גאלע האט געשריבן:עקספערטן ווארענען איבער ערנסטע געפאר אז אין נעקסטע יאר צייט וועט פוטין אונטערנעמען אינוואזיעס אין עטליכע לענדער
די עקספּערטן זאָגן אַז פּונקט ווי מען האָט נישט עכט ערוואַרטעט אַז פּוטין וועט טאַקע אינוואַדירן אוקראַינע, קען מען נישט וואוסן וואָס ער פּלאַנירט נעקסט. לויט די עקספּערטן איז דאָ א שטאַרקע מעגליכקייט אַז אין די נעקסטע יאָר צייט וועט די רוסישע אַרמיי עפענען אינוואַזיע פראָנטן אין עטליכע אייראָפּעאישע לענדער אויפאַמאָל.
https://www.yiddish24.com/news/bulletin/64990
ווי ווייט איך קען פוטין, איז ער נישט קיין המספיק פאציענט מיט געצוימטע מח באגרעניצונגען. אמת אסאך רוסישע מידיא פראפאגאנדיסטן וואלטן געקענט נוצן אביסל טאבלעטן פונעם אפטייק געוועלב, און פאר זיי פאסט אזוינע רעטאריק. אבער קענסט זיצן רואיג, די צווייט שטערקסטע ארמיי אין די וועלט איז גרייט צו בלייבן די צווייט שטערקסטע ארמיי אין אוקריינא, אבער זיי זענען בכלל נישט גרייט צו ווערן די צווייט שטערקסטע ארמיי אין רוסלאנד..
די מוטער זאל געזונט ווערן האט שוין מפיל געווען גאר אסאך פון די געטרייע קינדער אין אוקריינא, און א גאר שיינע פארציע פון די געלונגענע ספעציעלע טרופן וואס נעמט יארן צו מושטירן, א שטייגער ווי די אמעריקאנע נעיווי סיעלס וכו'.. די פראדוקציע פון די רוסישע קרעפטן ווערט נישט געמאכט איבער נאכט. די מאמע האט געש'נדר'ט א שיין ביסל טאנקן פאר אוקריינא אלץ א צייגונג פון גוטן ווילן.. נייע טאנקן ווערט נישט פאבריצירט איבער נאכט, עס וועט נעמען א דור מיט יארן צוריק אנצופילן די אינווענטארי מיט טאנקן אנצוקומען צום נומער ווי זיי האבן געהאלטן בעפאר דעם קריג.. דאס זעלביגע ברויך געזאגט ווערן ווען עס קומט צו פליגער'ס און העליקאפטער'ס, די מאמע האט דארטן אויך אוועקגעטיילט מיט א ברייטהארציגקייט ברוח נדיבה, און ס'ווערט נישט באשאפן נייע דעם אנדערן טאג.. און די נייע וואס ווערט יא געשאפן, ברויך א בעל עגלה וואס זאל דאס פירן, און דאס ווערט אויך נישט געשאפן איבער נאכט.. אמוניצע צו קענען פירן א גרויסע קריג נעמט יאאאאארן צו מאכן, און סטארידזשן.. עס גייט נישט איבער נאכט.. די מוטער זאל זיך מיה'ן אין לעכטיגן גיהנם האט גאר שטארקע באגרעניצונגען צו קענען פראדיצירן קלוגע מיסיל וואס גרייכן צום ציהל, יא זי האט נאך מן הסתם א שיין ביסל מיסיל'ס אין איהר באזיץ וואס קען גרייכן דעם אויווען ביים בעקער אינדערהיים, אדער דעם שכן'ס וויינגארטן, אבער דארטן שטעלט זיך עס אפ..
די מאמע'ס קינדער וואס זענען נאך איבערגעבליבן אינעם מוטער-לאנד ווילן דערווייל בלייבן אונטער'ן מאמע'ס פארטוך, און ווילן בשום אופן דערווייל זיך אנשליסן אין די מאמע'ס ארמיי, אויס זארג אז מ'וועט זיי שיקן קיין אוקריינא וואס איז די צווייט שוואכסטע ארמיי אין אוקריינא דערווייל.. די מסירת נפש פאר די מאמע איז היבש שוואך געווארן די לעצטע חדשים זינט מ'ווערט געוואויר צוביסלעך אין לאנד איבער די מאמע'ס פעיגקייטן זיך אן עצה צו געבן מיט איינס פון די גרעסטע קארופטירטע לענדער וואס האבן ביז לעצטנס פארמאגט א מיליטער וואס וואלט אפשר צוניץ געקומען פאר א קינדער בילדער העפט, אבער זה הוא.. קלערסטו אז אויב וועלן זיי עפענען א פראנט מיט אנדערע לענדער וואס זענען אסאך בעסער מושטירט ווי אוקריינא, וועט די מאמע קענען טרעפן מסירת נפש'דיגע עסקנים וואס זאלן זיין גרייט מ'זאל מאכן פון זיי איינגעמאכטס לקדש שמה זי'קאאלעכט?
די מאמע'ס סדרנים האבן א שיין ביסל איבערגעגעבן זייער לעבן אלץ דרשה געשאנק פאר די מאמע, די אנדערע ביסל וואס זענען נאך איבערגעבליבן, האט די מאמע א גרויס חלק פון זיי אפגעשיקט אויף אפרוה אין א קור-ארט אלץ אנערקענונג און אויסצייכענונג פון זייער געלונגענע ארבייט אין אוקריינא.. מ'האט אויפגענומען א שיין ביסל נייע סדרנים וואס זאלן מסדר זיין די מעמדים אויפן פראנט, ס'האט גענומען א זעלטן געמאכטן ליפערונג פליגער צו קענען ברענגען פון די מאמע'ס סטאריטדזש, א סדרן אזוי גרויס ווי האלב אוקריינע וואס מ'ברויך דריי רעסטוראנטן וואס זאלן ארבייטן ארום דעם זייגער צו קענען צושטעלן בלויז איין פרישטאג פאר דעם סדרן, קלערסטו מ'וועט אים קענען ליפערען אזוי שמיר נישט דוכן נישט אויף עטליכע פראנטן מיט אזא דריי מיטן קאפל? עס נעמט יאאאאאארן צו מושטירן א סדרן, ספעציעל די העכערע סארט סדרנים וואס שטייען ביים אויבן אן לעבן דעם רעבין.. און ס'טוישט זיך נישט אזוי סדרנים פון איין טאג אויפן צווייטן, און אויב יא, דאן ווערט עס די צווייט גרעסטע ארמיי וואס קען צוניץ קומען פאר א קינדער בילדער העפט..
פירן א מלחמה אמאל, האט געמיינט יארן צוגרייטונגען דערפאר, מושטירונגען אויפן בעסטן פארנעם, מיט סדרנים פונעם העכסטן קוואליטעיט וואס האבן האבן געקענט אויפקומען מיט געדאנקן צו אויסשפילן דעם צד שכנגד, היינט האט די טעכנילאגיע געגעבן דעם צד שכנגד זאל האבן צוטריט צו די אלע סדרנים און מיטהאלטן די פלענער ערשט-האנטיג.. אמאל האט מען געקענט אנגרייטן אן אנפאל בסוד סודות אנדעם וואס די שונא זאל אנמערקן פארדעם, גערופן די עלעמענט אויף סורפרייז, היינט איז דא סאטעלייט מיט דראונס און פיל נאך וואס זענען אייניגע שותפים און די סודות'פולע אנגרייטונגען.. מיר לעבן אין א נייע עפאכע, וואס האט אמאל געמיינט די צווייט שטערקסטע לאנד מיט די מערסטע טאנקן איז היינט די שטערקסטע לאנד מיט די מערסטע צאל טויטע סאלדאטן זינט די צווייטע וועלט קריג..
אלזא געב איבער פאר די עקספערטן, ס'איז דא א באנק אין סענטראל פארק אין מאנהעטן, א שיינע פאנאראמע, זיי קענען זיך ערלויבן זיך אפצוריהן און שעפן אביסל פרישע לופט, זיי ברויכן קומען צו זיך... זעהט אויס די חדשים לאנגע מלחמה האט געהאט שטארקע אפעקטן אויף זיי, נישט געפערליך, מאכט זיך ביי די שענסטע משפחות..