פעיק ניוז האט געשריבן:טראמפ האט זיך געלאזט אינטערוויוען דורך שאן העניטי.
צווישן אנדערן דערציילט ער, אז זיין פלאן אין אפגאניסטאן איז געווען, צום ערשט ארויסנעמען די מערסטע טרופן שייך, דאן ארויסנעמען אלע אמעריקאנער און אמעריקאנער אליאירטע, אינאיינעם מיט די אלע טייערע וואפן וועלכע האבן זיך געפינען דארט. און הערשט דאן זאל מען פארטיגן דעם ארויסצי.
ער דערציילט אויך, אז ביי א געוויסן פונקט אינמיטן די פארהאנדלונגען האט ער געשיקט פאר'ן פירער פון די טאליבאן, א בילד פון זיין הויז. האט אים דער צווייטער געפרעגט, "פארוואס האסטו מיר געשיקט דעם בילד?" האט ער אים געענטפערט, "דאס דארפסטו אליין אויספיגערן... פון דעם יעצטיגן פונקט וואו מיר שטייען, גייען מיר מער נישט פארלירן קיין איין איינציגסטן זעלנער. אויב וועסטו טון סיי וואס, וועלן מיר דיר שלאגן שטערקער ווי סיי וועלכער לאנד איז אמאל געווארן געשלאגן". האט אים יענער געענטפערט, "איך פארשטיי, דיין עקסעלענץ". טראמפ האט צוגעלייגט, "ער האט מיר גערופן 'דיין עקסעלענץ, איך ווייס נישט אויב ער אזוי ביידען אויך..."
און ער פירט אויס, אז "מיר האבן נישט טאקע נישט פארלוירן קיין איין סאלדאט אין משך פון אכצן חדשים".
ער זאגט אויך, אז די 'באגראם' לופט-פעלד איז עפעס וואס מען האט נישט געטארט אויפגעבן. נישט אזוי ווייט פאר אינטערעסן אין אפגאניסטאן, נאר קעגן טשיינע. ער זאגט אז עס איז לאקירט איין שעה אוועק פון וואו טשיינע מאכט זייער נוקלעאר וואפן.
*
די מעלה מיט טראמפ איז, אז ער האט געוואוסט וואו מען דארף פארהאנדלען און וואו מען דארף רעדן גראד און שטארק. דאס איז אויך געווען דער וועג וויאזוי טראמפ האט געדיעלט מיט פוטין. דארט וואו ער האט געשפירט אז עס לוינט פאר אמעריקע זיך דורכצוקומען מיט רוסלאנד, איז ער געגאנגען אויף דעם וועג. דאקעגן ווען עס איז געקומען צו זיין שטרענג איז ער געווען שטרענגער, און בעיקר שארף קלארער פון סיי וועם. ער האט נישט געדרייט מיט'ן צונג אויף דיפלאמאטישע אופנים. ער האט געזאגט פאר פוטין, 'דו גייסט נישט צורירן אוקריינע'. מיט עטליכע חדשים צוריק האט ער געזאגט אין אן אינטערוויו, אז ווען ער איז פרעזידענט וואלט ער געסטראשעט פוטין מיט א נוקלעאר אטאקע.
די צוגאנג איז שטארק אין ליניע מיט וואס @פאלעסיידס שרייבט
דא, און געבט א סך צו פארשטיין פארוואס א סך האלטן אז אונטער טראמפ וואלט אזא מלחמה נישט פאסירט. עס זענען דא נאך סיבות, אבער דאס געבט א שטיקל השגה.
אפאר הערות.
בנוגע די אפגאניסטאן ארויסצוה, האט ער דען געוואוסט אז די אפגאנער רעגירונג גייט בכלל פאלן? אויב נישט פארוואס ארויסצוען אלע וואפן, פארוואס ארויסצוען אלע אמעריקאנער און זייערע אליאירטע? אויב האט ער יא געוואוסט, האט ער דאך אבער זיכער נישט געוואוסט ווי שנעל עס גייט געשעהן וואלט ער גארנישט בעסער געווען פון ביידען.
עס איז גאר גרינג צו זאגן ’אויב איך וואלט געווען פרעזידענט וואלט איך בלא בלא בלא’ און ספעציעל אויב מען רעדט פון עפעס אין די עבר און נישט פון די הוה, זיינע בארימערישע רייד דערמאנט מיר שטארק וויאזוי ביידען האט פארשפראכן צו ענדיגן קאוויד ווי א צויבער און די סוף ווייסן מיר אלע, אבער דאן איז טראמפ געווען פרעזידענט האט ער געקענט מאכן הייסע סטעיטמענטס אז ’ער’ וואלט שוין לאנג געווינען די פייט קעגן קאוויד.
בנוגע אוקריינא קומען מיר ווייטער אן צום זעלבן פוינט, זאגן וואס דו וואלסט יא געטוהן אדער נישט געטוהן איז גאר גרינג און פאדערט נישט קיין פקחות בכלל, זיינע סטראשונגען טראגן נישט קיין האפט זינט ער איז באקאנט אלס א אומסטאבילע מאן, און ספעציעל נאכן סטראשענען די ’ראקעט מאן’ מיט א ’פייער פון גרימצארן’ און מיר האבן אלע געזעהן וואס ער האט זיך אויסגעלאזט. רוסלאנד האט שוין אומצאליגע מאל געסטראשעט אמעריקא מיט נאטא און דערווייל האבן זיי זיך נישט דערוואגט צו טוהן עפעס, די איינציגסטע זאך וואס צייגט עפעס און טראגט א ווערד איז עקשאן, טראמפ האט באמבאדירט אין סיריע און געהאגעט סולימאני, צוויי שריט וואס צייגן פעסטקייט, אבער אין די זעלבע צייט זיך אויך געבוקט צו פוטין אין די עפענטליכקייט, שפעקולירן און אויסטרעפן וויאזוי דאס חנפנען פוטין צייגט גאר אויף חכמה און פעאיגקייטן איז נישט קיין פראבלעם, אבער אויב קוקן מיר אויף עקשאן האט ער געהאט א ’סאפט ספאט’ פאר פוטין.
בכלל נישט די נושא אין דעי אשכול, אבער מאכט נישט אויס, איינער וועט געבן נאך א מיש די קאך לעפל און די אשכול וועט זיין צוריק אויף די רעלסן.