אביסל-אסאך, אסאך-אביסל

די אחראים: אחראי, גבאי ביהמד

אוועטאר
מיללער
שר עשרים אלפים
תגובות: 25543
זיך איינגעשריבען אום: דאנארשטאג יוני 14, 2007 9:48 am

אביסל-אסאך, אסאך-אביסל

תגובהדורך מיללער » פרייטאג יוני 15, 2007 4:36 pm

ביי קינדער הערט מען אפט דעם אויסדריק "אביסל-אסאך"

-ס'געווען אסאך מענטשן אין די וועיטינג רום ביים דאקטאר?
- אביסל-אסאך

משא"כ "אסאך-אביסל" הערט מען נישט זייערץ

יעצט לאמיר עס צונעמען, 'אביסל-אסאך' איז אויך נישט גראמאטיש אויסגעהאלטן? ווייל ס'איז א פאראדאקס (סתירה), אדער ס'איז ליבערשט אן ארימע שפראך (Poor vocabulary) ואס איז שטארק פארהאנען ביי קינדער.

וואזוי וואלט אן ערוואקסענער רעאגירט צום אויבנדערמאנטן פראגע ווען דער ענטפער איז אז ס'געווען א גרעסערער עולם ווי אן אנדערסמאל, אבער נישט גענוג עס צוריפן אסאך?

-ס'געווען אסאך מענטשן אין די וועיטינג רום ביים דאקטאר?

1) נישט געפערליך (איך האב עפעס געפרעגט צו געפערליך? געפערליך איז א שירעם וואס עפענט זיך אין בויך!)
2) ניין (זייער נישט קלאר, ס'קען אויך מיינען קיינער איז נישט דארט געווען אדער גאר ווייניג)
3) אביסל (שקר, סאיז געווען מער פון אפשר אביסל (זשינקס!) , אבער נאך אלס נישט קיין סך)
4) דורכשניטליך, עוורידזש (אוקעי, גאנץ קלאר)
5)גאנץ אסאך (בראווא! בעסטע ענטפער לדעתי)

סאו וואס איז דער אינטערשיד פון 'גאנץ-אסאך' און 'אביסל-אסאך'?

(איך האב אן ענטפער, לאז אבער דער עולם טראכטן אביסל)


---------
"לאו'ס, אימפראווינג האום אימפראוומענט!"

אוועטאר
איך_הער
סעקרעטאר
תגובות: 18576
זיך איינגעשריבען אום: דינסטאג יולי 04, 2006 6:47 pm
לאקאציע: אין אפיס
פארבינד זיך:

תגובהדורך איך_הער » פרייטאג יוני 15, 2007 7:00 pm

כ'וויל נישט פארדרייען, אבער ס'איז שוין איינמאל געווען א גאנצע טענה'ריי, איבער אן אנדער ווארט וואס האט צו טוהן מיט אסאך.

צו מ'קען אין איין סענטענס זאגן, אסאך מאל יא, און אסאך מאל נישט.
לעצט פאראכטן דורך איך_הער אום זונטאג יוני 17, 2007 2:22 pm, מאל פאראכטן געווארן 1 סך הכל.

אוועטאר
קרעמער
שר עשרים אלפים
תגובות: 28277
זיך איינגעשריבען אום: זונטאג יוני 25, 2006 12:34 pm

תגובהדורך קרעמער » זונטאג יוני 17, 2007 2:31 am

דער פשוט'ער אינטערשיד האסטו דאך אליין מקדים געווען, בעת אביסל-אסאך איז א פאראדאקס, איז גאנץ-אסאך גאנץ א פיינער שידוך.

ניין
שר מאה
תגובות: 109
זיך איינגעשריבען אום: מוצ"ש יוני 16, 2007 10:14 pm

תגובהדורך ניין » זונטאג יוני 17, 2007 1:25 pm

מילער
אפשר 6) עס זענען דארט געווען א היבש ביסל מענטשן אדער 7) גאנץ פול מיט מענטשן

אוועטאר
מיללער
שר עשרים אלפים
תגובות: 25543
זיך איינגעשריבען אום: דאנארשטאג יוני 14, 2007 9:48 am

תגובהדורך מיללער » זונטאג יוני 17, 2007 2:02 pm

ניין, קודם שלום עליכם נאכדעם עליכם שלום.

און יעצט צום פוינט, דיין אויסוואל איז זייער ארים דו"ק ותשכח

אדוני קרעמער,

מהיכן דנתני? פארוואס איז אביסל-אסאך א פאראדאקס בעת וואס אביסל-שטארק, אביסל-הויעך און אביסל-גרויס זענען נישט?

ולא עוד אלא, וואס איז דער באדייט פון גאנץ-אסאך? איז עס פון די זעלבע משפחה ווי גאנץ/האלב אדער גאנץ דער קלינערס?

-------
"האום דיפאו, יו קען דא איט ווי קען העלפ"

ניין
שר מאה
תגובות: 109
זיך איינגעשריבען אום: מוצ"ש יוני 16, 2007 10:14 pm

תגובהדורך ניין » זונטאג יוני 17, 2007 8:40 pm

מילער קיין חק בלי טעם איז נישט אינטרעסאנט. איך מיין אז בעסער ווי דיינער ערשטע פיר אויסוואלן איז עס יא. דו"ק ותשכח.
עניוועי, 8) עס זענען דארט געווען היבש אסאך (אדער היבש ביסל) מענטשן.
אויב וועסטו זאגן "דיין אויסוואל איז זייער ארים", גיב א טעם. פסק אן טעם קען יעדער.

אוועטאר
מיללער
שר עשרים אלפים
תגובות: 25543
זיך איינגעשריבען אום: דאנארשטאג יוני 14, 2007 9:48 am

תגובהדורך מיללער » זונטאג יוני 17, 2007 9:00 pm

היבש-אסאך איז גראדע יא א גוטער אויסוואל (וואס עס איז אנדערש ווי נומער 6 גאו פיגער איט) וועגן דיינע אנדערע צוויי פארשלאגן, און קורצן ביזט אנטלאפן פונעם פראבלעם ווי איידער עס צו אדרעסירן, קאפטשאו?



--------
סינגולער פאסט דיך די בעסטע

אוועטאר
מיללער
שר עשרים אלפים
תגובות: 25543
זיך איינגעשריבען אום: דאנארשטאג יוני 14, 2007 9:48 am

תגובהדורך מיללער » דאנארשטאג יוני 11, 2009 3:39 pm

עס איז מיר אויסגעקומען נעכטן אריינצוקלערן נאכאמאל אין די נושא והעלה מצודתי עטליכע הערות וואס איך וועל פרובירען אויסצולופטערן בתוכינו און הערן וואס אנדערע האבן צו זאגען דערויף.

אלע 'עדזשעקטיווס/שם תואר' (וויאזוי זאגט מען דאס נאר אויף אידיש מר. אידיש?) אויף אידיש קען מען זאגען אויף עטליכע פארעמען, איך וועל געבן עטליכע משלים;

הויעך-העכער-העכסטע
גרויס-גרעסער-גרעסטע
שיין-שענער-שענסטע
רייך-רייכער-רייכסטע
ביליג-ביליגער-ביליגסטע
הייליג-הייליגער-הייליגסטע

משא"כ ביי 'אסאך' וואס דארט ווערט דאס געטוישט צו; אסאך-מער-מערסטע
פארוואס איז דאס אז מ'קען נישט זאגען "ער האט אסאכער ווי דיר, אבער די אסאכסטע האט משה דוד"?

לאמיר גיין מיט א טריט ווייטער; וואס איז דער אנטאנים פון 'אסאך', יעדער קינד ווייסט 'אסאך/אביסל' ווידער וואס איז דער אנטאנים פון 'מער' = 'מער/ווייניגער' וואס איז דא געשעהן מיטן 'אביסל' און פארוואס 'ווייניג-ווייניגער-ווייניגסטע' איז אין די זעלבע גרופע פון אויבן, אבער 'מער-מערסטע' האבן נישט דעם דריטן פאר'ל? הלא דבר הוא.

קלער איך אזוי, אז דער אמת איז אז 'מער' מיינט נישט 'יותר' נאר טאקע 'הרבה' און דער אמת'ער סעט גייט אזוי; מער-מערער-מערסטע (האט איר שוין געהערט פון 'מערערע'?) נאר עס איז פשוט נשתכח געווארן, און דאס איז דער אנטאנים פון ווייניג-ווייניגער-ווייניגסטע.

ואם כנים הדברים קען מען פארענטפערן די קשיא וואס איך האב אויבן געפרעגט:
מיללער האט געשריבן:מהיכן דנתני? פארוואס איז אביסל-אסאך א פאראדאקס בעת וואס אביסל-שטארק, אביסל-הויעך און אביסל-גרויס זענען נישט?


דער תירוץ איז אז 'אביסל' איז נישט די זעלבע זאך ווי ווייניג וואס מיינט 'מיעוט' נאר 'מעט', דאס טייטש אז דער ווארט 'אביסל' באצייכנט נישט דוקא די כמות-הכמות נאר דעם כמות-האיכות, און טאקע דערפאר פארט ער זיך מיט אלע אויבערשטע ווערטער; אביסל-גרעסער, אביסל-שטערקער, אביסל-מער(ער), אביסל-העכער וכדו', און דאס זעלבע איז זיין שותף 'אסאך'; אסאך-קלענער, אסאך-ווייניגער, אסאך-נידריגער, אסאך-שוואכער.

ודו"ק כי נכון הוא בס"ד.

אוועטאר
סאכדעס
שר עשרים אלפים
תגובות: 20429
זיך איינגעשריבען אום: דינסטאג יוני 27, 2006 2:15 pm
לאקאציע: אלעמאל נאנט צו התאחדות
פארבינד זיך:

תגובהדורך סאכדעס » מאנטאג אוגוסט 31, 2009 1:22 pm

מיללער, דיינע רייד זענען מתוק מדבש, ומנופת צופים.

יוםטובערליך
שר חמש מאות
תגובות: 672
זיך איינגעשריבען אום: פרייטאג אוגוסט 31, 2007 12:32 pm

תגובהדורך יוםטובערליך » מאנטאג אוגוסט 31, 2009 11:19 pm

מיללער, שוין זייער לאנג נישט געליינט אזא גוטס וועגן אידישע גראמאטיק.

אויף דעם קען מען באמת זאגן אלעס קלאפט שוין ווי א שווייצער זייגער, אלעס איז געפאלן אין פלאץ.

אבער איין קשיא איז געבליבן, אויב "מער" מיינט "הרבה" און נישט "יותר," דעמאלט וואס איז די אידיש ווארט פאר "יותר"?.....?! האאאא??????

איך פרעג עס נישט ווייל איך וויל דיך אפפרעגן. חס ושלו'. איך בין מקבל דיין שטעלונג. אבער עס לאזט איבער זייער א שווערע פראגע.

בדוחק גדול קען מען אפשר זאגן אז "מער" מיינט ביידע סיי יותר און סיי הרבה, אבער דאס איז א גאר עקסטרעמע דוחק.

אגב, דיין אויפטו איז מיר גאר געשמאק מחמת א צווייטן טעם, אז עס גיט לכאורה דעם לעצטן קלאפ פאר די (איין-איינציגסטע) געפערליכע ביטערע און קינדערישע עקשנות'דיגע טעות פונעם הויכגעשעצטן "מעלות" אז "אסאך" איז באמת לשה"ק און קומט "א סך," וואס מיינט אז ס'איז באמת דער אפטייטש פון "סך" וואס קען זיין א קליינע כמות, למשל, א הויפן פאפירן, קען זיין א פיצעלע הויפן, קען זיין א גיגאנטישע.

זינט "מעלות" ערשיינט, האבן זיי מיך נישט אויפגערעגט אווי מיט די דאזיגע נערישע שטעלונג וואס האט נישט קיין הענט און נישט קיין פוס - אפילו אזויגערופענע נעא-שרייבערס האבן דאס אדאפטירט לאק סטאק ענד בערל.

מיין הויפט טענה אויף דעם איז, אז אויב ווילסטו נוצן "סך" אנשטאט "אסאך" צו זאגן א גרויסע כמות, ביסטו א תרתי דסתרי. דו קענסט נישט שרייבן "א סך געלט" ווען דו ווילסט זאגן "הרבה" געלט, ווייל דו האלטסט בשיטה אז עס מיינט נישט דאס בכלל, נאר א געוויסע כמות, א בינטל. קענסט נישט טאנצן אויף צוויי חתונות. העכסטנס שרייב "א גרויסע סך געלט," אבער דאס וועט "מעלות" נישט שרייבן ווייל "עס שטימט נישט, עס איז פישי." נו, משם תדע!!

יעצט, הרב מיללער, אז דו האסט אזוי שיין באצווילינגט דעם "אסאך" מיט "אביסל" האסטו "ביי דיפאלט" (נו, זאל איינער טרעפן דעם אידיש אפטייטש, און "דע פאקטא" איז נישט אידיש...) אפגעוואנדן די לעצטע שטאנד פונעם סך-מעלות געמויזעכץ.

און אויב די מעלות מאנשאפט זעהן די ווערטער, ביטע נעמט עס נישט בייז. איך האלט "מעלות" איז אין היינטיגן דור א בחי' פון שיירי כנסת הגדולה, אזוי קריטיש וויכטיג פאר'ן דור ווי סיי וואס אנדערש אין חינוך, חיזוק, עזות דקדושה, זיך קלאמערן צום דת משה וישראל טראץ די שטורמישע כוואליעס ואכמ"ל והדברים ידועים. אבער מיט די איינע זאך, ממש נאר דאס איינע, האבן זיי ווי געלאזט, הממממ, לאמיר טרעפן עפעס א גוט משל, געלאזט עפעס אזא מין זאך ווי, הממממ, איך טרעף עפעס נישט קיין פועל דמיוני אויפ'ן סעקונדע, עפעס אזא מין זאך ווי א קליינע ברעקל שטויב אויף א נייע גאלדענע קרוין פון א ספר תורה, מ'דארף עס נאר געבן א בלאז אראפ און ס'קרוינדל איז ממש פערפעקט. נעעעע, דער משל איז נישט אזוי פאסיג און קריספי, אבער פאר צוועלף-פופצן פארטאגס איז עס אויך גוט.

הכלל, יישר כוח הרב מיללער.

אוועטאר
פרייליכערהייט
שר חמש מאות
תגובות: 502
זיך איינגעשריבען אום: מיטוואך יולי 29, 2009 12:33 am

תגובהדורך פרייליכערהייט » דינסטאג סעפטעמבער 01, 2009 1:00 am

יא יאנטל , פאר צוועלף פופצן פארטאגס מאכסטו א ריזיגע דזאב (יידיש-משכנתא,) אויף אונזער אלעם הויעך געשעצטן מעלות ,

אבער יעך מיין , אז סיי דו , און אויך מורינו מסקרענטן שליט"א זאל ער זיין געזונט , האבן פארפאסט אנצוגעבן א וויכטיגע , פרט , אין נוגע'דיגע שטיקל אינפארמאציע , וואס פעהלט זייער אויס צו דערגיין, און פארשטיין, פאר מען לאזט זיך ארויס פון די זיכערע ספיקות , צו די אומזיכערע מסקנות , און באהויפטונגען נאר ווייל מען וויל פארענטפערן א זאך וואס איז נישט אזוי שווער לכתחלה ,
ואפרט : פון וואו טאקע זיינען דיזע ווערטער צושטאנד געקומען ?, ומהיכן ירקות אלו חיים ?,
אין וועלכע יאהר הונדערט האט מען אריינגערוקט "אסאך" אין אונזער ווערטער בוך ? ,
און וועמענ'ס מאמע האט אזוי מייסטערהאפטיש אריינגערוקט "אביסל" אין מאמע לשון ? אתמהה,, ?
אין זה , נאר אז ס'איז אפשר א נייס טריי , און א שיינע טעאריע , אבער כ'מיין אז מעלות'ס ווערסיע לייגט זיך מער אויפ'ן \אינעם שכל ,
ומה שהקשית , אז לכאורה אויב די לשון הקודש'ע סך מיינט א מאס , ווייניג און א-ס-א-ך צוגלייך , וויאזוי איז פון דעם געווארן "הרבה" , תדע אהובי ידידי שאין זה קשה כלל , ווייל אין הכי נמי אז אין לשוה"ק מיינט עס טאקע סך אפגעזעהן וויפיל , אבער למעשה נוצט מען עס געוועהנליך מה שנוגע לכמות מסויימת , וכגון "סך הכל" "סך מסויים" (העלף ארויס מיט נאך משלים , ,) ועוד , אז די ווארט סך איז דאך באמת די שורש פון די ווארט "סכום" יא ? מסכים ? (ניין. מסכים איז א אנדערע ווארט , שורשו מלשון הסכמה, ודו"ק) אין סכום איז דאך א געוויסע מאס , קיינער העט נישט זאגן "גיס צו סכום מלח אל המרק ", מהעט זאגן "מעט מלח " ווייל סכום רעדט זיך שוין פון א "גרע ס ע ר ע , , מאס , שטימט ?
סוי פאר סוי גוד?? ,
יעצט פון דא אין ווייטער איז שוין ממש א שפאן , אז עס איז גרייזיג , אדער בייזוויליג , שארפזיניג , וואטעווער יו וואנע קאל איט , אר וויטש עווער וועי יו וואנע לוק עט איט , געדרייט אין פארדרייט געווארן , אויף לכתחלה צו באצייכענען "הרבה" , אין יידיש , אזוי ווי דרכם של אבותינו מעולם , זיך ספראווען'דיג זיך מיט'ן שטענדיגן , אומפארענדיגטן , נישטשפראך אידיש , האט מען געכאפט ,און געציפט , פון ווי אימער און ווען אימער ,
ומה שנוגע ל "אביסל " אני עדיין נבוך קצת ,
כאשר דלת אחת של אושר נסגרת - אחרת נפתחת.אבל לרוב אנו מסתכלים על הדלת הסגורה, ולא רואים את זו שנפתחת עבורנו.

אוועטאר
farshlufen
שר עשרים אלפים
תגובות: 20705
זיך איינגעשריבען אום: פרייטאג נובעמבער 16, 2007 8:26 am
לאקאציע: אויף די פאליצעס אין ספרים שאנק

תגובהדורך farshlufen » דינסטאג סעפטעמבער 01, 2009 8:55 am

אינני מכניס את ראשי בין ההרים הגבוהים, אבער אין לשון הקודש איז פארהאן:

רב, רבה, הרבה, וואס באדייט פיל און צאל אדער גרויס אין מאס.
יותר, יתרון, הותר, נותר, וואס באדייט מער ווי עפעס אנדערש, מער ווי גענוג, פון א צווייטן, אדער מער ווי די ערלויבטע צייט.
ווידעראום "סך", איז אן ארמ'יש ווארט.
סימן דלא ידע כלום, שבוחי.

אוועטאר
מיללער
שר עשרים אלפים
תגובות: 25543
זיך איינגעשריבען אום: דאנארשטאג יוני 14, 2007 9:48 am

תגובהדורך מיללער » דינסטאג סעפטעמבער 01, 2009 10:04 am

א גוט יום טוב (נישט קיין דאפלט לשון...) הרב ערליך,

עס איז מיר א כבוד אז כבודו האט מעיין געווען בדברי און אפי' געטאן מעיר זיין כיד ה' הטובה עליו, תשוח"ח לך, ועל דבריך:
אבער איין קשיא איז געבליבן, אויב "מער" מיינט "הרבה" און נישט "יותר," דעמאלט וואס איז די אידיש ווארט פאר "יותר"?.....?! האאאא??????

האט איר פארזעהן מיין טעאריע אז 'הרבה' איז 'מערערע' און 'יותר' איז 'מער' (הגם, עס ברויך זיין פארקערט, קען זיין אז ברבות הימים האט זיך עס פארטוישט).

וועגן אייער טענה כלפי 'מעלות' מיר פארמאגן אן אשכול נאר פאר די נושא פון אסאך/א-סך, ואכמ"ל אבער אזויפיל וועל איך יא זאגען אז לו יציור אז דער ווארט איז אפשטאמיג פון לשה"ק/אראמיש ברויך מען דאס שרייבען מיט דעם צווייטען אל"ף נאכען סמ"ך ווייל ווען א לשה"ק ווארט ווערט אידישיזירט קומט דאס מיט די אידישע אויסלייג-כללים (עי' ערך דאקטוירים, געהארגעט, ועוד) און אויב זענען זיי דערקעגן איז דאס א דעבאטע פאר זיך.

-

נאר פרייליכערהייט, באבלאזן קומט מען אין ערגעץ נישט אן,
מר. פרייליך, איר פארט מימין לשמאל וממזרח למערב און בלייבט גאר נבוך מה שנוגע ל'אביסל' און מיט דעם אלעם זענט איר קלאר נוטה אז דער ריכטיגער ווארט איז 'סך', איך וואלט געזאגט אז ווילאנג מ'ציעט נישט די מסקנא אויף די גאנצע נושא איז שווער צו זיין זיכער מיט א האלבע ודו"ק.

'סכום' מיט 'הסכמה' איז פונעם זעלבן שורש נישט נאר פילילאגיש נאר ממש איינס, ווען איינער איז 'מסכים' צו יענעם מיינט אז זיי האבן זיך 'אויסגעגלייכט' און זענען 'איינשטימיג' דאס הייסט זיי זענען ביי איין 'סך-הכל' דו"ק ותשכח.

אוועטאר
farshlufen
שר עשרים אלפים
תגובות: 20705
זיך איינגעשריבען אום: פרייטאג נובעמבער 16, 2007 8:26 am
לאקאציע: אויף די פאליצעס אין ספרים שאנק

תגובהדורך farshlufen » דינסטאג סעפטעמבער 01, 2009 10:15 am

מיללער האט געשריבן:'סכום' מיט 'הסכמה' איז פונעם זעלבן שורש נישט נאר פילילאגיש נאר ממש איינס, ווען איינער איז 'מסכים' צו יענעם מיינט אז זיי האבן זיך 'אויסגעגלייכט' און זענען 'איינשטימיג' דאס הייסט זיי זענען ביי איין 'סך-הכל' דו"ק ותשכח.

איך הייב נישט אן מיט די פילאליגישער חלק, וועסט מיך נאך אנכאפן ביי די הערנער און ארויספירן.
סימן דלא ידע כלום, שבוחי.

והוא פלאי
שר האלפיים
תגובות: 2749
זיך איינגעשריבען אום: זונטאג אוגוסט 23, 2009 3:18 pm

תגובהדורך והוא פלאי » דינסטאג סעפטעמבער 01, 2009 11:14 am

איר קענט זיך אסאך דינגן מיט די מעלות איבער אסאך, אבער ווי לאנג איר טרעפט נישט א ווארט בדומה לזה אין דייטש רוסיש וכו', אלע שפראכן וואס אידן האבן דערפון צוזאמן געשטעלט אידיש, איז ער (זי?) גערעכט. בפרט ווען אין די גאר אלטע טייטש חומשים איז עס געשריבן א סך. און עס איז דא ענדליך צו דעם אין אנדערע שפראכן, עיין במקור A LOT ודו"ק
ואם בפאראדאקס עסקינן, מאי שנא, פון מער-ווייניגער וואס דערוואקסענע נוצען?
למה זה תשאל לשמי...

אוועטאר
מיללער
שר עשרים אלפים
תגובות: 25543
זיך איינגעשריבען אום: דאנארשטאג יוני 14, 2007 9:48 am

תגובהדורך מיללער » דינסטאג סעפטעמבער 01, 2009 11:47 am

הרב הפלאי מער/ווייניגער איז פארהאן און אלע שפראכען more-or-less mas-o-manos עס באצייכענט טאקע אט דאס, אז די 'הגדרה' איז לאו-דוקא, נאר איז בערך 'אדער מער אדער ווייניגער', קיין פאראדאקס.

פארשלאפן,
איר פארמאגט הערנער? אז ירים ה' קרניך למעלה, וקרן דוד יצמיח לנו במהרה, אבער אי משום הא לא איריא, אדרבא, אם יש דברים בגו אל תמנע טוב מאתנו.

אוועטאר
סעיגען
שר חמישים
תגובות: 84
זיך איינגעשריבען אום: מאנטאג אוגוסט 24, 2009 10:43 pm

תגובהדורך סעיגען » דאנארשטאג סעפטעמבער 03, 2009 10:54 pm

יוםטובערליך האט געשריבן:מיין הויפט טענה אויף דעם איז, אז אויב ווילסטו נוצן "סך" אנשטאט "אסאך" צו זאגן א גרויסע כמות, ביסטו א תרתי דסתרי. דו קענסט נישט שרייבן "א סך געלט" ווען דו ווילסט זאגן "הרבה" געלט, ווייל דו האלטסט בשיטה אז עס מיינט נישט דאס בכלל, נאר א געוויסע כמות, א בינטל. קענסט נישט טאנצן אויף צוויי חתונות. העכסטנס שרייב "א גרויסע סך געלט," אבער דאס וועט "מעלות" נישט שרייבן ווייל "עס שטימט נישט, עס איז פישי." נו, משם תדע!!


לאו דוקא, עס זענען דא אנדערע ווערטער וואס זענען אריינגעקומען אין אידיש פון לשה"ק, און האבן אנגענומען א גענצליך אנדערן באדייט ווי אין לשה"ק, אבער דאך היט מען אויף דעם אריגינעלן אויסלייג. בלויז א ביישפיל: דאס ווארט "חוזק" - "ער מאכט חוזק פון מיר." כאטש דער באדייט איז גענצליך אנדערש ווי אין לשה"ק היטן מיר אויף דעם אריגינעלן אויסלייג פון דעם ווארט.
דאס זעלבע מיט "סך" - עס האט טאקע אין אידיש אן אנדערע (און מעגליך פארקערטע) באדייט ווי אין לשה"ק, אבער מיר מעגן ווייטער אנהאלטן דעם אויסלייג פון לשה"ק.

יוםטובערליך
שר חמש מאות
תגובות: 672
זיך איינגעשריבען אום: פרייטאג אוגוסט 31, 2007 12:32 pm

תגובהדורך יוםטובערליך » דאנארשטאג סעפטעמבער 03, 2009 11:23 pm

סעגעין, דו כאפסט אפשר נישט.

אין פאל פון סך-סאך, האלטן די "סך" אנהענגער אז אויף אידיש מיינט עס דוקא יא די זעלבע ווי לשה"ק. אז עס מיינט דוקא נישט "הרבה," נאר א געוויסע כמות וואס קען זיין אסאך אדער ווייניג. עס איז נישט קיין פארגלייך צו "חוזק."

ממילא, אויב דו ווילסט אז "אסאך" זאל מיינט נישט הרבה נאר "סך," פונקטליך ווי אין לשה"ק, פארוואס שרייבסטו נישט "א גרויסע סך געלט" אנשטאט "א סך געלט"?

האאא?

אוועטאר
סעיגען
שר חמישים
תגובות: 84
זיך איינגעשריבען אום: מאנטאג אוגוסט 24, 2009 10:43 pm

תגובהדורך סעיגען » דאנארשטאג סעפטעמבער 03, 2009 11:39 pm

איך ווייס נישט ווער די "'סך' אנהענגער" זענען, אבער איך שרייב געווענליך "א סך," אזוי ווי "מעלות" דיקטירט, און איך פארשטיי אז עס מיינט נישט דאס זעלבע ווי אין לשה"ק.
אלנפאלס, אז דו האסט טענות אויף דעם אויסלייג "א סך," אפשר זאלסטו ליבערשט האבן טענות אז די "'סך' אנהענגער" ווילן נישט מודה זיין אז "סך" אין אידיש באדייט עפעס אנדערש ווי "סך" אין לשה"ק, והכל על מקומו יבוא בשלום...


צוריק צו “שפראך, גראמאטיק און דקדוק”

ווער איז אונליין

באנוצערס וואס דרייען זיך דא: נישטא קיין איינגעשריבענע באנוצערס און 3 געסט