטריעס און אינטערעסן.
לאמיר אנהייבן מיט אונגארן, וואס האט למעשה אויך מיטגעארבעט מיט די סאנקציעס. אויב זיי קענען צייגן אז ס'איז אלעס אמעריקע, גייען זיי זיך אפלאזן, און קיינער אין אייראפע גייט זיי נישט באשולדיגן. האסט בכלל א ספק?
און איינמאל אונגארן גייט, גייען זיי נישט זיין די לעצטע צו גיין. האסט בכלל א ספק?
וואס איז בכלל די שאלה דא?

[קִרְיַת חָנָה]

די טשערמאן פון די US דעלעגאציע אין די EU א גרויסע ביידען פריינט אויף טוויטער.

שוין אפאר מאל געברענגט דא, און שוין אפאר מאל געענטפערט אז ער איז נישט אויף קיין שפיאנאזש קאמיטע, ער זאגט נישט וואס ער ווייסט, און ער האט אליין קלאר געמאכט אז ער ווייסט גארנישט מער.

[מסתמא]

עפעס א טעלזע בחור האט אמאל געטענהט אז עכט מישט זיך די מילך אליין אויס אין די קאווע, און מישן די לעפל איז נאר א סימן ווען ס'מישט זיך אויס און נישט קיין סיבה

[Wow a1]

נאוואדע אמעריקע.

רוסלאנד האט פארלוירן זייער שטעקן..

קיינער רייסט נישט אויף זיין לעצטע גאן !

[ממוצע]

אויב איז אמת די לעצטע באריכטן פון די רוסישע שיפן און סובמארינען. און וועגן די ווארענונגן פון די CIA. דאס איז לכאורה גאנץ זיכער אז דאס איז רוסישע ארבעט. די שאלה איז נאר צי די "מערב וועלט" איז במכוון געווען לייכטזיניג פון עס אפשטעלן.

[ידיד כל חי]

אויב איז אמת די לעצטע באריכטן פון די רוסישע שיפן און סובמארינען. און וועגן די ווארענונגן פון די CIA. דאס איז לכאורה גאנץ זיכער אז דאס איז רוסישע ארבעט. די שאלה איז נאר צי די "מערב וועלט" איז במכוון געווען לייכטזיניג פון עס אפשטעלן.

אמעריקע האט זיכער הנאה, אייראפע זיכער נישט. די שאלה איז נאר, פארוואס האט אמעריקע נישט געוואוסט וואו עס גייט געשעהן, און טוהן די טובה פאר אייראפע, און זאגן וואו זיי קענען שנעל גיין עס צו פרעווענטעןץ

[דערבארומדיג'ער]

ווערט שוין צו לאנג דא..

אין קורצן זאגט קרית חנה
1. די ארבעט איז עכט נישט אמעריקען סטייל, ממש נישט.
2.די הפסד פאר אמעריקע -אויב זאל מען זיך דערוויסן אז זי איז שולדיג דערויף- וועגט צען מאל איבער סיי וועלכע שכר עס קען נאר מעגליך ארויסקומען.
3.ווען א דיקטאטור איז ענג איז ער אומשטאנד צו טאן נארישע זאכן אלזא מען קען נישט פרעגן קיין לאגישע סברות אויף אזא איינעם.

און אויב ווייס איר נישט, פוטין שטייט אין זייער א שלעכטע מצב איצט אינדערהיים, און ער טוט שוין לאנג אבסעלוט סועסייד שריט סיי אינדערהיים און סיי אין אוקריינע, די לעצטיגע געצווינגענע מאביליזאציע איז א פאר'סמ'טע באנדאזש וואס ער לייגט זיך ארויף אויף זיינע וואונדן, דער מענטש איז פארצווייפעלט און ער קען טון נארישע זאכן צו פאר נקמה, צו פאר ווילדקייט, צו פאר סיי וועלכע אנדערע סיבה, מען ברויך נישט זוכן א עכטע לאגישע סיבה צו פארשטיין זיינע מעשים.

אין מיינע אויגן איז דער מענטש כמעט דערנאך* די נייע זעלנער וואס ער ברענגט אן וועט אים מעגליך העלפן אביסל צו פארמינערן די פארלוסטן אויפן פראנט, מעגליך אז נישט, אבער די שאדן אינדערהיים גייט זיין אומפארגעבבאר, מען וועט אים נישט מוחל זיין, און ער וועט נאך מעגליך פראבירן צו נוצן טאקטישע נוקלעארע וואפן אלץ זיין לעצטער און איינציגסטער שאנס צו פארטרייבן אוקריינישע זעלנער פון דאנבאס (טאקטישע וואפן איז נישט גורם לאנג טערמניגע ראדיאציע שאדן) אבער דאס וועט אים שוין בעקפייערן מצד די מערב וועלט ביזן סוף, און אויב געווינט ער נישט די מלחמה איז ער א פארטיגער אינדערהיים.

* כמעט דערנאך- נישט אין צייט טערמינען, ער קען נאך אנציען לאנג , אבער זיינע אפציעס צו בלייבן אויפן בענקל כמות שהוא איז שוין כמעט דערנאך.

--
אין די געהעריגע נייעס אשכול שמועסט שוין נקדימון אויס אז פוטין וויל זען ווי אייראפע האט חרטה פארן זיך צושטעלן צו די סאנקציעס און זיי זאלן שפירן די טייערע פרייזן, און אויך די חשבונות וויאזוי פוטין קען (ליין:קען נישט) ערזעצן זיין גרעסטע קאסטומער דורכן עקספארטירן קיין אזיע אנטשטאט אייראפע.

אנדערע צייגן אויך אן אז רוסלאנד וויל שיקן א מעסיזש אז די באלטישע ימ'ן זענען נישט פארזיכערט.

--
אויב וויל מען זיך דוקא עקש'נען אז אמעריקע שטייט דערינטער וועט מען מוזן מסביר זיין אז אמעריקע האט דירעקט געוואלט באהאלטן די פאקט אז זי איז שולדיג און דעריבער האט זי עס בכונה געטון אויף אזא שלאבערישע מהלך וואס זאל טריגערן אויספארשונגן, אנשטאט מאכן אז עס זאל אויסזען ווי א פשוטע ליעק, עפעס אזא איפכא מסתברא'דיגע סברא, ווייל סתם אזוי איז עס גאר א נארישע וועג פאר א אמעריקע צו טאן.

[אושפיזין]

קרית חנה קומט אריין קלאר מיט זיין פעדער'על

[פעיק ניוז]

ווערט שוין צו לאנג דא..

אין קורצן זאגט קרית חנה
1. די ארבעט איז עכט נישט אמעריקען סטייל, ממש נישט.
2.די הפסד פאר אמעריקע -אויב זאל מען זיך דערוויסן אז זי איז שולדיג דערויף- וועגט צען מאל איבער סיי וועלכע שכר עס קען נאר מעגליך ארויסקומען.
3.ווען א דיקטאטור איז ענג איז ער אומשטאנד צו טאן נארישע זאכן אלזא מען קען נישט פרעגן קיין לאגישע סברות אויף אזא איינעם.

און אויב ווייס איר נישט, פוטין שטייט אין זייער א שלעכטע מצב איצט אינדערהיים, און ער טוט שוין לאנג אבסעלוט סועסייד שריט סיי אינדערהיים און סיי אין אוקריינע, די לעצטיגע געצווינגענע מאביליזאציע איז א פאר'סמ'טע באנדאזש וואס ער לייגט זיך ארויף אויף זיינע וואונדן, דער מענטש איז פארצווייפעלט און ער קען טון נארישע זאכן צו פאר נקמה, צו פאר ווילדקייט, צו פאר סיי וועלכע אנדערע סיבה, מען ברויך נישט זוכן א עכטע לאגישע סיבה צו פארשטיין זיינע מעשים.

אין מיינע אויגן איז דער מענטש כמעט דערנאך* די נייע זעלנער וואס ער ברענגט אן וועט אים מעגליך העלפן אביסל צו פארמינערן די פארלוסטן אויפן פראנט, מעגליך אז נישט, אבער די שאדן אינדערהיים גייט זיין אומפארגעבבאר, מען וועט אים נישט מוחל זיין, און ער וועט נאך מעגליך פראבירן צו נוצן טאקטישע נוקלעארע וואפן אלץ זיין לעצטער און איינציגסטער שאנס צו פארטרייבן אוקריינישע זעלנער פון דאנבאס (טאקטישע וואפן איז נישט גורם לאנג טערמניגע ראדיאציע שאדן) אבער דאס וועט אים שוין בעקפייערן מצד די מערב וועלט ביזן סוף, און אויב געווינט ער נישט די מלחמה איז ער א פארטיגער אינדערהיים.

* כמעט דערנאך- נישט אין צייט טערמינען, ער קען נאך אנציען לאנג , אבער זיינע אפציעס צו בלייבן אויפן בענקל כמות שהוא איז שוין כמעט דערנאך.

--
אין די געהעריגע נייעס אשכול שמועסט שוין נקדימון אויס אז פוטין וויל זען ווי אייראפע האט חרטה פארן זיך צושטעלן צו די סאנקציעס און זיי זאלן שפירן די טייערע פרייזן, און אויך די חשבונות וויאזוי פוטין קען (ליין:קען נישט) ערזעצן זיין גרעסטע קאסטומער דורכן עקספארטירן קיין אזיע אנטשטאט אייראפע.

אנדערע צייגן אויך אן אז רוסלאנד וויל שיקן א מעסיזש אז די באלטישע ימ'ן זענען נישט פארזיכערט.

--
אויב וויל מען זיך דוקא עקש'נען אז אמעריקע שטייט דערינטער וועט מען מוזן מסביר זיין אז אמעריקע האט דירעקט געוואלט באהאלטן די פאקט אז זי איז שולדיג און דעריבער האט זי עס בכונה געטון אויף אזא שלאבערישע מהלך וואס זאל טריגערן אויספארשונגן, אנשטאט מאכן אז עס זאל אויסזען ווי א פשוטע ליעק, עפעס אזא איפכא מסתברא'דיגע סברא, ווייל סתם אזוי איז עס גאר א נארישע וועג פאר א אמעריקע צו טאן.

בקיצור. איך פארשטיי וואס איר טענה'ט, אז דאס איז נישט אמעריקע'ס וועג פון האנדלען, און אז עס וואלט אפילו נישט געלוינט פאר אמעריקע צו טון, ווייל די רעאקציע מצד אייראפע וואלט נישט געווען א גוטע. עס מאכט סענס וואס איר זאגט, הגם מען קען האלטן אינאיין גיין אין רינגען איבער די פונקטן. אבער דאך זענען די טענות נאכנישט גענוג איבערצייגנד, עטליעסט פאר מיר, אוועקצושטופן די סברא אז אמעריקע/אוקריינע זענען די וועלכע האבן דאס מערסטע צו פארדינען פון אזא זאך, און אז רוסלאנד האט דאס מערסטע צו פארלירן דערפון. און יא, עס איז דא אן אונטערשייד פון מאכן רעפערענדומען וועלכע העלפן נישט צו אין דעם קאמף ביז'ן באמבאדירן דיין אייגענע מיליטערישע באזע.

[תולה ארץ]

ווער איז בעל הבית פון די פייפליין?
פארוואס איז עס נישט באנוצט געווארן?
ווען האט מען עס געדארפט אנהיין נוצן?
ווי לאנג דארף נעמען צו פאררעכטן?

אין 'דער איד' פאר צוויי וואכן צוריק, אין דער ביזנעס אפטיילונג, איז געווען גאר א רייכע אין לענגערע באשרייבונג, איבער די גאנצע נושא, אין היסטאריע פון די נארד סטריעם,1,2, פייפליינס, מיט א מורא'דיגע קלארקייט.דו"ק ותשכח

לויט ווי דער רעטאריק אין דער אשכול גייט, וועט נאך איינער באלד באשולדיגען 'דער בלאט' פארן עס אויפרייסען כדי אפצוטוהן 'דער איד'.....

[קִרְיַת חָנָה]

די רעפערענדומען העלפן נישט נאר נישט צו נאר מאכן חרוב, און נאך מער די מאביליזאציע. די פייפליין איז גאנץ ווייט אראפ אויף די ליסטע פון זאכן וואס רוסלאנד האט זיך אליין חרוב געמאכט, אריינגערעכנט טאקע ממש דיינע ווערטער, באמבאדירן אייגענע צילן פאר נארישע פאלשע פאן אטאקעס וואס קיינער האט סייווי נישט אנגענומען. קעגן דעם איז צוברעכן פייפס וואס זיי קענען סייווי נישט נוצן ממש פאפיטעס.
אבער גערעכט. פון מיר אויס האב איך געענדיגט די דעבאטע ביז פרישע אינפארמאציע קומט ארויס. כ'וועל נאר דערמאנען אז חוץ פון ווער פארדינט דארף מען אויך טראכטן "ווען" יענער זאל עס טון.
און לאמיר שוין צולייגן, אז חוץ פון ווער פארדינט די מערסטע דארף מען אויך טראכטן ווער פארלירט די מערסטע אויב ארבעט זיך עס נישט אויס אדער ס'קומט ארויס, און ווער די ווייניגסטע. די ענטפער איז זייער זייער קלאר, אוקריינע/אמעריקע האט די מערסטע צו פארלירן און רוסלאנד די ווייניגסטע, ווייל זיי האבן שוין געטון ערגערס און ס'איז שוין פון די לעצטע עסקעלאציעס וואס זיי קענען נאך טון. ווילאנג רוסלאנד ווארפט נישט קיין אטאם וכדומה גייט שוין נישט קיין סאך אויסמאכן וויפיל נאך עבירות זיי לייגן אויפן וואגשאל.

[קִרְיַת חָנָה]

בקיצור איך האב נאכנישט געהערט קיין איין געהעריגע סיבה פארוואס רוסלאנד זאל עס טוהן, און פאר אמעריקע און אוקראינע איז יא דא סיבות.

דאס אז עס מוז זיין רוסלאנד ווייל נאר זיי טוהן אזאנע זאכן, איז צו שוואך... פאר די געלט קענסטו בלעימען מדינת ישראל....

כ'האב יא געשריבן סיבות. קוק צוריק.
אבער עניוועי, לאמיר צוריקקומען אין אפאר וואכן. קענסט מיר אויך געבן א ביפ ווען מ'טרעפט די בייאלעבס אין אוקריינע.

סיבות וואס אלעקס דזשאונס וואלט זיך געשעמט אפי' צו טראכן ביי זיך אין צימער...

דאס ביסטו אפשר גערעכט. רוסלאנד טראכט, רעדט, טוט פאקטיש זאכן וואס יעדע מענטש מיט א פינטל נארמאלקייט וואלט זיך געשעמט צו טראכטן ביי זיך אין צימער.
דאס איז רוסלאנד אין ריעל לייף.

[שלמה הילדעסהיימער]

ס'איז נעבעך א טאקער מוח פארפוילטקייט וואס לויטעט אז מען מוז באשולדיגן די פאראייניגטע שטאַטן און ריינוואשן פוטין, אפגעזען ווי שטארק היסטאריע און לאגיק זאגן פארקערט.

טאקער'ס פוטין-גלעטנדע קרומקייטן זענען ברייט אויפגעשפילט געווארן דורכאויס די רוסישע מידיע, ווי עס געשעט אפט אין די לעצטערע יארן, ספעציעל זינט די רוסישע אינוואזיע וואס טאקער איז געווען פארנומען צו לייקענען און בארעכטיגן ביזן שקיעה פאר די "ספעציעלע אפעראציע" האט זיך פאקטיש אנגעהויבן, און נאכדעם.

[רעגנדיג]

ס'איז נעבעך א טאקער מוח פארפוילטקייט וואס לויטעט אז מען מוז באשולדיגן די פאראייניגטע שטאַטן און ריינוואשן פוטין, אפגעזען ווי שטארק היסטאריע און לאגיק זאגן פארקערט.

טאקער גייט טאקע פולי מיט די טעאריע אבער ער נוצט עס אזויווי דו זאגסט אינעם סעריע פון באשמוצן אמעריקע איבער זייער שטיצע פאר אוקריינע, אבער רוב דא וואס האלטן אז אמעריקע שטייט דערונטער האלטן פונקט פארקערט, אז ס'איז א געלונגענע און דרייסטע שריט פון אמעריקע קעגן דעם רוסישן בער.

[לייבקע יענטע'ס]

צק

די אנפירער פון די פירמע וואס איז ארויס געפאלן פון פעסטער עטלעכע וואכן צוריק האט דאס איינגעפלאנצט, וכאשר אבדתי אבדתי.

זאל רוסלאנד נישט הנאה האבן פון זיין שווערע ארבעט נאך זיין טויט.

[קִרְיַת חָנָה]

קיינער האט זיך נישט געקענט פארשטעלן די עכטע אמת, וואס איז יעצט אנטדעקט געווארן דורך דער געשעצטער פירער פוטין!

די אנגלא-סאקסאנס (די אלטע ענגליש/סקאטישע?) שטייען אונטער די נארד סטריעם פייפליינס ליעקס

יא יא, די אנגלא-סאקסאנס פון הונדערטער יארן צוריק זענען געקומען צו פארן מיט א טיים מאשין. די פייפליין האט געשטערט זייערע זעגל שיפן.

[קִרְיַת חָנָה]

מיין פאריגע תגובה זאגט גראדע עפעס האלב ערנסט. זיין מאדנע שפראך האט ביי מיר ארויפגערוקט די חשד אז פוטין האט עס געטון פון "איך ווייס נישט, אבער ווער דען קען עס זיין?" צו "כמעט אינגאנצן באשטעטיגט". אפילו אזא געשולטע ליגנער ווי ער געבט זיך ארויס ווען ער ווארפט די שולד אויף יענעם.

נאך עפעס, אויב איינער ווייסט נישט, רוסלאנד האט געטון די זעלבע זאך צו גרוזיע אין 2006 און צו טורקמעניסטאן אין 2009. אויפגעריסן פייפליינס.
איך ווארט נאך צו הערן פון איין ביישפיל ווען אמעריקע האט געטון עפעס אזא סארט זאך. אפשר די אנגלא סאקסאנס האבן עס יא געטון אמאל, דאס ווייס איך שוין נישט.

[שלמה הילדעסהיימער]

שוועדן און דענמארק שאצן אז הונדערטער קילא אויפרייסשטאף זענען באנוצט געווארן דורכצופירן די סאבאטאזש אויף די צוויי פייפליינס. די אויפרייס איז געווען אייניג צו א 2.1-2.3 טרייסל אויפן ריכטער וואג.

[ר' דן]

וואס אין די וועלט האט אוקריינע געהאט צו דערלייגן מיט אזא אקציע?

(רוסלאנד דערלייגט אסאך געלט).

[תירוצים]

ס'איז נעבעך א טאקער מוח פארפוילטקייט וואס לויטעט אז מען מוז באשולדיגן די פאראייניגטע שטאַטן און ריינוואשן פוטין, אפגעזען ווי שטארק היסטאריע און לאגיק זאגן פארקערט.

טאקער'ס פוטין-גלעטנדע קרומקייטן זענען ברייט אויפגעשפילט געווארן דורכאויס די רוסישע מידיע, ווי עס געשעט אפט אין די לעצטערע יארן, ספעציעל זינט די רוסישע אינוואזיע וואס טאקער איז געווען פארנומען צו לייקענען און בארעכטיגן ביזן שקיעה פאר די "ספעציעלע אפעראציע" האט זיך פאקטיש אנגעהויבן, און נאכדעם.

ביז ווילאנג דו פרעגסט אים נישט אפ איז עס נאכנישט קיין מוח פארפוילטקייט ער האט כמה ראיות צו זיין זייט און דו קענסט האלטן אנדערש ס'איז דיין לאגיק וואס זאגט אנדערש .

אויב ער האלט אז דאס איז די אמת קומט נישט אריין דא צי די רוסישע מידיע האט עס יא אדער נישט אויפגעשפילט.

[מים חיים]

צק
רוסלאנד