ידיד כל חי האט געשריבן:נייע שטאט האט געשריבן:דערבארומדיג'ער האט געשריבן:עולם האמת האט געשריבן:
אבי געהאקט
ער ווייזט אן אויף גאר אסאך טאנקן און טראקס וואס ארבעטן פיין און נישט חרוב
און ער איז גערעכט
איך רעספערטיר זייער שטארק דיין מיינונג, אבער איך מיין אז דאסמאל וועל איך זיך קריגן מיט דיינע לעצטע ווערטער און זאגן אז דער בעל דרשן פון דפ''א רעדט דארט הוילע שטותים אונטערן איינפלוסט פון זיין האפענונג אז די רוסן גייען געווינען די קריג.
ווען דפ''א קומט זאגן נאך א לאנגע אומאויפהערליכע קייט פון רוסישע דורעכפעלער איינס נאכן צווייטן ברצופות, אז די רוסן גייען סיי ווי געווינען! און ער אנערקענט נישט אז די רוסן זענען נארוואס דורעכגעפאלן מיט א מיאוסע פלאפ אין זייער לעצטיגע פראבע צו רוקן די מאפע, ווען ער נעמט צוזאם עטליכע בילדער פון געשענישן וואס זענען ווארשיינליך נישט פארגעקומען אין די זעלבע צייט און ער מאכט דערפון איין קוגל, ווען ער האקט א קאפ מיט טאנקן וואס "זענען אקטיוו אויף די מינוט" ווי גלייך די מעשה האט זיך תיכף דערנאך געענדיגט, איז לענ''ד נישט אויסגעהאלטן צו זאגן אז ער רעדט צום זאך.
שכח, איך האב די אלע זאכן "געשפירט אין די לופט" בשעת מ'הערט דעם חברה מאן רעדן אין די אפדעיט, איך האב עס נאר נישט געוואוסט וואו אנצוכאפן, נישט האבנדיג די קלארקייט און ערפארונג, די עיקר פלעג איך זען אז וואסערע שטאט אדער שטעטל רוסלאנד האט פארלוירן האט ער געזאגט מ'דארף עס נישט און עס איז במילא א שאד עס צו האלטן דערווייל, אבער יעדע אוקריינע פארלוסט אדער ריקצוג איז געווען א גאנצע בראטל, בשעת ווען ס'איז זעלבסט פארשטענדליך אז דער מאנסטער בער רוסלאנד וואלט געדארפט ווען אלעס קלאפט אויפעסן אוקריינע בקינוח סעודה און לויט ממש אלע האט אוקריינע נישט געהאט קיין זכות קיום פון אנפאנג און זיי געבן ביטערע קלעפ פארן רוס, כמעט להבדיל אלף אלפי הבדלות וואו דוד שמייסט אריין אין גלית'ן, דאס האט ער אוועקגעמאכט.
געוואלדיג, דערבארימדיגער!!
עס איז דא נאך צוצולייגן, אבער צו זיין אביסול מער אבדזשעקטיוו, די פרא-מערב וועלט מידיא, טוט אויך פון צייט צו צייט די זאך, אז ווען די אוקריינער פארלירן, זינגט מען די ניגון, אז מען דארף עס נישט, לדוגמא, "ראבערט טערקלא" (speak the Truth) ביי די נושא פון אייננעמען "פאפאסנא", וואס איז בעצם זייער א סטראטעגישע שטעטל, ווייל די רוסן האבן פראבירט פון אלע וועגן וואכן לאנג, צו אויפברעכן די דעפענס ליינס פון די רוסן, און למעשה האבן זיי געטראפן פאפאסנא (און נאכן עס מאכן א גל של עצמות, במלוא מובן המילה), וואו זיי האבן געטראפן א וועג אריין, האט ער געזאגט: אז בעצם איז עס גארנישט ווערט, ווייל עס איז שוין סייוויסיי חרוב, וואס דאס איז די זעלבע געדאנק, נעמען די דורכפאל און עס מאכן פאר א קלייניגקייט.
אזוי אויך ביי כערסאן (קערסאן בלע"ז) איז געווען אזעלכע וואס האבן געזאגט אז די אוקריינער האבן געמאכט א סטראטעגישע ריקצוג.
אבער בכלליות אזי עס זייער ריכטיג, אז דער דפ"א, איז פרא-רוסלאנד.
די היינטיגע דפ"א אנאליז (עס איז נאכנישט ארויס לאור עולם, די מערכת פון חוט המשולש ווארט אויף @ הייסע קאווע, זאל עס כשר'ן, און היינט איז עס א שווערע ארבעט, אגב איז דא די פלאץ צו באדאנקן @הייסע קאווע, וואס ארבעט אויסטערליש שווער, צו כשר'ן סחורה פאר אידישע קינדער, און אלעס שלא על מנת לקבל פרס, בדין הוא שיטול שכרו,
דא איז א לינק וואו חברים ארבעטן אים צו אויפהייבן צו א נייע פאזישען), רעדט ער אויך צוזאם אז אוקריינע איז א מעכטיגע לאנד, און עס קען נישט זיין אז די רוסן האבן געוואלט אייננעמען אוקריינע, ווייל אויב ווילן זיי אייננעמען א לאנד, דארפן זיי ענדערש נעמען א שוואכע לאנד ווי עסטאניע, אדער מאלדאווא, אלא מאי, די רוסן האבן נאר געוואלט באפרייען (לשונו...) לואנסק און דאנעטצק.
און אזוי אויך ביי זיינע מאפעס (איינער האט שוין געשריבן דאס אין די אשכול, איך געדענק נישט ווער..) איז קרימיע א חלק פון רוסלאנד (אמער, רוסלאנד האט דאך עס אנעקסירט....), און אויך זאגט ער נישט מלחמה, נאר רוסישע ספעשל אפערישען.......