די קעפל, די אנקעטע, און די גאנצע טענה'ריי ווייסט אן אויף אן אינטערסאנטע אין אמעריקאנע פאליטיקס און מעגליך אפילו די שורש פון אמעריקאנער דעמאקראטיע.
דאס איז די 'מעגליכע' פאקט אז אין איין וועג אדער א צווייטע איז די אמעריקאנער רעגירונג סטרוקטור, די לאנד'ס פאליטישע ווינט, און די בירגער זעלבסט גענצליך צעפאלן און מעגליך די ענדע פון אמעריקאנער דעמאקראטיע.
פאר איר שרייט מיר אן, טראכט א מינוט.
ביידע זייטן אינעם וויכוח זענען מודה אז עס קומט פאר טיפע קארופציע, דיקטאטורישע אקטן, און באוועגונגען וואס ארבעט מיט'ן ציל אונטערצוברענגען דעמאקראטיע אין אמעריקע.
די איינציגסטע זאך איבער וואס די צוויי זייטן קריגן זיך איז 'ווער זענען די פאררערטער און ווער זענען אנטי דעמאקראטיע'.
דאס פירט צום מסקנא אז אלס אן אינדעפענדענט/מאדערעט/צענטריסט אדער סתם אויב מ'טרעט ארויס פונעם אייגענעם מיינונג פאר א מינוט, איז עס אביסעלע שרעקעדיג. נישט קיין חילוק וועלכע זייט איך גלייב, קיין חילוק וועלכע זייט איז שולדיג, ווערן יעצט געטאן אינערהאלב די אמעריקאנער פאליטיקאנטן און ביי פראקסי אויך אמעריקאנער בירגער אקטן וואס טאר נישט געטון ווערן. נישט סתם אקטן וואס טאר נישט געטון ווערן, אבער אקטן וואס ווען מ'טוט דאס איז עס אנטקעגן די שורש פון פרייהיייט.
אלזא, אנשטאט צו טראכטן וועם איך זאל גלייבן, ברויך איך אנהייבן טראכטן 'געוואלד מיר פאלן אין תהום אריין', און מיר קענען גארנישט טון! ווייל איינע פון די צוויי זייטן זענען שוין טיף פארמישט אין אונטערברענגען אמעריקאנער פרייהייט.
לאמיר אנהייבן מיט די דעמאקראטן.
די דעמאקראטן טענה'ן אז טראמפ האט מעגליך קאלאבארירט מיט רוסלאנד, געפירט אן אויפשטאנד, אומלעגאלע אפמאכן מיט אוקריינא (עפעס אזוי), באהאלטן קלאסיפיצירטע דאקומענטן וואס ווערט גערעכנט אלס א פארראט. ער איז א דיקטאטור וואס אויב פירט ער אויס וועט ער קאנטראלירן אמעריקע אומ-דעמאקראטיש. ער איז א דעמאגאג וואס האט די מעגליכקייט צו אויפהייטערן מאסן וואס וועלן גלייבן אין אלע סארט 'קאנספיראציעס' און גיין פאר פייער און פאר וואסער צו טון וואס ער זאגט, קיין חילוק ווי נישט נארמאל דאס איז.
לויט די דעמאקראטן איז ער מעגליך באגאנגען צענדליגע פארברעכנס, פון טעקס פראוד, עמבעזלמענט, אויסנארן אנדערע פינאנציעל, אטאקירן פרויען, באשמירן געוויסע פערזאנען (דעפעמיעשאן), אויסנארן אינוועסטארס, מיסבאנוץ פון אינאגורעשאן פאנדס, אקטן אנטקעגן די ציוויל רייטס וואטינג אקט, געלט פראוד אין סקאטלאנד, אינשורענס פראוד, עלעקשאן אינטערפערענס, אריינשליידערן פאליטישע שונאים און תפיסה (מייקל קאהען), און איך בין זיכער אז די אנטי טראמפ דא קענען צולייגן מער טענות.
אין צוגאב טענה'ן אסאך אז ער אליינס איז פשוט א געפאר פאר דעמאקראטיע, א מענטש וואס אונטער קיין שום פאל זאל האבן סיי וועלכע פאליטישע כוח.
אוודאי גלייבן נישט אלע דעמאקראטן/אנטי טראמפ (אפשר עקסטרעמע) אין יעדע איינציגע פון די אויבנדערמאנטע באשולדיגונגען, אבער אפילו אויב נאר א חלק דערפון איז אמת, איז שוידערליך און שרעקעדיג אז אזא איינער האט באקומען אזויפיל מאכט און געמאכט אזויפיל דעמעדזש צו אמעריקע.
רבותי, באשייגעצט מיר נישט אלס אן אנטי טראמפ, ביטע. איך פרוביר נאר ארויסצוברענגען א נקודה.
טענות פון טראמפ שטיצער, רעפובליקאנער, און קאנסערוואטיווע אדער אלט-רייט גרופעס.
דעמאקראטן אדער סיי וועלכע טראמפ קעגנער באגייען שרעקליך אומ-דעמאקראטישע אקטן אבי אריינצושליידערן טראמפ אינעם תהום, נישט נאר טראמפ, אבער זיי פירן דאס לאנד דיקטאטוריש און צוימען אמעריקאנער בירגער רעכטן.
זיי טוען סיי וואס וואס צו בלייבן אין מאכט, קיין חילוק ווי אומ-מענטשליך אדער אומ-קאנסטיטוציאנאל עס איז.
הילערי אימעילס, הילערי/עפשטיין, דיעפ סטעיט, פוטין סטייל פאליטישע רדיפות, האנטער ביידען, פעלשן וואלן, מידיא קאנטראל, צונעמען פרייהייט פון אויסדרוק, אבאמא קאנטראלירט נאכאלס וואשינגטאן, ביידען קאלעכט און איז א סכנה צו זיין פרעזידענט, סאשעליסטס, בל"מ טעראריסטן, מולער פאליטיקעל וויטשהאנט, ניצן קאראנע צו קאנטראלירן אמעריקאנער, צווינגען וואקסינס, צונעמען גאן רעכטן, קארפארעט אמעריקע, פרישע וואלן רעגולאציעס צו באקומען מער שטימען, אימיגראנטן צו באקומען מער שטימען, שעדליכע פראפאגאנדע.
די פרא טראמפ קענען פארלענגערן די ליסטע.
ווידעראמאל שרייט מיר נישט אן, דאס איז נאר צו מאכן א פוינט.
וואס מיינט דאס פאר מיר?
די בעסטע 'מציאות' וואלט געווען אז ביידע זייטן זענען בעצם גוט, נאר ביידע זייטן מאכן אויף שטותים צו באשמיצן די אנדערע. דאס איז נישט געוואלדיג, אבער עטליסט זענען זיי נישט גענצליך קארופטירט.
אבער די אפציע איז די שווערסטע צו גלייבן.
זענען ביידע זייטן קארופטירט? מעגליך. דאס איז די ערגסטע אפציע. די קשיא איז אויך אויף ווי ווייט. אויב זענען ביידע זייטן קארופטירט צו די פוינט אז זיי זענען ביידע א געפאר צו דעמאקראטיע, דאן זעמיר ממש הילפלאז. אפי' אויב מ'וויל עפעס טון דערוועגן, ווי אזוי איבערצייגט מען די חסידים פון ביידע זייטן זיך צו פאראייניגן אנטקעגן ברייטע קארופטירטע זייטן?
די יעצטיגע מצב אין וואס כמעט יעדער נעמט א זייט, און פרובירט צו טון דאס בעסטע צו באשיצן דאס לאנד פון די אנדערע זייט.
דאס איז אבער פונקט אזוי שלעכט.
אויב די צוקונפט פונעם לאנד, די פערזענליכע פרייהייט, בעיסיק דעמאקראטיע איז אן די ליין, דאן ווי אזוי קען מען זיך פארלאזן גענוג שטארק אז איין זייט איז גערעכט? וואס איז אויב מ'מאכט א טעות און מ'געפינט אויס אז מ'האט גאר געהאלפן די קארופטירטע?
ווייס איך, דער פשוט'ער בירגער, גענוג צו קענען דערגיין וועלכע זייט איז די אמת'ע געפאר? אויב איין זייט איז גענוג קארופטירט צו קענען ארייננארן האלב פון די פאפולאציע, דאן ווי אזוי איז מעגליך פאר א פשוט'ע בירגער צו דערגיין דעם אמת אין אזא עולם השקר?
איך זע אפאר אפציעס. איינס, מ'נעמט אן אז ביידע זענען קארופטירט און מ'באקוקט ביידע סקעפטיש ביז מ'קען אביסעלע דערשנאפן מער וואס עס גייט פאר, אבער דער עיקר איז זיך נישט צו לאזן פארקויפן פאר קיין איין זייט.
די צווייטע אפציע איז צו אננעמען אז ביידע זייטן זענען טאקע קארופטירט אבער די יסודות פון אמעריקאנער דעמאקראטיע זענען שטערקער און מיר וועלן עס איבערלעבן. די אמת פון ביידע זייטן וועט ארויפשווימען, ביידע וועלן קראכן, און די אמעריקאנע בירגער וועלן זיין גענוג שטארק זיך צוזאמענקומען און צוריקשטעלן די רעגירונג על תילה.
די דריטע אפציע איז אנצונעמען אז ביידע זייטן זענען מילד קארופטירט און ביידע זייטן אינפלעיטן די אנדערע זייט'ס קארופציע. דאס איז טאקע נישט גוט , אבער למעשה וועלן ביידע אויסלויפן פון שטאף. עס וועט אנגיין הין און צוריק ביז די אמעריקאנער וועלן כאפן וואס עס קומט פאר און די פאליטיקאנטן וועלן זיך מוזן אנהייבן רעכענען מיט די בירגער, אדער וועלן זיי ביידע פארלירן דאס פאלק'ס קאנפידענץ.
לכאורה דא נאך אפציעס וואס מ'דארף דורכטראכטן.
פאר מיר פערזענליך, איז קלויבן איין זייט און נאר איין זייט, נישט קיין קיין אפציע. איך זע נישט, עט דאס פוינט, אז עס איז א קלוגע שריט זיך צו לייגן נאר אונטער איין זייט און נעמען די ריזיקע פון בטעות העלפן די שלעכטע זייט.