א גוטן טאג
נעם אינאכט צוויי זאכן ביים ליינען אנקעטעס צווישן טראמפ און ביידן. איינס איז אז אנקעטעס פון רעגיסרטירטע וויילער זענען געווענליך שוואכער פאר טראמפ ווי מען זעט אין די היינטיגע וואשינגטאן פאוסט אנקעטע אז ביידן איז פאראויס מיט פופצן פונקטן נאציאנאל ביי רעגיסטרירטע וויילער אבער עס פאלט צו אן אויבערהאנט פון צען פונקטן ווען מען קוקט אויף די ווארשיינליכע וויילער, לייקלי וואוטערס, קאלום. נישט אלע אנקעטעס האבן איצט לייקלי רעזולטאטן. די צווייטע שפיץ איז אז לעת עתה זענען די אנקעטעס פאר טראמפ ווייניגער שוואך אין די סווינג סטעיטס. נאציאנאל איז ביידן פאראויס מיט כמעט ניין פונקטן לויט די דורכשניט פון אנקעטעס אבער אין א רייע סווינג סטעיטס איז עס א דיפערנעץ פון זעקס-זיבן פונקטן
רוב אנקעטעס וואס מען האט געזען אין די נייעס די לעצטיגע וואכן זענען נאציאנאל און רעגיסטרירטע וויילער; נישט ווארשיינליכע וויילער אין די סטעיטס ווייל די ערשטע סארט אנקעטעס זענען דאס ארגסטע פאר טראמפ, און ארויס געבן אזעלכע אנקעטעס העלפט אונטערהאקן די גוסטע פון זיינע שטיצער און עס ברענגט אויך נאכאנאדע דעקונג אין די אלגעמיינע מידיא פאר די אנקעטע נעמער וואס צייגט אז טראמפ איז אין דער ערד. די הויפט נייעס פון די וואשינגטאן פאוסט אנקעטע איז די רעגיסטרירטע וויילער רעזולטאטן און נישט די ווארשיינליכע וויילער רעזולטאטן. אזלעכע דעקונג אין די מידיא קען פירן צו א פאקטישע אויסגאנג אין די וואלן אויך. פון די אנדערע זייט אבער אפילו אויב די אנקעטעס זענען פארריקט בלויז האלב איז טראמפ אויף צרות לויט די איצטיגע אנקעטעס
טראמפ האט אויך אן אישו אז די גרויסע ראליס וועלכע האבן געהאלפן טרייבן זיינע שטיצער זענען דערווייל סוספענדירט צוליב קאראנאוויירוס. אין 2016 האבן זיינע שטיצער געהאקט שטיקער אויף טוויטער, אבער איצט זענען א גרויס טייל פון זיי אראפ געווארפן געווארן פונעם פלאטפארמע. טראמפ האט אויך גענוצט גוגעל עדס זייער אפעקטיוו אין 2016 אבער גוגעל לאזט נישט איצט נוצן די זעלבע סארט טארגעטינג. בעסיקלי, אסאך געצייג וואס ער האט געהאט אין 2016 האט ער נישט איצט דריי א האלב מאנאטן צו די וואלן
לויט דעם וויל מען וויסן וואס איך האלט וועגן די אויסגאנג. דער אמת איז אז מען קען טעהנ'ען אויף ביידע וועגן, און געשוואוירענע טראמפ פיינט וואס קענען גוט פאליטיק וואלטן נישט געלייגט אלע זייערע טשיפס אויף די זייט פון א פארלוסט אפילו אויב זיי האלטן און האפן אז ער וועט פארלירן. אלזא, וואס האב איך מוסף צו זיין? זאגן אז זאכן קענען ווערן בעסער פאר אים צוליב א רייע סיבות איז נישט אינטערסאנט. ווידעראום נאכזאגן וואס מען זעט פון אנקעטעס איצט אז ער איז אויף געהאקטע צרות, איז אויך גארנישט מחדש
איר קענט שיקן די אימעיל ווייטער מיט דעם לינק וואו מען קען זיך ארויף שטעלן אויף די ליסטע
https://goo.gl/ju3pcF