שפראך הילף מיט'ן אויפבויען די אידישע וועלט פורומס

די אחראים: אחראי, גבאי ביהמד

אוועטאר
מאשקע
מ. ראש הקהל
תגובות: 12555
זיך איינגעשריבען אום: מיטוואך נובעמבער 15, 2006 2:40 am
לאקאציע: אין די חיפוש

שפראך הילף מיט'ן אויפבויען די אידישע וועלט פורומס

תגובהדורך מאשקע » מיטוואך מאי 30, 2007 5:34 pm

היות איך בין אינוואלווד אין איינשטעלן דעם "אידיש" אינעם נייעם קרעטשמע (עיין כאן), וויל איך מיך דא ווענדן צום עולם, ווער ס'קען געבן די ריכטיגע אידישע אפטייטש פאר פארשידענע ווערטער וואס ווערט גענוצט אין א פארום.
איך וועל אנפאנגען מיט איין ווארט
ATTACHMENT
וואס קיין שום ווארט אויף אידיש האט מיך דערווייל נאכנישט צופרידנגעשטעלט.
איך וועל אי"ה אין די קומענדיגע טעג ארויפלייגן נאך ווערטער וואס דארפן האבן א ריכטיגן אפטייטש.
*
צווייטנס, האב איך א שאלה צום עולם: זאל מען נוצן ממש בלויז ריין אידיש, און זיך פלאגן אז "יעדעס" ווארט זאל זיין אידיש, אדער זאל מען ענדערש נוצן "פלעין אידיש", וואס יעדער וועט גרינג קענען פארשטיין?

אוועטאר
קרעמער
שר עשרים אלפים
תגובות: 28277
זיך איינגעשריבען אום: זונטאג יוני 25, 2006 12:34 pm

תגובהדורך קרעמער » מיטוואך מאי 30, 2007 5:42 pm

פלעין אידיש וועט פעסן... כ'מיין 'איז גוט'.

עטעטשמענט? אפשר 'צוגאבע'?

אוועטאר
סאכדעס
שר עשרים אלפים
תגובות: 20440
זיך איינגעשריבען אום: דינסטאג יוני 27, 2006 2:15 pm
לאקאציע: אלעמאל נאנט צו התאחדות
פארבינד זיך:

תגובהדורך סאכדעס » מיטוואך מאי 30, 2007 5:56 pm

אזוי ווי קרעמער זאגט.

אבער פארשטייט זיך נאר פלעין ווען סיז נישט דא קיין אנדערע טשויס.

צוגאבע??? נע...

אוועטאר
מאשקע
מ. ראש הקהל
תגובות: 12555
זיך איינגעשריבען אום: מיטוואך נובעמבער 15, 2006 2:40 am
לאקאציע: אין די חיפוש

תגובהדורך מאשקע » מיטוואך מאי 30, 2007 5:58 pm

איך האב געהאט געטראכט פון: צוגאבע, ביילאגע, באהעפטונג, און פרעגטס נישט וואס נאך, ווייל איך געדענק שוין נישט. אבער אויב אפילו נאר איינער וועט נישט וויסן וואס ס'מיינט, האט זיך נישט געלוינט די גאנצע זאך.

בני היכלא
שר האלפיים
תגובות: 2664
זיך איינגעשריבען אום: מיטוואך מאי 02, 2007 12:01 am

תגובהדורך בני היכלא » מיטוואך מאי 30, 2007 11:55 pm

מאשקע, עקשועלי, דיין צווייטע שאלה פארענטפערט דיין ערשטע.
די אלע ווערטער וואס דו דערמאנסט, איז טאקע די דעפיניציע פון די ווארט עטעטשמענט, אבער עטעטשען א פייל מיינט עס נאך אלץ נישט, ווייל מ'נוצט עס קיינמאל נישט פאר דעם.
לעצט פאראכטן דורך בני היכלא אום מיטוואך אפריל 09, 2008 5:19 am, מאל פאראכטן געווארן 1 סך הכל.

אוועטאר
קרעמער
שר עשרים אלפים
תגובות: 28277
זיך איינגעשריבען אום: זונטאג יוני 25, 2006 12:34 pm

תגובהדורך קרעמער » דאנארשטאג מאי 31, 2007 12:20 am

'עטעטשן' א פייל מיינט קלאר 'צוקלעבן', די שאלה איז אבער צי מען זאגט "צוקלעבאכץ" אנשטאט "עטעטשמענט"

בני היכלא
שר האלפיים
תגובות: 2664
זיך איינגעשריבען אום: מיטוואך מאי 02, 2007 12:01 am

תגובהדורך בני היכלא » דאנארשטאג מאי 31, 2007 12:37 am

קלעבן אויף ענגליש, איז לענ"ד, sticking or adhering, glueing or pasting but not attaching
עטעטשען מיינט באהעפטן אויף די אידישע שפראך.
לעצט פאראכטן דורך בני היכלא אום מיטוואך אפריל 09, 2008 5:19 am, מאל פאראכטן געווארן 1 סך הכל.

אוועטאר
אלץ-ווייסער
שר חמש מאות
תגובות: 861
זיך איינגעשריבען אום: פרייטאג אפריל 27, 2007 11:35 am
לאקאציע: נע ונד

תגובהדורך אלץ-ווייסער » דאנארשטאג מאי 31, 2007 1:30 am

בני היכלא גערעכט !
עטעטשען איז באהעפטן.
בל' ס"ג - ניקס ווייסער וד"ל

אוועטאר
קרעזי
שר חמש מאות
תגובות: 682
זיך איינגעשריבען אום: דאנארשטאג סעפטעמבער 07, 2006 7:00 am
לאקאציע: צו ס'איז אין מקוה, צו גאר הכנות, א איד בלייבט א איד בכל מקום שהוא

תגובהדורך קרעזי » דאנארשטאג מאי 31, 2007 8:17 am

איך מיין אז די בעסטע ווארט פון די אלע איז "ביילאגע", און דאס איז וואס איז מיר געקומען אויפן געדאנק זעהנדיג מאשקע'ס פראגע.

אוועטאר
אלץ-ווייסער
שר חמש מאות
תגובות: 861
זיך איינגעשריבען אום: פרייטאג אפריל 27, 2007 11:35 am
לאקאציע: נע ונד

תגובהדורך אלץ-ווייסער » דאנארשטאג מאי 31, 2007 3:08 pm

ביילאגע באדייט א "מוסף" א "באנוס"...

ווער גיט היינט באנונס יעדן מאנטג און דאנערשטיג?
בל' ס"ג - ניקס ווייסער וד"ל

אוועטאר
קרעמער
שר עשרים אלפים
תגובות: 28277
זיך איינגעשריבען אום: זונטאג יוני 25, 2006 12:34 pm

תגובהדורך קרעמער » דאנארשטאג מאי 31, 2007 8:17 pm

פרוביר: צושטעלונג.

בני היכלא
שר האלפיים
תגובות: 2664
זיך איינגעשריבען אום: מיטוואך מאי 02, 2007 12:01 am

תגובהדורך בני היכלא » דאנארשטאג מאי 31, 2007 10:52 pm

איך האב א נייע אויפטרעף, ווער זאגט אז ס'מוז זיין עפעס א אור-אלט ווארט, און מ'עט זיך טאנענען ס'שטימט יא... מאכט יא סענס..... מאכט נישט...,
אפשר איז שוין געקומען די צייט צו באשאפן א שפאגל נייע ווארט, מ'עט זיך ביינאזאם זעצן, די חברי הקרעשטמע, אפשר אין עפעס א זמן מוכשר ווי שלש סעועדות וכדומה, און נמנו וגמרו, מ'עט אויסרופן מיטן שופר לכל מאןדבעי למידע, פון היינט און ווייטער גייט א עטעטשמענט אויף אידיש אזוי געזאגט ווערן, אז מ'עט נוצן די ווארט וועט מען עס סייווי פארשטיין, און פאר די נייע אריינקומערס צום קרעטשמע, דויערט דאך סייוויסיי, א שטיק צייט ביז מ'כאפט פונקטליך אין וועלכע עולם די קרעטשמע איז, אצילות, בריאה, יצירה, עשיה, איך ווייס נאך עד היום נישט, איך בין נאך מסופק צווישן בריאה און יצירה,
וואס זאגט איר צום פלאן?, הא?, איך מיין אמתדיג מאשקע, איך טרייב נשט קיין שפאס, שוין ס'מוז נישט זיין א נייע ווארט, מ'נעמט א ווארט, עני, און מ'הייבט עס אן צו נוצן פאר עטעטשמענט, און ביז א וואך צוויי ווייסט מען שוין וויאזוי מ'נוצט די ווארט אויף א צווייטן אופן,
לעצט פאראכטן דורך בני היכלא אום מיטוואך אפריל 09, 2008 5:18 am, מאל פאראכטן געווארן 1 סך הכל.

אוועטאר
קרעמער
שר עשרים אלפים
תגובות: 28277
זיך איינגעשריבען אום: זונטאג יוני 25, 2006 12:34 pm

תגובהדורך קרעמער » דאנארשטאג מאי 31, 2007 11:17 pm

ספאדעווקא וואראזשינקע (אמאליגע אידיש: געוואלדיגע בייפאל!)

אוועטאר
געוואלד
שר חמישים
תגובות: 92
זיך איינגעשריבען אום: דינסטאג אפריל 17, 2007 12:31 pm

תגובהדורך געוואלד » דאנארשטאג מאי 31, 2007 11:18 pm

די מעשה איז אזוי, די עצם ווארט עטעטשמענט איז נאר באניצט געווארן אין די מאדערענע עפאכע, ווייל דאס איז א טערמין פון די אונטערנעץ טעקנאלאגיע, ע"כ וועט סיי וועלעכע ווארט אויסקוקן אויפפאלנד, ווייל די לשון בני אדם איז נאר "עטעטשמענט".

עכ"ז אבער איר ווילט דוקא וויסן דער טרוקענער אפטייטש און איר ווילט - ווי 'בני היכלא' רעקאמענדירט - אריינברענגען א פרישע גאנגבארע ווארט אין די אידישע לינגאו דאן איז עס קלאר "באהעפטונג".

בני היכלא
שר האלפיים
תגובות: 2664
זיך איינגעשריבען אום: מיטוואך מאי 02, 2007 12:01 am

תגובהדורך בני היכלא » פרייטאג יוני 01, 2007 12:01 am

קרעמער
קריינינקא דאיגרתינקא ליהוו פרווינקא. מאך עפעס אויף א ווארט, לאמיך זען וואס דו קענסט.
לעצט פאראכטן דורך בני היכלא אום מיטוואך אפריל 09, 2008 5:18 am, מאל פאראכטן געווארן 1 סך הכל.

אוועטאר
איך_הער
סעקרעטאר
תגובות: 18576
זיך איינגעשריבען אום: דינסטאג יולי 04, 2006 6:47 pm
לאקאציע: אין אפיס
פארבינד זיך:

תגובהדורך איך_הער » פרייטאג יוני 01, 2007 1:10 am

כ'פארשטיי נישט וואס עטס מוטשעטס ענק אזוי, כ'מיין אז יעדער איז דאך מסכים צו נוצן פלעין אידיש, נו, שרייבט מען 'עטעטשמענט', און פארטיג, דאס איז פלעין אידיש, ס'מוז נישט זיין אידיש טייטש, ס'דארף זיין אידישע ווערטער.

אוועטאר
יאנאש
שר שמונת אלפים
תגובות: 8286
זיך איינגעשריבען אום: מיטוואך יוני 28, 2006 8:40 pm
לאקאציע: וואו בינעך טאקע?

תגובהדורך יאנאש » מיטוואך יולי 23, 2008 11:46 am

arender האט געשריבן:א גוטן חשובע מעמבער'ס,

מיר האלטן איצטערט אינמיטן אינמיטן צוגרייטן די נייע קרעטשמע, און מ'האלט מיר אינמיטן ענדיגען וואס מאשקע האט אנגעהויבן, דהיינו דאס איבערטייטשען פון די ענגלישע און היברעיאישע ווערטער, צו מאמע לשון, (זעה דא.)

איצטערט אז איר וועט דארט זעהן זענען מיר נישט געבליבן מיט אן אפטייטש פאר עטעטשמענט, פון די עצות וואס דארט שטייט זעהט מיר אויס דאס בעסטע, דאס מאכן אייגענע אפטייטשונגען און דאס וועט פון היינט אן גענוצט ווערן עטליעסט אויף די אינטערנעט, בעט איך פונעם חשובען עולם ארויס צוהעלפן דערמיט,

לאמיר אנהייבן מיט טאקע דעם ערשטן ווארט וואס מען האט דארט געפרעגט און ווייטער.

1) ATTACHMENT

וואס גייט ארויף אויב מען וויל צולייגען צו א תגבה א בילד/קליפ/פייל וכדומה, די ווארט קען אריין קומען אין פארשידענע אומשטענדען, ווצב"ש "איר קענט נישט צולייגן קיין עטעטשמעטס", אדער "ווילסטו צולייגען אן עטעטשמענט צו די תגובה?" וכהנה וכהנה,


מיללער האט געשריבן:צוטשעפע, צושטעלונג, נספח, באהעפטונג.


arender האט געשריבן:לאמיר גיין ווייטער

2) Register אויף עברית "הרשם", אפטייטש זיך איינשרייבן אינעם סייט.

3) LOGIN אויף עברית "התחבר" דאס גייט ארויף אויף איינער וואס איז שוין איינגעשריבן אינעם סייט אבער ער איז נישט אריינגעסיינט, אז ער זאל זיך אריינסיינען.

4) LOGOUT אויף עברית "התנתק" פאר איינעם וואס איז אריינגעסיינט אז ער זאל זיך ארויס-סיינען.


arender האט געשריבן:איך גיי כסדר צולייגן אבער ווען איינער שרייבט אן ענטפער ביטע זיך באצוהען אויף די נומער פון די פראגע,

מיללער,

איז נישט נספח לשון הקודש?

און וואס זאגט דער עולם צו איינע פון די פיר וואס מיללער שרייבט?


מאשקע האט געשריבן:2) שרייב דיך איין

3) אריין

4) ארויס


נישט אז דאס זענען די ריכטיגע אפטייטשן פונעם ווארט, ווייל אויף נייע ענגלישע ווערטער איז דאך נישטא קיין אידישע איבערטייטש, אבער דאס איז פשוט וואס די מיטגלידער וועלן פארשטיין.


מאשקע האט געשריבן:הרב געוואלד (וואו איז ער?) שרייבט אין יענעם אשכול:

געוואלד האט געשריבן:די מעשה איז אזוי, די עצם ווארט עטעטשמענט איז נאר באניצט געווארן אין די מאדערענע עפאכע, ווייל דאס איז א טערמין פון די אונטערנעץ טעקנאלאגיע, ע"כ וועט סיי וועלעכע ווארט אויסקוקן אויפפאלנד, ווייל די לשון בני אדם איז נאר "עטעטשמענט".


דאס איז נישט אינגאנצן אזוי. דער ווארט געניצט אין אפיס שפראך אויף סיי וועלכע דאקומענט מ'שטעלט צו צו אן ארגינעלן פעקל דאקומענטן (כ'רעד פון פאפירענע דאקומענטן, איר געדענקט זיי?). פארשטייט זיך אז צוליב דעם ניצט מען דעם ווארט ווען מ'שטעלט צו א פייל צו אן אימעיל, אבער ארגינעל קומט עס נאך פון בעפאר דער טעכנעלאגיע עפאכע.


scy4851 האט געשריבן:ארענדער,
איך באצי מיך צי ATTACHMENT(1

וואס איז שלעכט מיט וואס איך-הער האט מגיב געווען אונעם לעצטע תגובה פון יענעם אשכול וואס איר האט אנגעצייכענט?

אוועטאר
מיללער
שר עשרים אלפים
תגובות: 25612
זיך איינגעשריבען אום: דאנארשטאג יוני 14, 2007 9:48 am

תגובהדורך מיללער » מיטוואך יולי 23, 2008 12:55 pm

ארענדאר,

נספח איז לשה"ק/עברית, כ'האב עס געזאגט אלס סאזשעטשאן אויב ווילסטו גיין מיט לשה"ק.

2) שרייב-דיך-איין איז מער יודישיסטיש, 'איינשרייבן' איז מער היימיש

3) איך שטיץ 'אריינסיינען' אפי' עס איז אנגלא-אידישבעסער ווי 'אריינלאגירען' פון די יודישיסטען

4) ווי אויבן 'ארויססיינען' (די שאלה איז נאר 'ארויס-סיינען' אדער 'ארויססיינען' אדער 'ארויסיינען')

ר' שמחה,
איך גלייך אידיש אווער אמעריאידיש ווען פאסיבל.

יוםטובערליך
שר חמש מאות
תגובות: 672
זיך איינגעשריבען אום: פרייטאג אוגוסט 31, 2007 12:32 pm

תגובהדורך יוםטובערליך » מיטוואך יולי 23, 2008 2:27 pm

בס"ד

בנוגע אויפטרעפן אייגענע ווערטער, האט איינע פון די אידישע צייטונגען אמאל ערצייגט די נייע ווארט: פאלאקציע.

ווער עס געדענקט... עס האט געדארפט מיינען גרויס הנאה, עז אין, דער עולם איז געזעצן ביי די מלוה מלכה און אויסגעהערט דעם פה מפיק מרגליות מיט גרויס פאלאקציע. כא כא כא. די נייע ווארט איז לכאורה נישט אנגעקומען צו ווייט.

וועגן עטעטשמענט, זאל מען עס נוצן פשוט אזוי, ווייל אפילו מ'וועט טרעפן די פערפעקט טייטש דערפון אין אידיש, וועט מען דאך נישט וויסן פון וואס מ'רעדט. למשל, מאשקע, דא איז די אימעיל מיט די באהעפטונג וואס דו האסט געבעטן פאר מנחה. (מאשקע גוגלט פאר געלעכטער.) ביי די וועג, וויאזוי זאגט מען פערפעקט אויף אידיש? אפילו מעלות וועט טרעפן די פערפעקט ווארט דערפאר, וועט עס פארט נישט זיין די פערפעקט וואס פערפעקט מיינט.

בדרך כלל ביי אידיש אויף מאדערנע באגריפן, גיי איך מיט ריין-אידיש, אבער נאר ווען עס איז נארמאל און פארשטענדליך. שטעל דיך פאר אנשטאט קאמפיוטער וואלט מען געשריבן "רעכן-מאשין" (טאטי, איך בעט אויף אפיקומן א דעל רעכן-מאשין, וואס האט א בלויע פארב ווי דער סימבאל פון די קערפערשאפט וואס הייסט אינטערנאציאנאלע געשעפטן אפאראטן, פארקערפערט. בלע"ז, איי. בי. עם., אינק. אינטערנעשאנעל ביזנעס מאשינס). פארשטאנטו?

ווער וויל קויפן א גוטע לעבן-פארזיכערונג פלאן, אויך האבן מער שולד פארזיכערונג (לייעביליטי), לאנגע טערמין פארזיכערונג, געזונטהייט און מעדיקאמענטן פארזיכערונג, געשעפטן פארזיכערונג, פייער און שטוב-אינהאלט פארזיכערונג פאר געדינגענע איינוואוינער און אויך פאר הויז אייגנטומער, אויך זענען מיר זייער גוט אויף פארהייראטונג-אפשפארזאמקייט-פלענער (*נאר פאר קינדער אונטער 3 יאר אלט).

בכלל איז גוט צו וויסן, ווען אן אויטא מאשין דארף אן אויל-טויש, דארף מען נישט גיין צו די טייערע מעכאניקער בודקעלעך, מ'קען אויך גיין צו וואנט-קראם (וואל-מארט בלע"ז), וואו מ'קען שוין אין איינוועגס אויך קויפן פאר ביליג מעדיצינען, קליידונג, עלעקטראנישע שטיקעלעך פאר בילדער כאפערס צו קענען איבערפירן די בילדער צו רעכן-מאשינען זייער שנעל (א שנעלקייט פון 10 מעכטיגע ביסן א סעקונדע), מ'קען דארט קויפן שטוהלן, טישן, שאפקעלעך, טעפעלעך, ביגל-אייזנס, פיצעלע-שטראלן מאשינען באזונדער פאר מילכיגס און פליישיגס, שווים-באסיינען פאר די קליינע, עלעקטראן-מאגנעטישע צעלן פאר שנעל-דרייענדיגע לופט בלאזערס (בעטעריס פאר פענס בלע"ז) און אויך גאנץ ביליגע לופט-אומשטענדן אפאראטן (עיר קאנדישאנס), לופט אפקילערס, לופט איינפרירערס, לופט איינדרוקערס, לופט רייניגערס, לופט נאסקייט אויסטרוקענערס, לופט שטויב איינשלונגערס, רעדעלעך פאר אויטאס, וויש-מעסערלעך-פאר-אויטא-פענסטערס (ווייפער בלעידס בלע"ז), קינדער ווישערס מיט א גערוך (בעיבי ווייפס וויט "סקענט"), פאפיר זעקעלעך, קינדער בלאזעריי זאפט (באבלס), קוואל וואסער, פענסטער פארטונקלערס, פענסטער גלאנצערס, פענסטער וויש-טיכלעך, האנטוכער, פארב פאר'ן דאך, פארב פאר די שוך, פארב פאר די אויטא, פארב פאר די ברילן, פאסיקלעך פאר די אויטא, פאסיקלעך פאר די הויזן, פאסיקלעך צו שלעפן שאכטלעך אויף וועגאלעך, פאסיקלעך איינצוהילן געשאנקען, פאסיקלעך צו האלטן שרויפן ציערס און אנדערע בויעריי געצייג, שרויפן ציערס, האמערס, שרויפן, טשוואקעס מיט א קעפל, טשוואקעס אן א קעפל, פאפיטעס מיט א שוואכן הכשר, פאפיטעס אן א הכשר בכלל, רויטע מעלאנע אן קערלעך, רויטע מעלאנע מיט קערלעך, קערל-לאזע (סידלעס בלע"ז) טרויבן מיט קערלעך און אן קערלעך, טינט, פאפיר צו שרייבן, פאפיר צו ווישן, פאפיר צו הויבלען.

אה, וואס נאר? אידיש ווען פאסיבל. גוט.

לעווי
שר האלף
תגובות: 1915
זיך איינגעשריבען אום: זונטאג יוני 22, 2008 12:04 pm

תגובהדורך לעווי » מיטוואך יולי 23, 2008 2:35 pm

יום טוב, זייער גוט!!!!!!! איך האב זייער הנאה געהאט פון דער תגובה, און אויך געלאכט א שיינע פאר מאל. ספעציעל איז מיר געפאלן די מעכטיגע ביסן (מעגא בייטס)!

דרך אגב, זאג נאר, ווי אזוי זאגט מען אויטא אין אידיש?
ארויף קריכט מען פאוואליע, אבער אראפ קוילערט מען זיך שנעל!

אוועטאר
יאנאש
שר שמונת אלפים
תגובות: 8286
זיך איינגעשריבען אום: מיטוואך יוני 28, 2006 8:40 pm
לאקאציע: וואו בינעך טאקע?

תגובהדורך יאנאש » מיטוואך יולי 23, 2008 2:51 pm

יו"ט, ריזיג ריזיג.

איך שטים איין מיט מיללער אויף 2. 3. 4. עס איז געשמאק צו לעזן, מען ווייסט פון וואס מען רעדט, און עס איז געהעריג אידיש.

אוועטאר
צייטליך
מ. ראש הקהל
תגובות: 12466
זיך איינגעשריבען אום: מיטוואך נובעמבער 01, 2006 6:13 pm
לאקאציע: ערגעץ דא אין די געגענט.

תגובהדורך צייטליך » מיטוואך יולי 23, 2008 6:35 pm

ווי קום איך דען אריין אין אידש, אבער אז מ'רעדט פון די זאכן וויל איך נאר זאגן מיין ארימען מיינונג.

ס'איז אלץ בעסער צו שרייבן די היינטיגע אידיש-געניצטע ווערטער (אידיש-ענגליש) אז דער פשוטער המון עם זאל דאס פארשטיין. זוכט נישט אויסצוטרעפן קיין עכט-אידישע ווערטער און אפטיישטן ווייל מ'וועט דאס פארשטיין ווי די היינטיגע עיברית וואס ווערט דא געניצט.

יו"ט האסט מיך באמת מחי' געווען מיט דיין אידישן ארטיקל.
איך בין צייטליך און איך האב עפראווד די תגובה.

אוועטאר
מאשקע
מ. ראש הקהל
תגובות: 12555
זיך איינגעשריבען אום: מיטוואך נובעמבער 15, 2006 2:40 am
לאקאציע: אין די חיפוש

תגובהדורך מאשקע » מיטוואך יולי 23, 2008 8:34 pm

יאמטי, כ'האב מיך נישט געקענט איינהאלטן פון לאכן ביים ליינען דיין תגובה.

מענטש, דו ביזט גרויס!
(פרייע איבערזעצונג פון ענגליש)
An article a day keeps the babies away

אוועטאר
מאשקע
מ. ראש הקהל
תגובות: 12555
זיך איינגעשריבען אום: מיטוואך נובעמבער 15, 2006 2:40 am
לאקאציע: אין די חיפוש

תגובהדורך מאשקע » מיטוואך יולי 23, 2008 8:35 pm

אגב, כ'מיין אז דער ריכטיגער ווארט פאר "פערפעקט" איז "אויסגעצייכנט".
An article a day keeps the babies away

אוועטאר
איך_הער
סעקרעטאר
תגובות: 18576
זיך איינגעשריבען אום: דינסטאג יולי 04, 2006 6:47 pm
לאקאציע: אין אפיס
פארבינד זיך:

תגובהדורך איך_הער » מיטוואך יולי 23, 2008 8:52 pm

הרב מילער, ס'איז א חילוק פון פלעין אידיש, מיט אמעריאידיש, ווי דו רופסטעס. דאס איז מיין מיינונג, און איך האלט קלאר פון ניצן פלעין אידיש, ס'איז געשמאק צו ליינען, און גרינג צו פארשטיין, און לגמרי נישט פאני.

אויב זוכט מען אויסצולערנען דעם עולם, נייע ווערטער, זאל מען דערפאר עפענען אן אשכול, און דיסיידען וועלכע ווארט מ'וויל ניצן פארוואס, און עס אנפאנגען ניצן רעכט'ס און לינקס, אפילו נישט אין די קרעטשמע, ביז מ'וועט ווערן סוקסעספול, מ'דארף דערצו נישט אנ'חזיר'ן א גאנצע סייט.


צוריק צו “שפראך, גראמאטיק און דקדוק”

ווער איז אונליין

באנוצערס וואס דרייען זיך דא: נישטא קיין איינגעשריבענע באנוצערס און 3 געסט