הכל הבל האט געשריבן:עס איז הימל און ערד און באונטי איבער די באריכט אז די רוסן האבן באצאלט צו מארדן אמעריקאנע זעלנער
איבער די פאליטיק פון טראמפ'ס יא אדער נישט וויסן און זיין האנדלונג איז שוין אסאך געשריבן געווארן אבער איינע פון די זאכן וואס די ווייסע הויז ברענגט ארויס איז דאס אז עס זענען געווען אומאיינשטימיגקייטן אינערהאלב די שפיאנאזש געמיינדע ווען עס איז געקומען צו באשטעטיגן די באריכטן
ווער עס וויל זיך ווייטער פראסקענען איבער די טעמע איז העפליך פארבעטן עס צו טוהן אין די אשכול ספעציעל דעזיגנירט פאר אט די צוועק אבער דא זענען מיר איצט געקומען בלויז צו פרובירן אביסעלע אויסצוקלארן איבער וואס די אומאיינשטיגקייטן האנדלען זיך
אלעס איז דערווייל בלויז באריכטן אבער דאס איז וואס זיי פארציילן
די סי איי עי איז פעסט ביי זיך אז די רוסן האבן ווירקליך טאקע געגעבן געלט פאר די טאליבאן אומצוברענגן אמעריקאנער אבער די ען עס עי איז סקעפטיש דערוועגן
פארוואס? זיי זאגן אז זיי האבן נישט באוויזן צו באשטעטיגן די שפיאנאזש פון די סי איי עי דורך זייער אייגענע סיגנאל זאמלונג סיסטעם וואס באדייט אז אמעריקא מאנגלט אין א דירעקטע באווייז אז די אפעראציע איז פארבונדן צו די קרעמלין
לויט די ען עס עי וואלט אן אפעראציע פון אזא סענסיטיווע קאליבער געמוזט ווערן קאמיוניקירט מיט מאסקווע דורך אמווייניגסטנס טייל פון די ליניעס איבער וועלכע זיי קענען אויפכאפן
ען עס עי איינגעשטעלט אנטזאגן זיך צו ערקלערן די אונטערלאגע צו זייער קעגנערשאפט צו באשטעטיגן די סי איי עי שפיאנאזש געפינסן אבער אנאליסטן צייגן אן אויף צוויי פונקטן וועלכע העלפט פארשטיין די שטעלונג פון די אגענטור
1) די ען עס עי אפגאניסטאן אפטיילונג האט נישט באוויזן אויפצוכאפן סיי וועלכע קאמיוניקאציע צווישן GRU אפיצירן דיסקוסירן אזא פלאן און טראץ וואס די GRU אפיצירן אנגעבליך פארוויקלט אינעם פלאן האבן אפערירט אפגעזונדערט פון די GRU אפטיילונג אין קאבול וואלט פארט נאטורליך פארבליבן עפעס ברעקלעך פון שפורן פון אזעלכע דיסקוסיעס לויט ווי די ען עס עי גלויבט און דערווייל האבן זיי אזאנס נישט אויפגעכאפט
2) די ען עס עי וועלכע אונטערזוכט טעלעפאן רופן, טעקסט מעסעדזשעס און אימעילס האט נישט אויפגעכאפט קיין קאמיוניקאציע צווישן די GRU סטאנציאנירט אין קאבול און די GRU הויפטקווארטירן אין מאסקווע
זיי צייגן אן אז געוויס איז פוטין זעלבסט געווענליך אויסגעהיטן פון לאזן שפורן אז ער פערזענליך איז פארמישט אין אזעלכע אקטיוויטעטן אבער אזא סענסיטיווע פראיעקט איז זיכער איין וועלכע מוז ווערן אויטאריזירט און רעגלמעסיג באגלייט פון די העכסטע פענסטער און וואלט זיכער אויפגעטריבן עפעס דאטא פון נאכאנאנדע פארבינדונגען פון קאבול קיין מאסקווע
הגם, מען קען צווייפלען אויף די באהויפטונג און שפעקולירן אז דאסמאל זענען די רוסן געווען ספעציעלע פארזיכטיג נישט איבערצולאזן קיין פינגער אפדרוקן און מעגליך זיך באנוצט אויסשליסליך מיט רויע קאמיוניקאציע מעטאדן ווי מענטשליכע שלוחים און מעסעדזשעס צו פארמיידן דאס ווערן אויפגעכאפט אויף סיי וועלכע פלאטפארמע אפן צו די ען עס עי און טאקע דערפאר איז עס בלויז געלונגען פאר די סי איי עי צו דערגיין און טאקע דורך מענטשליכע שפיאנאזש
עס ווערט באריכטעט אז די שפיאנאזש געמיינדע האט איז אנדעקט ריזיגע געלט טראזאקציעס פון באנק אקאונטס קאנטראלירט דורך די רוסישע שפיאנזש צו אקואטנס פארבונדן מיט די טאליבאן
לויט די טיימס זענען 3 אמעריקאנע מארינען אומגעברענגט געווארן א דאנק די אפעראציע