שרייבעריי פארמעסט תש"פ - #2 - פון נומבערס ביז קאמפיוטערס

געשמאקע ארטיקלען און באשרייבונגען

די אחראים: יאנאש,אחראי,געלעגער

וואס איז אייער רעיטינג אויפ'ן ארטיקל? אינהאלט | שפראך | אווער אלל רעיטינג

די וואלן האבן זיך געשלאסן דינסטאג יוני 23, 2020 3:55 pm

7
3%
★★
5
2%
★★★
6
3%
★★★★
13
6%
★★★★★
41
19%
5
2%
★★
10
5%
★★★
16
7%
★★★★
14
6%
★★★★★
27
13%
6
3%
★★
7
3%
★★★
17
8%
★★★★
18
8%
★★★★★
24
11%
 
סך הכל שטימען: 216

אוועטאר
Waukesha
שר חמש מאות
תגובות: 780
זיך איינגעשריבן אום: מאנטאג דעצעמבער 03, 2018 12:31 pm
לאקאציע: Waukesha City, Waukesha County WI

שרייבעריי פארמעסט תש"פ - #2 - פון נומבערס ביז קאמפיוטערס

  • ציטיר
  • צו לייגן א דאנק דארפט איר זיין אריינגעלאגט

תגובה דורך Waukesha »

[align=center]בילד[/align]

יעדער האט שוין געהערט פון נומבערס, אבער וואס פונקטליך איז דאס? קום צונעמען די זאך. מיר וועלען אנפאנגען פון אנפאנג, לאמיר זאגן אז עס וואלט נישט געווען קיין נומבערס, וואס וואלט געווען? שטעלט זיך פאר אז ס׳איז נישט דא קיין נומבערס און איינער וואלט געוואלט קויפן א זאך, למשל אייער, אויב וואלט ער געוואלט איין איי וואלט ער געקענט זאגן פאר די מוכר געב מיר אן איי, אויב וואלט ער געוואלט צוויי אייער, וואלט ער געקענט זאגן געב מיר אן איי מיט נאך אן איי, אויב וואלט ער געדארפט דריי אדער מער אייער, וואלט ער שוין געהאט א פראבלעם.

וואס איז די לעזונג צו דער פראבלעם? קען מען טראכטען איין מהלך אזוי, מען וועט מאכן א סימבעל, לאמיר זאגן I, און דאס וועט מיינען איינס, אויב דארף מען צוויי, וועט מען שרייבן די סימבעל צוויי מאל אזוי II, און אזוי ווייטער, די לעזונג איז גאנץ א גוטע פאר קליינע נומבערס, אבער פאר גרעסערע נומבערס שטויסט מען זיך אן אין א פראבלעם, למשל צוואנציג, קוקט אויס אזוי IIIII IIIII IIIII IIIII, עס איז שווער צו זען מיט איין בליק וואס דער נומבער איז, (כאטש איך האב צוטיילט יעדער פינעף באזונדער), ווי אויך וועט א גרעסערע נומבער ווי למשל הונדרעט פארנעמען א גאנצע שורה.

קען מען טראכטען א צווייטע מהלך, מען וועט מאכן א סימבעל פאר יעדער נומבער, למשל איינס וועט זען !, צוויי וועט זיין @, דריי וועט זיין #, און אזוי ווייטער נאך און נאך סימבעלס, די פראבלעם מיט די מהלך איז ווייטער אז דאס טויג אויך נישט פאר גרעסערע נומבערס, כדי צו שרייבען אזא נומבער ווי הונדרעט, דארף מען האבן הונדרעט ערליי סימבעלס! מיט אזויפיל סימבעלס איז גרינג צו ווערען צומישט פונקטליך וועלעכע סימבעל איז וואס.

למעשה ביידע פון די מהלכים האבן פראבלעמען, וואס איז דעמאלסט די עצה? די עצה איז אז מען שטעלט צוזאם ביידע מהלכים, לאמיר געבן א משל און נעמען די ראמען נומערלס I איז איינס II איז צוויי, ענדליך צו די ערשטע מהלך, ביז מען קומט צו פינעף, וואס לויט די ערשטע מהלך וואלט דאס געדארפט זיין IIIII, אבער דא גייען די ראמען נומערלס אריבער צו די צווייטע מהלך, און מען ניצט א נייעם סימבעל, ענדליך צום צווייטען מהלך, און מען ניצט די סימבעל V, כדי צו שרייבען זעקס שרייבט מען א געמיש פון ביידע סארט סימבעלס און מער שרייבט אזוי VI.

נאך א משל, איז די וועג וויאזוי מען ציילט אין לשה״ק, א׳ איז איינס, ב׳ איז צוויי, און אזוי ווייטער, דאס איז ענדליך צו די צווייטע מהלך, ביז מען קומט צו י׳, י׳ איז צען, וואס דאס איז איינס מער פון ט׳, אבער כ׳ איז נישט עלעף, וואס דאס איז איינס מער פון י׳, נאר עס איז צוואנציג, צען מער פון י׳, כדי צו שרייבן עלעף, נוצט מען מער פון איין סימבעל, ענדליך צו די ערשטע מהלך, און מען שרייבט י״א.

אז מען איז זיך אביסל מתבונן זעט מען אז די געמיש פון סימבעלס וואס ווערט געניצט אין לשה״ק און להבדיל די ראמען נומערל סיסטעם, איז פשוטע פלוס, דהיינו י״א איז צען (וואס דאס איז די י׳) + איינס (די א׳), די זעלבע איז מיט די ראמען נומערעלס, VI איז פשוט פינעף (V) + איינס (I), וואס דאס איז זעקס.

אין לשה״ק איז נישט קיין נפקא מינה די סדר פון די אותיות, מען וועט אלעמאל מאכן פלוס, (אלע גמטריות ארבייטען אזוי), נישט אזוי איז להבדיל די ראמען נומערל סיסטעם, אין די ראמען נומעראל סיסטעם, איז די סדר אז די גרעסערע סכומים קומען ערשט, און דערנאך קומען די קלענערע, פארדעם וועט V זיין פאר I, אויב איז די סדר פארדרייט, און די קלענערע איז פאר די גרעסערע למשל IV, דאן איז די באדייט אז מען מאכט מיינוס, נישט פלוס, דהיינו מען מאכט 5-1 וואס דאס איז פיר.

די ראמען נומערל סיסטעם האט אויך סימבעלס פאר צען (X), פופציג (L), הונדרעט (C), פינעף הונדרעט (D), און טויזענט (M). די ראמען נומערל סיסטעם האט אבער א פראבלעם, ער איז אויך באגרעניצט, למשל אז מען וויל שרייבען צען טויזענט ווען מען ניצט די ראמען נומערלס, דארף מען שרייבן MMMMM MMMMM, וואס דאס איז נישט באטאמעט, די סיסטעם איז נאך אלץ באגרעניצט.

וואס איז די עצה? לאמיר אריבערגיין צו די אראבישע סיסטעם, דאס איז די סיסטעם וואס ווערט היינט געניצט, עס פאנגט זיך אן אז פאר יעדער נומבער איז א נייע סימבעל, איינס איז 1, צוויי איז 2, אא״ו, אזויווי די צווייטע מהלך, אבער ווען ער קומט אן צו צען, פאנגט ער אן צו ניצען מער פון איין סימבעל (ענדליך צו להבדיל לשה״ק), די חידוש פון דעם אראבישען סיסטעם איז, אז די זעלבע סימבעל מיינט אנדערע זאכן געוואנדען אין וועלעכע ארט ער איז, למשל 1, ווען ער איז אין די ערשטע ארט איז ער איינס, אבער ווען ער איז אין דער צווייטער ארט, איז ער צען (הגם אויך די ראמען נומערעל סיסטעם אויב א קלענערע נומבער געפינט זיך פאר א גרעסערע נומבער איז עס אנדערש ווי ווען די גרעסערע איז פאר די קלענערע, דאך איז I אלעמאל איינס, די שאלה איז נאר וואס מען טוהט מיט די איינס, אויב איז די קלענערע ערשט מאכט מען מיינוס, אויב די גרעסערע איז ערשט מאכט מען פלוס).

ווי אזוי רוקט מען א סימבעל צום צווייטען ארט? אויב וויל מען שרייבן למשל צוועלעף, איז דאס זייער גרינג, מען שרייבט 2 אין די ערשטע ארט, און דערנאך 1 אין די צווייטע ארט, און אזוי האט מען 12, אבער אויב וויל מען שרייבן צען, וויאזוי רוקט מען די 1 צום צווייטען ארט? דא קומט אריין די גרויסע חידוש פון די 0, וואס דאס איז א סימבעל וואס מיינט זירא, זיין איינגיציס׳טע פונקציע איז צו ריקען די 1 צום צווייטען ארט, און אזוי ווייסט מען אז די 1 באדייט צען, נישט איינס (ווען איינער זאגט מיר די האסט היינט 0 אויף געטוהן, נעם איך דאס אלץ א קאמפלימענט, די 0 איז גאר א גרויסע אויפטוה).

לאמיר צונעמען די אראבישע סיסטעם אביסל, קודם כל די ארטער, יעדער ארט איז צען מאל די פריערדיגע ארט, דהיינו אז די ערשטע ארט איז איינס, די צווייטע ארט איז צען מאל איינס (צען), די דריטע איז צען מאל די צווייטע (וואס איז געווען צען, קומט אויס אז די דריטע ארט איז צען מאל צען, וואס דאס איז הונדרעט) אא״ו, יעצט לאמיר צונעמען א נומבער ווי 613, וואס שטייט באמת איז אזוי: (6x10x10) + (1x10) + (3x1), וואס דאס קומט אויס 600+10+3 וואס דאס קומט אויס זעקס הונדרעט און דרייצען.

פארוואס איז יעדער ארט כפול עשרה? די סיבה איז ווייל די אראבישע סיסטעם וועט נישט צולייגען נאך א סימבעל, נאר טאמער ער האט א הכרח, די נאמבער צען קען ער נישט שרייבען מיט איין סימבעל, ווייל ער האט נאר צען סימבעלס, נעם אוועק איינס פאר זירא, בליייבט ער נישט איבער מיט א סימבעל פאר צען, מוז ער ניצען צוויי סימבעלס פאר צען, וויפיל נומבערס קען מען מאכן מיט צוויי סימבעלס? צען מאל צען, דאס איז הונדרעט, נעם אוועק זירא, דארף ער פאר הונדרעט דריי סימבעלס, און אזוי ווייטער.

יעצט קען מען פרעגען, פארוואס טאקע האט די אראבישע סיסטעם צען סימבעלס? פארוואס קען מען נישט ניצען בלויז 8 סימבעלס (לפי זה וועט יעדער ארט זיין בלויז אכט מאל אזוי סאך ווי די פריערדיגע), אדער צולייגען צוויי נייע סימבעלס, און ניצען צוועלעף סימבעלס (לפי זה וועט יעדער ארט זיין צוועלעף מאל אזוי סאך ווי די פריערדיגע)? מען קען נישט ענטפערען, וואס איז שלעכט מיט צען? פארוואס זענען אכט און צוועלעף בעסער? ווייל אכט קען מען צוטיילען אויף העלפט און פערטעל, צוועלעף קען מען צוטיילען אויף האלב, דריטעל, און פערטעל. צען קען מען נאר צוטיילען אויף העלפט. דאס איז דאך די סיבה פארוואס חכז״ל האבן צוטיילט די שעה אויף טויזענט אכציג חלקים, און נישט טויזענט, ווייל טויזענט אכציג קען מען צוטיילען אויף האלב, דריטעל, פערטעל, פיפטעל, זעקסטעל, אכטעל, ניינטעל, צענטעל און נאך. אויך להבדיל די וועג פון רעכענען צייט וואס ווערט היינט גענוצט, ניצט מען זעכציג מינוט א שעה, און זעכציג סעקונדעס א מינוט, ווייל זעכציג קען מען צוטיילען אויף האלב, דריטעל, פערטעל, פיפטעל און זעקסטעל. אויך די טאג איז צוטיילט אויף צוועלעף שעה פאר דעם סיבה.

אויב מען קוקט אביסל טיפער, אויף להבדיל די לשה״ק מהלך, זעט מען די אויך אז דאס איז צוטיילט אויף צען, ביז צען גייט עס איינס אויף א מאל, און פון צען גייט עס ארויף מיט צען אויף א מאל, ביז הונדרעט, און דערנאך גייט עס ארויף מיט הונדרעט אויף א מאל. אז מען קוקט א ביסל טיפער זעט מען אז נישט בלויז די געשריבענע נומבערס לויפן אויף דעם סיסטעם, נאר אויך די נומבערס וואס מען זאגט לויפט אויף דער מהלך פון צען, אין לשה׳ק זאגט מען אחד פאר איינס, שתים פאר צוויי, און פאר יעדער נומבער לייגט מען צו א נייע ווארט, ביז עשרה, דערנאך צו זאגן עלעף ניצט מען צוויי ווערטער, אחד עשר, להבדיל אידיש איז אויך אזוי, מיט איין קליינער שינוי, אז עס איז דא ווערטער פאר עלעף און צוועלעף, און פון דרייצען ביז ניינצען שטעלט מען צוזאם ביידע ווערטער אין איינס (דהיינו מען זאגט דריי-צען), אבער דערנאך פארט ער ווייטער כאילו לא היה, און וועט נישט ניצען די ווערטער פון עלעף ביז ניינצען צו מאכן נייע נומבערס. להבדיל ענגליש, איז כמעט די זעלבע ווי אידיש, מיט איין קליינער שינוי, אז די נומבערס פון דרייצען ביז ניינצען, וואס אין אידיש איז דאס פשוט צוויי ווערטער צוזאמגעשטעלט, וואס אין ענגליש וואלט עס געדארפט זיין threeten, fourten וכו׳,טוישט מען די ספעללינג פון three צו thir, און פון ten צו teen.

די ראמען נומערעל סיסטעם אויפ׳ן ערשטען בליק קוקט נישט אויס צו זיין אזוי, ער ניצט איין מהלך ביז פינעף, און דערנאך ביי פינעף ניצט ער שוין די צווייטע סיסטעם פון מאכן נייע סימבעלס, אבער אז מען איז זיך מתבונן זעט מען אז אויך די ראמען נומערעל סיסטעם ניצט צען צו טוישען, לאמיר זיך מבתוננן זיין, אויב וואלט ווען די ראמען נומערעל סיסטעם געווען באזירט אויף פינעף, וואלט די ערשטע סימבעל געדארפט זיין איינס, די צווייטע סימבעל פינעף, און די דריטע סימבעל וואלט ערשט געדארפט קומען נאך פינעף פון די צווייטע סימבעל פונקט ווי V איז IIIII, וואלט X געדארפט זיין VVVVV, וואס דאס איז פינעף און צוואנציג, למעשה אבער באדייט די דריטע סימבעל VV וואס דאס איז צען, נישט פינעף און צוואנציג, און אזוי גייט עס ווייטער, די פערדע סימבעל איז פופציג, נאך פינעף מאל X, אבער דערנאך, נאך בלויז צוויי פופציגערס, ווערט שוין די פיפטע סימבעל. און דאס איז ווייל אויך די ראמען נומערל סיסטעם איז באזירט אויף צען, נאר בלויז ווייל לייגען ניין מאל א סימבעל איז צו סאך, נעמט ער א ברעיק ביי פינעף, און ער לייגט צו נאך א סימבעל.

איך גיי נישט ענטפערען די קשיא פארוואס צען, ס׳איז אזוי ווייל אזוי האט די אייבישטער געוואלט, (בעיקר זעה איך דאס ביי די לשה״ק מהלך פון ציילען, אבער אויך פון דעם וואס אלע אנדערע סיסטימס מאכן דאס נאך), אבער איך האב נאר געוואלט עפענען די אויגען צו אזא מין מציאות ווי עס וואלט ווען געקענט זיין, אלס אן הקדמה פאר די נעקסטען חלק.
די נומבערס וואס אונז האבן מיר ביז יעצט גערעדט איז אלעס זייער פיין און וואויל פאר מענטשען, וואס טוהט זיך אבער פאר קאמפיוטערס? וואס פאר א נומבער סיסטעם ניצען קאמפיוטערס? קודם כל דארף מען פארשטייען א יסוד בנוגע קאמפיוטערס, קאמפיוטערס זענען אן עלקטראנישע באשעפיניש, און אלץ אן עלקטראנישע באשעפניש באנוצט ער זיך מיט ווייערס, א ווייער קען זיך בלויז געפינען אין צוויי מצבים, איינס: ער האט עלקטריסיטי, צוויי: ער האט נישט עלקטריסיטי, מיט די צוויי מצבים קען מען נישט צו ווייט אנקומען, אבער אויב שטעלט מען צוזאם אסאך ווייערס, קען מען אסאך אנקומען. אז מען טראכט צוריק צו די צוויי מהלכים וויאזוי מען קען מאכן נומבערס, איז צולייגען ווייערס אזויווי צולייגען נאך סימבעלס, און די צוויי מצבים איז ווי צוויי סימבעלס.

ווי אויבן דערמאנט, איז די בעסטע וועג צוזאם צושטעלן סימבעלס די אראבישע סיסטעם, מילא וועט א ווייער אן עלקטריסטי זיין ווי די סימבעל 0, און א ווייער מיט עלעקטריסיטי זיין ווי די סימבעל 1, וואס טוהט זיך מיט צוויי? ווי שוין אויסגעשמועסט קען קיין ווייער זיך נישט געפונען אין א דריטע מצב (אנטשולדיג מיר, קוואנטעם קאמפיוטערס) אבער יעצט וואס מיר ווייסען שוין אז די אראבישע סיסטעם מוז נישט ניצען צען סימבעלס, און די סיסטעם קען ארבייטען אויך מיט מער אדער ווייניגער סימבעלס, און די ארט מוז נישט זיין צען מאל די פריערדיגע ארט, קען מען פאר קאמפיוטערס ניצען אן אראבישע סיסטעם באזירט אויף בלויז צוויי סימבעלס, לפי זה וועט די ערשטע ארט זיין איינס, די צווייטע וועט זיין צוויי מאל אזויפיל, וואס דאס איז צוויי, די דריטע וועט זיין פיר, דערנאך אכט, זעכצען און אזוי ווייטער. אז מען וויל שרייבען צוויי וועט מען שרייבען 10, דריי 11 (לויט די אראבישע סיסטעם מיינט דאס באמת 1x1 + 1x2 וואס דאס איז 1 + 2 וואס דאס איז 3). די סיסטעם הייסט די ביינערי סיסטעם. (די געהעריגע סיסטעם וואס איז באזירט אויף צען, הייסט די דעסימעל סיסטעם)

די פראבלעם מיט די ביינערי סיסטעם איז אבער אז גאר שנעל ווערען די נומבערס ריזיג, לאמיר נעמען אזא נומבער ווי טויזעט אכציג, אין ביינערי איז דאס 100-0011-1000, עלעף דיגיטס אנשטאט די פיר וואס די דעסימעל סיסטעם ניצט. באמת וואלט דאס נישט געווען א פראבלעם,קאמפיוטערס גייט נישט אן ווי גרויס א נומבער איז, ווילאנג עס איז דא גענוג ווייערס (די CPU פון אן אייפאון 11 פרא האט 8.5 ביליאן ״ווייערס״, די רוזין 9 3900X פון AMD פאר דעסקטאפ קאמפיוטערס האט 9.89 ביליאן). די פראבלעם איז אבער, אז מענטשען זענען די וואס שרייבן פראגרעמס פאר קאמפיוטערס, און פאר מענטשען איז שווער צו קוקן אויף אזעלעכע גרויסע נומבערס.

וואס איז די לעזונג? מען וועט ניצען די העקסידעסימעל סיסטעם. וואס איז דאס? דאס איז אן אראבישע סיסיטעם געבויט אויף זעכצען אנשטאט צען. קודם מוז מען לעזען א פשוטע פראבלעם, די אראבישע סיסטעם געבט אונז נאר צען סימבעלס צו ארבייטען מיט, די העקסידעסימעל סיסטעם דארף זעכצען, איז די לעזונג פאר דעם אז מען לייגט צו ABCDEF, אז נאך 9 קומט A וואס באדייט צען, דערנאך B וואס איז עלעף, אא"ו.

וויאזוי לעזט די העקסידעסימעל סיסטעם די פראבלעם פון די ביינערי סיסטעם? פאר דעם פעלט זיך אויס אן הקדמה, קום קוקן אויף די ארטער פון די צוויי סיסטעמס (קערצער צו מאכן וועל איך ניצען די דעסימעל סיסטעם דאס צו ווייזען) די ביינערי סיסטעם ארטער זענען אזוי, 1,2,4,8,16,32,64,128,256 וכו׳ די ארטער פאר די העקסידעסימעל סיסטעם זענען 1,16,256 וכו׳ אויב וועט מען קוקן וועט מען זען אז יעדער ארט פון די העקסידעסימעל סיסטעם, איז אויך דא אין די ביינערי סיסטעם, אויב קוקט מען בעסער וועט מען זען אז ס׳איז יעדער פערטער ארט. אויב טראכט מען אריין, וועט מען זען אז די סיבה איז א פשוט׳ע די ארטער פון די ביינערי סיסטעם ארבייט אז יעדער ארט איז 2 מאל די פריערדיגע, קומט אויס אז יעדער פערטער ארט וועט זיין 2x2x2x2 מאל די ארט ווי מען האלט יעצט, אז מען מאכט דעם חשבון, איז דאס 16, פונקט וויפיל יעדער ארט אין די העקסידעסימאל איז מאל די פריערדיגע ארט.

צוליב דעם וואס יעדער 4׳טע ארט פון די ביינערי איז די זעלבע ווי איין העקסידעסימעל ארט, איז זייער גרינג צו טוישען פון איין סיסטעם צום צווייטען, לאמיר נעמען א משל, לאמיר זאגן 613, אין ביינערי איז דאס 10-0110-0101, יעצט וויאזוי טוישט מען דאס צו העקסידעסימעל? מען נעמט יעדער 4 סימבעלס באזונדער, און מען רעכענט דאס כאילו זיי וואלטן געווען די ערשטע פיר, קום אנפאנגען פון די גרעסטע פיר, וואס דאס איז 0010 (מען דארף צולייגען פון אנפאנג צוויי זירעס, כדי אז עס זאל זיין 3 סעטס פון 4 נומבערס), ווען דאס וואלט געווען די ערשטע 4, וואלט דאס געמיינט 1x2 + 1x0 דאס קומט אויס צו 2+0 וואס דאס איז 2, קומט אויס אז די גרעסטע נומבער פון די העקסידעסימעל וועט זיין 2, די נעקסטע 4 נומבערס זענען 0110 דאס איז 1x4 + 1x2 דאס קומט אויס 6, דאס מיינט אז די צווייט גרעסטע נומבער איז 6, די נעקסטע פיר איז 1x4 +1x1, דאס איז 5, קומט אויס אז אין העקיסדעסימעל, וועט 613 דעסימעל זיין 265, לאמיר זען אויב דאס שטימט, 2x256 + 6x16 + 5x1 איז 512+96+5 איז טאקע 613.

צוליב דעם וואס מען קען גרינג טוישען צעווישען די צוויי סיסטעמס, קען דער מענטש שרייבען אין העקסידעסימעל, און דערנאך דאס שנעל איבערטוישען צו ביינערי (במציאות שטייען היינט פראגרעמערס נישט ביי פראגרעמען מיט העקסידעסימעל אויך נישט,בלויז אין געציילטע פעלער למשל ווען מען האנדעלט מיט קאלירען, און דאן טוהט די קאמפיוטער אליינס טוישען פון העקסידעסימעל צו ביינערי).


[align=center]דער שרייבער ווארט אויף אייער פידבעק! גיבט אפ אייער רעיטינג אויפ'ן ארטיקל, און לאזט אייך הערן דא אינעם אשכול.[/align]
לעצט פארראכטן דורך בלעכענער פנים אום דינסטאג יוני 16, 2020 3:27 pm, פארראכטן געווארן 1 מאל.
אוועטאר
איינס
שר עשרת אלפים
תגובות: 18792
זיך איינגעשריבן אום: דינסטאג סעפטעמבער 26, 2017 9:16 am
פארבינד זיך:

Re: שרייבעריי פארמעסט תש"פ - #2 - פון נומבערס ביז קאמפיוטערס

  • ציטיר
  • צו לייגן א דאנק דארפט איר זיין אריינגעלאגט

תגובה דורך איינס »

זייער שיין צולייגט!

מקען אסאך צולייגן צו דעם און אויסקלארן געוויסע נקודות (ווי אזוי טרעפט מען א בינארי נאמבער, אד דו האסט דערמאנט די 16 דארף מען אויך דערמאנען די 34 און 64)
אבער אווער אלל איז עס געשריבן שטארק און צום פוינט.

בענין די נאמבער 10 אז רוב יוניטס אונזערע זענען צוטיילט אין 10 האב איך אמאל געשריבן אין רעלעטיוויטי א שטיקל היסטאריע איבער דעם.
אחד היה אברהם - שעבד את ה' רק על ידי שהיה אחד, שחשב בדעתו שהוא רק יחידי בעולם ולא הסתכל כלל על בני העולם!
וואס טוט זיך
שר שבעת אלפים
תגובות: 7240
זיך איינגעשריבן אום: זונטאג מארטש 31, 2019 5:38 pm
לאקאציע: איינע פון די באהאלטענע סאב פארומס

Re: שרייבעריי פארמעסט תש"פ - #2 - פון נומבערס ביז קאמפיוטערס

  • ציטיר
  • צו לייגן א דאנק דארפט איר זיין אריינגעלאגט

תגובה דורך וואס טוט זיך »

גוט גוט.

דאס דארף מען ליינען ווען מען האט א קלארע קאפ..
אני מאמין באמונה שלימה, שהבורא יתברך שמו, הוא בורא ומנהיג לכל הברואים, והוא לבדו עשה ועושה ויעשה לכל המעשים.
אוועטאר
פעיק ניוז
שר עשרים אלף
תגובות: 24206
זיך איינגעשריבן אום: דינסטאג יוני 13, 2017 8:49 pm
לאקאציע: אנאנימע סאורסעס

Re: שרייבעריי פארמעסט תש"פ - #2 - פון נומבערס ביז קאמפיוטערס

  • ציטיר
  • צו לייגן א דאנק דארפט איר זיין אריינגעלאגט

תגובה דורך פעיק ניוז »

שוין ער הייבט שוין אן מגלה זיין.... ווער האט דיר געבעטן?....
עס איז מיר בעסער צו זיין אן אנעדיוקעטעד חכם ווי איידער אן עדיוקעטעד טיפש
אוועטאר
איינס
שר עשרת אלפים
תגובות: 18792
זיך איינגעשריבן אום: דינסטאג סעפטעמבער 26, 2017 9:16 am
פארבינד זיך:

Re: שרייבעריי פארמעסט תש"פ - #2 - פון נומבערס ביז קאמפיוטערס

  • ציטיר
  • צו לייגן א דאנק דארפט איר זיין אריינגעלאגט

תגובה דורך איינס »

האב איך נישט געוואוסט אז אויב שרייב איך א תגובה מיינט דאס אז סאיז מיין ארטיקל
(שוין באקומען אין אישי אויך)

איז להוי ידוע ניין דאס איז נישט מיין ארטיקל (און ווער סקען מיר ווייסט אז איך זאג נישט קיין ליגנט).
אבער איך נוץ דאס אלטס א גילוי מילתא לעתיד און איך וועל נישט אריינקומען יעדע ארטיקל זיך פארענטפערן צו סאיז מיינס אדער נישט
אחד היה אברהם - שעבד את ה' רק על ידי שהיה אחד, שחשב בדעתו שהוא רק יחידי בעולם ולא הסתכל כלל על בני העולם!
אוועטאר
פעיק ניוז
שר עשרים אלף
תגובות: 24206
זיך איינגעשריבן אום: דינסטאג יוני 13, 2017 8:49 pm
לאקאציע: אנאנימע סאורסעס

Re: שרייבעריי פארמעסט תש"פ - #2 - פון נומבערס ביז קאמפיוטערס

  • ציטיר
  • צו לייגן א דאנק דארפט איר זיין אריינגעלאגט

תגובה דורך פעיק ניוז »

דאס איז מעכטיגע אינהאלט, מיט אזא קלארע הסברה.
עס איז מיר בעסער צו זיין אן אנעדיוקעטעד חכם ווי איידער אן עדיוקעטעד טיפש
אוועטאר
טשאלענט
שר ארבעת האלפים
תגובות: 4017
זיך איינגעשריבן אום: זונטאג אוגוסט 07, 2016 3:34 pm
לאקאציע: אין טשאלענט טאפ

Re: שרייבעריי פארמעסט תש"פ - #2 - פון נומבערס ביז קאמפיוטערס

  • ציטיר
  • צו לייגן א דאנק דארפט איר זיין אריינגעלאגט

תגובה דורך טשאלענט »

נומבערס איז נישט מיין פעיווערעט, אבער די ארטיקל קוקט אויס ווי עס רעדט צום זאך.

וועל מיר עס מוזן איבערליינען א צווייטע מאל מיט ישוב הדעת אי"ה
טשאלענט גמח!

ווען איך בין געווען אינגער פלעג איך זאגן:
די לעבן איז צו ערנסט צו נעמען אזעלכע נארישקייטן פערזענליך,
אבער היינט בין איך שוין שוין געקומען צום שכל און איך זאג:
די לעבן איז צו נאריש צו נעמען אזעלכע ערנסטע זאכן פערזענליך
שבת פארטי
שר מאה
תגובות: 148
זיך איינגעשריבן אום: זונטאג פעברואר 17, 2019 11:47 am

Re: שרייבעריי פארמעסט תש"פ - #2 - פון נומבערס ביז קאמפיוטערס

  • ציטיר
  • צו לייגן א דאנק דארפט איר זיין אריינגעלאגט

תגובה דורך שבת פארטי »

ס'איז אן אינפארמאטיוו ארטיקל וואס געהערט נישט אין א שרייבן פארמעסט.
האט נישט קיין שעפערישקייט אין שריפט אדער קריעטיוויטעט ואתכם הסליחה.
דייקן
שר חמש מאות
תגובות: 673
זיך איינגעשריבן אום: זונטאג פעברואר 02, 2020 1:32 pm

Re: שרייבעריי פארמעסט תש"פ - #2 - פון נומבערס ביז קאמפיוטערס

  • ציטיר
  • צו לייגן א דאנק דארפט איר זיין אריינגעלאגט

תגובה דורך דייקן »

זייער אינטרעסאנט, מען זעט ווי אפילו א זאך וואס זעט אויס אזוי פשוט ווי נומערען האט אזא טיפקייט צו דעם, איז כ"ש וק"ו די תורה"ק.
אוועטאר
קלמן יאסעלע
שר חמש מאות
תגובות: 942
זיך איינגעשריבן אום: דינסטאג נאוועמבער 19, 2019 9:33 am
לאקאציע: ערגעצוואו

Re: שרייבעריי פארמעסט תש"פ - #2 - פון נומבערס ביז קאמפיוטערס

  • ציטיר
  • צו לייגן א דאנק דארפט איר זיין אריינגעלאגט

תגובה דורך קלמן יאסעלע »

זייער אן אינטרעסאנטע טאפיק, דארף איך אבער זיין אין די גוסטע פון ווילן פארדייען אינפארמאציע, וועלמיר בע"ה צירוק קומען!
ייש"כ
!Vox Populi, Vox Dei
אוועטאר
איינס
שר עשרת אלפים
תגובות: 18792
זיך איינגעשריבן אום: דינסטאג סעפטעמבער 26, 2017 9:16 am
פארבינד זיך:

Re: שרייבעריי פארמעסט תש"פ - #2 - פון נומבערס ביז קאמפיוטערס

  • ציטיר
  • צו לייגן א דאנק דארפט איר זיין אריינגעלאגט

תגובה דורך איינס »

האב איך נאכמאל געליינט און געוואוט

דא ווען מדארף וואוטן פאר שפראך איז נישט די שרייבערישע שפראך די נקודה, אזוי אויך נישט די פוינט צו ער שרייבט רייך, ווייל די ארטיקל איז נישט אין די ריכטונג.
די ארטיקל דארף אראפלייגן קלאר די טאפיק, סאו שפראך דא דארף צו מיינען קלאר ארויס ברענעגען די נושא.

למעשה אנהייב ארטיקל איז זייער געשמאק און קלאר, ספארט א באן, א שטקיל נאך א שטיקל מסביר און צולייגט אויף דליין געלד. אבער שפעטער ווערט ער אביסל קורץ און נישט אויסגעשמועסט וואס דאס ברענגט צו אז ווען איך ליין ווער איך סטאק דארט, און מדארף איבערלייינען עטליכע מאל צו ארויס האבן די נאמבערס. יתכן אז סאיז שילדיג אסאך דאס אז ער האט נאר געקענט שרייבן 10000 קערעקטערס, סאו אנהייב האט ער געהאט גענוג צו טיילן, אבער ווי שפעטער האט ער זיך געזעהן אויסלויפן פון זיין געלט און געמיזט אריינשטיפון מער אינפארמעישן אין ווייניג פלאץ.
אין רעלעטיוויטי הייסט דאס די חומר בלייבט די זעלבע מאס אבער די מעעס איז ארויף (איך גלייב אז דער שרייבער פארשטייט וואס איך מיין...)

למעשה פאר מיר פערזענליך נעם איך די ארטיקל אלטס א אפשן פאר די געווינער, נישט ווייל סאיז מוראדיג שרייבעריש נאר ווייל איך וויל נאך אזעלכע ארטיקלען. פאר מיר מיינט א געווינער א ארטיקל וואסס איך וויל ליינען נאך פון די שרייבער אין די נושא.
איך גלייב אז דא וועלן אסאך זיין מחולק מיט מיר, נישט מיט די נקודה נאר מיט די מסקנא, ווייל פאר אנדערע ליינערס איז דער געווינער דיקא א רייכשפראכיגע ארטיקל, און דוקא בענין אחר. נו פארדעם געבט דאך יעדער זיין וואוט.

למעשה צו די נושא אליין, איז דא אסאך צו שמועסן און אויסקלארן, איך גלייב אז נאך אירע וועלן נאך צוריק קומען נאכן פארמעסט און פאברייטערן די נושא.
אחד היה אברהם - שעבד את ה' רק על ידי שהיה אחד, שחשב בדעתו שהוא רק יחידי בעולם ולא הסתכל כלל על בני העולם!
וואס טוט זיך
שר שבעת אלפים
תגובות: 7240
זיך איינגעשריבן אום: זונטאג מארטש 31, 2019 5:38 pm
לאקאציע: איינע פון די באהאלטענע סאב פארומס

Re: שרייבעריי פארמעסט תש"פ - #2 - פון נומבערס ביז קאמפיוטערס

  • ציטיר
  • צו לייגן א דאנק דארפט איר זיין אריינגעלאגט

תגובה דורך וואס טוט זיך »

די נקודה איז, דער שרייבער האט אביסל פארפעלט צו מאכן די נושא אינטערסאנט.
ד.מ. פאר איינער וואס האט שוין דורכגעטוען דעם נושא פון בעפאר איז עס זייער אינטרעסאנט, אבער פאר א גרינער פעלט אביסל אינעם אינהאלט.
אני מאמין באמונה שלימה, שהבורא יתברך שמו, הוא בורא ומנהיג לכל הברואים, והוא לבדו עשה ועושה ויעשה לכל המעשים.
אוועטאר
איינס
שר עשרת אלפים
תגובות: 18792
זיך איינגעשריבן אום: דינסטאג סעפטעמבער 26, 2017 9:16 am
פארבינד זיך:

Re: שרייבעריי פארמעסט תש"פ - #2 - פון נומבערס ביז קאמפיוטערס

  • ציטיר
  • צו לייגן א דאנק דארפט איר זיין אריינגעלאגט

תגובה דורך איינס »

רייט, און לכאורה איז דאס טאקע ווייל סאיז זייער שווער אין 10000 קערעקטערס צו ארום נעמען די נושא אויף א ברייטע אופן.
אחד היה אברהם - שעבד את ה' רק על ידי שהיה אחד, שחשב בדעתו שהוא רק יחידי בעולם ולא הסתכל כלל על בני העולם!
אוועטאר
לכאורה
שר עשרים אלף
תגובות: 28114
זיך איינגעשריבן אום: דינסטאג אקטאבער 20, 2009 2:43 pm

Re: שרייבעריי פארמעסט תש"פ - #2 - פון נומבערס ביז קאמפיוטערס

  • ציטיר
  • צו לייגן א דאנק דארפט איר זיין אריינגעלאגט

תגובה דורך לכאורה »

מיר געווען זייער אינטערעסאנט צו ליינען, אבער וויבאלד איך בין זייער נישט אויסגעקאכט אין די נושא האב איך נישט געליינט ממש יעדע איינציגע ווארט
אוועטאר
סטאוו יא פיטא
שר עשרת אלפים
תגובות: 19772
זיך איינגעשריבן אום: דאנערשטאג מאי 07, 2020 9:24 am

Re: שרייבעריי פארמעסט תש"פ - #2 - פון נומבערס ביז קאמפיוטערס

  • ציטיר
  • צו לייגן א דאנק דארפט איר זיין אריינגעלאגט

תגובה דורך סטאוו יא פיטא »

רייכער אינהאלט, ניצבאר, אינפארמאטיוו.
געשמירטע שפראך, פאר עידשעס 13+
למעשה איז עס נישט קיין קאמפאטיציע אין א "שרייבעריי" פארמעסט. נישטא קיין גרויסע חידושים אין "די שריפט"
תוכן 4. שפראך 3. א"א 3
הנה אנכי שולח מלאך. זאגט רש"י כאן נתבשרו שעתידין לחטוא. די בשורה איז געווען אז אעפ"י שיחטאו לא תסתלק שכינה מביניהם, אזוי ווי די תרגום טייטשט כי לא אעלה בקרבך; לא אסלק שכינתי מבינך!
Haklal
שר שלשת אלפים
תגובות: 3975
זיך איינגעשריבן אום: מיטוואך מארטש 02, 2016 11:24 pm

Re: שרייבעריי פארמעסט תש"פ - #2 - פון נומבערס ביז קאמפיוטערס

  • ציטיר
  • צו לייגן א דאנק דארפט איר זיין אריינגעלאגט

תגובה דורך Haklal »

לכאורה האט געשריבן:מיר געווען זייער אינטערעסאנט צו ליינען, אבער וויבאלד איך בין זייער נישט אויסגעקאכט אין די נושא האב איך נישט געליינט ממש יעדע איינציגע ווארט

גא"מ
מען גייט עס אבער איבערליינען
אוועטאר
שמארטיקל
שר האלף
תגובות: 1419
זיך איינגעשריבן אום: מיטוואך מאי 29, 2019 8:50 pm
לאקאציע: אונטערן קאפל
פארבינד זיך:

Re: שרייבעריי פארמעסט תש"פ - #2 - פון נומבערס ביז קאמפיוטערס

  • ציטיר
  • צו לייגן א דאנק דארפט איר זיין אריינגעלאגט

תגובה דורך שמארטיקל »

איז אזוי, דער שרייבער איז א שרייבער. א גוטע שרייבער! ער זאל נעמען א נושא וואס אינטערעסירט מיך לגמרי נישט, און מיך מאכן ליינען ווייטער שירה נאך שירה אן אויפהער, דאס הייסט אין מיין דיקשענערי א גוטע שרייבער.

צום סוף ווערט אביסל מער קאמפלעצירט ווי איינס שרייבט, אבער איך געב איהם נאך אלס פינעף פאר די אינהאלט, וואס איז אינטערסאנט געווארן. און פינעף פארן שפראך וואס למעשה האט ער א גוטס.

יישר כח פארן שרייבן
אוועטאר
חוח בין השושנים
שר ארבעת האלפים
תגובות: 4132
זיך איינגעשריבן אום: זונטאג מאי 19, 2019 12:30 pm

Re: שרייבעריי פארמעסט תש"פ - #2 - פון נומבערס ביז קאמפיוטערס

  • ציטיר
  • צו לייגן א דאנק דארפט איר זיין אריינגעלאגט

תגובה דורך חוח בין השושנים »

א מייסטערווערק! שיין אראפגעלייגט, קלאר ארויסגעברענגט, זייער דעטאלירט און רייכע אינהאלט.

א געשמאק צו לייענען!
פארווייטאגט
שר האלפיים
תגובות: 2049
זיך איינגעשריבן אום: דאנערשטאג פעברואר 14, 2019 1:29 pm

Re: שרייבעריי פארמעסט תש"פ - #2 - פון נומבערס ביז קאמפיוטערס

  • ציטיר
  • צו לייגן א דאנק דארפט איר זיין אריינגעלאגט

תגובה דורך פארווייטאגט »

איך קען נישט רעכענען בכלל, אפילו איינס מיט איינס (נד"נ) קען מיר צומישען אינגאנצען.
דא אבער, האב איך געליינט שטיקל נאך שטיקל, כמעט דאס גאנצע.

נישט אז איך האב אלעס פארשטאנען, אבער אויף אזויפיל, אז דאס פשוטער נומער פארמאגט אין זיך מער פון וואס עס קוקט אויס.

כ'בין נאך נישט גרייט צו טיילן קיין צייכענונג, אבער דער שרייבעריי האט תוכן, מיט עפעס א כוח משיכה.
אוועטאר
ניין און יא
שר האלף
תגובות: 1305
זיך איינגעשריבן אום: פרייטאג דעצעמבער 06, 2019 10:05 am

Re: שרייבעריי פארמעסט תש"פ - #2 - פון נומבערס ביז קאמפיוטערס

  • ציטיר
  • צו לייגן א דאנק דארפט איר זיין אריינגעלאגט

תגובה דורך ניין און יא »

א מעסטער פיעס אין הסברה און תוכן ( איך וואלט אים געוואלט קענען )
אקבל הערות והארות בשמחה והכרת הטוב אי"ה
-------
מפתח ארטיקלען ----- מפתח פאעזיע
-------
ווער עס וויל באקומען ווייטער ארטיקלען פון מיין קליינקייט אדער וויל מיר קאנטעקטן זאל מיר שרייבן צו מיין אימעיל
מיט פיל דאנק
------
[email protected]
אוועטאר
אוראייניקל
רב הצעיר תשפ"ד
תגובות: 17011
זיך איינגעשריבן אום: דאנערשטאג פעברואר 21, 2019 9:05 am

Re: שרייבעריי פארמעסט תש"פ - #2 - פון נומבערס ביז קאמפיוטערס

  • ציטיר
  • צו לייגן א דאנק דארפט איר זיין אריינגעלאגט

תגובה דורך אוראייניקל »

איינס האט געשריבן:
למעשה אנהייב ארטיקל איז זייער געשמאק און קלאר, ספארט א באן, א שטקיל נאך א שטיקל מסביר און צולייגט אויף קליין געלד. אבער שפעטער ווערט ער אביסל קורץ און נישט אויסגעשמועסט וואס דאס ברענגט צו אז ווען איך ליין ווער איך סטאק דארט, און מדארף איבערלייינען עטליכע מאל צו ארויס האבן די נאמבערס. יתכן אז סאיז שילדיג אסאך דאס אז ער האט נאר געקענט שרייבן 10000 קערעקטערס, סאו אנהייב האט ער געהאט גענוג צו טיילן, אבער ווי שפעטער האט ער זיך געזעהן אויסלויפן פון זיין געלט און געמיזט אריינשטיפון מער אינפארמעישן אין ווייניג פלאץ.

פאר איינער וואס איז אויסגעקאכט איז עס 'אביסל קורץ', און פאר איינער וואס נישט איז עס זייער קורץ, און טאקע א שאד ער האט נישט די פלאץ זיך צו פארברייטערן אין בעיסיק זאכן וואס פעלן.
כגון מסביר זיין פארוואס א קאמפיוטער דארף נומערן ועוד ועוד...
חוח בין השושנים האט געשריבן:
קאלט
שר חמישים ומאתים
תגובות: 483
זיך איינגעשריבן אום: דאנערשטאג יאנואר 23, 2020 12:48 pm

Re: שרייבעריי פארמעסט תש"פ - #2 - פון נומבערס ביז קאמפיוטערס

  • ציטיר
  • צו לייגן א דאנק דארפט איר זיין אריינגעלאגט

תגובה דורך קאלט »

איך בין נישט גוט אין נומבערס, אבער דער שרייבער האט א קלארע גוטע שפראך
אוועטאר
מיט א פרישקייט
שר האלף
תגובות: 1554
זיך איינגעשריבן אום: דאנערשטאג נאוועמבער 28, 2019 12:00 pm
לאקאציע: פריש'ידער

Re: שרייבעריי פארמעסט תש"פ - #2 - פון נומבערס ביז קאמפיוטערס

  • ציטיר
  • צו לייגן א דאנק דארפט איר זיין אריינגעלאגט

תגובה דורך מיט א פרישקייט »

זייער א שיינע קלארע געשמאקע לעקציע. אן ארטיקל וואס איז מער אינפארמאטיוו ווי אונטערהאלטענד. באקומט פון מיר גוטע רעיטינגס!
קלוגע מענטשן רעדן וועגן געדאנקען; דורכשניטליכע מענטשן רעדן וועגן געשעענישן; נארישע מענטשן רעדן וועגן מענטשן.
אוועטאר
פלטיאל
שר האלפיים
תגובות: 2465
זיך איינגעשריבן אום: מאנטאג אפריל 13, 2015 10:19 pm
לאקאציע: בערך פופצן מינוט אוועק...

Re: שרייבעריי פארמעסט תש"פ - #2 - פון נומבערס ביז קאמפיוטערס

  • ציטיר
  • צו לייגן א דאנק דארפט איר זיין אריינגעלאגט

תגובה דורך פלטיאל »

ריזיג, א טאלאנט וואס ווייניג האבן.

צוזאמשטופן אזויפיל אינפארמאציע אין אזוי ווייניג שורות, און נאכדערצו מיט אזא זעלטענע קלארקייט, דאס ליגט זעלטענע חכמה.
מיין מיינונג קען זיך אפשר טוישן אבער נישט דער פאקט אז איך בין גערעכט!
זעירא
שר חמישים ומאתים
תגובות: 435
זיך איינגעשריבן אום: דאנערשטאג נאוועמבער 14, 2019 3:01 pm

Re: שרייבעריי פארמעסט תש"פ - #2 - פון נומבערס ביז קאמפיוטערס

  • ציטיר
  • צו לייגן א דאנק דארפט איר זיין אריינגעלאגט

תגובה דורך זעירא »

זעהר קלאר!
שרייב תגובה

צוריק צו “היימישע קרעטשמע”