אסדר לסעודתא האט געשריבן:שמואל בארג האט געשריבן:טעראר איז א מיטל אין מלחמה, כאמאס קען נישט טון עפעס אנדערש צוליב זייערע שוואכע מעגליכקייטן, ירדן זענען גלויביגע גענוי ווי כאמאס, אבער זיי האבן די מלוכה ברויכן זיי נישט נוצן טעראר.
וואס איז מיט כיזבאלא? זיי זענען אויך נישט קיין טעראריסטן בכלל, והא ראיה זיי זענען שטיל...
איר דארף בלויז אביסל עדוקאציע איבער די היסטאריע פון די גרופעס וזהו.
כאמאס - אזויווי אסאך אנדערע טעראריסטישע גרופעס, ובפרט זייער מאמע איסלאמיק בראדערהוד - איז א סאציאלע גרופע, וואס איז פארנומען מיט חינוך, געזונט, חסד (אזויווי די הערסט...), ועוד ועוד. זיי האבן אויפגעשטעלט שפיטעלער, און בתי חינוך וכדו'. צוביסלעך, ווען זייער השפעה איז געווארן גרעסער זענען זיי געווארן א פאליטישע כח אינערהאלב די פאלעסטינער געמיינדע (להבדיל אלף אלפי הבדלות, וויאזוי אגו"י שטעלט זיך פאר, צו אויפטוהן פאר אידישקייט וכדו' און אינאיינוועגס אויך מישן אין פאליטיק. קוק אן די ש"ס פארטיי, וואס האט אויפגעשטעלט א ריזיגע נעץ פון בתי חינוך, און איז אויך א פאליטישע מאכט).
אויך האבן זיי א פליגל פון מיליטער, וואס האט א ציהל צו באפרייען ארץ ישראל פון אירע אקופאנטן.
מיר אלע ווייסן אז זייער אלע וואוילטעטיגע אקטן זענען אלעס פאר איין ציהל, צו בויען זייער מיליטאנטן גרופע, אבער פארט פארקערפערט די ארגאניזאציע צוויי באזונדערע כוחות.
די מהלך וויאזוי צו באפרייען ארץ ישראל איז דורך טארעריסטישע שטיק, וויבאלד נאר דאס איז אין זייערע יכולת, זאל דער אויבערשטער אפהיטן כלל ישראל, זיי זאלן ח"ו נישט צוקומען צו עפעס מער.
דערפאר איז 'נישט' שייך אפצולערנען די דעת הקהל אין עזה, פון דעם וואס זיי האבן געוואונען די וואלן (די גאנצע גרופע באשטייט 'לויט די איזרעאלישע השערות' [וואס איז נחשד צו מגזם זיין] פון לערך 6-8 טויזנט קעמפער, פון א באפעלקערונג פון איבער צוויי מיליאן).
און דערפאר האבן זיי 'צענדליגע' פירער, וויבאלד דאס פארקערפערט מער ווי איין ציהל און פונקציע, און יעדע זאך כשלעצמו האט זיך אנדערע פירער'ס (כ'וויל נישט זאגן הויך, ועוד מעט וסקלונו, אבער נישט יעדע הויכראנגיגע חמאס פירער איז בהכרח א טעראריסט).
דערפאר איז לאו דוקא ריכטיג אראפצוקנאקן יעדע בנין פון חמאס אקטיוויטעטן (כאטש איך פארשטיי אז זיי אליינס מאכן זיכער צו מישן איינס מיטן צווייטן, און אויטאמאטיש ווערט דאס א הכרח).
ועוד ועוד
די מדינה האט מצליח געווען זיי אפצומאלן פאר רוצחים און טעראריסטן 'צוליב רעליגיע', טעראר לשם שמים, א זאך וואס איז נישט ריכטיג.