Programming האט געשריבן:מסתמא האט געשריבן:בדרך אפשר האט געשריבן:Programming האט געשריבן:איך ווייס נישט פונקטליך וואס זייערע חשבונות זענען. איך שפעקוליר נאר אז ווען מען קוקט אן דעם פאל מיט קינדערישע גלעזער, פון א אומאינפארמירטן שטאנדפונקט, איז זייער גרינג ארויס צו שאקלען פון ארבל קללות און אויסנוצן די ענערגיע זיך צו עסן דאס געזונט אויף די בריטישע רשעים ארורים אנשטאט וויינען אויף די עצם טראגעדיע פון די משפחה. אבער אויב זעהט מען אז די צוגאנג אין די ריעל ווארלד איז אביסל אנדערש פארשטייט מען אז עס איז אביסל פארפארן.
אויב אבער זאגסטו אז צו שרייבן דאס אין פובליק קען איינעם חלילה וויי טון, מעק איך עס גערן אויס
וואס איר זאגט דערמאנט אביסל וואס כהאב געפילט ווען מהאט זיך געשלאגן ווער סאיז שולדיג און מירון.
האטלסט נישט אז דאס איז פי כמה ערגער?
די איידיע איז אז ביי ביידע איז מען געווען ביזי זוכן א "שולדיגער" אויף וועם אויסצוגיסן די כעס און צארן אנשטאט פשוט ווייטאגן און וויינען
דא איז געווען א שווערע, ווייטאגליכע פאל וויאזוי מען וויל עס נאר דרייען. די "עיקר" טראגעדיע דא וואלט פונקט אזוי געווען אויב נניח עס איז טאקע דא א דיין וואס האט מתיר געווען (עז פאר עז איי רעמעמבער ביסטו דער ערשטער אויפצוברענגען אזא טענה דא אויפן וועלטל, פארשטייט זיך אז דו ביסט נישט דער רשע ווייל דו האסט זיך געוואשן דיינע הענט אז ס'איז "רשעות'דיגע סאשעל מידיא שמועות"), און נניח אז די עלטערן וואלטן מיט א שווער פארווייטאגט הארץ אנגענומען די הוראה פון יענעם דיין, וואלט די טראגעדיע געווען מער ווייניגער די זעלבע גרויס, הגם לויט ווי דו הערסט נישט אויף צו שרייבן וואלט מען פון דיר נישט געקענט באקומען א צענטל די סימפאטיע ווי איצט.
דאס באדייט אז דער "ווייטאג פון די משפחה" און אלע אנדערע פראזן וואס דו נוצט גייט דיר גאנץ ווייניג אן. דו זוכסט נישט ארויס צו העלפן די משפחה מיט טאט און ראט, סיי דורכאויס די גאנצע שווערע תקופה, און סיי יעצט; די איינציגסטע זאך וואס דו ביסט דא איז אונז צו געבן דיין פון פאראויס אפגעמאכטע מיינונג איבער די "לינקע ליבעראלן", און דו שפירסט אז די פרשה גיבט דיר אסאך שטאף. דו ווילסט דאס פארוואנדלען אין א אנעדיוקעיטעד (סארי פעיק...) רעפערענדום איבער פאבליק פאליסי אין די מערב וועלט, און דו שפירסט די נויט דאס צו טון דוקא אויפן בלוט פון די צובראכענע פאמיליע.
נו נו, אבער דא און יעצט איז נישט דוקא די פאסיגע צייט פאר די דיסקוסיע. עס פעלן דא די גאונים אדער פשוט'ע יודעי ספר וואס קענען די הלכה'דיגע בליק דערויף; די אינטערנאציאנאלע געזעץ מומחים וועלכע זענען באקאנט מיט די קאמפליצירטע לעגאלע קאנצעפטן וועלכע שפילן דא א ראלע, און מען איז זייער געבינדן מיט וואס מען קען שרייבן וויבאלד עס רעדט זיך דא פון אידיש בלוט. מען קען אפילו אננעמען אז די סיסטעם האט אין דעם פאל געפעילד, און דער ספעציפישער פאל איז בכלל נישט די נושא, אבער אפילו א דין ודברים בכלליות איבער די צוגאנג ווערט דורך דיר באקרוינט אלס בלוטיגע רמזים אויף דעם ספעציפישן קעיס, און בעיסיקלי ווילסטו נאר יעדער זאל איצט אננעמען דיין העכסט אומאינפארמירטע און אומריכטיגע מיינונג אויף אזא קאמפליצירטע ווייטאגליכע שאלה. עס ארבעט אבער נישט אזוי.
זייער פראזענליך...........
