ער זאגט פאר אז ער גייט האבן א אונטערעסאנטע שמועס די וואך! וועל מיר ווארטן מיט שפאנונג.
אין אלגעמיין איז די שמועס קורצער אבער גיט א גוטע פערספעקטיוו פונעם מצב אויפן פראנט איבער די לעצטע וואך און וואס צו ערווארטן אין די קומענדיגע וואכן, עס איז עטוואס מער אינטערעסאנט ווי געווענטליך פאר די וואס ווילן סעטן עקספעטעישענס.
ער זאגט אז ער האט באקומען פרישע רוסישע אינפארמאציע פון די ערשטע פיר טעג פונעם אינוואזיע, און ער וועט די וואך ארויסלייגן א לענגערע באנהאנדלונג, דאס דארף צו זיין זייער אינטערעסאנט, אלץ א טעימה קלה פארציילט ער אז איינס פון די סמעטענע רוסישע בריגאדע'ס האבן פארלוירן פופציג פראצענט פון זייער פערסאנעל אין די ערשטע פאר טאג, די שמועס קען זיין גאר אונטערסאנט.
ער זאגט אז ער גייט היינט האבן א שמועס מסביר צו זיין פארוואס ער האלט אז די רוסישע ארלאן 10 איז די בעסטע דראון פאר די צוועק פון די איצטיגע מלחמה, פיל בעסער פון בייראקטער, אבער מבין שורותיו קען מען הערן אז ער מיינט געוויס צו זאגן אז די ארלאן 10 איז פיל בעסער פאר שפיאנאזש, ער רעדט נישט דוקא פון אטאקירן, ווי אויך, די עיקר נקודה זיינע איז אז די ארלאן 10 איז א ביליגע כלי און רוסלאנד קען זיך ערלויבן צו פארלירן יעדן טאג א פאר שטיק דערפון.
אויפן פראנט האט ער זייער קלאר מסביר געווען פארוואס ער זעט א שוואכקייט אין די אוקריינישע קרעפטן אנטקעגן וויאזוי זיי פלעגן זיין, ער צייגט אן אז די אוקריינע ווידערשטאנד אין סווערידאנעטסק האט אנגעהאלטן דאפעלט אזוי לאנג ווי די ווידערשטאנד אין ליסיטשאנסק, דאס דארף צייגן אז די אוקריינער האבן שוין נישט די מאראל אדער מעגליכקייט צו פארטיידיגן זייערע פאזיציעס אזוי ווי זיי פלעגן אמאל טאן.
אין אמת אריין דאס פאלן פון ליסיטשאנסק איז שוין א דאמינאו עפעקט, אפגעזען ווי שטארק די אוקריינע מאראל אדער אמוציע רעזערווען זאלן נאר זיין וואלט עס זיי געווען דאפעלט אזוי שווער צו פארטיידיגן ליסיטשאנסק ווי סווערידאנעטסק, סיי ווייל די לאגיסטיקס איז איצט פיל שווערער, פילע ראודס וואס פלעגן אריינפירן סחורה צום סאמע שפיץ מזרח פראנט זענען שוין איצט טאטאל צושמעטערט, און סיי ווייל זיי זענען שוין געווען מער ארומגענומען אין ליסיטאשנסק ווי זיי זענען געווען בעפאר די אטאקע אויף סווערידאנעטסק, אבער עס איז זיכער אז די ארמיי אליין האט אויך געליטן ביטערע שאדן און דאס ערזעצט זיך נישט אזוי שנעל.
די נקודה וואס איז די מערסט סטראטעגיש וויכטיג איז אבער די מצב אויפן פראנט, ער צייגט אן אז די אוקריינער האבן פארלאזט ליסיטאשנטסק אין א האסטיגע כאאטישע אנטלויף אפעראציע, דאס האט זיי נישט געגעבן די מעגליכקייט אויפצובויען א פרישע דיפענס ליניע אביסל אריינציר פון ליסיטשאנסק, און די רוסן האבן שוין פארכאפט אדער עכ''פ אריינגעשטעקט זייערע נעגל אין די דערנעבענדיגע וויכטיגע וויליזשעס, און די פראבלעם איז אז די דערנעבענדיגע וויליזשעס האבן פיינע דיפענס פאזיציעס, אבער אז מען האט דאס פארלוירן וועלן די אוקריינער זיך מוזן ציען א שיינע מרחק ווייט פון די גאנצע געגענט דארטן צוליב די טאפאגראפיע וואס גיט א שטארקע אויבערהאנט פאר די וואס שטייען אין ליסיטשאנסק אין די דערנעבענדיגע וויליזשעס, פון דארט אין ווייטער קומט א טאל און די אוקריינער וועלן זיך נישט קענען באשיצן דארטן, אלזא וועלן זיי מוזן אנטלויפן ביז נאכן פלוין און זיך פלאצירן ביי די בערג וואס איז א שטיקל מהלך ווייטער.
אין זיין מיינונג, אויב וואלטן די אוקריינער פארלאזט ליסיטשאנסק א פאר טאג פריער און זיך באפעסטיגט אין די אומגעגענט וואלטן זיין נאך אפשר געהאט א שאנס צו פירן א ווידערשטאנד פון די וויליזשעס דערנעבן, אבער איצט אז זיי האבן געמוזט אנטלויפן און די אנטלויף איז פארגעקומען האסטיג אן קיין ארדענונג איז שוין געווען צו שפעט צו שטעלן א נייע פראנט פון דערנאנט.
אין אלגעמיין קוקט אויס א גאנצע צייט אז ער איז טאקע מער אינטערעסירט אז אוקריינע זאל געווינען אבער ער צייגט כסדר א ווידערווילן קעגן די ארטיגע פירער, ער קוקט אויס ווי פארביסן קעגן סאוויעטישע כאראקטער שטריכן וואס מען געפינט נאך היינט אין אוקריינע און ער וועט אפטמאל באשולדיגן די ארטיגע רעגירונג אז זיי האנדלן נאריש, און ער וועט אלעמאל ענדערש געבן קרעדיט פאר די יונגע אינדיווידיואלע זעלנער אויפן פראנט ווי איידער פאר די מיליטערישע פירערשאפט וועם ער באטראכט ווי אמאליגע סאוויעטישע גענעראלן.
זקן מלא רחמים.